இந்தியா அதிகப்படியான சுற்றுச்சூழல் விதிகளிலிருந்து ஏற்றுமதிகளைப் பாதுகாக்க வேண்டும்; ஐரோப்பிய ஒன்றிய காலநிலை நிதி வாக்குறுதிகள் நிறைவேற்றப்படுவதை உறுதி செய்ய வேண்டும்.
அமெரிக்க வரிகள் கவனத்தை ஈர்த்துள்ள நிலையில், இந்தியா-ஐரோப்பிய ஒன்றிய பரந்த அடிப்படையிலான வர்த்தக மற்றும் முதலீட்டு ஒப்பந்தத்திற்கான (Broad-based Trade and Investment Agreement (BTIA)) 2025 காலக்கெடு நெருங்கி வருகிறது. இந்தியா தொடர்ந்து "சமச்சீர் மற்றும் பரஸ்பர நன்மை பயக்கும் "தடையில்லா வர்த்தக ஒப்பந்தத்தை இலக்காகக் கொண்டுள்ளது. இந்த சமநிலை முக்கியமானது. "ஐரோப்பிய ஒன்றியம் 99% பொருட்களுக்கான வரிகளைக் குறைக்கிறது, இந்தியா 94%-ல்" போன்ற தலைப்புச் செய்திகள் தவறாக வழிநடத்தும். ஏனெனில், ஐரோப்பிய ஒன்றியத்திற்க்கான இந்திய ஏற்றுமதிகளில் கிட்டத்தட்ட 80% ஏற்கனவே 1%-க்கும் குறைவான வரிகளை எதிர்கொள்கின்றன. இதில் முக்கிய பகுதியாக நெசவு துறை உள்ளது. அவை அமெரிக்க வரிகளால் பாதிக்கப்படுகின்றன. ஐரோப்பிய ஒன்றிய வரிகள் சிக்கலானவை மற்றும் அணுகல் மாறிவரும் தரநிலைகளைப் பொறுத்தது என்பதால் விவசாயப் பொருட்கள் குறைவான நம்பிக்கைக்குரியதாகத் தெரிகிறது.
பேச்சுவார்த்தைகள் மீண்டும் தொடங்கியதிலிருந்து, ஐரோப்பிய ஒன்றியம் அரசுக்குச் சொந்தமான நிறுவனங்கள், எரிசக்தி, வெளிப்படைத்தன்மை, நிலையான உணவு அமைப்புகள் மற்றும் ஊழல் எதிர்ப்பு போன்ற வர்த்தகம் அல்லாத பிரச்சினைகள் குறித்து பல புதிய அத்தியாயங்களைச் சேர்த்துள்ளது. இவை 2013-ஆம் ஆண்டுக்கு முன்பு இருந்த "வர்த்தகம் மற்றும் நிலையான வளர்ச்சி" என்ற ஒற்றை அத்தியாயத்தைவிட மிக அதிகமாக செல்கின்றன. இந்தியா இந்தக் கோரிக்கைகளை எதிர்த்தது.
இணக்கத்தைக் கண்காணிக்க சமீபத்தில் பிரஸ்ஸல்ஸில் ஒரு தலைமை வர்த்தக அமலாக்க அதிகாரி நியமிக்கப்பட்டார். இந்தியாவில் இதே போன்ற அமைப்பு இல்லை. இது ஒரு ஏற்றத்தாழ்வை உருவாக்குகிறது.
ஐரோப்பிய ஒன்றியம் அதன் தடையில்லா வர்த்தக ஒப்பந்தங்களைச் செயல்படுத்துவதில் மிகவும் தீவிரமாகி வருகிறது. நிலக்கரி பயன்பாடு, மதுபான வரிகள் மற்றும் தொழிலாளர் சட்டங்கள் போன்ற பிரச்சனைகளில் கூட்டாளி நாடுகளுக்கு அது இப்போது அழுத்தம் கொடுக்கிறது. ஜப்பான், தென் கொரியா, வியட்நாம் மற்றும் கனடா போன்ற நாடுகள் ஐரோப்பிய ஒன்றிய கோரிக்கைகள் காரணமாக உள்நாட்டுச் சட்டங்களை மாற்றவும் சர்வதேச தொழிலாளர் அமைப்பு (International Labour Organization (ILO)) மரபுகளை அங்கீகரிக்கவும் வேண்டியிருந்தது.
சமநிலையை உருவாக்குதல்
சந்தை அணுகல் மற்றும் வர்த்தகம் அல்லாத உறுதிமொழிகள் இரண்டிலும் பரந்த அடிப்படையிலான வர்த்தக மற்றும் முதலீட்டு ஒப்பந்தம் (Broad-based Trade and Investment Agreement (BTIA)) ஐரோப்பிய ஒன்றியத்திற்கு சாதகமாக இருக்கும் என்பதால், ஒப்பந்தத்திலிருந்து உண்மையான நன்மைகளைப் பெற இந்தியா சமநிலைப்படுத்தும் நடவடிக்கைகள் தேவை. வர்த்தகம் அல்லாத பிரச்சினைகள் குறித்த சில சாத்தியமான கோரிக்கைகள் பின்வருமாறு:
முதலீடு தொடர்பான வர்த்தக அணுகல்:
இந்தியாவின் பாரிஸ் ஒப்பந்த உறுதிமொழிகளின் கீழ் பசுமைத் துறைகளில் ஐரோப்பிய ஒன்றிய முதலீடு கட்டணச் சலுகைகளுடன் இணைக்கப்பட வேண்டும். உண்மையான காலநிலை நிதி பற்றாக்குறையாக உள்ளது, அதே நேரத்தில் ஐரோப்பிய ஒன்றிய நிறுவனங்கள் பசுமை நடவடிக்கை என்று கூறி கேள்விக்குரிய கார்பன் வரவுகளுக்கு அதிக தொகைகளை செலவிடுகின்றன. இத்தகைய உறுதிமொழிகள் இந்தியா ஒரு உண்மையான காலநிலைத் தலைவராக செயல்பட அனுமதிக்கும்.
ஒழுங்குமுறை மாற்றங்கள்:
இந்தியாவின் ஏற்றுமதிகளுக்கு கார்பன் எல்லை சரிசெய்தல் பொறிமுறை (Carbon Border Adjustment Mechanism (CBAM)), காடழிப்பு ஒழுங்குமுறை மற்றும் பெருநிறுவன நிலைத்தன்மை தொடர்பான உத்தரவு போன்ற கடுமையான ஐரோப்பிய ஒன்றியம் சுற்றுச்சூழல் விதிகளிலிருந்து பாதுகாப்பு தேவை. இந்த விதிகள் ஏற்கனவே ஐரோப்பிய ஒன்றியம் தொழில்களுக்கு, குறிப்பாக சிறு மற்றும் நடுத்தர வணிகங்களுக்கு சிரமங்களை உருவாக்கி வருகின்றன. மேலும், இவை ஐரோப்பாவிலிருந்து உற்பத்தியை வெளியேற்றக்கூடும். ஐரோப்பிய ஒன்றியம் அமெரிக்காவிற்கு விலக்கு அளித்துள்ளது. வளரும் நாடுகளை கடுமையான விதிகளைப் பின்பற்ற கட்டாயப்படுத்தும் அதே வேளையில், மிகப்பெரிய மாசுபடுத்துபவருக்கு விலக்கு அளிப்பது BTIA மூலம் பெறப்படும் எந்தவொரு சிறிய கட்டண சலுகைகளையும் குறைக்கும்.
விதி மாற்றங்களில் சம பங்கு :
அதன் ஏற்றுமதியைப் பாதிக்கும் ஐரோப்பிய ஒன்றியம் விதிமுறைகள் மாற்றப்படும் போதெல்லாம் இந்தியாவுடன் கலந்தாலோசிக்கப்பட வேண்டும். ஐரோப்பிய ஒன்றியம் பெரும்பாலும் அதன் சந்தை சக்தியைப் பயன்படுத்தி அதன் கூட்டு நாடுகளின் கொள்கைகளில் செல்வாக்கு செலுத்த முயற்சிக்கிறது. தடையில்லா வர்த்தக ஒப்பந்தத்தில் ஆலோசனையைச் சேர்ப்பது ஒவ்வொரு நாட்டுடன் தொடர்ச்சியான மோதல்களைத் தடுக்கும். எடுத்துக்காட்டாக, கார்பன் எல்லை சரிசெய்தல் பொறிமுறை (Carbon Border Adjustment Mechanism (CBAM)), மற்றும் ஐரோப்பிய ஒன்றிய காடழிப்பு ஒழுங்குமுறை (European Union Deforestation Regulation (EUDR)) இரண்டும் முறையாகவும் முறைசாரா முறையிலும் சவால் செய்யப்பட்டன.
சர்ச்சை தீர்வுக்கான பாதுகாப்புகள் :
ஐரோப்பிய ஒன்றியம் சில கூற்றுக்களை உரைகளில் முன்வைக்கிறது, ஆனால் பின்னர் சர்ச்சைக்குரிய பகுதிகள் குறித்து ஆலோசனைகள் தொடங்குகிறது. தொழிலாளர் உரிமைகள் தொடர்பான தகராறால் கொரியா ஆச்சரியப்பட்டது. FTA காரணமாக வியட்நாம் மதுபானம் மீதான வரிகளைக் குறைக்க வேண்டும் அல்லது அதன் தொழிலாளர் சட்டங்களில் பெரிய மாற்றங்களைச் செய்ய வேண்டியிருக்கும்.
இத்தகைய தடுப்புகள், ஐரோப்பிய ஒன்றியத்தின் அரசு சாராத நிறுவனங்கள் புதுமையான விளக்கங்களுடன் தடையில்லா வர்த்தக ஒப்பந்த உரைகளை தவறாகப் பயன்படுத்துவதைத் தடுக்கும் மற்றும் ஐரோப்பிய ஒன்றியம் மீதான நம்பிக்கையை அதிகரிக்கும்.
சுகாதார அவசரநிலைகள்:
உலகளாவிய தெற்கு முழுவதும் மக்களின் ஆரோக்கியத்தைப் பாதுகாக்க நெருக்கடிகளின்போது மருந்துகள் மற்றும் தடுப்பூசிகளுக்கான அறிவுசார் சொத்து சேமிப்பின் வர்த்தகம் தொடர்பான அம்சங்கள் (Trade-Related Aspects of Intellectual Property Storage(TRIPS)) விதிகளைத் தள்ளுபடி செய்ய ஐரோப்பிய ஒன்றியம் ஒப்புக் கொள்ள வேண்டும். WHO ஒரு தொற்றுநோயை அறிவித்தவுடன் ஐரோப்பிய ஒன்றியம் தயாரித்த மருந்துப் பொருட்களுக்கு தானியங்கி TRIPS தள்ளுபடி இதில் அடங்கும்.
நுகர்வு குறைப்புக்கள்:
அத்தியாவசிய காலநிலை நடவடிக்கையை ஆதரிக்க இந்தியாவின் "சுற்றுச்சூழலுக்கான வாழ்க்கை முறை" (Lifestyle for Environment (LiFE)) கொள்கைகளைப் பின்பற்றி ஐரோப்பிய ஒன்றியம் ஒரு நபர் நுகர்வைக் குறைக்க வேண்டும். ஒரு நபருக்கு ஐரோப்பிய ஒன்றியம் நுகர்வு உலகளாவிய சராசரியைவிட மிக அதிகம். அமெரிக்க சுற்றுச்சூழல் பாதுகாப்பு நிறுவனத்தின்படி, கார்பனின் சமூக செலவு டன்னுக்கு $220 ஆகும்.
காலநிலை நிதி:
ஐரோப்பிய ஒன்றியம் அதன் காலநிலை நிதி வாக்குறுதிகளை செயல்படுத்த வேண்டும் மற்றும் அவற்றை மறுபரிசீலனை செய்ய அனுமதிக்க வேண்டும். 2023ஆம் ஆண்டில், ஐரோப்பிய ஒன்றியம் சர்வதேச நிதிக்காக உமிழ்வு வர்த்தக அமைப்பிலிருந்து (Emissions Trading System (ETS)) அதன் 46.7 பில்லியன் வருவாயில் 0.1 பில்லியனை மட்டுமே பயன்படுத்தியது. வர்த்தகம் மற்றும் சந்தை அணுகலுடன் இணைக்கப்பட்டால், ஐரோப்பிய ஒன்றியம் அதன் காலநிலை நிதி உறுதிமொழிகளுக்கு முன்னுரிமை அளிக்க வேண்டும். இது ஐரோப்பிய ஒன்றியம் அதன் வாக்குறுதிகளை உண்மையாக வைத்திருக்கவும், காலநிலை மாற்றத்தில் முன்னணி உலகளாவிய செயற்பாட்டாளராக அதன் நிலையை வலுப்படுத்தவும் உதவும். இந்தியாவில் முதலீடு செய்வது உமிழ்வைக் குறைப்பதில் மிகச் சிறந்த முடிவுகளை வழங்கும்.
வாய்ப்பைக் குறைத்தல்
பரந்த அளவிலான வர்த்தக மற்றும் முதலீட்டு ஒப்பந்தம் கிட்டத்தட்ட 20 ஆண்டுகளாக பேச்சுவார்த்தையில் ஈடுபட்டுள்ளது. இந்தக் காலகட்டத்தில், இந்தியா முன்னேறியுள்ளது, அதே நேரத்தில் ஐரோப்பிய ஒன்றியம் இந்தியாவில் அதன் சந்தைப் பங்கையும் அதன் உற்பத்தி வலிமையையும் இழந்துள்ளது. வேறுபாடு தெளிவாக உள்ளது: இந்தியா ஐரோப்பிய ஒன்றியம் வளர்ந்து வரும் சந்தையை வழங்குகிறது. ஆனால், ஐரோப்பிய ஒன்றியம் சொந்த வளர்ச்சி நிச்சயமற்றது.
வர்த்தகம் அல்லாத பிரச்சினைகளைச் சேர்ப்பதன் மூலமும், கிட்டத்தட்ட 20 ஆண்டுகால பேச்சுவார்த்தைகளைத் தாமதப்படுத்துவதன் மூலமும், ஐரோப்பிய ஒன்றியம் இந்தியாவில் முக்கியமான சந்தைப் பங்கை இழந்துள்ளது. 2010-ஆம் ஆண்டில், ஐரோப்பிய ஒன்றியம் இந்தியாவின் இறக்குமதியில் கிட்டத்தட்ட 12% கொண்டிருந்தது. 2025-ஆம் ஆண்டு, இது 8%-க்கும் சற்றுக் குறைந்தது. அதே நேரத்தில், சீனாவின் பங்கு 15%-க்கும் அதிகமாக உயர்ந்தது. இதற்கிடையில், இந்தியாவின் உற்பத்தி வலுவாக வளர்ந்துள்ளது. மேலும், ஐரோப்பா சீனாவை அதிகம் சார்ந்துள்ளது.
ஐரோப்பிய ஒன்றியத் தொழில்துறை மற்றும் கொள்கை வகுப்பாளர்கள் தொடர்ந்து பல விதிமுறைகளைத் திணித்தால், அவர்கள் அந்த வாய்ப்பை முழுவதுமாக இழக்க நேரிடும். ஐரோப்பாவிற்கு இப்போது சிறந்த அணுகுமுறை மாற்றங்களை ஒப்புக்கொள்வது, நியாயமான ஒப்பந்தத்திற்கு ஒப்புக்கொள்வது மற்றும் உலகின் வேகமாக வளர்ந்துவரும் பொருளாதாரத்துடன் ஒப்பந்தத்தை இறுதி செய்வது ஆகும்.
எழுத்தாளர் முன்னாள் ஐ.ஆர்.எஸ் மற்றும் வர்த்தக பேச்சுவார்த்தையாளர். சுற்றுச்சூழல் மற்றும் வர்த்தக நிர்வாகம் குறித்து அவர் ஆராய்ச்சி செய்கிறார்.