ஜனநாயக சீர்திருத்தங்களுக்கான சங்கத்தால் (Association for Democratic Reforms) வெளியிடப்பட்ட தரவு தேர்தல் பத்திரங்களின் தாக்கத்தை மதிப்பிடுவதில் முக்கிய பங்கு வகித்தது.
சமீபத்தில், தேர்தல் பத்திரங்கள் திட்டம் அரசியலமைப்பிற்கு விரோதமானது என்று உச்ச நீதிமன்றம் அறிவித்தது. அரசியல் கட்சிகளுக்கு, குறிப்பாக பெருநிறுவனங்களால் அதிகமாக நிதியளிக்கப்படுவது, ஜனநாயகத்தை குறைமதிப்பிற்கு உட்படுத்துகிறது என்று நீதிமன்றம் கூறியது. நன்கொடையாளர்கள் தங்கள் சுயவிவரங்களை ரகசியமாக வைத்திருக்கும் போது பத்திரங்களை வாங்க அதிகாரப்பூர்வ வங்கி கிளைகளை பயன்படுத்துவதால் இந்த திட்டம் வெளிப்படையானது என்ற அரசாங்கத்தின் கூற்றை ஒருமனதாக தீர்ப்பு நிராகரித்தது.
தேர்தல் பத்திரங்கள் வாக்காளர்களின் தகவல் அறியும் உரிமையை மீறுவதாக நீதிமன்றம் ஒப்புக்கொண்டது. குடிமக்கள் தங்கள் முடிவுகளை பாதிக்கக்கூடிய தகவல்களை அணுக வேண்டும் என்று நீதிபதி சஞ்சீவ் கன்னா வலியுறுத்தினார். இதன் பொருள் என்னவென்றால், வாக்காளர்களிடமிருந்து நிதி விவரங்களை மறைப்பது ஒரு சிக்கலான சூழ்நிலையை உருவாக்குவதால், பத்திரங்களுக்கு முறையான பணம் மட்டுமே பயன்படுத்தப்படுகிறது என்ற சொலிசிட்டர் ஜெனரல் துஷார் மேத்தாவின் வாதம் ஏற்ப்புடையதாக இல்லை.
இந்த வழக்கில் மனுதாரரான ஜனநாயக சீர்திருத்தங்களுக்கான சங்கத்தின் (Association for Democratic Reforms (ADR)) தரவு, தேர்தல் பத்திரத் திட்டம் அறிமுகப்படுத்தப்பட்டதிலிருந்து அடையாளம் தெரியாத மூலங்களிலிருந்து வருமானத்தின் ஒரு பகுதி உயர்ந்துள்ளது என்பதை வெளிப்படுத்துகிறது. இது அரசாங்கத்தின் கூற்றுக்கு மாறாக உள்ளது. ஜனநாயக சீர்திருத்தங்களுக்கான சங்கம் அரசியல் கட்சிகளின் வருமானத்தை இரண்டு முக்கிய வகைகளாகப் பிரிக்கிறது: தெரிந்தவை மற்றும் தெரியாதவை. அறியப்பட்ட வருமானம் மேலும் இரண்டு வகைகளாகப் பிரிக்கப்படுகிறது: ₹ 20,000 க்கும் அதிகமான தன்னார்வ பங்களிப்புகள், நன்கொடையாளர் விவரங்கள் இந்திய தேர்தல் ஆணையத்திற்கு சமர்ப்பிக்கப்படுகின்றன. அறியப்படாத வருமானத்தில் ₹ 20,000 க்கு கீழ் தன்னார்வ நன்கொடைகள் அடங்கும், அங்கு நன்கொடையாளர் விவரங்கள் வெளியிடப்படவில்லை.
நிதியாண்டு 2015 மற்றும் 2017க்கு இடையில் தேசியக் கட்சிகளுக்கான அறியப்படாத வருமான ஆதாரங்களின் பங்கு 66% லிருந்து நிதியாண்டு 2019 மற்றும் 2022 க்கு இடையில் 72% ஆக அதிகரித்துள்ளது என்று அட்டவணை 1 காட்டுகிறது. இந்த பகுப்பாய்வு திட்டம் அறிமுகப்படுத்தப்பட்ட நிதியாண்டு 2018 ஐ விலக்குகிறது. இந்த காலகட்டத்தில், அறியப்படாத ஆதாரங்களில் இருந்து பாஜகவின் வருமானம் 58% முதல் 68% வரை உயர்ந்தது, அதே நேரத்தில் காங்கிரஸின் வருமானம் 80% ஆக இருந்தது.
வெளிப்படைத்தன்மையைக் கோருவதற்கான ஒரு காரணம், இந்த நன்கொடைகளில் பல நிறுவனங்களிடமிருந்து வருகின்றன. இது ஒரு குறிப்பிட்ட குழுவிற்கு நியாயமற்ற செல்வாக்கை அளிக்கிறது. ஷெல் நிறுவனங்கள் உட்பட வரம்பற்ற கார்ப்பரேட் நன்கொடைகளை அனுமதிப்பது சுதந்திரமான மற்றும் நியாயமான தேர்தல்களின் கொள்கையை மீறுவதாக நீதிமன்றம் கருதியது.
இந்திய சட்ட ஆணையத்தின் 255வது அறிக்கை குறிப்பிட்ட குழுக்களுக்கு முக்கியத்துவம் அளிக்கப்படும்போது, “அரசியலில் ஒவ்வொரு குடிமகனுக்கும் சமமான பங்கேற்பு உரிமையை” மீறுகிறது என்று நீதிபதி கன்னா குறிப்பிட்டார். நிதியாண்டு 2017 முதல் 2022 வரையிலான காலகட்டத்தில் கார்ப்பரேட் நன்கொடைகளில் அதிக பங்கை பாரதிய ஜனதா கட்சி பெற்றதாக (ADR) தரவு காட்டுகிறது - ₹3,300 கோடிகள் அல்லது அவற்றில் 84% விளக்கப்படம் 2 கூறுகிறது.
பெரும்பாலான தேர்தல் பத்திரங்கள் ₹1 கோடிக்கு விற்கப்பட்டன. இது மதிப்பில் 90%க்கும் அதிகமாகவும், பத்திரங்களின் எண்ணிக்கையில் 50%க்கும் அதிகமாகவும் இருந்தது. மற்ற மதிப்புகளின் பங்கு - ₹10 லட்சம், ₹1 லட்சம், ₹10,000 மற்றும் ₹1,000 — தேர்தல் பத்திர விற்பனையில், விளக்கப்படம் 3 இல் காட்டப்பட்டுள்ளபடி ஒப்பிடுகையில், சில தனிநபர்கள் கோடிகளை நன்கொடையாக வழங்குவதால் நிறுவனங்கள் முக்கிய பங்களிப்பை வழங்குகின்றன என்பதை இது காட்டுகிறது என்று நீதிமன்றம் குறிப்பிட்டது. இந்த பத்திரங்களின் பெரும்பகுதி பா.ஜ.க.வுக்கு சென்றது என்றும் நீதிமன்றம் கண்டறிந்துள்ளது. ஜனநாயக சீர்திருத்தங்களுக்கான சங்கத்தின் தரவுகளின்படி, நிதியாண்டு 2018 மற்றும் 2022 க்கு இடையில், பாரதீய ஜனதா கட்சி தேர்தல் பத்திரங்கள் மூலம் ₹5,272 கோடி பெற்றுள்ளது. இந்த முறை மூலம் அரசியல் கட்சிகளுக்கு வழங்கப்பட்ட மொத்த பணத்தில் இது 57% ஆகும் என அட்டவனை 4 விளக்குகிறது.