அணு ஆயுதங்களைப் பயன்படுத்துவதற்கான எந்தவொரு அச்சுறுத்தல் செயல்களை தீவிரமாக எடுத்துக் கொள்ள வேண்டும்.
ரஷ்ய அதிபர் விளாடிமிர் புடின் கடந்த வாரம் ரஷ்யாவின் அணுசக்தி கொள்கையில் மாற்றங்களை அறிவித்தார். இந்த அறிவிப்பு ரஷ்யா-உக்ரைன் மோதல் தொடர்பான வளர்ந்து வரும் போர் பேச்சு பற்றி கவலை எழுப்புகிறது. ஐ.நா. பாதுகாப்பு ஆணையத்தின் உறுப்பினர்கள், இவ்வாறு நடந்து கொள்வது அதிர்ச்சியை ஏற்படுத்தியுள்ளது. அணு ஆயுத வல்லரசால் ஆதரிக்கப்படும் எந்த நாட்டிடமிருந்தும் ரஷ்யா தாக்குதலை எதிர்கொண்டால், ரஷ்யா அதை ஒரு "கூட்டு தாக்குதலாக" கருதி அதற்கேற்ப பதிலடி தரப்படும் என்று புதின் அறிவித்தார். ஒரு வழக்கமான தாக்குதல் " இறையாண்மைக்கு அச்சுறுத்தலை ஏற்படுத்தினால், ரஷ்யா அணு ஆயுதங்களைப் பயன்படுத்தலாம் என்று அவர் கூறினார்.
ரஷ்ய வெளியுறவு அமைச்சர் செர்ஜி லாவ்ரோவ், ஐ.நா பொதுச் சபைக் கூட்டத்தின் போது இதை மீண்டும் வலியுறுத்தினார். மாஸ்கோவிடம் அணு ஆயுதங்கள் இருப்பதால், போர்க்களத்தில் ரஷ்யாவை தோற்கடிக்க முயற்சிப்பது "அறிவற்றது" மற்றும் "தற்கொலைக்கு சமம்" என்று அவர் கூறினார். திரு புட்டினின் அணுசக்தி கோட்பாட்டின் இந்த திருத்தம் மற்றும் லாவ்ரோவ் தெரிவித்த கருத்துக்கள் உக்ரைன் அதிபர் வோலோடிமிர் ஜெலென்ஸ்கியின் அமெரிக்க பயணத்திற்கு எதிராக இந்த கருத்து பார்க்கப்படுகிறது. இந்த பயணத்தின் போது, ஜெலென்ஸ்கி உக்ரைனுக்கான புதிய "வெற்றித் திட்டத்தை" பற்றிய கோரிக்கையை முன்வைக்க உள்ளார்.
ரஷ்யாவில் தாக்குதல் நடத்த மற்ற நாடுகள் வழங்கிய கனரக ஆயுதங்கள் மற்றும் ஏவுகணைகளைப் பயன்படுத்த அமெரிக்கா மற்றும் பிற மேற்கத்திய நாடுகளிடம் உக்ரைன் அதிபர் திரு ஸெலென்ஸ்கி அனுமதி கோருகிறார். இதுவரை, ஸ்டோர்ம் ஷேடோ (Storm Shadow) மற்றும் ஏடிஏசிஎம்எஸ் (ATACMS) ஏவுகணைகள் போன்ற ஆயுதங்கள் உக்ரைனின் பாதுகாப்பிற்காக மட்டுமே பயன்படுத்த அனுமதிக்கப்பட்டன. எனினும், கடந்த ஆகஸ்ட் மாதம் ரஷ்யாவின் குர்ஸ்க் ஒப்லாஸ்து மீது உக்ரைன் படைகள் டாங்கிகள் மற்றும் ஆயுதங்களைப் பயன்படுத்தி தாக்குதல் நடத்திய போது மேற்கத்திய நாடுகள் கண்டுகொள்ளவில்லை. இது ஜெலென்ஸ்கிக்கு ஒரு அடையாள வெற்றியாக பார்க்கப்பட்டது. இது எதிர்கால அமைதிப் பேச்சுவார்த்தைகளில் அவருக்கு நன்மை அளிக்கும்.
அந்த படையெடுப்பிற்குப் பிறகு கியேவில் குறுகிய காலம் உற்சாகம் இருந்தபோதிலும், நம்பிக்கை குறைந்து விட்டது. இதற்கு பதிலடியாக ரஷ்யா குர்ஸ்க் நகருக்கு படைகளை அனுப்பி உக்ரைனின் போக்ரோவ்ஸ்க் பகுதியை சுற்றி புதிய தாக்குதலை நடத்தியது. இதற்கிடையில், மேற்கத்திய நாடுகள் நேரடியாக போரில் தலையிட விரும்பவில்லை. இதற்கு பதிலளிக்கும் விதமாக, அமெரிக்க அதிபர் ஜோசப் பைடன் உக்ரைனுக்கு $8 பில்லியன் கூடுதல் இராணுவ உதவியை அறிவித்தார். இருப்பினும், ரஷ்யாவிற்குள் தாக்குதல்களுக்கு இந்த உதவியைப் பயன்படுத்துவது பற்றி அவர் எதுவும் குறிப்பிடவில்லை.
ரஷ்ய அதிபர் புடின் சமாதானம் அடைவாரா அல்லது அணுசக்தி பயன்படுத்துவரா என்பது தெளிவாகத் தெரியவில்லை. பேச்சுவார்த்தை நடத்தி சமாதானத்தை அடைவதற்கான வழியைக் கண்டுபிடிப்பதில் கவனம் செலுத்தும் இந்தியா உள்ளிட்ட நாடுகள், இதுபோன்ற பேரழிவைத் தடுப்பதற்கான முயற்சிகளை அதிகரிக்கும் என்ற நம்பிக்கை உள்ளது.
ஜபோரிஜியா அணுமின் நிலையத்தைப் பற்றிய பாதுகாப்புக் பிரச்சனைகள் இருந்தபோது, மாஸ்கோவிற்கு செய்திகளை தெரிவித்ததாக இந்தியா கூறியுள்ளது. பிரிக்ஸ் (Brazil, Russia, India, China, South (BRICS)) உச்சி மாநாட்டிற்காக அக்டோபர் மாதம் ரஷ்யா செல்லும் போது பிரதமர் நரேந்திர மோடி அமைதிக்கான பேச்சுவார்த்தை நடத்த வேண்டும். உலகம் மேற்கு ஆசியாவில் அச்சுறுத்தலை எதிர்கொண்டு வருவதால், யூரேசியாவில் பனிப்போர் சூழ்நிலைக்குத் தவிர்ப்பது மிக முக்கியம். அதை செய்யாவிட்டால் அங்கு இரு தரப்பினரிடையே மோதல் ஏற்பட்டு அழிவிற்கு வழிவகுக்கும்.