குறைந்து வரும் நகர்ப்புற நுகர்வு வளர்ச்சி இயக்கவியலில் (growth dynamics) பாதிப்பை ஏற்படுத்த கூடும்.
இந்தியாவின் மொத்த உள்நாட்டு உற்பத்தியின் வளர்ச்சி 2023-24 நிதியாண்டில் 8.2 சதவீதத்தை எட்டியது. பருவமழை எதிர் பார்த்த அளவு இல்லாததால் விவசாய உற்பத்தி குறைந்துள்ளது. தனியார் நுகர்வு செலவு பொருளாதாரத்தின் பாதிக்கு குறைவாகவே வளர்ந்தது. தனியார் இறுதி நுகர்வு செலவு (private final consumption expenditure (PFCE)) 4% அதிகரித்துள்ளது. கோவிட்-19 தாக்கிய 2020-21-ஆம் ஆண்டைத் தவிர்த்து, 2002-03-ஆம் ஆண்டுக்குப் பிறகு இது மிகவும் குறைவாகும். விவசாயத் துறையின் பிரச்சனைகள் கிராமப்புற தேவைகளைப் பாதிக்கின்றன.
பொருளாதார வல்லுநர்கள் K- வடிவ (K-shaped) நுகர்வு முறையைக் குறிப்பிட்டுள்ளனர். எதிர் பார்த்த பருவ மழை இல்லாததால் விவசாயத் துறை கடுமையாக பாதிக்கப்பட்டுள்ளது. இது கிராமப்புற தேவையை குறைத்தது. பொருளாதார வல்லுநர்கள் "K- வடிவ" வடிவத்தையும் சுட்டிக்காட்டினர். அங்கு உயர்தர பொருட்கள் மற்றும் சேவைகள் மற்றவகளை விட அதிக அதிகமாக உள்ளன. இந்த ஆண்டு வழக்கமான பருவமழை விவசாயத் துறையை மீட்டெடுக்க உதவும் என்று எதிர்பார்க்கப்படுகிறது.
இதனால், கிராமப்புற தேவை மற்றும் ஒட்டுமொத்த நுகர்வு அதிகரிக்கும். இது வளர்ச்சியை ஆதரிக்கும் மற்றும் தனியார் முதலீட்டாளர்களை அதிக முதலீடு செய்ய ஊக்குவிக்கும் அளவிற்கு தொழில்துறை செயல்பாடுகளை அதிகரிக்கும். அதிக முதலீடுகள், வேலைகளை உருவாக்குதல் மற்றும் அதிக நுகர்வு ஆகியவற்றின் சுழற்சி நீடித்த வளர்ச்சிக்கு முக்கியமானது.
முதல் காலாண்டிற்கான வளர்ச்சி, இந்த நிலை வளர்ந்து வருவதைக் குறிக்கிறது. தனியார் இறுதி நுகர்வு செலவு (private final consumption expenditure (PFCE)) ஏழு காலாண்டு உயர்வான 7.4% ஆக உயர்ந்துள்ளது. இந்த அதிகரிப்பு மொத்த உள்நாட்டு உற்பத்தியின் வளர்ச்சியை 6.8% விட அதிகமாக உள்ளது. இரு சக்கர வாகன விற்பனை போன்ற கிராமப்புற தேவை குறிகாட்டிகளும் முன்னேற்றத்தைக் காட்டின. ஜூலை மாதத்தில் உண்மையான கிராமப்புற ஊதிய வளர்ச்சி நேர்மறையாக மாறியதாகவும், பணவீக்கம் குறைவதால் அப்படியே இருக்கும் என்றும் இந்தியா ரேட்டிங்ஸ் (India Ratings) மதிப்பிடுகிறது. இது நுகர்வுக்கு சாதகமான அறிகுறியாகும். இருப்பினும், நகர்ப்புற தேவை குறைவான அறிகுறிகளைக் காட்டத் தொடங்கியுள்ளதால், ஒரு மாற்றம் இருக்கலாம். கடந்த செவ்வாய்க்கிழமை, S&P குளோபல் ரேட்டிங்ஸ் இந்த ஆண்டு இந்தியாவின் வளர்ச்சி 6.8% ஆக இருக்கும் என்று கணித்துள்ளது.
இது இந்திய ரிசர்வ் வங்கி கணித்த 7.2% அதிகரிப்பை விட குறைவாகும். அதிக வட்டி விகிதங்கள் நகர்ப்புற தேவையை குறைக்கின்றன என்று அவர்கள் குறிப்பிட்டனர். ஜூலை மாதத்திற்கான ரிசர்வ் வங்கியின் நுகர்வோர் நம்பிக்கை கணக்கெடுப்பு, நகர்ப்புற வாங்குபவர்களிடையே தற்போதைய மற்றும் எதிர்கால நம்பிக்கை நிலைகளில் சரிவை வெளிப்படுத்தியது. இந்த நிலையை நிதி அமைச்சகமும் கவனித்துள்ளது. நகர்ப்புற தேவை பலவீனமடைவதற்கான குறிகாட்டியாக ஏப்ரல் முதல் ஆகஸ்ட் வரையிலான பயணிகள் வாகன விற்பனையில் வீழ்ச்சி ஏற்பட்டுள்ளதை நிதியமைச்சகம் கவனித்துள்ளது.
இது நகர்ப்புற தேவையை குறைத்துள்ளது. பண்டிகைக் காலம் இந்தப் நிலையை மேம்படுத்தும் என்று அவர்கள் நம்பினாலும், அதிக உணவுப் பணவீக்கம் மக்களின் அத்தியாவசியப் பொருட்களுக்கு செலவழிக்கும் திறனைக் கட்டுப்படுத்தி, வளர்ச்சியை பாதிக்கிறது. வளர்ச்சி மற்றும் முதலீடு அதிகரிப்பதற்கு, பண்டிகைக் காலத்திலும் அதற்குப் பின்னரும் நகர்ப்புறச் செலவுகள் மிக முக்கியம்.
உலகளாவிய எண்ணெய் விலை குறைந்துள்ள நிலையில், எரிபொருள் மீதான வரியைக் குறைப்பதன் மூலம் சேமிப்பை நுகர்வோருக்கு வழங்குவது குறித்து அரசாங்கம் பரிசீலிக்க வேண்டும். ஒரு குறிப்பிடத்தக்க எரிபொருள் விலைக் குறைப்பு, மார்ச் மாதத்தில் சிறிய இரண்டு ரூபாய் குறைப்பு மட்டுமல்ல, பொருளாதாரத்தில் தேவையை அதிகரிக்க உதவும்.