வடகிழக்கு பருவமழையின் தாக்கத்தை புரிந்து கொள்வதற்கு நமது கட்டமைப்பபை மேம்படுத்த வேண்டும்.
இந்தியாவில் தென்மேற்கு பருவமழை முடிவடைந்தது. எதிர்பார்த்ததை விட 8% அதிகமாக மழை பெய்தது. குறிப்பாக, ஜூலை மாதத்தில் இருந்து இந்திய வானிலை ஆய்வு மையம் இதை துல்லியமாக கணித்திருந்தது. நாடு முழுவதும் பருவமழை மேகங்கள் இன்னும் காணப்படுகின்றன. இருப்பினும், இந்திய பொருளாதாரத்திற்கு மழை முக்கியமானது என்பதால், தற்போது அனைவரின் பார்வையும் வடகிழக்கு பருவமழை மீது திரும்பியுள்ளது. நிலத்திலிருந்து கடலுக்குச் செல்லும் காற்று வீசும் திசையில் ஏற்படும் மாற்றத்தின் காரணமாக இந்த பருவமழை வடகிழக்கு பருவமழை என பெயர் பெற்றது.
அக்டோபர் நடுப்பகுதியில் தென்மேற்கு பருவமழை முடிந்த பிறகு, வடகிழக்கு பருவமழை தொடங்குகிறது. இந்த பருவமழை கடலோர ஆந்திரா, தமிழ்நாடு, கேரளா மற்றும் தெற்கு கர்நாடகாவில் மழையைக் கொண்டு வருகிறது. தமிழ்நாட்டை பொறுத்தவரை வடகிழக்கு பருவமழை மழை முக்கிய ஆதாரமாக உள்ளது. இந்த பருவமழை இந்தியாவின் மொத்த ஆண்டு மழையில் 11% பங்களிக்கிறது.
இந்த ஆண்டு பருவமழைக்கு பிந்தைய மழை இயல்பை விட அதிகமாக இருக்கும் என்று இந்திய வானிலை ஆய்வு மையம் கணித்துள்ளது. இது வரலாற்று சராசரியை விட சுமார் 12% அதிகமாக இருக்கும் என்று எதிர்பார்க்கப்படுகிறது. தென்மேற்கு பருவமழையை விட வடகிழக்கு பருவமழை காலத்தில் , இது தமிழ்நாடு மற்றும் ஆந்திராவில் அரிசி மற்றும் மக்காச்சோள உற்பத்தியை பெரிதும் பாதிக்கிறது. மழைப்பொழிவு குறைவாக இருக்கும் போது, இப்பகுதிகளில் விவசாய உற்பத்தி கணிசமாக குறைகிறது என்று பதிவுகள் குறிப்பிடுகின்றன. ஐந்து முக்கிய பகுதிகளில் சராசரியாக பெய்யும் வடகிழக்கு பருவமழை கிட்டத்தட்ட 25% மாறுபாட்டைக் காட்டுகிறது.
இது தென்மேற்கு பருவமழையின் 10% மாறுபாட்டை விட அதிகமாகும். இது பல ஆண்டுகளாக கடுமையான மழை மற்றும் வறண்ட காலங்களுக்கு வழிவகுக்கும். உதாரணமாக, 2015-ஆம் ஆண்டில், வடகிழக்கு பருவமழையின் போது சென்னையில் பெரும் வெள்ளம் ஏற்பட்டது. பல இறப்புகளையும் சேதங்களையும் ஏற்படுத்தியது. 2019-ஆம் ஆண்டில், சென்னையில் கடுமையான தண்ணீர் பற்றாக்குறை இருந்தது.
பூமத்திய ரேகை மத்திய பசிபிக் பகுதியை குளிர்விக்கும் லா நினா இந்த ஆண்டு பருவமழைக்கு உதவும் என்று பல ஆய்வாளர்கள் கூறுகிறார்கள்.
இருப்பினும், பெரும்பாலான உலகளாவிய மாதிரிகள் இந்த ஆண்டு லா நினாவின் சரியான நேரத்தை கணிக்க சிரமப்படுகின்றன. மேம்பட்ட முன்னறிவிப்பு அமைப்புகள், வடகிழக்கு பருவமழையின் மீது அதிக கவனம் செலுத்த உதவுகின்றன. இருப்பினும், நகர்ப்புற வெள்ளத்தை இது எவ்வாறு பாதிக்கிறது என்பதில் அதிக கவனம் செலுத்த வேண்டும்.
காலநிலை மாற்றத்தால் ஏற்படும் நிச்சயமற்ற தன்மை இந்த கணிப்புகளை முக்கியமானதாக மாற்றுகிறது. மாநில பேரிடர் மேலாண்மை முகமைகள் திடமான திட்டங்களை உருவாக்க வேண்டும் மற்றும் இந்த முன்னெச்சரிக்கை நடவடிக்கைகளை தங்கள் வரவு செலவுத் திட்டங்களில் சேர்க்க வேண்டும்.