தற்போதுள்ள தேசிய கட்டிட குறியீட்டின் படி (National Building Code), தேசிய வேளாண் குறியீடு (National Agriculture Code (NAC)) விவசாய சுழற்சி மற்றும் வயல் தயாரிப்பு முதல் விளைபொருட்களை சேமிப்பது வரை இவற்றிற்கான தரங்களை அமைக்கும்.
தற்போதுள்ள தேசிய கட்டிட குறியீடு (National Building Code) மற்றும் தேசிய மின் குறியீடு (National Electrical Code) ஆகியவற்றின் அடிப்படையில் தேசிய வேளாண் சட்டத்தை (National Agriculture Code (NAC)) உருவாக்கும் பணியை இந்திய தர நிர்ணய பணியகம் (Bureau of Indian Standards (BIS)) தொடங்கியுள்ளது. தேசிய வேளாண் சட்டம் (NAC) என்றால் என்ன?, அது ஏன் தேவைப்படுகிறது?
தேசிய வேளாண் குறியீடு என்றால் என்ன?
இந்திய தர நிர்ணய பணியகம் (BIS) என்பது பல்வேறு பொருளாதாரத் துறைகளில் வெவ்வேறு தயாரிப்புகளுக்கான தரங்களை அமைக்கும் தேசிய அமைப்பாகும். விவசாயத்தில், இது ஏற்கனவே இயந்திரங்கள் (டிராக்டர்கள், அறுவடை இயந்திரங்கள் போன்றவை) மற்றும் பல்வேறு உள்ளீடுகளுக்கு (உரங்கள், பூச்சிக்கொல்லிகள் போன்றவை) தரங்களை நிர்ணயித்துள்ளது.
இருப்பினும், இந்திய தர நிர்ணய பணியக (BIS) தரநிலைகளின் கீழ் வராத பல பகுதிகள் இன்னும் உள்ளன. உதாரணமாக, வயல் பராமரித்தல், நுண்ணீர் பாசனம் மற்றும் நீர் பயன்பாடு போன்ற வேளாண் முறைகளுக்கு எந்த தரமும் இல்லை. எனவே, நீண்ட காலமாக, கொள்கை வகுப்பாளர்கள் இப்போது இந்திய தர நிர்ணய பணியகத்தால் (BIS) உருவாக்கப்பட்டதைப் போன்ற ஒரு விரிவான தரநிலை கட்டமைப்பின் தேவையை உணர்ந்துள்ளனர்.
தேசிய வேளாண் சட்டமானது, முழு விவசாய சுழற்சியையும் உள்ளடக்கும். மேலும், எதிர்கால தரப்படுத்தலுக்கான வழிகாட்டுதல் குறிப்பையும் கொண்டிருக்கும். இந்த சட்டமானது, இரண்டு பகுதிகளைக் கொண்டிருக்கும். முதலாவது அனைத்து பயிர்களுக்கும் பொதுவான கொள்கைகளைக் கொண்டிருக்கும். இரண்டாவது நெல், கோதுமை, எண்ணெய் வித்துக்கள் மற்றும் பருப்பு வகைகள் போன்றவற்றிற்கான பயிர்-குறிப்பிட்ட தரங்களைக் கையாளும். விவசாயிகள், வேளாண் பல்கலைக்கழகங்கள் மற்றும் இத்துறையில் ஈடுபட்டுள்ள அதிகாரிகளுக்கு வழிகாட்டியாக தேசிய வேளாண் குறியீடு (NAC) செயல்படும்.
தேசிய வேளாண் குறியீடு (NAC) எதை உள்ளடக்கும்?
விவசாய இயந்திரங்களுக்கான தர நிலைகளை தேசிய வேளாண் குறியீடு (NAC) அமைக்கும். இது அனைத்து விவசாய செயல்முறைகள் மற்றும் அறுவடைக்கு பிந்தைய செயல்பாடுகளையும் உள்ளடக்கும். பயிர் தேர்வு, நிலம் தயாரித்தல், விதைத்தல் அல்லது நடவு செய்தல், நீர்ப்பாசனம் மற்றும் வடிகால், மண் சுகாதார மேலாண்மை மற்றும் தாவர சுகாதார மேலாண்மை ஆகியவை இதில் அடங்கும். அறுவடை மற்றும் கதிரடித்தல், முதன்மை செயலாக்கம், அறுவடைக்குப் பிந்தைய நடைமுறைகள், நிலைத்தன்மை மற்றும் பதிவு பராமரிப்பு ஆகியவை இதில் உள்ளடக்கப்பட்ட மற்ற பகுதிகள் ஆகும்.
உள்ளீடு மேலாண்மைக்கான தரநிலைகளை தேசிய வேளாண் குறியீடு (NAC) நிறுவும். இதில் இரசாயன உரங்கள், பூச்சிக்கொல்லிகள், களைக்கொல்லிகளின் பயன்பாடு ஆகியவை அடங்கும். கூடுதலாக, இது பயிர் சேமிப்பு மற்றும் கண்டறியக்கூடிய தரநிலைகளை அமைக்கும்.
முக்கியமாக, இயற்கை விவசாயம் மற்றும் இயற்கை விவசாயம் போன்ற அனைத்து புதிய மற்றும் வளர்ந்து வரும் பகுதிகளையும், விவசாயத் துறையில் இணையத்தைப் பயன்படுத்துவதையும் தேசிய வேளாண் குறியீடு (NAC) உள்ளடக்கும்.
தேசிய வேளாண் குறியீடு முறையில் கூறப்பட்ட பொருள்கள் யாவை?
இந்திய தர நிர்ணய பணியகத்தின் (BIS) படி, இந்த சட்டத்தின் நோக்கங்கள்:
இந்திய விவசாயத்தில் தரமான கலாச்சாரத்தை ஆதரிப்பதே இதன் முக்கிய குறிக்கோள் ஆகும். கொள்கை வகுப்பாளர்கள், விவசாயத் துறைகள் மற்றும் கட்டுப்பாட்டாளர்களுக்கு வழிகாட்டுதலை வழங்குவதன் மூலம் இது செய்யப்படும். அவர்கள் தங்கள் திட்டங்கள், கொள்கைகள் அல்லது ஒழுங்குமுறைகளில் தேசிய வேளாண் குறியீடு (NAC) விதிகளைச் சேர்க்க இந்த வழிகாட்டுதலைப் பயன்படுத்துவார்கள்.
விவசாய சமூகத்திற்கு விரிவான வழிகாட்டி உருவாக்கப்படும். இந்த வழிகாட்டி விவசாயிகள் விவசாய நடைமுறைகளில் பயனுள்ள முடிவுகளை எடுக்க உதவும். பரிந்துரைக்கப்பட்ட வேளாண் நடைமுறைகளுடன் தொடர்புடைய இந்திய தரங்களை ஒருங்கிணைக்கப்படும்.
விவசாயத்தின் முக்கிய அம்சங்களிலும் கவனம் செலுத்தப்படும். திறன் விவசாயம், நிலைத்தன்மை, கண்டுபிடிக்கக்கூடிய தன்மை மற்றும் ஆவணப்படுத்தல் போன்றவை அடங்கும்.
இந்த முயற்சி விவசாய விரிவாக்க சேவைகள் மற்றும் குடிமை சமூக அமைப்புகளால் ஏற்பாடு செய்யப்படும் திறன்-வளர்ப்பு செயல்திட்டங்களை ஆதரிக்கும்.
இந்த திட்டத்திற்கான முன்மொழியப்பட்ட காலக்கெடு என்ன?
இந்திய தர நிர்ணய பணியகத்தின் (BIS) நடைமுறைகளை தரப்படுத்த ஒரு உத்தியை உருவாக்கியுள்ளது. பல்கலைக்கழக பேராசிரியர்கள் மற்றும் ஆராய்ச்சி மற்றும் மேம்பாட்டு அமைப்புகளை உள்ளடக்கிய 12-14 குறிப்பாக அடையாளம் காணப்பட்ட பகுதிகளுக்கான செயல்பாட்டுக் குழுக்களை இது அமைத்துள்ளது. இந்த குழுக்கள் விதிமுறைகளை உருவாக்கும், தேசிய வேளாண் குறியீட்டிற்கான (NAC) தற்காலிக காலக்கெடு அக்டோபர் 2025-ஆம் ஆண்டு வரை நிர்ணயிக்கப்பட்டுள்ளது.
இதற்குப் பிறகு, தேசிய வேளாண் குறியீடு (NAC) மற்றும் அதன் தரநிலைகள் குறித்து விவசாயிகளுக்கு பயிற்சி அளிக்க இந்திய தர நிர்ணய பணியகம் (BIS) திட்டமிட்டுள்ளது. விவசாயிகளுக்கு பயிற்சி திட்டங்களை ஏற்பாடு செய்யுமாறு பல்கலைக்கழகங்களை நாம் கோரியுள்ளோம். அதற்கு தேவையான நிதி உதவிகளை இந்திய தர நிர்ணய பணியகம் (BIS) வழங்கும் என்று இதன் இயக்குநர் ஜெனரல் பிரமோத் குமார் திவாரி தி இந்தியன் எக்ஸ்பிரஸ்ஸிடம் தெரிவித்துள்ளார்.
தரப்படுத்தப்பட்ட விவசாய செயல்விளக்கப் பண்ணைகள் என்றால் என்ன? அவை எவ்வாறு முக்கியமானவை?
தேசிய வேளாண் குறியீடு வரைவு செய்வதைத் தவிர, நாட்டில் தேர்ந்தெடுக்கப்பட்ட வேளாண் நிறுவனங்களில் 'தரப்படுத்தப்பட்ட விவசாய செயல்விளக்கப் பண்ணை' (Standardized Agriculture Demonstration Farms(SADF)) அமைப்பதற்கான முன்முயற்சியையும் இந்திய தர நிர்ணய பணியகம் (BIS) எடுத்துள்ளது. இந்த பண்ணைகள் இந்திய தரநிலைகளுக்கு ஏற்ப பல்வேறு விவசாய நடைமுறைகள் மற்றும் புதிய தொழில்நுட்பங்களை சோதித்து செயல்படுத்துவதற்கான சோதனை தளங்களாக செயல்படும் என்று இந்திய தர நிர்ணய பணியகம் (BIS) தெரிவித்துள்ளது.
இந்த சிறப்பு வாய்ந்த பண்ணைகளின் வளர்ச்சிக்காக, முன்னணி வேளாண் நிறுவனங்களுடன் புரிந்துணர்வு ஒப்பந்தங்களில் கையெழுத்திட இந்திய தர நிர்ணய பணியகம் (BIS) திட்டமிட்டுள்ளது. "இதில் பொதுவாக 10 முக்கிய வேளாண் நிறுவனங்களை அடையாளம் கண்டுள்ளது. அவர்களுடன் தரப்படுத்தப்பட்ட விவசாய செயல்விளக்கப் பண்ணைகளின் (SADF) வளர்ச்சிக்காக புரிந்துணர்வு ஒப்பந்தங்களில் கையெழுத்திடுவோம். இந்த புரிந்துணர்வு ஒப்பந்தங்கள் பகிரப்பட்டு, தற்போது இறுதி செய்யப்பட்டு வருகின்றன. ஏற்கனவே இரண்டு புரிந்துணர்வு ஒப்பந்தங்கள் கையெழுத்தாகியுள்ளன" என்று திவாரி கூறினார். இந்த புரிந்துணர்வு ஒப்பந்தத்தில் கையெழுத்திட்ட நிறுவனங்களில் ஒன்று பந்த்நகரில் அமைந்துள்ள கோவிந்த் பல்லப் பந்த் வேளாண்மை மற்றும் தொழில்நுட்ப பல்கலைக்கழகம் (GBPUAT) ஆகும்.
அதிகாரிகளின் கூற்றுப்படி, இந்திய தர நிர்ணய பணியகம் (BIS) இந்த நிறுவனங்களுக்கு தரப்படுத்தப்பட்ட விவசாய செயல்விளக்கப் பண்ணைகளை (SADF) அமைப்பதற்கான நிதி உதவியை வழங்கும். அங்கு விரிவாக்க நடவடிக்கைகளுக்கு பொறுப்பான அதிகாரிகள், விவசாயிகள் அல்லது தொழில்துறையினர் உட்பட யார் வேண்டுமானாலும் வந்து கற்றுக்கொள்ளலாம். இதுபோன்ற தரப்படுத்தப்பட்ட விவசாய செயல்விளக்கப் பண்ணைகளின் (SADF) செயல்பாட்டை சீனா ஏற்கனவே வெற்றிகரமாக நிரூபித்துள்ளது என்று திவாரி கூறியிருந்தார்.