வேலையில்லாத் திண்டாட்டம் எவ்வளவு மோசமானது என்று மக்கள் குழப்பத்தில் உள்ளனர். இந்த குழப்பம் வெவ்வேறு தரவுகளின் முடிவில் இருந்து வருகிறது.
சில நாட்களுக்கு முன்னர், பிரதமர் நரேந்திர மோடி ரிசர்வ் வங்கியின் அறிக்கையை மேற்கோள் காட்டி பேசினார். அந்த அறிக்கையில், கடந்த 3-4 ஆண்டுகளில் 8 கோடி வேலை வாய்ப்புகள் உருவாகியுள்ளதாக குறிப்பிடப்பட்டிருந்தது. வேலையில்லாத் திண்டாட்டம் குறித்து எதிர்க்கட்சிகள் தவறான செய்திகளை உருவாக்கி வருவதாக மோடி குற்றம் சாட்டினார். மேலும் பல புதிய உள்கட்டமைப்பு திட்டங்களைப் பற்றி அவர் குறிப்பிட்டார். இந்த திட்டங்கள் அதிக வேலை வாய்ப்புகளை உருவாக்கும் என்று உறுதியளித்தார். இந்த தரவுகளின் காரணமாக ஆளும் கட்சியினர் கவலையடைந்துள்ளனர். ஜூலை மாதம் சிட்டி குரூப் போன்ற நிதி நிறுவனங்களின் அறிக்கைகளுக்குப் பிறகு பிரதமர் நரேந்திர மோடியிடம் இருந்து பதில் வந்தது. இந்த அறிக்கைகள் இந்தியாவில் வேலைவாய்ப்புக்கான அவசியத்தை சுட்டிக்காட்டுகின்றன.
முரண்பட்ட அறிக்கைகள்
ஜூலை 7-ஆம் தேதி அன்று வெளியிடப்பட்ட ரிசர்வ் வங்கியின் ‘டேட்டா மேனுவல்’ ஒன்றை பிரதமர் நரேந்திர மோடி சுட்டிக்காட்டி காட்டினார். இது ‘தி இந்தியா KLEMS தரவுத்தளம்’ என்று அழைக்கப்படுகிறது. இந்தியா KLEMS தரவுத்தளப் பதிப்பு 2024-ன் கட்டுமானத்தில் பயன்படுத்தப்படும் நடைமுறைகள், வழிமுறைகள் மற்றும் அணுகுமுறைகளை கையேடு விவரிக்கிறது. தரவுத்தொகுப்பில் மொத்த மதிப்புக் கூட்டல், உற்பத்தியின் மொத்த மதிப்பு, தொழிலாளர் வேலைவாய்ப்பு, தொழிலாளர் தரம், மூலதனப் பங்கு மற்றும் மூலதனக் கலவை ஆகியவை அடங்கும். தரவுத்தளம் முழு இந்தியப் பொருளாதாரத்தையும் அதிலுள்ள 27 தொழில்களை விரிவாக விவரிக்கிறது. இந்தத் தொழில்கள்தான் ஒட்டுமொத்த இந்தியப் பொருளாதாரத்தையும் உருவாக்குகின்றன.
இதை ரிசர்வ் வங்கி வெளியிட்டசில மணி நேரத்தில், பாரத ஸ்டேட் வங்கி (State Bank of India) தனது சொந்த அறிக்கையை வெளியிட்டது. அந்த அறிக்கை நிதி நிறுவனங்களின் அறிக்கைகளுக்கு எதிராக இருந்தது. அதில், "விவசாயம் தவிர்த்து உற்பத்தி மற்றும் சேவைகளில் உருவாக்கப்பட்ட மொத்த வேலைகளின் எண்ணிக்கை 2014-23 நிதியாண்டுகளில் 8.9-கோடியாகவும், 2004-2014ஆம் ஆண்டில் 6.6 கோடியாகவும் உள்ளது என்று குறிப்பிடிப்பட்டிருந்தது. மேலும், இந்தியாவில் மொத்த தொழிலாளர்களின் எண்ணிக்கை 59.7 கோடி என்று அறிக்கை கூறியது. இந்த எண்ணிக்கையானது சமீபத்திய ஒருங்கிணைக்கப்படாத துறை நிறுவனங்களின் வருடாந்திர கணக்கெடுப்பு (Annual Survey of Unincorporated Sector Enterprises (ASUSE)) கணக்கெடுப்பில் தெரிவிக்கப்பட்ட 56.8 கோடிக்கு சமமாக உள்ளனர் என்று அறிக்கையில் குறிப்பிடப்பட்டுள்ளது. இருப்பினும், இந்த மொத்த தொழிலாளர் எண்ணிக்கை தனியார் வேலைவாய்ப்பு கணக்கெடுப்பிலிருந்து வேறுபட்டது.
இருப்பினும், ஜூன் 2024-ல் வேலையின்மை விகிதம் எட்டு மாதங்களில் இல்லாத அளவுக்கு 9.2% ஆக உயர்ந்துள்ளது என்று ஜூலை மாதம் இந்திய பொருளாதாரத்தை கண்காணிக்கும் மையம் (Centre for Monitoring Indian Economy (CMIE))தெரிவித்துள்ளது. இது முந்தைய மாதங்களை விட 7% அதிகமாகும். இந்த அறிக்கை வேலைவாய்ப்பு உருவத்திற்கு முரணாக அமைந்தது.
இந்த முரண்பட்ட அறிக்கைகளை பார்த்து ஒரு இந்திய குடிமகன் என்ன செய்ய வேண்டும்? வேலையில்லாத் திண்டாட்டம் ஒரு முக்கியப் பிரச்சினை என்று இந்த அறிக்கைகள் தெரிவிக்கின்றன. பிப்ரவரியில், உத்தரபிரதேசத்தில் சுமார் 60,000 காவலர்களைத் தேர்ந்தெடுப்பதற்கான தேர்வில் சுமார் 47 லட்சம் விண்ணப்பதாரர்கள் விண்ணப்பித்தனர். 2022-ஆம் ஆண்டில், ரயில்வே ஆட்சேர்ப்பு வாரியத்தின் தொழில்நுட்பம் அல்லாத பிரபலமான பிரிவுகளுக்கான ஆட்சேர்ப்புத் தேர்வுக்கு 1.25 கோடி ஆர்வலர்கள் விண்ணப்பித்துள்ளனர். 2022-ல் அக்னிபாத் திட்டம் அறிவிக்கப்பட்டபோது பீகார், உத்தரபிரதேசம் மற்றும் பிற மாநிலங்களில் போராட்டங்கள் நடந்தன. படித்த இளைஞர்களின் நிலை மிகவும் மோசமாக உள்ளது. பயன்படுத்தப்படும் பல்வேறு தரவுத்தளங்களில் உள்ள வேறுபாடுகளின் விளைவாக வேலையின்மையின் அளவு அனைவருக்கும் குழப்பத்தை ஏற்படுத்தியுள்ளது.
KLEMS தரவு
மிக சமீபத்தில் மேற்கோள் காட்டப்பட்ட KLEMS (KLEMS stands for EU level analysis of capital (K), labour (L), energy (E), materials (M) and service (S) inputs) தரவு "இந்தியப் பொருளாதாரத்தில் உற்பத்தித்திறன் வளர்ச்சியைக் கண்காணிக்கவும் மதிப்பிடவும் ஒரு விரிவான அளவீட்டு கருவியாகும்." இது வேலைவாய்ப்பை மதிப்பிடவில்லை. ஆனால், கிடைக்கக்கூடிய அதிகாரப்பூர்வ தரவைப் பயன்படுத்துகிறது. தொழிலாளர் உள்ளீட்டிற்காக, இது 1983 மற்றும் 2011-12-க்கு இடையில் நடத்தப்பட்ட தேசிய மாதிரி ஆய்வு அலுவலகம் (National Sample Survey Office (NSSO)) மற்றும் காலமுறை தொழிலாளர் வள கணக்கெடுப்பு (Periodic Labour Force Survey (PLFS)) மூலம் வேலைவாய்ப்பு மற்றும் வேலையின்மை ஆய்வுகள் (Unemployment Surveys (EUS)) பயன்படுத்துகிறது. தெளிவாக, KLEMS தரவு PLFS, ASUSE கணக்கெடுப்பு போன்றவற்றின் அதிகாரப்பூர்வத் தரவை அடிப்படையாகக் கொண்டது. இதைக் கருத்தில் கொண்டு, KLEMS-ன் வேலைவாய்ப்புத் தொடர்கள் அரசாங்க முகமைகள் வழங்கிய மொத்த வேலைவாய்ப்பு எண்ணிக்கையிலிருந்து ஏன் வேறுபடும்? எனவே, பிரதமரோ அல்லது எஸ்பிஐயோ KLEMS தரவை ஒரு நம்பிக்கைக்குரிய வேலைவாய்ப்பு தரவுகளாக முன்வைக்கக்கூடாது.
பல்வேறு ஆதாரங்கள் வேலைவாய்ப்பின் பல்வேறு மதிப்பீடுகளை ஏன் தருகின்றன? இந்தியப் பொருளாதாரத்தின் மிகவும் சிக்கலான கட்டமைப்பு மற்றும் நம்பகமான தரவு இல்லாதது இதற்குக் காரணம். இந்தியா அமைப்பு மற்றும் அமைப்புசாரா துறைகளைக் கொண்டுள்ளது. ஒழுங்கமைக்கப்பட்ட துறைக்கான தரவு சட்டப்பூர்வமாக வெளியிடப்பட்ட வருடாந்திர தரவுகளிலிருந்து கிடைக்கிறது. 94% தொழிலாளர்களை வேலைக்கு அமர்த்தும் அமைப்புசாரா துறைக்கு அப்படி இல்லை. வேறு எந்த பெரிய நாட்டிலும் அரிதான தரவுகளைக் கொண்ட இவ்வளவு பெரிய அமைப்புசாரா துறை இல்லை.
இந்தத் துறையில் 11 கோடி பண்ணைகள் மற்றும் 6.5 கோடி குறு, சிறு மற்றும் நடுத்தர நிறுவனங்கள் (MSME) அலகுகள் உள்ளன. அவற்றை ஆண்டுதோறும் கணக்கெடுப்பது கடினம். ஒவ்வொரு 10-வருடங்களுக்கும் மக்கள்தொகை கணக்கெடுப்பு மற்றும் ஒவ்வொரு ஐந்து ஆண்டுகளுக்கு ஒருமுறை ASUSE கணக்கெடுப்பு மூலம் அவ்வப்போது தரவு சேகரிக்கப்படுகிறது. ASUSE கணக்கெடுப்பை ஆண்டுதோறும் வெளியிடுவதில் அரசாங்கம் உறுதியாக உள்ளது. ஆனால், ASUSE கணக்கெடுப்பு தரவு மக்கள்தொகை கணக்கெடுப்பு மற்றும் நகர்ப்புற சட்ட ஆய்வு (Urban Frame Survey (UFS)) ஆகியவற்றின் தரவைப் பொறுத்தது. 2011 முதல் மக்கள்தொகை கணக்கெடுப்பு எதுவும் நடத்தப்படவில்லை. மேலும், நகர்ப்புற சட்ட ஆய்வு தரவு 2012-17 உடன் தொடர்புடையது. எனவே, காலாவதியான தரவு பயன்படுத்தப்படுகிறது. பொதுவாக, தற்போதைய தரவு இல்லாத நிலையில், முந்தைய தரவு ஏற்றுக்கொள்ள வேண்டும். ஆனால், 2016-2024 பொருளாதாரத்தில் ஒரு அசாதாரண காலமாகும். 2016 இல் பணமதிப்பிழப்பு, சரக்கு மற்றும் சேவை வரி அறிமுகம், வங்கி அல்லாத நிதி நிறுவனங்களின் நெருக்கடி மற்றும் கோவிட்-19 தொற்றுநோய் ஆகிய நான்கும் பொருளாதாரத்திற்கும் பாதிப்பை ஏற்படுத்தியது. பின்னடைவுகள் ஏற்படும் போது, பழைய தரவுகளை பயன்படுத்துவது கட்டமைப்பு மாற்றங்களுக்கு சிக்கலை உருவாக்குகிறது.
இந்த நான்கு காரணிகளும் அமைப்புசாரா துறையை பாதித்தன. இதை ASUSE கணக்கெடுப்பு மதிப்பிட முயல்கிறது. மூலதனம் இல்லாததால் பல தொழிற்ச்சாலைகள் மூடப்பட்டன. மக்கள் இடம்பெயர்ந்தனர், நகரங்கள் மற்றும் கிராமங்களின் அளவு மாறியது. எனவே, 2011 மக்கள் தொகைக் கணக்கெடுப்பின் அடிப்படையில் ஒரு மாதிரி பொருத்தமானதாக இருக்காது. எஞ்சியிருக்கும் அலகுகள் மட்டுமே மாதிரியின் பகுதியாக இருக்கும். 16,382 FSUக்கள் (கிராமப்புறங்களில் 8,495 மற்றும் நகர்ப்புறத்தில் 7,887) ஆய்வு செய்யப்பட்டுள்ளன. மற்றும் கணக்கெடுக்கப்பட்ட மொத்த நிறுவனங்களின் எண்ணிக்கை 4,58,938 (கிராமப்புறங்களில் 2,58,296 மற்றும் நகர்ப்புறங்களில் 2,00,642). 2022-23 6.50 கோடி நிறுவனங்களின் மதிப்பீட்டைக் கொடுக்கிறது என்று ASUSE 2024-ஆம் ஆண்டு அறிக்கை கூறுகிறது. பின்னடைவுகள் காரணமாக, கிராமப்புற-நகர்ப்புற விகிதம் மற்றும் சிறிய மற்றும் பெரிய அலகுகளின் விகிதத்தில் மாற்றம் ஏற்பட்டுள்ளது.
PLFS மற்றும் CMIE-ல் உள்ள வேறுபாடுகள்
PLFS என்பது பரவலாக மேற்கோள் காட்டப்பட்ட மற்ற அதிகாரப்பூர்வ தரவு ஆதாரமாகும். இது CMIE தரவிலிருந்து பெரிதும் வேறுபடுகிறது. பணியமர்த்தப்பட்டவர்களாகக் கணக்கிடப்படுபவர்களின் வரையறைகளில் உள்ள வேறுபாடுகள் இதற்குக் காரணம். CMIE சர்வதேச தொழிலாளர் அமைப்பின் வரையறையை ஏற்றுக்கொள்கிறது மற்றும் வேலையில் இருந்து வருமானம் பெறுபவர்களை மட்டுமே வேலை என்று கணக்கிடுகிறது. PLFS வேலை செய்பவர்களுக்கு வருமானம் கிடைக்காவிட்டாலும் அவர்களை கணக்கிடுகிறது. எனவே, இலவசமாக வேலை கொடுப்பவர்கள் அல்லது வயல்களில் உட்கார்ந்து வேலை இல்லாதவர்களும் PLFS-ல் சேர்த்துக்கொள்ளப்படுவார்கள்.
இதன் விளைவாக, கடந்த சில ஆண்டுகளில், PLFS 50%-55% தொழிலாளர் பங்கேற்பைக் கொடுத்துள்ளது, அதே நேரத்தில் CMIE இந்த எண்ணிக்கை 40%-45% என்று கூறுகிறது. அதாவது இரண்டிற்கும் இடையே சுமார் 90 மில்லியன் வித்தியாசம் உள்ளது. கேள்வி என்னவென்றால், கிட்டத்தட்ட எல்லோரும் ஏதாவது செய்யவில்லையா? உதாரணமாக மில்லியன் கணக்கான இல்லத்தரசிகள் வேலை செய்கிறார்கள். மேலும், PLFS வேலையில்லாதவர்கள் மற்றும் குறைந்த வேலையில் இருப்பவர்களைக் கணக்கிடுகிறது. எனவே, PLFS-ன் படி, யாரும் வேலையில்லாமல் இல்லை, அதே நேரத்தில் எத்தனை பேர் வேலை தேடுவதை வெறுமனே கைவிட்டனர் என்பதை CMIE கூறுகிறது. அதுவும் வேலையில்லாத் திண்டாட்டம்தான், இது அதிகாரப்பூர்வ தரவுகளால் அங்கீகரிக்கப்படவில்லை.
வேலை கிடைக்காமல் இளைஞர்கள் போராடுவது மற்றும் தேர்வுகளில் சிக்கல்களை எதிர்கொள்வது பற்றி அடிக்கடி வரும் செய்திகளிலிருந்து வேலையில்லாத் திண்டாட்டத்தின் நிலை தெளிவாகத் தெரிகிறது. ஆனால், அரசு தொடர்ந்து மறுத்து வருகிறது. சமீபத்தில், வேலைவாய்ப்பை சுயாதீனமாக மதிப்பிடாத RBI-யின் KLEMS தரவை மேற்கோள் காட்டி பேச அரசாங்கம் மறுத்துள்ளது. வளர்ந்து வரும் இளைஞர்கள் விரக்தியடைந்துவிடாதபடி, ஏன் பிரச்சனையை ஒப்புக்கொண்டு செயல்படக்கூடாது?
அருண் குமார் ஜவஹர்லால் நேரு பல்கலைக்கழகத்தின் பொருளாதாரப் பேராசிரியராகப் பணியாற்றி ஓய்வு பெற்றவர், மேலும் "இந்தியப் பொருளாதாரத்தின் மிகப் பெரிய நெருக்கடி: கொரோனா வைரஸின் தாக்கம் மற்றும் முன்னோக்கிச் செல்லும் பாதை" என்ற நூலின் ஆசிரியர் ஆவார்.