2013 இல் கேதார்நாத் மற்றும் 2021 இல் சாமோலியில் நடந்தது போன்ற கடுமையான சேதத்தை ஏற்படுத்திய பனிப்பாறை ஏரிகள் வெடிக்கும் வாய்ப்புகளை அதிக வெப்பமான வெப்பநிலை உருவாக்கியுள்ளது. உத்தரகாண்ட் இப்போது அத்தகைய நிகழ்வுகளின் அபாயத்தை தவிர்க்க, பனிப்பாறை ஏரி வெடிப்பு வெள்ள (Glacial Lake Outburst Floods (GLOFs)) இடர் மதிப்பீட்டு ஆய்வை மேற்கொண்டுள்ளது.
அபாயகரமானதாக இருக்கக்கூடிய ஐந்து பனிப்பாறை ஏரிகளிலிருந்து வரும் ஆபத்தை மதிப்பிடுவதற்காக, உத்தரகாண்ட் அரசு இரண்டு நிபுணர் குழுக்களை அமைத்துள்ளது. இந்த ஏரிகள், பனிப்பாறை ஏரி வெடிப்பு வெள்ளத்திற்கு (Glacial Lake Outburst Floods (GLOFs)) வழிவகுக்கும். சமீப காலமாக, இமயமலையில் உள்ள மாநிலங்களில் இந்த பனிப்பாறை ஏரிகளால் பல பேரழிவுகளை ஏற்படுத்தியுள்ளன.
இடர் மதிப்பீட்டின் நோக்கம் (aim of the risk assessment) பனிப்பாறை ஏரி வெடிப்பு வெள்ளம் (Glacial Lake Outburst Floods (GLOF)) நிகழ்வதற்கான வாய்ப்பைக் குறைப்பது மற்றும் அது நடந்தால் நிவாரணம் மற்றும் வெளியேற்றத்திற்கு அதிக நேரம் கொடுப்பதாகும்.
மத்திய உள்துறை அமைச்சகத்தின் கீழ் செயல்படும் தேசிய பேரிடர் மேலாண்மை ஆணையம் (National Disaster Management Authority (NDMA)), கனமழை பெய்ய வாய்ப்புள்ள இமயமலை மாநிலங்களில் 188 பனிப்பாறை ஏரிகள் இருப்பதை கண்டறிந்துள்ளது. இவற்றில், 13 ஏரிகள் மட்டும் உத்தரகாண்டில் உள்ளன. இந்தியா உட்பட, உலகளவில் வெப்பநிலை அதிகரித்து வருகிறது. இது பனிப்பாறையின் ஏரி வெடிப்பு வெள்ள (GLOFs) அபாயத்தை எழுப்புகிறது. இந்த ஏரிகளில் இருந்து சுமார் 15 மில்லியன் மக்கள் திடீரென ஆபத்தான வெள்ளத்தை எதிர்கொள்ளக்கூடும் என்று ஆய்வுகள் கூறுகின்றன. புவி வெப்பமடைதல் காரணமாக இந்த ஏரிகளின் அளவும் எண்ணிக்கையில் அதிகரித்து வருகின்றன.
பனிப்பாறையின் ஏரி வெடிப்பு வெள்ளம் (Glacial Lake Outburst Floods (GLOF)) என்றால் என்ன?
உருகும் பனிப்பாறைகளுக்கு அருகிலோ அல்லது கீழேயோ உள்ள பெரிய நீர்நிலைகளான பனிப்பாறை ஏரிகளிலிருந்து திடீரென நீர் வெளியேறும்போது பனிப்பாறையின் ஏரி வெடிப்பு வெள்ளம் (Glacial Lake Outburst Floods (GLOF)) நிகழ்கிறது. ஒரு பனிப்பாறை சுருங்கும்போது, அது உருகிய நீரால் நிரப்பப்பட்ட ஒரு பள்ளத்தை உருவாக்கி, ஒரு ஏரியை உருவாக்குகிறது.
பனிப்பாறை மேலும் பின்வாங்கும்போது, ஏரி பெரிதாகவும் ஆபத்தானதாகவும் உருமாருகிறது. இந்த ஏரிகள் வழக்கமாக நிலையற்ற பனி அல்லது தளர்வான பாறை மற்றும் குப்பைகளால் தடுக்கப்படுகின்றன. இதற்கான தடுப்புச்சுவர் உடைந்தால், மலையின் கீழே பாய்ந்து, கீழே வெள்ளப்பெருக்கு ஏற்படுகிறது. இதனால் பனிப்பாறையின் ஏரி வெடிப்பு வெள்ள (Glacial Lake Outburst Floods (GLOF)) நிகழ்வு ஏற்படுகிறது.
பனிப்பாறையின் ஏரி வெடிப்பு வெள்ளம் வெவ்வேறு காரணங்களுக்காக ஏற்படலாம். உதாரணமாக, பெரிய பனிக்கட்டித் துண்டுகள் ஒரு பனிப்பாறையிலிருந்து ஏரிக்குள் உடைக்கும்போது, அது திடீரென்று நிறைய தண்ணீரை நகர்த்தும். மேலும், பனிச்சரிவுகள் அல்லது நிலச்சரிவுகள் போன்ற காரணங்களால் ஒரு பனிப்பாறை ஏரியின் விளிம்புகளை நிலையற்றதாக மாற்றும். இதனால், அது உடைந்து தண்ணீரை விரைவாக வெளியேற்றும். பனிப்பாறையின் ஏரி வெடிப்பு வெள்ளம் நிகழும்போது, அவை அதிக அளவு நீர், சேறு மற்றும் பாறைகளை அதிக வேகத்தில் கீழ்நோக்கி அனுப்பும். இதன் மூலம், பள்ளத்தாக்குகளில் வெள்ளம் ஏற்படலாம், சாலைகள், பாலங்கள் மற்றும் கட்டிடங்களை அழிக்கலாம். மேலும், ஏராளமான மக்கள் தங்கள் வாழ்க்கையையும் வேலைகளையும் இழக்க நேரிடும்.
பனிப்பாறையின் ஏரி வெடிப்பு வெள்ளங்கள் ஏன் கவனத்தை ஈர்க்கின்றன?
சமீபத்திய ஆண்டுகளில், இமயமலை பிராந்தியத்தில் அதிக பனிப்பாறையின் ஏரி வெடிப்பு வெள்ள (GLOFs) நிகழ்வுகள் நடந்துள்ளன. ஏனெனில், புவி வெப்பமடைதலால் பனிப்பாறைகள் வேகமாக உருகுவதற்கு காரணமாகின்றன. மேலும், ஆபத்தான பகுதிகளில் அதிக உள்கட்டமைப்பை உருவாக்குவது இந்த சம்பவங்களை மிகவும் பொதுவானதாக ஆக்கியுள்ளது.
1980 முதல், இமயமலைப் பகுதியில், குறிப்பாக தென்கிழக்கு திபெத் மற்றும் சீனா-நேபாள எல்லைப் பகுதியில் அதிக பனிப்பாறை ஏரி வெடிப்பு வெள்ளம் ஏற்பட்டுள்ளது. இந்த தகவல் 'மேம்படுத்தப்பட்ட பனிப்பாறை ஏரி செயல்பாடுகள் மூன்றாம் துருவத்தில் எண்ணற்ற சமூகங்கள் மற்றும் உள்கட்டமைப்புகளை அச்சுறுத்துகிறது' (Enhanced Glacial Lake Activity Threatens Numerous Communities and Infrastructure in the Third Pole) என்ற தலைப்பில் டைகாங் ஜாங் (Taigang Zhang), வெய்காய் வாங் (Weicai Wang), பாவோஷெங் ஆன் (Baosheng An) மற்றும் லெலே வெய் (Lele Wei) ஆகியோரால் பகுப்பாய்வு செய்யப்பட்டது. அவர்கள் அனைவரும் சீனாவில் உள்ள திபெத்திய பீடபூமி ஆராய்ச்சி நிறுவனத்தைச் (Tibetan Plateau Research) சேர்ந்தவர்கள். இந்த ஆய்வு 2023 இல் நேச்சர் இதழில் (Nature journal) வெளியிடப்பட்டது.
சுமார் 6,353 சதுர கிலோமீட்டர் நிலப்பரப்பு சாத்தியமான பனிப்பாறை ஏரி வெடிப்பு வெள்ளத்தால் (GLOFs) ஆபத்தை எதிர்கொள்ளக்கூடும் என்று ஆய்வு கூறுகிறது. இதனால் அந்த பகுதியில் உள்ள 55,808 கட்டிடங்கள், 105 நீர்மின் திட்டங்கள், 194 சதுர கிலோமீட்டர் விவசாய நிலங்கள், 5,005 கிலோமீட்டர் சாலைகள் மற்றும் 4,038 பாலங்கள் பாதிக்கப்படலாம்.
பிப்ரவரி 2023 இல் நேச்சர் இதழில் வெளியிடப்பட்ட 'பனிப்பாறை ஏரி வெடிப்பு வெள்ளம் உலகளவில் மில்லியன் கணக்கானவர்களை அச்சுறுத்துகிறது' (Glacial Lake Outburst Floods Threaten Millions Globally) என்ற ஆய்வில், இந்தியாவில் சுமார் 3 மில்லியன் மக்களும், பாகிஸ்தானில் 2 மில்லியன் மக்களும் பனிப்பாறை ஏரி வெடிப்பு வெள்ளத்தால் (GLOFs) அபாயத்தில் உள்ளனர் என்று கண்டறியப்பட்டது. இந்த ஆய்வில் ஈடுபட்டுள்ள ஆராய்ச்சியாளர்கள் இங்கிலாந்தின் நியூகேஸில் பல்கலைக்கழகத்தைச் (Newcastle University) சேர்ந்த கரோலின் டெய்லர், ரேச்சல் கார் மற்றும் ஸ்டூவர்ட் டன்னிங், நியூசிலாந்தின் கேன்டர்பரி பல்கலைக்கழகத்தைச் (University of Canterbury) சேர்ந்த டாம் ராபின்சன் மற்றும் இங்கிலாந்தின் நார்தம்பிரியா பல்கலைக்கழகத்தைச் (Northumbria University, the UK) சேர்ந்த மேத்யூ வெஸ்டோபி ஆகியோர் ஆவர்.
கேன்டர்பரி பல்கலைக்கழகத்தில் (University of Canterbury) பேரிடர் அபாயம் மற்றும் மீள்தன்மை பற்றிய ஆய்வை இணைந்து ஆசிரியராகக் கற்பிக்கும் டாம் ராபின்சன், கடந்த பிப்ரவரியில் இந்தியன் எக்ஸ்பிரஸுக்கு விளக்கினார். இந்தியாவிலும் பாகிஸ்தானிலும் உள்ள பனிப்பாறை ஏரிகளின் எண்ணிக்கையின் அளவும், இடங்களில் உள்ளதைப் போல பெரியதாக இல்லை. பசிபிக் வடமேற்கு அல்லது திபெத் போன்ற, இந்த பகுதிகளில் அதிக மக்கள் தொகை அடர்த்தி மற்றும் பாதிப்பு உலகளவில் பனிப்பாறை ஏரி வெடிப்பு வெள்ளங்கள் (GLOFs) மிகவும் ஆபத்தில் உள்ளன.
உத்தரகாண்ட் நிலவரம் என்ன?
கடந்த சில ஆண்டுகளில், உத்தரகாண்ட், இரண்டு பெரிய பனிப்பாறை ஏரி வெடிப்பு வெள்ளங்கள் (GLOFs) நிகழ்வுகளை அனுபவித்துள்ளது. முதலாவது சம்பவம் ஜூன் 2013 இல் நடந்தது, இது கேதார்நாத் பள்ளத்தாக்கில் கடுமையான சேதத்தை ஏற்படுத்தியது மற்றும் ஆயிரக்கணக்கான இறப்புகளை ஏற்படுத்தியது. இரண்டாவது சம்பவம் பிப்ரவரி 2021 இல் ஏற்பட்டது. இதனால், சமோலி மாவட்டத்தில் பனிப்பாறை ஏரி வெடித்ததால் திடீர் வெள்ளப்பெருக்கு ஏற்பட்டது.
முன்னர் குறிப்பிட்டபடி, உத்தரகண்ட் மாநிலத்தில் 13 பனிப்பாறை ஏரிகள் உள்ளன. அவை பனிப்பாறை ஏரி வெடிப்பு வெள்ளங்களின் (GLOFs) அபாயத்தில் உள்ளன. இந்த ஏரிகள் 'ஏ', 'பி' மற்றும் 'சி' என மூன்று ஆபத்து நிலைகளாக வகைப்படுத்தப்பட்டுள்ளன.
மிகவும் உணர்திறன் வாய்ந்த ஐந்து அதிக உணர்திறன் கொண்ட பனிப்பாறை ஏரிகள் 'A' என வகைப்படுத்தப்பட்டுள்ளன. இந்த ஏரிகள்: சாமோலி மாவட்டத்தில் உள்ள தௌலிகங்கா படுகையில் (Dhauliganga basin) உள்ள வசுதாரா தால், லாசர் யாங்டி பள்ளத்தாக்கில் (Lassar Yangti Valley) உள்ள மபன் ஏரி, தர்மா படுகையில் (Darma basin) உள்ள பியுங்ரு ஏரி மற்றும் வகைப்படுத்தப்படாத இரண்டு ஏரிகள், ஒன்று தர்மா படுகையிலும் (Darma basin) மற்றொன்று குத்தி யாங்டி பள்ளத்தாக்கிலும் (Kuthi Yangti Valley), பித்தோராகர் மாவட்டத்தில் அமைந்துள்ளன.
இந்த ஐந்து ஏரிகளின் அளவு 0.02 முதல் 0.50 சதுர கிலோமீட்டர் வரை உள்ளது. அவை 4,351 மீட்டர் முதல் 4,868 மீட்டர் வரை உயரத்தில் அமைந்துள்ளன.
உத்தரகண்டில் வெப்பநிலை அதிகரித்து வருகிறது, இது விஷயங்களை மோசமாக்கும். 'பூட்டப்பட்ட வீடுகள், தரிசு நிலங்கள் இந்தியாவின் உத்தரகண்டில் காலநிலை மாற்றம் மற்றும் இடம்பெயர்வு' (Locked Houses, Fallow Lands: Climate Change and Migration in Uttarakhand, India) என்ற தலைப்பில், 2021 ஆம் ஆண்டில் ஜெர்மனியில் உள்ள போட்ஸ்டாம் இன்ஸ்டிடியூட் ஃபார் க்ளைமேட் ரிசர்ச் (Potsdam Institute for Climate Research (PIK)) மற்றும் புதுடெல்லியில் உள்ள தி எனர்ஜி அண்ட் ரிசோர்சஸ் இன்ஸ்டிடியூட் (The Energy and Resources Institute (TERI)) ஆகியவை மேற்கொண்ட ஓர் ஆய்வு, 2021 மற்றும் 2050 க்கு இடையில், மலைகளில் அதிகபட்ச வெப்பநிலை 1.6-1.9 டிகிரி செல்சியஸ் உயரக்கூடும் என்று கணித்துள்ளது. இது போன்ற வெப்பநிலை அதிகரிப்பு, மாநிலத்தில் பனிப்பாறை ஏரி வெடிப்பு வெள்ளங்களை (GLOFs) அதிகரிக்க வாய்ப்புள்ளது.