ஜூலை 12 அன்று, மகாராஷ்டிர மாநில அரசானது மகாராஷ்டிர சிறைகள் மற்றும் சீர்திருத்த சேவைகள் மசோதா (Maharashtra Prisons and Correctional Services Bill), 2024 -ஐ மாநில சட்டமன்றத்தின் மழைக்காலக் கூட்டத்தொடரில் தயாரித்து தாக்கல் செய்தனர். இந்த மசோதா மாநில சட்டமன்றத்தில் நிறைவேற்றப்படாவிட்டாலும், மாநில அமைச்சரவை இப்போது அதை அவசரச் சட்டமாக நிறைவேற்ற ஒப்புதல் அளித்துள்ளது. இது ஒன்றிய அரசின் ஒப்புதலுக்கு அனுப்பப்பட்டு குடியரசுத் தலைவரின் ஒப்புதல் தேவைப்படும்.
‘சிறைகள்’ (Prisons) என்பது அரசியலமைப்பின் ஏழாவது அட்டவணையின் மாநிலப் பட்டியலின் கீழ் வருவதால், மாநில அரசுகள் தங்கள் அதிகார வரம்பில் உள்ள சிறைகள் மீது சட்டமியற்றுவதும், ஒழுங்குபடுத்துவதும் மாநில அரசுகளின் அதிகாரத்தில் உள்ளது. தற்போது, மகாராஷ்டிரா உட்பட பெரும்பாலான மாநிலங்களில் உள்ள சிறைகள், 1894-ம் ஆண்டின் காலனித்துவ சிறைச்சாலைகள் சட்டத்தால் (colonial Prisons Act of 1894) நிர்வகிக்கப்படுகின்றன மற்றும் மாநில அளவில் இயற்றப்பட்ட அடிப்படை விதிகளால் நிர்வகிக்கப்படுகின்றன.
சிறை நிர்வாகத்தை மேம்படுத்த, 2023-ம் ஆண்டு மாதிரி சிறைகள் மற்றும் சீர்திருத்த சேவைகள் சட்டத்தை (Model Prisons and Correctional Services Act, 2023 (Model Bill)) ஒன்றிய அரசு இறுதி செய்து, அதை ஏற்றுக்கொள்ளுமாறு மாநிலங்களை வலியுறுத்தியது. சிறைச்சாலைகளில் பணியாளர்கள் முதல் தொழில்நுட்பம் வரை மனநலம் வரையிலான அம்சங்களை இந்த மசோதா குறிப்பிடுகிறது.
மாநில சிறைத்துறை வெளியிட்டுள்ள தரவுகளின்படி, மகாராஷ்டிராவில் 60-க்கும் மேற்பட்ட சிறைகள் உள்ளன. இதில் ஒன்பது ஒன்றிய சிறைகள், 28 மாவட்ட சிறைகள் மற்றும் 19 திறந்தவெளி சிறைகள் ஆகியவை அடங்கும்.
மே 31, 2024 நிலவரப்படி, மேலே குறிப்பிடப்பட்டுள்ள சிறைகளில் 40,428 க்கும் மேற்பட்ட கைதிகள் உள்ளனர். இந்த சிறைகளில் அனுமதிக்கப்பட்ட எண்ணிக்கையாக 27,110 பேர் உள்ளனர். இது சுமார் 50% நெரிசலைக் குறிக்கிறது. அதிக கைதிகள் மற்றும் விசாரணையின் கீழ் உள்ள முதல் ஐந்து மாநிலங்களில் மகாராஷ்டிரா இடம் பெற்றுள்ளது.
மாநில அளவிலான சிறைச்சாலை விதிகள் (State-level prison rules) 1962 மற்றும் 1979-க்கு இடையில் இயற்றப்பட்டன. மேலும், இந்த விதிகளை சில குறிப்பிட்ட அளவில் திருத்தப்பட்டன. ஆனால், அவை இன்னும் போதுமானதாக இல்லை மற்றும் இதை அணுகுவதற்கு கடினமாக உள்ளது. காவலில் ஏற்படும் மரணங்கள் (custodial deaths), தாக்கல் செய்யப்பட்ட மனுக்கள் (filed petitions) மற்றும் மோசமான சிறை நிலைமைகள் (poor prison condition) ஆகியவற்றுடன் இணைந்து, சிறைச்சாலைச் சீர்திருத்தங்கள் (prison reforms) ஏன் மறுக்க முடியாத அளவுக்குத் தேவைப்படுகின்றன என்பதற்கு இது ஒரு நிர்ப்பந்தமான வழக்கை உருவாக்குகிறது.
புதிய மசோதா
புதிய மகாராஷ்டிர மசோதா மாதிரி மசோதாவிலிருந்து பல விதிகளை உள்ளடக்கியது மற்றும் சில கூடுதல் புதிய விதிகளை இணைத்துள்ளது. அத்தகைய ஒரு புதிய விதியானது, குற்றவாளி மேற்பார்வையாளரின் (convict overseer) பங்கு ஆகும். ஒரு குற்றவாளி மேற்பார்வையாளர் என்பவர் அதிகாரிகளால் தேர்ந்தெடுக்கப்பட்ட ஒரு கைதி மற்றும் அவருக்கு சில மேற்பார்வை அதிகாரங்கள் வழங்கப்படுகின்றன. இதையொட்டி, அதிக நிவாரணம் போன்ற பலன்களுக்கு அவர்கள் தகுதியுடையவர்கள். இது சில மாநிலங்களில் நடைமுறையில் இருந்தாலும், இது கடுமையாக விமர்சிக்கப்பட்டது.
மேலும், 2023-ம் ஆண்டு பாரதிய நியாய சன்ஹிதாவின் (Bharatiya Nyaya Sanhita) கீழ் அனைத்து குற்றவாளிக் கண்காணிப்பாளர்களும் (convict overseers) ‘அரசு ஊழியர்களாக’ (public servants) இருப்பார்கள் என்று மசோதா கூறுகிறது.
ஒரு அரசு ஊழியர் என்பவர் பொதுவாக ஒரு அரசாங்க அலுவலராக இருப்பார். மேலும், அவர்களுக்கு சில சலுகைகள், கடமைகள் மற்றும் அதிகாரங்களை வழங்கப்படும். சிறைச்சாலைகள் சட்டம் (Prisons Act), 1894-ல் இதேபோன்ற விதி இருந்தாலும், மாதிரி மசோதா இதை குறிப்பிடவில்லை. எனவே, அத்தகைய விதியானது இன்றும் பொருத்தமானதா என்பதை மாநில அரசு மதிப்பீடு செய்ய வேண்டும்.
மற்றொரு அம்சம், ‘சிறைகள் மற்றும் சீர்திருத்த சேவைப் படை’ (Prisons and Correctional Services Force) என்ற அமைப்பை உருவாக்குகிறது. இதில் சிறைத்துறை இயக்குநர் ஜெனரல், சிறைத்துறை சிறப்பு ஆய்வாளர் ஜெனரல், ஜெயிலர் மற்றும் பிற அதிகாரிகள் உறுப்பினர்களாக இருப்பார்கள். மசோதாவில் குறிப்பிடப்பட்டுள்ள சில அதிகாரங்கள், தேவைக்கேற்ப ஆயுதங்களைப் பயன்படுத்துவதற்கான அதிகாரம், வாரண்ட் அல்லது மாஜிஸ்திரேட்டின் உத்தரவு இல்லாமல் கைது செய்தல் மற்றும் பல இதில் குறிப்பிடப்பட்டுள்ளது. மாதிரி மசோதாவின் கீழோ அல்லது வேறு எந்த மாநிலத்தினாலோ அத்தகைய அமைப்பு எதுவும் எதிர்பார்க்கப்படாததால், இது உண்மையில் எவ்வாறு செயல்படும் என்பது தெளிவாகத் தெரியவில்லை. மறுவாழ்வு நீதி அமைப்பை (rehabilitative justice system) நோக்கிய மாற்றத்தைக் கருத்தில் கொண்டு, கட்டுப்படுத்தப்படாத அதிகாரத்தை கட்டுப்படுத்தவும், சிறைவாசத்திற்கு மனிதாபிமான அணுகுமுறையை வழங்கவும் நடவடிக்கைகள் எடுக்கப்பட வேண்டும்.
மாதிரி மசோதா (Model Bill) கைதிகளுக்கான நல நிதியை (welfare fund) உருவாக்குவதை பரிந்துரைக்கிறது. இருப்பினும், தற்போதைய மசோதாவானது, சிறை ஊழியர்களுக்கு மற்றும் சிறை கைதிகளுக்கு இரண்டு விதமான நல நிதிகளை முன்மொழிகிறது. இரண்டுக்கும் மாநில அரசிடமிருந்து நிதி வருவதால், செயல்படுத்துவது கடினமாக இருக்கலாம். ஊழியர்களுக்கு, மாதிரி மசோதா, நலன்புரி முன்முயற்சிகளை செயல்படுத்துவதற்காக பணியாளர் நலன் பிரிவை (staff welfare wing) முன்மொழிகிறது. மாநில அரசு கைதிகளை நலநிதியின் ஒரே பயனாளிகளாக மாற்றினால் அது மிகவும் பயனுள்ளதாக இருக்கும்.
130 ஆண்டுகளுக்கு முன்பு நிறைவேற்றப்பட்ட போதிலும், 1894-ன் சிறைச்சாலைகள் சட்டம் பல மாநிலங்களில் தொடர்ந்து அமலில் உள்ளது.
சிறைத்துறையை மேம்படுத்த மாநில அரசு முயற்சித்து வருகிறது. இது அவசியமான மற்றும் நேர்மறையான நடவடிக்கையாகும். மசோதா சிறப்பாக இருந்தாலும், திருநங்கைகள் தொடர்பான விதிகள் மற்றும் விசாரணைக்குட்பட்ட மறுஆய்வுக் குழு (Undertrial Review Committee) போன்ற சில விமர்சனங்களும் உள்ளன.
பங்குதாரர்களின் உள்ளீடு மற்றும் சில மாற்றங்களுடன், மகாராஷ்டிரா அரசு அதன் சிறை அமைப்பை மாற்றியமைக்க ஒரு வாய்ப்பு உள்ளது. இந்த சீரமைப்பு நீண்ட காலமாக அரசுக்கு தேவையாக உள்ளது.
இஷா பிரகாஷ், மும்பை சட்டக் கொள்கைக்கான விதி மையத்தில் வழக்கறிஞர் மற்றும் ஆராய்ச்சிக் குழுவினரின் உறுப்பினராக உள்ளார்.