மின்னணு வாக்குப்பதிவு இயந்திரங்கள் (Electronic Voting Machines (EVMs)) முதன்முதலில் இந்தியாவில் அறிமுகப்படுத்தப்பட்டது. மின்னணு வாக்குப்பதிவு இயந்திரங்களின் நம்பகத்தன்மை குறித்து சமூக ஆர்வலர்கள் கவலை தெரிவித்துள்ளனர். மற்ற நாடுகளில் வெவ்வேறு வாக்களிக்கும் நடைமுறைகள் உள்ளன. வாக்களிப்பதை மிகவும் பாதுகாப்பானதாக்க, என்ன மேம்பாடுகளைச் செய்யலாம்?
மின்னணு வாக்குப்பதிவு இயந்திர வாக்கு எண்ணிக்கையுடன் ஒப்புகைச் சீட்டுகளை (VVPAT) 100% குறுக்கு சரிபார்ப்பு கோரும் மனுக்களை உச்ச நீதிமன்றம் விசாரனைக்கு எடுத்துக்கொண்டுள்ளது.
வாக்களிக்கும் செயல்முறையின் வரலாறு என்ன?
1952 மற்றும் 1957 முதல் இரண்டு பொதுத் தேர்தல்களில், ஒவ்வொரு வேட்பாளருக்கும் தனித்தனி பெட்டி இருந்தது. ஒவ்வொரு பெட்டியிலும் வேட்பாளரின் தேர்தல் சின்னம் இருந்தது. வாக்காளர்கள் ஒரு வெற்று வாக்குச் சீட்டைத் தாங்கள் தேர்ந்தெடுத்த வேட்பாளர் பெட்டியில் போட்டனர். மூன்றாவது தேர்தலில் நடைமுறை மாறியது. புதிய வாக்குச்சீட்டில் வேட்பாளர்களின் பெயர்கள் மற்றும் சின்னங்கள் பட்டியலிடப்பட்டுள்ளன. வாக்காளர்கள் தங்கள் விருப்பத்தை முத்திரையுடன் குறிப்பிட்டனர்.
மின்னணு வாக்குப்பதிவு இயந்திரம் (Electronic Voting Machines (EVMs)) முதன்முதலில் 1982 இல் சோதனை செய்யப்பட்டது. இந்த சோதனை கேரளாவில் உள்ள பரவூர் சட்டமன்றத் தொகுதியில் நடந்தது. 2001 சட்டமன்றத் தேர்தலின்போது, தமிழ்நாடு, கேரளா, புதுச்சேரி மற்றும் மேற்கு வங்கத்தில் உள்ள அனைத்து வாக்குச் சாவடிகளிலும் மின்னணு வாக்குப்பதிவு இயந்திரங்கள் பயன்படுத்தப்பட்டன. தேர்தல்களில் மின்னணு வாக்குப்பதிவு இயந்திரங்களைப் பயன்படுத்துவதை உச்ச நீதிமன்றம் தொடர்ந்து ஆதரித்து வருகிறது. 2004 லோக்சபா தேர்தலில், 543 தொகுதிகளிலும் மின்னணு வாக்குப்பதிவு இயந்திரங்கள் பயன்படுத்தப்பட்டன. 2013 ஆம் ஆண்டு, சுப்ரமணியன் சுவாமி மற்றும் இந்திய தேர்தல் ஆணையம் தொடர்ந்த வழக்கில் (Subramanian Swamy versus Election Commission of India (2013)), நியாமான தேர்தலுக்கு காகித ஒப்புகைச் சீட்டு இருப்பது அவசியம் என்று உச்ச நீதிமன்றம் கூறியது. 2019 தேர்தலில், அனைத்து தொகுதிகளிலும் க் 100% வாக்காளர் சரிபார்ப்பு காகித தணிக்கைச் சீட்டு (Voter Verifiable Paper Audit Trail (VVPAT)) கொண்ட மின்னணு வாக்குப்பதிவு இயந்திரங்களுடன் (EVM) பயன்படுத்தப்பட்டன.
சர்வதேச நடைமுறைகள் என்றால் என்ன?
பல மேற்கத்திய நாடுகள் இன்னும் வாக்களிப்பதற்கு காகித வாக்குச்சீட்டுகளைப் பயன்படுத்துகின்றன. இங்கிலாந்து, பிரான்ஸ், நெதர்லாந்து மற்றும் அமெரிக்கா ஆகியவை கடந்த 20 ஆண்டுகளில் தேசிய தேர்தல்களில் மின்னணு வாக்குப்பதிவு இயந்திரங்களைப் பயன்படுத்துவதை நிறுத்தின. ஜெர்மனியில் கடந்த 2009-ம் ஆண்டு நடைபெற்ற தேர்தலுக்கு மின்னணு வாக்குப்பதிவு இயந்திரங்களுக்கு உச்ச நீதிமன்றம் தடை விதித்தது. பிரேசில் வாக்களிக்க மின்னணு வாக்குப்பதிவு இயந்திரங்களைப் பயன்படுத்துகிறது. ஆனால், பாகிஸ்தான் பயன்படுத்துவதில்லை. பங்களாதேஷ் 2018 இல் சில பகுதிகளில் மின்னணு வாக்குப்பதிவு இயந்திரங்களை சோதித்தது. ஆனால், 2024 பொதுத் தேர்தலில் காகித வாக்குச்சீட்டுகளுக்கு மாறியது.
மின்னணு வாக்குப்பதிவு இயந்திரங்களின் சிறப்பம்சங்கள் என்ன?
மின்னணு வாக்குப்பதிவு இயந்திரங்களால் தேர்தலில் பல நன்மைகள் உள்ளன. முதலாவதாக, எவ்வளவு விரைவாக வாக்குகளை அளிக்க முடியும் என்பதால் வாக்குச்சாவடி கைப்பற்றப்படுவதை நிறுத்தலாம். இதனால், கள்ள ஓட்டு போட முயற்சிப்பது தவிர்கப்படுகிறது. இரண்டாவதாக, செல்லாத வாக்குகளை முற்றிலும் நிறுத்துகிறது, செல்லாத வாக்கு காகித வாக்குச்சீட்டுகளில் சிக்கல்களை ஏற்படுத்தும்.
மூன்றாவதாக, இந்தியாவில் 100 கோடி வாக்காளர்கள் இருப்பதால், மின்னணு வாக்குப்பதிவு இயந்திரங்களைப் பயன்படுத்துவது காகிதத்தை மிச்சப்படுத்துகிறது. மேலும், மின்னணு வாக்குப்பதிவு இயந்திரங்கள் வாக்குச்சாவடி ஊழியர்களின் வேலையை எளிதாக்குகின்றன மற்றும் வாக்குகளை எண்ணும் செயல்முறையை விரைவுபடுத்துகின்றன.
வாக்குப்பதிவு இயந்திரங்களை வாக்குச் சாவடிகளுக்கு தோராயமாக ஒதுக்குவது, சோதனை வாக்குப்பதிவு நடத்துவது மற்றும் வாக்கு எண்ணிக்கையின் போது மின்னணு வாக்குப்பதிவு இயந்திரங்களின் வரிசை எண்கள் மற்றும் மொத்த வாக்குகளின் எண்ணிக்கைகளை வேட்பாளர்களின் பிரதிநிதிகளுடன் பகிர்ந்து கொள்வது போன்ற செயல்களில் நம்பகமானவை என்பதை உறுதிப்படுத்த வழிகளும் உள்ளன.
பல்வேறு அரசியல் கட்சி தலைவர்கள் மற்றும் சமூக ஆர்வலர்கள் மின்னணு வாக்குப்பதிவு இயந்திரங்களில் நன்மைகள் இருந்தபோதிலும் பல சந்தேகங்களை எழுப்பியுள்ளனர். மின்னணு வாக்குப்பதிவு இயந்திரங்கள் மின்னணு இயந்திரங்கள் என்பதால் அவற்றை ஹேக் செய்ய முடியும் என்று அவர்கள் கூறுகின்றனர். மின்னணு வாக்குப்பதிவு இயந்திரங்கள் கால்குலேட்டர்கள் போன்றவை, அவை எந்த வெளிப்புற சாதனங்களுடனும் இணைக்கப்படவில்லை, எனவே அவற்றை ஹேக் செய்ய முடியாது என்று தேர்தல் ஆணையம் கூறுகிறது.
தற்போது, EVM எண்ணிக்கையை வாக்காளர் சரிபார்ப்பு காகித தணிக்கை ஒப்புகைச் சீட்டு இயந்திரத்துடன் (Voter Verifiable Paper Audit Trail (VVPAT)) பொருத்துவதற்கான மாதிரி அளவு தற்போது ஒரு சட்டமன்றத் தொகுதி/பிரிவுக்கு ஐந்து ஆக உள்ளது. இந்த மாதிரி அளவு முறை அறிவியல் அடிப்படையிலானது அல்ல. எனவே, வாக்கு எண்ணிக்கையின் போது அது பழுதடைந்த மின்னணு வாக்குப்பதிவு இயந்திரங்களை கண்டறிய முடியாமல் போகலாம். கூடுதலாக, ஒவ்வொரு வாக்குச் சாவடியிலும் எவ்வாறு வாக்களித்துள்ளனர் என்பதை இந்த அணுகுமுறை வெளிப்படுத்தும். பல்வேறு தரப்பினரும் இந்தத் தகவல்களைப் பயன்படுத்தி வாக்காளர்களின் விவரத்தைச் சேகரித்து அவர்களுக்கு மிரட்டல் விடுக்கலாம்.
முன்னோக்கி செல்லும் வழி என்னவாக இருக்கும்?
ஒரு நம்பகமான ஜனநாயகத்தில், ஒவ்வொரு குடிமகனுக்கும் தேர்தல் நடைமுறை மற்றும் நடவடிக்கைகளை எளிதாகப் புரிந்துகொண்டு சரிபார்க்க வேண்டும். வாக்காளர் சரிபார்ப்பு தாள் தணிக்கை இயந்திரத்தின் (VVPAT) முழு பயன்பாடு, வாக்காளர்கள் தங்கள் பதிவு செய்த வாக்குகள் சரியாக பதிவு செய்யப்பட்டுள்ளதா என்பதை உறுதிப்படுத்த அனுமதிக்கிறது. இருப்பினும், வாக்குகள் பதிவு செய்யப்பட்ட பின்னர் அவை துல்லியமாக எண்ணப்படுகின்றன என்பதை உறுதிப்படுத்த கூடுதல் நடவடிக்கைகள் தேவை. மின்னணு வாக்குப்பதிவு இயந்திரங்களின் எண்ணிக்கையுடன் ஒவ்வொரு வாக்காளர் சரிபார்ப்பு காகித தணிக்கை ஒப்புகைச் சீட்டு இயந்திரத்தின் (VVPAT) ஒப்புகைச் சீட்டையும் சரிபார்ப்பது நடைமுறைக்கு மாறானது மற்றும் அறிவியலுக்கு புறம்பானது. மின்னணு வாக்குப்பதிவு இயந்திரங்களின் எண்ணிக்கை மற்றும் வாக்காளர் சரிபார்ப்பு காகித தணிக்கை ஒப்புகைச் சீட்டு இயந்திரத்தின் சீட்டுகளை ஒப்பிடுவதற்கான மாதிரி அறிவியல் பூர்வமாக தேர்ந்தெடுக்கப்பட வேண்டும் என்று நிபுணர்கள் பரிந்துரைக்கின்றனர்.
இந்த நோக்கத்திற்காக ஒவ்வொரு மாநிலத்தையும் பெரிய பகுதிகளாகப் பிரிக்க அவர்கள் பரிந்துரைக்கின்றனர். ஏதேனும் தவறு கண்டறியப்பட்டால், பாதிக்கப்பட்ட பகுதியில் உள்ள அனைத்து VVPAT இயந்திரத்தின் சீட்டுகளையும் எண்ண வேண்டும். இந்த முழு எண்ணிக்கை பின்னர் அந்த பகுதிக்கான அதிகாரப்பூர்வ முடிவுகளை தீர்மானிக்கும். இந்த அணுகுமுறை வாக்கு எண்ணிக்கையில் மக்களுக்கு அதிக நம்பிக்கையை ஏற்படுத்தும். கூடுதலாக, வாக்குச் சாவடியில் வாக்காளர்களின் தனியுரிமையைப் பாதுகாக்க, 'கனக்கிடும்' இயந்திரங்களைப் (totaliser machines) பயன்படுத்தலாம். இந்த இயந்திரங்கள் ஒவ்வொரு வேட்பாளருக்கும் முடிவுகளைக் காண்பிப்பதற்கு முன்பு 15-20 மின்னணு வாக்குப்பதிவு இயந்திரங்களின் வாக்குகளை மதிப்பீடு செய்கின்றன.
ரங்கராஜன். ஆர் முன்னாள் ஐ.ஏ.எஸ் அதிகாரி, 'Polity Simplified' என்ற புத்தகத்தின் ஆசிரியர். Officers IAS Academy' யில் சிவில் சர்வீஸ் ஆர்வலர்களுக்கு பயிற்சி அளிக்கிறார்.