இந்திய வானிலை ஆய்வு மையம் (India Meteorological Department (IMD)) இந்த ஆண்டு பருவமழை இயல்பை விட அதிகமாக இருக்கும் என்று கணித்துள்ளது. உலகின் ஐந்தாவது பெரிய பொருளாதாரத்திற்கு இது ஒரு நல்ல செய்தி. மழைக்காலம் ஜூன் முதல் செப்டம்பர் வரை நீடிக்கும். இந்த காலகட்டத்தில் பெய்யும் மழை மிகவும் முக்கியமானது. அவை கோடையின் கடுமையான வெப்பத்தை குளிர்விக்க உதவுகின்றன.
இந்த மழை முக்கியமானதாக இருப்பதற்கு மூன்று முக்கிய காரணங்கள் உள்ளன. முதலாவதாக, அவை விவசாயத் துறையை ஊக்குவிக்கின்றன. நாட்டிலேயே விவசாயம்தான் அதிக வேலைவாய்ப்பை அளிக்கிறது. இரண்டாவதாக, இந்தியாவின் பாதி விவசாய நிலங்களில் நீர்ப்பாசன வசதிகள் இல்லை. இந்த விவசாய நிலம் பல முக்கியமான பயிர்களை வளர்க்க பருவமழையை நம்பியுள்ளது. நாட்டின் உணவுப் பாதுகாப்புக்கு இந்தப் பயிர்கள் இன்றியமையாதவை. மூன்றாவதாக, ஒரு நல்ல விவசாய விளைச்சல் உணவு விலைகளைக் கட்டுப்படுத்த உதவுகிறது. தற்போது, உணவு விலைகள் ஒன்றிய வங்கி ஏற்றுக்கொள்ளக் கூடியதாகக் கருதுவதை விட அதிகமாக உள்ளன.
இந்திய வானிலை ஆய்வு மையம் 2024 தென்மேற்கு பருவமழைக்கான கணிப்பை வழங்கியுள்ளது. மழைப்பொழிவு அதன் நீண்ட கால சராசரியில் (long-period average (LPA)) 106% இருக்கும் என்று அவர்கள் எதிர்பார்க்கிறார்கள். LPA ±5% மாதிரி பிழையுடன் கணக்கிடப்படுகிறது.சாதாரண மழைப்பொழிவு 50 ஆண்டு சராசரியில் 96% முதல் 104% வரை விழுகிறது, இது நான்கு மாத மழைக்காலத்திற்கு 87cm (35 அங்குலம்) ஆகும். இந்த பருவமழை நாட்டின் வருடாந்திர மழைப்பொழிவில் 70% வழங்குகிறது மற்றும் பாசனம், குடிநீர் மற்றும் மின் உற்பத்திக்கு முக்கியமான 89 முக்கியமான நீர்த்தேக்கங்களை மீண்டும் நிரப்புகிறது. இந்த நீர்த்தேக்கங்கள் தற்போது அவற்றின் இயல்பான கொள்ளளவில் 50% அளவில் உள்ளன.
சமீபத்திய மாதங்களில் எல் நினோ (El Nino) பலவீனமடைந்து வருகிறது. இது அதிக பசிபிக் பெருங்கடலின் மேற்பரப்பு வெப்பநிலையை ஏற்படுத்தும் வானிலைகாரணி. எல் நினோ என்பது பொதுவாக இந்தியாவில் வெப்பமான, வறண்ட காலநிலையைக் குறிக்கிறது. ஆனால் ஜூன் மாதத்தில் பருவமழை தொடங்கும் போது நிலைமைகள் நடுநிலை நிலைக்கு மாறும். இந்த நடுநிலை நிலை லா நினா (LA NINA) கட்டமாக மாறும் என்று எதிர்பார்க்கப்படுகிறது. பொதுவாக இந்தியாவில் இந்தண்டு கோடை மழையின் தாக்கம் அதிகமாக இருக்கும்.
ஒரு நல்ல பருவமழை பொருளாதாரத்தின் பல்வேறு துறைகளை உயர்த்தும். விவசாயம் செழிப்பாக இருக்கும் போது, கிராமப்புற செலவுகள் அதிகரித்து, ஒட்டுமொத்த தேவையை அதிகரிக்கும். எடுத்துக்காட்டாக, அனைத்து மோட்டார் சைக்கிள் விற்பனையில் கிட்டத்தட்ட பாதி கிராமப்புற மற்றும் அரை நகர்ப்புற பகுதிகளில் சாதாரண பருவமழை ஆண்டில் நடக்கிறது. இருப்பினும், மழைப்பொழிவு பகுதிகள் மற்றும் பருவத்தில் சமமாக விநியோகிக்கப்படுவது முக்கியம். ஒரு மாதத்தில் இந்திய வானிலை ஆய்வு மையம் மற்றொரு முன்னறிவிப்பு மழைப்பொழிவு பற்றிய விரிவான தகவல்களை வழங்கும்.