குறு, சிறு மற்றும் நடுத்தர நிறுவனங்கள் (MSME) தலைமையிலான வளர்ச்சியை ஊக்குவிப்பதற்காக வர்த்தக வரவுகள் தள்ளுபடி முறைமையை (TReDS) அளவிடுதல். -நிதி அமித் சதிஜா, அபினவ் பங்கா

 வர்த்தக வரவுகள் தள்ளுபடி முறைமையை (Trade Receivables Discounting System (TReDS)) நிலையான கடன் வலுப்படுத்துவதற்கும், பணி மூலதன அழுத்தத்தைக் குறைப்பதற்கும் ஒரு வலுவான கருவியாக மாற்றும் திட்டங்கள் நிதிநிலை அறிக்கையில் உள்ளன.

நிதித்துறை மேம்பாடு குறித்த விவாதங்களில், கடன் செலுத்தும் கட்டமைப்பை குறைத்து மதிப்பிடும் அதேவேளையில், பெரும்பாலும் கடன் வழங்கலில் கவனம் செலுத்தப்படுகிறது. வர்த்தக வரவுகள் தள்ளுபடி அமைப்பு (TReDS) என்பது குறு, சிறு மற்றும் நடுத்தர நிறுவனங்களுக்கு (MSME) தாமதமாக பணம் செலுத்துவதன் நீண்டகால பிரச்சனையை மற்றும் அதன் விளைவாக ஏற்படும் பணி மூலதன அழுத்தத்தை நிவர்த்தி செய்யும் ஒரு நிறுவன கண்டுபிடிப்பு மூலதன அழுத்தத்தை உருவாக்குகின்றன. உலக வங்கியின் 2025 நிதித் துறை மதிப்பீட்டுத் திட்டம் (Financial Sector Assessment Program (FSAP)) அறிக்கையுடன் சேர்த்து வாசிக்கப்பட்ட 2026-27 நிதிநிலை அறிக்கை, அரசாங்கம் வர்த்தக வரவுகள் தள்ளுபடி அமைப்பை (TReDS) ஒரு நிதி தொழில்நுட்பத் தளமாக மட்டுமல்லாமல், கட்டமைப்பு சீர்திருத்தத்திற்கான ஒரு கருவியாகவும் அங்கீகரித்துள்ளது என்பதைக் குறிக்கிறது.

அதன் தொடக்கத்திலிருந்து ₹7.5 லட்சம் கோடிக்கு மேல் வர்த்தக வரவுகள் தள்ளுபடி அமைப்பு (TReDS) மூலம் ஏற்கனவே நிதியளிக்கப்பட்டுள்ளது. சமீபத்திய ஆண்டுகளில் வருடாந்திர அளவுகள் ₹2 லட்சம் கோடியைத் தாண்டிவிட்டன. மேலும், மாதாந்திர செயல்திறன் சமீபத்தில் ₹30,000 கோடியைத் தாண்டியுள்ளது. இருப்பினும், எந்த நேரத்திலும் பல லட்சம் கோடிகளை எட்டும் இந்தியாவின் குறு, சிறு மற்றும் நடுத்தர நிறுவனங்களின் (MSME) வரவுகளின் அளவை ஒப்பிடும்போது, வர்த்தக வரவுகள் தள்ளுபடி அமைப்பு (TReDS) ஊடுருவல் இன்னும் குறைவாகவே உள்ளது.

சாத்தியமான மற்றும் உண்மையான விளைவுகளுக்கு இடையிலான இந்த வேறுபாடு, நிதித் துறை மதிப்பீட்டுத் திட்டத்தின் (FSAP) கீழ் உலகவங்கியால் முன்னிலைப்படுத்தப்பட்ட கவலையாகும்.

இதை நிவர்த்தி செய்ய, வங்கி மூன்று இணைக்கப்பட்ட படிகளை பரிந்துரைத்தது. முதலாவதாக, இரண்டாவது நிதிச் சாளரத்தையும், காரணியாக்கத்திற்கான கடன் உத்தரவாதத் திட்டத்தையும் தொடங்க அறிவுறுத்தியது. இரண்டாவதாக, பெரியளவில் வாங்குபவர்களுக்கு விலைப்பட்டியல்களைப் பதிவேற்ற ஊக்கத்தொகைகளை வழங்க பரிந்துரைத்தது. அரசுக்குச் சொந்தமான நிறுவனங்கள் (state-owned enterprises (SOE)) விலைப்பட்டியல்களைப் பதிவேற்றுவதை கட்டாயமாக்குவதையும் அது பரிந்துரைத்தது. மூன்றாவதாக, முதல்-நஷ்ட முதலீட்டுப் பட்டியல் அணுகுமுறை மூலம் குறு மற்றும் சிறு நிறுவனங்களுக்கான கடன் உத்தரவாத நிதி அறக்கட்டளையைப் (CGTMSE) பயன்படுத்துவதை அறிவுறுத்தியது. இது வலுவான நிதி மாதிரியாக்கம் மற்றும் சரியான ஒழுங்குமுறை மேற்பார்வையால் ஆதரிக்கப்பட வேண்டும். சமீபத்திய நிதிநிலை அறிக்கைத் திட்டங்கள் இந்த பரிந்துரைகளுடன் கிட்டத்தட்ட ஒவ்வொரு நிலையிலும் நெருக்கமாகப் பொருந்துகின்றன.

குறு, சிறு மற்றும் நடுத்தர நிறுவனங்களின் (MSME) இருந்து அனைத்து மத்திய பொதுத்துறை நிறுவனங்களின் (CPSE) கொள்முதல்களுக்கும் பரிவர்த்தனையின் தீர்வு தளமாக வர்த்தக வரவுகள் தள்ளுபடி முறைமையை (TReDS) கட்டாயப்படுத்தும் திட்டத்தை முதலில் கவனியுங்கள். இது ஒரு நிர்வாக உத்தரவை விட அதிகம். இது வாங்குபவர்-விநியோகர் உறவுகளில் அதிகாரத்தின் சமச்சீரற்ற தன்மையை நிவர்த்தி செய்கிறது. பெரிய பொதுத்துறை வாங்குபவர்கள் விலைப்பட்டியல் உறுதிப்படுத்தல் அல்லது கட்டணத்தை தாமதப்படுத்தும்போது, ​​குறு, சிறு மற்றும் நடுத்தர நிறுவனங்கள் (MSME) பணப்புழக்கச் சிக்கலைச் சுமக்கின்றன. மத்திய பொதுத்துறை நிறுவனங்கள் (CPSE) வர்த்தக வரவுகள் தள்ளுபடி அமைப்பு (TReDS) மூலம் பரிவர்த்தனை செய்யுமாறு கோருவதன் மூலம், அரசாங்கம் பெறத்தக்கவைகள் தொடர்பில் கணிக்கக்கூடிய தன்மை, வெளிப்படைத்தன்மை மற்றும் அமலாக்கத்தை அறிமுகப்படுத்துகிறது. இது தனியார் நிறுவனங்களுக்கு ஒரு அளவுகோலையும் உருவாக்குகிறது.

இரண்டாவதாக, விலைப்பட்டியல் தள்ளுபடிக்கான குறு மற்றும் சிறு நிறுவனங்களுக்கான கடன் உத்தரவாத நிதி அறக்கட்டளைகள் (CGTMSE)-ஆதரவு கடன் உத்தரவாத செயல்முறையை அறிமுகப்படுத்துவது, இடர்-பகிர்வு மூலம் காரணியாக்கத்தை அளவிடுவதற்கான நிதித் துறை மதிப்பீட்டுத் திட்டத்தின் (FSAP) அழைப்பை நேரடியாக செயல்படுத்துகிறது மற்றும் குறு, சிறு மற்றும் நடுத்தர நிறுவனங்களுக்கான (MSME) பிணையமில்லாத கடன் வரம்பை ₹10 லட்சத்திலிருந்து ₹20 லட்சமாக உயர்த்துவதற்கான இந்திய ரிசர்வ் வங்கியின் (RBI) சமீபத்திய முடிவை நிறைவு செய்கிறது. அதிக பாதுகாப்பற்ற கடன் வரம்பு கடன் வாங்குபவர்களுக்கான நுழைவுத் தடைகளைக் குறைக்கும் அதே வேளையில், முதல் இழப்பு உத்தரவாதம் கடன் வழங்குபவர் தரப்பு அபாயத்தைக் குறைக்கிறது. உண்மையான பிரச்சினை பணப்புழக்கம் இல்லாதது அல்ல, பெறக்கூடியவை நிதியளிப்பில் உள்ள முக்கிய தடை, கடன் அபாயத்தின் கருத்து மற்றும் விலை நிர்ணயம் ஆகியவற்றை நிவர்த்தி செய்கிறது. இந்த நடவடிக்கைகள் ஒன்றாக, வங்கிகள் மற்றும் வங்கி சாரா நிதி நிறுவனங்களில் (NBFC) கூட்டம் கூட்டமாக ஒரு சமநிலையான கட்டமைப்பை உருவாக்குகின்றன. இதனால் குறு, சிறு மற்றும் நடுத்தர நிறுவனங்களின் (MSME) கடன் அணுகலை விரிவுபடுத்துகிறது.

தகவல் சமநிலை

மூன்றாவதாக, அரசாங்க மின்-சந்தையை வர்த்தக வரவுகள் தள்ளுபடி அமைப்புடன் (TReDS) இணைப்பது, தகவல் சமநிலை திறமையான சந்தைகளுக்கு அடித்தளமாக உள்ளது என்பதை அங்கீகரிக்கிறது. அரசாங்க மின்-சந்தை குறு, சிறு மற்றும் நடுத்தர நிறுவனங்களிடமிருந்து (MSME) பொது கொள்முதல் செய்வதற்கான ஒரு குறிப்பிடத்தக்க பகுதியாக மாறியுள்ளது.

வர்த்தக வரவுகள் தள்ளுபடி அமைப்பில் (TReDS) உள்ள நிதியாளர்கள் சரிபார்க்கப்பட்ட கொள்முதல் தரவை அணுக உதவுவதன் மூலம், சீர்திருத்தம் உரிய விடாமுயற்சி செலவுகளைக் குறைக்கிறது, மோசடிக்கான அபாயத்தைக் குறைக்கிறது மற்றும் பரிவர்த்தனைகளை முடிக்க எடுக்கும் நேரம் குறைகிறது. பொருளாதார அடிப்படையில், இது பரிவர்த்தனை செலவுகளைக் குறைக்கிறது மற்றும் ஒதுக்கீட்டுத் திறனை மேம்படுத்துகிறது.

நான்காவதாக, வர்த்தக வரவுகள் தள்ளுபடி முறைமை (TReDS) பெறக்கூடியவைகளை சொத்து ஆதரவு பத்திரங்களாக உருவாக்கும் திட்டம், நிதியாளர்கள் தங்கள் மூலதனத்தை மறுசுழற்சி செய்யவும், ஆபத்தை பல்வகைப்படுத்தவும் அனுமதிக்கும். இது இந்தியாவின் பரந்த கடன் மூலதன சந்தை சுற்றுச்சூழல் அமைப்பில் விலைப்பட்டியல் தள்ளுபடியை ஒருங்கிணைக்கிறது. அவ்வாறு செய்வதன் மூலம், இது நிதிச் சந்தைகளையும் வலுப்படுத்துகிறது. இது நிதித் துறை மதிப்பீட்டுத் திட்டம் (FSAP) தொடர்ந்து மீள்தன்மை மற்றும் வளர்ச்சியுடன் இணைக்கும் ஒரு நோக்கமாகும்.

பேரியல் பொருளாதார சூழல்

வணிகங்கள் பெற வேண்டிய பணம் வழங்கல்கள் தாமதமாகும்போது, ​​அவர்களின் பணம் தேங்கி நிற்கும். இதன் காரணமாக, உற்பத்தி சுழற்சிகள் குறைகின்றன. நிறுவனங்கள் புதிய முதலீடுகளை ஒத்திவைக்கின்றன. கடன் வாங்குவதற்கான செலவும் அதிகரிக்கிறது. முறைசாரா வர்த்தக கடன் சங்கிலிகள் தெளிவற்றவை மற்றும் சரிவுகளின் போது மன அழுத்தத்தை அதிகரிக்கக்கூடும் என்பதால் நிதி நிலைத்தன்மை பரிமாணமும் உள்ளது. வர்த்தக வரவுகள் தள்ளுபடி அமைப்பு (TReDS) இந்த வெளிப்பாடுகளை ரிசர்வ் வங்கியின் மேற்பார்வையின் கீழ் ஒரு ஒழுங்குபடுத்தப்பட்ட கட்டமைப்பிற்குள் கொண்டுவருகிறது. மத்திய பொதுத்துறை நிறுவனங்களின் (CPSE) கட்டாயப் பங்கேற்பு, கவனமாக வடிவமைக்கப்பட்ட கடன் உத்தரவாதங்கள் மற்றும் இறுதிப் பத்திரமயமாக்கல் ஆகியவற்றின் கலவையானது, பரந்த முதலீட்டாளர் தளத்தில் ஆபத்தை பரப்பும் அதேவேளையில் வெளிப்படைத்தன்மையை மேம்படுத்துகிறது. இது, குறிப்பாக சிறு மற்றும் நடுத்தர நிறுவனங்களுக்கு செயல்படாத சொத்துக்கள் (non-performing assets (NPA)) அளவைக் குறைப்பதில் நேர்மறையான தாக்கத்தை ஏற்படுத்துகிறது.

இந்தியா ஒரு வளர்ந்த பொருளாதாரமாக மாறுவதை நோக்கி நகரும்போது, செயல்பாட்டு மூலதன செயல்திறனில் முன்னேற்றங்கள் அதிக பொதுமக்களின் கவனத்தை ஈர்க்காமல் போகலாம். இருப்பினும், இந்த மேம்பாடுகள் காலப்போக்கில் கூடுகின்றன. அவர்கள் நீண்டகால வளர்ச்சியில் முக்கியப் பங்கு வகிக்கிறார்கள்.

எழுத்தாளர்கள் நிதி அமைச்சகத்தில் உள்ள இந்திய பொருளாதார சேவை (IES) அதிகாரிகள் ஆவர்.

Original article :  Scaling TReDS for fostering MSME-led growth. -Nidhi Amit Satija, Abhinav Banka

Read More →

‘The Wealth of Nations (நாடுகளின் செல்வம்)’ நூல் மற்றும் குவிந்த அதிகாரத்தின் மீதான அதன் நீடித்த அவநம்பிக்கை குறித்த மறுபார்வை -பிரதாப் பானு மேத்தா

 ஆடம் ஸ்மித்தின் வணிகவாத விமர்சனம் தலையீடு இல்லாததற்கான எளிய வாதம் அல்ல. அது அரசுகள் எவ்வாறு சொந்த நலன்களால் எவ்வாறு கைப்பற்றப்படுகின்றன என்பதற்கான ஒரு கவனமான விளக்கமாகும்.

மார்ச் 9, 1776 அன்று, சரியாக 250 ஆண்டுகளுக்கு முன்பு, 1,000 பக்கங்களுக்கு மேல் நீளமுள்ள, ஒரு பவுண்டு 16 ஷில்லிங் (sixteen shillings) விலை கொண்ட ஒரு அழகான புத்தகம் லண்டனில் உள்ள புத்தக அலமாரிகளில் தோன்றியது. அதன் ஆசிரியர், கிளாஸ்கோவில் ஒழுக்க தத்துவத்தின் முன்னாள் பேராசிரியர், ஏற்கனவே நன்கு அறியப்பட்டவர். நாடுகளின் செல்வத்தின் தன்மை மற்றும் காரணங்கள் பற்றிய ஆய்வு (An Inquiry into the Nature and Causes of the Wealth of Nations) பற்றிய இந்தப் படைப்பின் நிலை சுதந்திரம், அதிகாரம், செழிப்பு மற்றும் நீதி பற்றிய சிந்தனையை நீடித்த முறையில் மாற்றியமைத்தது. எந்தவொரு சிறந்த படைப்பையும் போலவே, இதை இடதுசாரி அல்லது வலதுசாரி என்று எளிதில் முத்திரை குத்த முடியாது. அரசியலின் இரு தரப்பிலிருந்தும் மக்கள் தங்கள் கருத்துக்களை ஆதரிக்க இதைப் பயன்படுத்தியுள்ளனர். இந்தப் புத்தகம் ஒரு வகை எழுத்துக்குள் மட்டும் பொருந்தாது. இது அரசியல் பொருளாதாரத்தில் புரட்சியை ஏற்படுத்தியிருந்தாலும், இது சட்டம், நிறுவனங்கள், வரலாறு மற்றும், சிறப்பியல்புரீதியாக, தார்மீக உளவியல் ஆகியவற்றில் மிக அதிகமாக உள்ளது. இதில் பெரும்பாலானவை மருத்துவ பாணியில் எழுதப்பட்டுள்ளன. சில நேரங்களில், எழுத்து வறண்டதாக உணர்கிறது. ஆனாலும், அது துடிப்பான சிலிர்ப்பூட்டும் தன்மை கொண்டது. இது எதிர்பாராத விவாதம், தாராள மனப்பான்மை மற்றும் மனிதாபிமானம், முரண்பாடான தன்மை மற்றும் முரண்பாட்டுடன் உயிர்ப்புடன் உள்ளது.

பொருளாதாரத்தைப் பொறுத்தவரை, புத்தகம் ஒரு தீர்க்கமான மற்றும் முக்கியமான மாற்றத்தைக் குறித்தது. நாடுகளின் செல்வம் வர்த்தக சமநிலை அல்லது தங்கக் குவிப்பு மூலம் அல்ல, மாறாக சமூகத்தின் மொத்த உற்பத்தித் திறன் மற்றும் சாதாரண மக்களின் வாழ்க்கைத் தரத்தில் அதன் மேம்பாட்டின் மூலம் அளவிடப்படுகிறது. இது செல்வந்தர்கள் மற்றும் அரசின் குவிப்பிலிருந்து திறன்களின் பரவலுக்கு இந்தப் புத்தகம் கவனத்தை நகர்த்தியது. இது செல்வத்தின் கருத்தை ஜனநாயகப்படுத்தியது. பின்னர் அது உற்பத்தித்திறன் நிலைமைகள், எல்லாவற்றிற்கும் மேலாக உழைப்புப் பிரிவினைக்கு சிறப்பு முக்கியத்துவம், அதுவே சந்தையின் அளவின் விளைவாகும் என்று விசாரித்தது. ஊதியங்கள், வாடகைகள் மற்றும் இலாபங்கள் ஒரு பகுப்பாய்வு சட்டகத்திற்குள் கொண்டுவரப்பட்டன. புத்தகத்தின் சாராம்சம் வெளிப்படையானது மற்றும் பிடிவாதமற்றது. சில சமூகங்கள் ஏன் செழித்து வளர்கின்றன, மற்றவை ஏன் தேக்கமடைகின்றன என்பது பற்றிய தொடர்ச்சியான விசாரணை இது.

வலுவான நிலையில், புத்தகம் பல பொதுவான கிளர்ச்சிகளை சவால் செய்கிறது. பலர் ஆடம் ஸ்மித்தை அரசின் தலையிடாக் கொள்கையின் (laissez-faire) வலுவான ஆதரவாளராக தவறாக விவரிக்கிறார்கள். "நேரடித் திட்டமிடல் இல்லாமலே" (invisible hand) தானாகவே சுயநலத்தை பொதுநலனாக மாற்றுகிறது என்று நம்பிய ஒருவராக அவர்கள் அவரை சித்தரிக்கிறார்கள். இருப்பினும், அவர் சுயநலத்தை பகுப்பாய்வு செய்யும்போது, ​​நீதியின் கட்டமைப்பிற்குள் மேற்கொள்கிறார். புத்தகத்தின் அறிவுசார் சக்தியின் பெரும்பகுதி, மனிதர்கள் பல காரணங்களுக்காக செயல்படுகிறார்கள் என்பதை அங்கீகரிப்பதன்மூலம் இது நிலவுகிறது. சுயநலம் என்பது மனித இயல்பின் ஒரு நிலையான கோட்பாடு அல்ல. இது பெரும்பாலும் அவர்களின் முக்கியக் காரணமாக இருப்பதற்குப் பதிலாக நிறுவனங்கள் மற்றும் கல்வியால் வடிவமைக்கப்படுகிறது. அறிவொளியின் சிந்தனையாளராக, ஆடம் ஸ்மித், பகுத்தறிவை அல்ல, கற்பனையை முக்கிய மனித திறனாக, சுதந்திரம் மற்றும் படைப்பாற்றல் இரண்டிற்கும் ஆதாரமாக வைக்கிறார்.

இந்தப் புத்தகம் முக்கியமாக மோதல்களை உள்ளடக்கிய சமூக தொடர்புகளின் வடிவங்களைப் பற்றியது. மக்கள் தங்கள் நலன்கள் முழுமையாக சீரமைக்கப்படாதபோது ஒருவருக்கொருவர் எவ்வாறு தொடர்பு கொள்கிறார்கள் என்பதை இது ஆய்வு செய்கிறது. அதன் மிகவும் பிரபலமான "நமது இரவு உணவை கசாப்புக்காரன், மதுபானம் தயாரிப்பவர், அல்லது அப்பக்காரன் ஆகியோரின் இரக்கத்திலிருந்தோ அல்லது தயவிலிருந்தோ நாம் எதிர்பார்க்கவில்லை; மாறாக, அவர்களின் சொந்த நலனை அவர்கள் கருத்தில் கொள்வதாலேயே எதிர்பார்க்கிறோம். நாம் அவர்களிடம் மனிதநேயத்தை மேலிடுத்து பேசுவதில்லை; அவர்களின் சுயநலத்தையே (self-love) முன்வைக்கிறோம். நமது சொந்த தேவைகளைப் பற்றி அவர்களிடம் பேசுவதில்லை; அவர்களுக்கு கிடைக்கும் நன்மைகளைப் பற்றியே பேசுகிறோம். பிச்சைக்காரன் தவிர வேறு யாரும் தங்கள் சக குடிமகனின் தயவையே முதன்மையாக நம்பி வாழ விரும்புவதில்லை.இங்கு ஸ்மித் கவலைப்படுவது பரஸ்பரம் (reciprocity) மற்றும் சுதந்திரத்தைப் பற்றியே ஆகும். சந்தை பரிவர்த்தனை, அதன் சிறந்த வடிவத்தில், நாம் ஒருவரையொருவர் சமமானவர்களாக அணுக உதவுகிறது; ஒருவரின் நலன்களை மேலிடுத்து மற்றவர்களை அணுகுகிறோம், தயவு கேட்டு இறங்கி நிற்பதில்லை. மற்ற வகை பரிவர்த்தனைகளில், சார்புநிலை (dependency) அல்லது படிநிலை (hierarchy) ஏற்படும் அபாயம் உள்ளது. எனவே உண்மையான கேள்வி இதுதான்: இத்தகைய பரஸ்பர சுதந்திரம் எந்த நிலைமைகளில் உண்மையாக உருவாக முடியும்? பரவலாகவும் ஒப்பீட்டளவில் சமத்துவமாக செல்வம் பரவாமல் அந்த வாக்குறுதியை கற்பனை செய்வது கடினம்.

நாடுகளின் செல்வம் (The Wealth of Nations) என்ற அரசியல் வாதம் இன்றும் கூட சக்திவாய்ந்ததாகவே உள்ளது. வணிகவாதம் குறித்த ஆடம் ஸ்மித்தின் விமர்சனம், அரசாங்கத் தலையீடு இல்லாததற்கான ஒரு வாதம் மட்டுமல்ல, இது ஒரு வலுவான பகுப்பாய்வாகும். அரசாங்கங்கள் பெரும்பாலும் சக்திவாய்ந்த சுயநலவாதிகளால் எவ்வாறு கட்டுப்படுத்தப்படுகின்றன என்பதை அவர் காட்டினார். முதலாளித்துவத்தை முதலாளித்துவத்திடமிருந்து மீட்க அவர் முயன்றார். வணிகக் கட்டுப்பாடுகளின் அபத்தங்கள், காலனித்துவ ஏகபோகங்களின் கொள்ளைகள் மற்றும் கொள்கை தனியார் ஆதாயத்திற்கான கருவியாக மாறும் வழிகளை அவர் அம்பலப்படுத்தினார். புத்தகத்தின் மகத்தான முரண்பாடுகளில் ஒன்று, "இயற்கை" மற்றும் பகுத்தறிவு வளர்ச்சியின் வரிசையை உண்மையான சமூகங்கள் எடுக்கும் ஒழுங்கற்ற பாதையுடன் இணைப்பதாகும். அதன் மிக நீண்ட வரலாற்று அத்தியாயம் வளர்ச்சி கோட்பாடு பரிந்துரைக்கும் வரிசையை அரிதாகவே பின்பற்றுகிறது என்பதைக் காட்டுகிறது. இது தற்செயல், அதிகாரப் போராட்டங்கள், தவறுகள் மற்றும் விபத்துக்கள் மூலம் நிகழ்கிறது. இலட்சியக் கோட்பாட்டையும் உண்மையான வரலாற்றையும் ஒரே சட்டகத்தில் வைத்திருக்கும் திறன் புத்தகத்திற்கு அதன் அரிய அறிவுசார் ஆழத்தை (rare intellectual depth) அளிக்கிறது.

மூலதனத்தின் உரிமையாளர்களைப் பற்றி ஆடம் ஸ்மித் குறிப்பிடுவதற்கு புகழ்ச்சி அளிக்கும் அளவுக்கு எதுவும் இல்லை. அவர்கள் பெரும்பாலும் ஏழைகளுக்கு எதிராக இணைகிறார்கள், சட்டத்தை சிதைக்கிறார்கள், நலனுக்கு சேவை செய்வது போல் குறுகிய நலன்களைப் பின்பற்றுகிறார்கள். அவர் இரண்டு அவமானங்களின் கடுமையான விளக்கங்களை வழங்கினார். முதலாவது வறுமையின் அவமானம் (indignity of poverty), இது மக்களை சமூகரீதியாக கண்ணுக்குத் தெரியாதவர்களாகவும் ஆக்குகிறது. காலப்போக்கில், மக்கள் இந்த கண்ணுக்குத் தெரியாததை சாதாரணமாக ஏற்றுக்கொள்ளத் தொடங்கலாம். இரண்டாவது பிரச்சனை உழைப்புப் பிரிவினைப் (division of labour) பற்றியது. அதன் உற்பத்தித்திறன் அனைத்திற்கும் மேலாக, குறிப்பாக செயலிழந்த தொழில்களில் தீவிர நிபுணத்துவம் மனித மனதைத் தடுமாறச் செய்யும். அதனால்தான் அவர் பொதுக் கல்வியை ஒரு தீர்வாக வலுவாக ஆதரித்தார். வணிக சமூகத்தின் அவரது நன்கு அறியப்பட்ட பாதுகாப்புகூட அதன் தார்மீக செலவுகளை அங்கீகரித்தது.

சுதந்திர வர்த்தகத்தைப் பாதுகாப்பதுகூட வழக்கமாகக் கருதப்படுவதைவிட மிகவும் சிக்கலானது. ஆடம் ஸ்மித் தேசிய பெருமை அல்லது போட்டியின் சக்தியை புறக்கணிக்கவில்லை. பாதுகாப்புவாதக் கொள்கைகள் தேசபக்தி உணர்வுகளை திருப்திப்படுத்தக்கூடும். இருப்பினும், அவை ஏகபோகங்களை வலுப்படுத்துகின்றன. அவை நுகர்வோருக்கான செலவுகளை அதிகரிக்கின்றன. இறுதியில், அவை சமூகத்தைப் பாதுகாப்பதாகக் கூறினாலும், அவை சமூகத்தை ஏழையாக்குகின்றன.  ஆடம் ஸ்மித்தைப் பொறுத்தவரை, தடையற்ற வர்த்தகம் என்பது குவிந்த பொருளாதார சக்தியை எவ்வாறு ஒழுங்குபடுத்துவது மற்றும் பரஸ்பர ஆதாயத்தின் நிலைமையை எவ்வாறு விரிவுபடுத்துவது என்பது பற்றிய ஒரு கடினமான தீர்ப்பாகும்.

ஆடம் ஸ்மித்தில் தனித்து நிற்கும் விஷயம் என்னவென்றால், தார்மீக தெளிவு (moral clarity) மற்றும் சிந்தனைமிக்க சந்தேகம் (thoughtful doubt) ஆகியவற்றின் கலவையாகும். ஆடம் ஸ்மித் எதிர்காலத்தைப் பற்றி நம்பிக்கையுடன் இருக்கிறார். ஆனால், முன்னேற்றம் பெரும்பாலும் எதிர்பாராத நோக்கங்களிலிருந்து வெளிப்படுகிறது என்பதை அவர் புரிந்துகொள்கிறார். சில நேரங்களில், தவறான நோக்கங்கள் விருப்பம் இல்லாமல் ஏற்றுக்கொள்ளக்கூடிய விளைவுகளை உருவாக்குகின்றன. சில நேரங்களில் உன்னதமான திட்டங்கள் கூட சூழ்நிலைகளால் சேதமடைகின்றன. சுதந்திரம் மெதுவாக வளர்கிறது என்று அவர் நினைக்கிறார். அது காலப்போக்கில் வலுவான நிறுவனங்கள் மூலம் வளர்கிறது. உண்மையான மாற்றம் பொதுவாக உரத்த புரட்சிகள் அல்லது எளிய தார்மீக முழக்கங்கள் மூலம் வருவதில்லை. இது கவனமாகவும் நடைமுறைரீதியாகவும் செயல்படுகிறது. இது ஏற்கனவே இருக்கும் நிலைமைகளுடன் செயல்படுகிறது.

 

1776-ம் ஆண்டு எட்வர்ட் கிப்பனின் ரோமானியப் பேரரசின் சரிவு மற்றும் வீழ்ச்சியின் வரலாறு (The History of the Decline and Fall of the Roman Empire) வெளியிடப்பட்டது. இது அமெரிக்க சுதந்திர ஆண்டாகவும் இருந்தது. ஆடம் ஸ்மித்தின் கருத்துக்கள் ஜேம்ஸ் மேடிசன் மற்றும் அலெக்சாண்டர் ஹாமில்டனை பாதித்தன. இதில் பொருளாதாரம் மட்டுமல்ல, நிறுவனங்கள் மற்றும் மத சுதந்திரம் ஆகியவை அடங்கும். இந்த நேரத்தில், சரிவு மற்றும் வீழ்ச்சி (Decline and Fall) என்பது ஊழல் நிறைந்த இராஜ்ஜியத்தின் மிகவும் பொருத்தமானதாகத் தோன்றலாம். ஆனால், நாடுகளின் செல்வம் (The Wealth of Nations) வரையறுக்கும் உணர்திறன், அது எங்கிருந்தாலும், குவிந்த அதிகாரத்தின் மீதான ஆழ்ந்த அவநம்பிக்கையாகும். இந்தக் காரணத்திற்காக, அது தாராளமயத்தின் சக்திவாய்ந்த நினைவுச்சின்னமாக நிற்கிறது.

எழுத்தாளர் தி இந்தியன் எக்ஸ்பிரஸில் பங்களிப்பு ஆசிரியராக உள்ளார்.

Original article :  Revisiting ‘The Wealth of Nations’ and its abiding suspicion of concentrated power. -Pratap Bhanu Mehta

Read More →

குழந்தைகளுக்காக அரசு செலவழிக்கும் போது : சிக்கிம் மாநிலத்திலிருந்து சில படிப்பினைகள் -எஸ்.ஒய்.குரைஷி

 ஆந்திரப் பிரதேசம் குறைந்த கருவுறுதல் (low fertility) விகிதம் குறித்து கவலைப்படுகிறது என்றால், சிக்கிம் பல ஆண்டுகளாக இந்தப் பிரச்சினையை எதிர்கொள்கிறது. மேலும், சிக்கிம் இந்தியாவில் மிகக் குறைந்த கருவுறுதல் விகிதத்தைக் கொண்டுள்ளது. இது, உலகின் மிகக் குறைந்த கருவுறுதல் சமூகங்களுடன் ஒப்பிடுகையில், ஒரு பெண்ணுக்கு சுமார் 1.1 குழந்தைகள் என்ற விகிதத்தில் உள்ளது.

ஆந்திரப் பிரதேச முதல்வர் என். சந்திரபாபு நாயுடு சமீபத்தில் குறிப்பிட்ட அறிக்கையானது, இரண்டாவது அல்லது மூன்றாவது குழந்தையைப் பெற்ற தம்பதிகளுக்கு ரூ.25,000 ரொக்க ஊக்கத்தொகையை முன்மொழிந்தபோது, ​​அது இந்தியாவின் மக்கள்தொகை எதிர்காலம் குறித்த ஒரு முக்கியமான கேள்வியை மீண்டும் எழுப்பியது. நிதி ஊக்கத்தொகைகளை வழங்குவதன் மூலம் அரசாங்கங்கள் பிறப்பு விகிதத்தை அதிகரிக்க முடியுமா? என்பதுதான் முக்கிய கேள்வியாக உள்ளது. ஆந்திரப் பிரதேசம் இன்று ஒரு பெண்ணுக்கு சுமார் 1.4 என்ற விகிதத்தில் குழந்தைகளின் மொத்த கருவுறுதல் விகிதத்தைப் பதிவு செய்கிறது. இது 2.1 என்ற மாற்று அளவை விடக் கணிசமாகக் குறைவாகும். மக்கள்தொகையில் வயதானவர்களைக் கொண்டு நீண்டகால பொருளாதார விளைவுகள் குறித்து கவலை கொண்ட மாநில அரசு, அதிக குழந்தைகளைப் பெற குடும்பங்களை ஊக்குவிக்கும் வழிகளை அரசு ஆராய்ந்து வருகிறது.

தம்பதிகளுக்கு அதிக குழந்தைகளைப் பெற அரசு பணம் செலுத்துவது குறித்த யோசனை துணிச்சலாகத் தோன்றலாம். இருப்பினும், சிக்கிமில் பல ஆண்டுகளாக நடந்துவரும் இதேபோன்ற ஒரு அணுகுமுறையை இந்தியா ஏற்கனவே முயற்சித்துள்ளது. ஆந்திரப் பிரதேசம் குறைந்த கருவுறுதல் குறித்து கவலைப்படுகிறது என்றால், சிக்கிம் சில காலமாக மிகக் குறைந்த கருவுறுதல் நிலையை எதிர்கொண்டு வருகிறது. மேலும் சிக்கிமானது இந்தியாவில் மிகக் குறைந்த கருவுறுதல் விகிதத்தைக் கொண்டுள்ளது. அதன் கருவுறுதல் விகிதம் ஒரு பெண்ணுக்கு சுமார் 1.1 குழந்தைகள் ஆகும். இது இந்தியாவிலேயே மிகக் குறைவு மற்றும் உலகிலேயே காணப்படும் மிகக் குறைந்த அளவிற்கு அருகில் உள்ளது. மக்கள்தொகையில் வயதானவர்கள் மற்றும் குறைந்து வரும் பணியாளர்கள் உட்பட இத்தகைய கடுமையான சரிவின் தாக்கங்கள் குறித்து கவலை கொண்ட சிக்கிம் அரசு நடவடிக்கை எடுக்க முடிவு செய்தது.

2022-ம் ஆண்டில், தம்பதிகள் அதிக குழந்தைகளைப் பெற ஊக்குவிப்பதற்காகவே அரசு தொடர்ச்சியாக பல சலுகைகளை அறிமுகப்படுத்தியது. இது எந்தவொரு இந்திய மாநிலமும் முயற்சித்த, மிகவும் விரிவான பிறப்புக்கு முந்தைய கொள்கையாக இருக்கலாம். அரசுப் பணியாளர்களுக்கு, பிரசவத்துடன் நேரடியாக இணைக்கப்பட்ட சம்பள உயர்வுகளை அரசு அறிமுகப்படுத்தியது. மேலும் இரண்டாவது குழந்தை பிறக்கும்போது ஒரு கூடுதல் சம்பள அதிகரிப்பும், மூன்றாவது குழந்தை பெறும்போது பணியாளருக்கு இரண்டு கூடுதல் சம்பள உயர்வு வழங்கப்பட்டன. இந்த திட்டத்தின் பலன் நேரடியானது. குழந்தைகளை வளர்ப்பது குறைந்த செலவில் நடந்தால், குடும்பங்கள் அதிக குழந்தைகளைப் பெறுவது குறித்து அதிக நம்பிக்கையுடன் உணரக்கூடும்.

ஆனால் அந்தக் கொள்கை இன்னும் மிகவும் தொலைவு சென்றது. அரசு ஊழியர்களான பெண்களுக்கு, பிரசவத்திற்குப் பிறகு உதவி செய்ய அரசு நிதியுதவி பெறும் குழந்தை பராமரிப்பு உதவியாளர்கள் (childcare attendants) வழங்கப்பட்டனர். இது, பல வேலை செய்யும் பெண்கள் எதிர்கொள்ளும் தொழில்முறை பொறுப்புகளுக்கும் பெற்றோர்ப்பு பொறுப்புகளுக்கும் இடையே ஏற்படும் முரண்பாட்டைக் குறைப்பதற்காகவே நோக்கமாக இருந்தது. மகப்பேறு விடுப்பு (maternity leave) ஒரு ஆண்டாக நீட்டிக்கப்பட்டது மற்றும் தந்தையாருக்கான விடுப்பு (paternity leave) அறிமுகப்படுத்தப்பட்டது. இதன் மூலம், பெற்றோர் என்பது இருவருக்கும் பகிரப்பட்ட பொறுப்பு என்பதை அங்கீகரித்தது.

இந்த ஊக்கத்தொகை அரசு பணியாளர்களுக்கு மட்டும் அல்ல. தனியார் துறையில் பணிபுரியும் தாய்மார்களுக்கும் இந்த திட்டம் அடங்கும். இரண்டாவது குழந்தை பிறந்து ஒரு வருடத்திற்கு மாதம் ரூ.5,000 மற்றும் மூன்றாவது குழந்தை பிறந்து மாதம் ரூ.10,000 வழங்கப்படும் என்று அரசு உறுதியளித்தது. சிக்கிம் மாநிலத்தின் கொள்கையின் மிகவும் புதுமையான அம்சம் மக்கள்தொகை விவாதங்களில் பெரும்பாலும் புறக்கணிக்கப்படும் ஒரு காரணியான கருவுறாத் தன்மையை (infertility) நிவர்த்தி செய்தது. ஆச்சரியமாக, மாநிலம் இதை நேரடியாகக் கவனிக்க முடிவு செய்தது.

வாத்சல்யா திட்டத்தின் (Vatsalya scheme) கீழ், இயற்கையாகவே கருத்தரிக்க முடியாத தம்பதிகளுக்கு செயற்கை கருத்தரித்தல் (in vitro fertilisation (IVF)F) சிகிச்சைக்கு அரசாங்கம் நிதி உதவி வழங்கியது. செயற்கை கருத்தரித்தல் (IVF) பல லட்ச ரூபாய் செலவாகும். இந்த அதிக செலவு காரணமாக, பல குடும்பங்கள் இதை பயன்படுத்தாத சூழ்நிலை உள்ளது. தகுதியான தம்பதிகளுக்கு இரண்டு செயற்கை கருத்தரித்தல் (IVF) சுழற்சிகள் வரை நிதியளிக்க அரசு முன்வந்தது. இதற்கான பதில் விரைவாக இருந்தது. ஆரம்ப கட்டத்தில் மட்டும், சுமார் 38 பெண்கள் செயற்கை கருத்தரித்தல் (IVF) சிகிச்சைக்காகச் சேர்ந்தனர். இது மாநிலத்தின் பிறப்பு விகிதம் குறைந்து வருவதற்கு கருவுறாத் தன்மை ஒரு முக்கியப் பங்களிப்பாகும் என்பதைக் குறிக்கிறது.

இந்தக் கொள்கைகள் இணைந்து ஒரு பரந்த மற்றும் முழுமையான அணுகுமுறையை உருவாக்கியது. இது நிதி ஊக்கத்தொகைகள், வேலை செய்யும் தாய்மார்களுக்கான குழந்தை பராமரிப்பு ஆதரவு, விரிவாக்கப்பட்ட பெற்றோர் விடுப்பு மற்றும் அரசாங்கத்தால் ஆதரிக்கப்படும் கருவுறுதல் சிகிச்சையை ஆதரித்தது. இருப்பினும் இந்த சலுகைகள் இருந்தபோதிலும், சிக்கிம் மாநிலத்தின் கருவுறுதல் விகிதம் மிகவும் குறைவாகவே உள்ளது மற்றும் எதிர்பார்க்கப்படும் குழந்தை வளர்ச்சி இன்னும் நிறைவேறவில்லை. கருவுறுதல் ஏன் தொடர்ந்து குறைந்து வருகிறது என்பதைப் புரிந்துகொள்ள மாநில அரசு தேசிய ஆராய்ச்சி நிறுவனங்களுடன் இணைந்து பணியாற்றியது. சிக்கிம் மாநிலத்தின் அனுபவம் ஒரு பரந்த உலகளாவிய முறையை பிரதிபலிக்கிறது. உலகெங்கிலும் உள்ள அரசாங்கங்கள் நிதி ஊக்கத்தொகைகள் மற்றும் சமூக நலன்கள் மூலம் பிரசவத்தை ஊக்குவிக்க முயற்சித்தன. இருப்பினும், முடிவுகள் அரிதாகவே எதிர்பார்ப்புகளை பூர்த்தி செய்துள்ளன

சிங்கப்பூரை எடுத்துக் கொள்ளுங்கள், மொத்த கருவுறுதல் விகிதம் (TFR) சுமார் 1.0 ஆகும். இது பத்தாண்டுகளாக, நகர-மாநிலம் தாராளமான குழந்தை ஊக்கத்தொகை (generous baby bonuses), வரி தள்ளுபடிகள், மானிய விலையில் குழந்தை பராமரிப்பு மற்றும் குழந்தைகளைக் கொண்ட குடும்பங்களுக்கு வீட்டுவசதி போன்ற ஊக்கத்தொகைகளை வழங்கி வருகிறது. இந்த நடவடிக்கைகள் இருந்தபோதிலும், அதன் கருவுறுதல் விகிதம் தொடர்ந்து குறைந்து வருகிறது மற்றும் உலகிலேயே மிகக் குறைந்த நாடுகளில் ஒன்றாக உள்ளது. பின்னர் தென் கொரியா, மொத்த கருவுறுதல் விகிதம் (TFR) சுமார் 0.7 ஆகும். நாடு குழந்தைப் பிறப்புக்கு ஆதரவான திட்டங்களில் மிகப்பெரிய பொது வளங்களை முதலீடு செய்துள்ளது. இதில் அரசாங்கம் பண மானியங்கள், குழந்தை பராமரிப்பு மானியங்கள், வீட்டுவசதி ஆதரவு மற்றும் நீண்ட பெற்றோர் விடுப்பு ஆகியவற்றை வழங்கியுள்ளது. இருப்பினும் கருவுறுதல் விகிதம் தொடர்ந்து குறைந்து வருகிறது. தென் கொரியா உலகளவில் மிகக் குறைந்த பிறப்பு விகிதத்தை கொண்டுள்ளது. ஜப்பான், மொத்த கருவுறுதல் விகிதம் (TFR) சுமார் 1.3 என்பதுடன் இதேபோன்ற சிக்கலை எதிர்கொள்கிறது. அதன் கருவுறுதல் விகிதம் மாற்று நிலைக்குக் கீழே உள்ளது.

சீனா கூட, பத்தாண்டுகளாக நீடித்த ஒரு குழந்தைக்கான அணுகுமுறையை கைவிட்ட பிறகு, மொத்த கருவுறுதல் விகிதம் (TFR) சுமார் 1.0 ஆக உள்ளது. அதன் பிறகு, தம்பதிகள் இரண்டு குழந்தைகளையும் பின்னர் மூன்று குழந்தைகளையும் பெற ஊக்குவித்தது. அரசாங்கம் இந்த மாற்றத்தை ஊக்கத்தொகைகள் மற்றும் கொள்கை மாற்றங்களுடன் ஆதரித்தது. இருப்பினும், பிறப்புகளில் எதிர்பார்க்கப்படும் உயர்வு நடக்கவில்லை. பிறப்பு விகிதங்கள் தொடர்ந்து குறைந்து வருகின்றன. வளர்ந்த நாடுகளில், ஹங்கேரி மட்டுமே ஒரு பகுதி வெற்றியாகக் குறிப்பிடப்படுகிறது.

2011 காலகட்டத்தில், ஹங்கேரியின் கருவுறுதல் விகிதம் ஒரு பெண்ணுக்கு சுமார் 1.23 குழந்தைகளாகக் குறைந்தது. வீட்டுவசதி மானியங்கள், குடும்பங்கள் பல குழந்தைகளைப் பெற்ற பிறகு தள்ளுபடி செய்யப்படும் மானியக் கடன்கள் மற்றும் நான்கு அல்லது அதற்கு மேற்பட்ட குழந்தைகளைக் கொண்ட தாய்மார்களுக்கு வாழ்நாள் வருமான வரி விலக்குகள் உள்ளிட்ட ஒரு குடும்ப சார்பு கொள்கையை அரசாங்கம் அறிமுகப்படுத்தியது. அடுத்த பத்தாண்டில், கருவுறுதல் சுமார் 1.55 ஆக உயர்ந்துள்ளது. இருப்பினும், இது இன்னும் 2.1 என்ற மாற்று அளவைவிட மிகக் குறைவாகவே உள்ளது. சில மக்கள்தொகை ஆய்வாளர்கள் இந்த அதிகரிப்பின் ஒரு பகுதி, ஒட்டுமொத்தமாக அதிக குழந்தைகளைப் பெறுவதற்குப் பதிலாக, தம்பதிகள் முன்னதாகவே குழந்தைகளைப் பெறுவதை பிரதிபலிக்கிறது என்று நம்புகிறார்கள். இதற்கான, காரணம் தெளிவாக உள்ளது. குழந்தைகளைப் பெறுவது பற்றிய முடிவுகள் அரிதாகவே நிதி நன்மைகளை மட்டுமே அடிப்படையாகக் கொண்டவை. ஹங்கேரிய அணுகுமுறையை நெருக்கமாக ஆய்வுக்கு உட்படுத்த வேண்டும்.

நவீன சமூகங்களில், கருவுறுதல் சரிவு வலுவான கட்டமைப்பு மாற்றங்களால் இயக்கப்படுகிறது. பெண்கள் தாமதமாக திருமணம் செய்துகொண்டு நீண்ட தொழில் வாழ்க்கையை உருவாக்குவதிலும் கவனம் செலுத்துகிறார்கள். நகர்ப்புற வாழ்க்கை முறைகள் வீட்டுவசதி, கல்வி மற்றும் குழந்தை பராமரிப்புக்கான செலவை அதிகரிக்கின்றன. பல தம்பதிகள் பெரிய குடும்பங்களை வளர்ப்பதைவிட குறைவான குழந்தைகளில் அதிக வளங்களை முதலீடு செய்ய விரும்புகிறார்கள். இதுபோன்ற சூழ்நிலைகளில், ஒரு முறை பணம் செலுத்துதல் அல்லது மாதாந்திர மானியம், தாராளமாக இருந்தாலும்கூட, குடும்பங்கள் எடுக்கும் அடிப்படை முடிவுகளை மாற்றாது.

இதன் பொருள் அரசாங்கங்கள் எதுவும் செய்யக்கூடாது என்பதல்ல. சர்வதேச அனுபவமான, கருவுறுதல் என்பது குடும்ப வாழ்க்கையில் நீண்டகால நம்பிக்கையை விட ஒரு முறை மட்டுமே வழங்கப்படும் நிதி ஊக்கத்தொகை காரணமாக பிறப்பு விகிதங்கள் பெரிதாக அதிகரிப்பதில்லை. சில நாடுகள், பிறப்பு விகிதங்களை உறுதிப்படுத்தியுள்ள, பிரான்ஸ் (France) மற்றும் நார்டிக் நாடுகள் (Nordic countries) போன்றவை இதை வெற்றிகரமாகச் செய்துள்ளன. அவர்கள் குறைவான விலையில் குழந்தை பராமரிப்பு, பெற்றோர்களுக்கு மகப்பேறு விடுப்பு, நெகிழ்வான பணியிடங்கள் மற்றும் வீட்டுவசதி ஆதரவு வழியாக பெற்றோரை நவீன வாழ்க்கையுடன் இணக்கமாக்குவதன் மூலம் அவ்வாறு செய்தன.

இந்த சூழலில் பார்க்கும்போது, ​​ஆந்திரப் பிரதேசத்தின் முன்மொழிவை ஒரு உறுதியான தீர்வாகக் கருதக்கூடாது. இந்தக் கொள்கையானது அணுகுமுறையாகவும் பார்க்க வேண்டும். சிக்கிமின் அனுபவம் ஒரு பயனுள்ள பாடத்தை வழங்குகிறது. மக்கள்தொகை போக்குகள் மெதுவாக ஆனால் சக்திவாய்ந்ததாக நகர்கிறது. இதற்கு அரசாங்கங்கள் ஊக்கத்தொகைகள் மற்றும் மானியங்கள் மூலம் பிரசவத்தை ஊக்குவிக்க முயற்சிக்கலாம், ஆனால் ஒரு குழந்தையை உலகிற்கு கொண்டு வருவதற்கான முடிவு இறுதியில் ஒரு குடும்பத்தின் பொருளாதார எதிர்காலம் மற்றும் சமூக நிலைத்தன்மையில் உள்ள நம்பிக்கையை பிரதிபலிக்கிறது. பணத்தை வழங்குவதன் மூலம் இந்த நம்பிக்கையை உருவாக்க முடியாது.

எஸ்.ஒய். குரைஷி இந்தியாவின் முன்னாள் தலைமைத் தேர்தல் ஆணையர் மற்றும் ”The Population Myth: Islam, Family Planning and Politics in India” என்ற புத்தகத்தின் ஆசிரியர்.

Original article :  When the state pays for babies: Some lessons from Sikkim?. -S Y Quraishi

Read More →

தலைமைத் தேர்தல் ஆணையர் ஞானேஷ் குமாருக்கு எதிராக பதவி நீக்க நடவடிக்கை கொண்டுவர எதிர்க்கட்சிகள் திட்டமிட்டுள்ள நிலையில், சட்டம் என்ன சொல்கிறது என்பது குறித்து… -தாமினி நாத்

 தேர்தல் ஆணையர் நியமனம் தொடர்பான 2023 சட்டம்: தலைமை தேர்தல் ஆணையரை (Chief Election Commissioner) பதவியிலிருந்து நீக்க வேண்டுமெனில், அது உச்சநீதிமன்ற நீதிபதியை (Judge of the Supreme Court) நீக்கும் முறையை போல குறிப்பிட்ட காரணங்களுக்கு மட்டுமே நீக்கம் செய்யப்பட வேண்டும் என்று  கூறுகிறது.

இந்த வாரம் எதிர்க்கட்சிகள் தலைமை தேர்தல் ஆணையர் ஞானேஷ் குமாரை "பாரபட்சமான நடத்தை" என்று வாதத்தை முன்வைத்து அவருக்கு எதிரான தீர்மானத்தை அறிமுகபடுத்தும்போது, உச்சநீதிமன்ற நீதிபதியை நீக்கும் செயல்முறை இதற்கும் பின்பற்றப்படும் என்று எதிர்பார்க்கபடுகிறது.

எதிர்க்கட்சிகள் முன் வைக்கும் வாதம் என்ன?

திரிணாமுல் காங்கிரஸ் தொடங்கிய இந்த முயற்சியில், எதிர்க்கட்சிகள் ஞானேஷ் குமாருக்கு எதிரான பதவி நீக்கம் (impeachment) தீர்மானத்தை முன்மொழிந்தன. தேவையான நாடாளுமன்ற உறுப்பினர்களின் கையெழுத்துகளை பெற அவர்கள் முயற்சித்து வருவதாக செய்திகள் கூறுகின்றன. தேர்தல் ஆணையம் மேற்கு வங்கத்தை குறிவைத்து சிறப்பு தீவிர வாக்காளர் பட்டியல் திருத்தம் (Special Intensive Revision (SIR)) செய்ததாக திரிணாமுல் குற்றம் சாட்டியுள்ளது. இதில், மாநிலத்தில் மட்டும் சட்டபூர்மாக எடுக்கப்பட்ட முடிவுகளை மறுபரிசீலனை செய்ய நுண் பார்வையாளர்களை (micro-observers) நியமித்தது.

ஒரு தலைமைத் தேர்தல் ஆணையரை (Chief Election Commissioner) நீக்குவதற்கான நடைமுறை என்ன?

இந்திய அரசியலமைப்பின் பிரிவு 324(5), உச்சநீதிமன்ற நீதிபதியை நீக்கும் முறையை போல குறிப்பிட்ட காரணங்களுக்கு மட்டுமே நீக்கம் செய்யப்பட வேண்டும்  என்று சுட்டிக்காட்டுகிறது. தலைமைத் தேர்தல் ஆணையரின் பரிந்துரையின் பேரில் மட்டுமே தேர்தல் ஆணையர்களை நீக்க முடியும் என்று சட்டப்பிரிவு கூறுகிறது.

இந்த செயல்முறை "இந்த விவகாரத்தில் நாடாளுமன்றத்தால் இயற்றப்பட்ட சட்டவிதிகளுக்கு ஏற்ப இருக்க வேண்டும்" என்று அந்த பிரிவு கூறுகிறது. அதன் பின்னர், டிசம்பர் 2023-ல் நாடாளுமன்றம் தலைமைத் தேர்தல் ஆணையர் மற்றும் பிற தேர்தல் ஆணையர்கள் (நியமனம், சேவை நிபந்தனைகள் மற்றும் பதவிக்காலம்) தொடர்பான சட்டத்தை சட்டம், 2023-ஆம் ஆண்டில்  நிறைவேற்றியது. சட்டத்தின் பிரிவு 11 ராஜினாமா மற்றும் பதவி நீக்க செயல்முறைக்கு  அதிகாரம் அளிக்கிறது. இது அரசியலமைப்பில் குறிப்பிடப்பட்டுள்ள அதே செயல்முறையையே பின்பற்றுகிறது.

தலைமைத் தேர்தல் ஆணையர், உச்சநீதிமன்ற நீதிபதியை நீக்கும் முறையை போல குறிப்பிட்ட காரணங்களுக்கு மட்டுமே செய்யப்பட வேண்டும் என்று  அரசியலமைப்பு சட்டம் கூறுகிறது.

உச்சநீதிமன்ற நீதிபதியை நீக்குவதற்கான நடைமுறை அரசியலமைப்பின் பிரிவு 124 மற்றும் நீதிபதிகள் (விசாரணை) சட்டம், 1968-ன் படி உள்ளது. பிரிவு 124 (4) கூறுகிறது, "நாடாளுமன்றத்தின் ஒவ்வொரு அவையும் அந்த அவையின் மொத்த உறுப்பினர்களில் பெரும்பான்மையினரால் ஆதரிக்கப்படும் உரைக்குப் பிறகு நிறைவேற்றப்பட்ட குடியரசுத்தலைவரின் உத்தரவின் மூலம், அந்த அவையின் மூன்றில் இரண்டு பங்கு உறுப்பினர்களின் பெரும்பான்மையாலும், நிரூபிக்கப்பட்ட தவறான நடத்தை அல்லது இயலாமையின் அடிப்படையில் அத்தகைய நீக்கத்திற்கான வாக்கெடுப்பு அதே அமர்வில் குடியரசுத்தலைவரிடம் சமர்பிக்கப்படுகிறது.

அடுத்த பிரிவு, ஒரு நீதிபதியின் அத்தகைய உரை, விசாரணை மற்றும் தவறான நடத்தை அல்லது இயலாமைக்கான ஆதாரத்தை வழங்குவதற்கான நடைமுறையை ஒழுங்குபடுத்த நாடாளுமன்றம் ஒரு சட்டத்தை இயற்றலாம் என்று கூறுகிறது.

நீதிபதிகள் (விசாரணை) சட்டத்தின் பிரிவு 3, ஒரு நீதிபதியை நீக்குவதற்கான உரையை குடியரசுத்தலைவரிடம் சமர்ப்பிக்கும் தீர்மானத்தில் மக்களவை வழக்கில் குறைந்தது 100 உறுப்பினர்கள் அல்லது மாநிலங்களவையில் 50 உறுப்பினர்கள் கையெழுத்திட வேண்டும். மக்களவைத் தலைவர் அல்லது மாநிலங்களவைத் தலைவர்  இந்த தீர்மானத்தை ஏற்கவோ அல்லது மறுக்கலாம். இந்த தீர்மானம் ஏற்றுக்கொள்ளப்பட்டால், சபாநாயகர் அல்லது தலைவர் விசாரிக்க மூன்று பேர் கொண்ட குழுவை அமைக்க வேண்டும். குழுவின் உறுப்பினர்களில் உச்சநீதிமன்ற நீதிபதி ஒருவர், உயர் நீதிமன்றத்தின் ஒரு தலைமை நீதிபதி ஒருவர் மற்றும் ஒரு புகழ்பெற்ற சட்ட நிபுணர் ஆகியோர் இருக்க வேண்டும் என்று கூறுகிறது.

குழுவின் அறிக்கையை பின்னர் சபாநாயகர் அல்லது மாநிலங்களவைத் தலைவரிடம் சமர்ப்பிக்கப்பட வேண்டும். நீதிபதி தவறான நடத்தை அல்லது இயலாமையால் பாதிக்கப்பட்டதாக குழு கண்டறிந்தால், அந்த தீர்மானம் நிலுவையில் உள்ள அவைகளால் பரிசீலிக்கப்படும் என்று சட்டம் கூறுகிறது. நிறைவேற்றப்பட்டால், நீதிபதியை நீக்குவதற்கான உரை குடியரசுத்தலைவருக்கு அனுப்பப்படும்.

Original article :  As Opposition plans on motion to impeach CEC Gyanesh Kumar, here is what the law says -Damini Nath

Read More →

சர்வதேச கடல்சார் சட்டங்கள்: UNCLOS, SOLAS முதல் MARPOL வரை -ரோஷ்னி யாதவ்

 தற்போதைய செய்தி :

மார்ச் 4 அன்று, இலங்கை கடற்கரையில், அதன் கடல் எல்லைக்கு வெளியே, ஈரானிய போர்க்கப்பலான IRIS Dena-வை அமெரிக்க நீர்மூழ்கிக் கப்பல் நீர்மூழ்கிக் குண்டுகள் (torpedoed) மூலம் தாக்கியது. இந்தக் கப்பல், இந்திய கடற்படையால் நடத்தப்பட்ட சர்வதேச கடற்படை மதிப்பாய்வு மற்றும் பலதரப்பு கடற்படைப் பயிற்சியான MILAN-2026-ல் பங்கேற்ற பிறகு ஈரானிற்கு திரும்பிக் கொண்டிருந்தது. இந்தச் சூழலில், முக்கிய கடல்சார் சட்டம் மற்றும் மரபுகளைப் பற்றி தெரிந்து கொள்வது முக்கியமானதாகிறது.

முக்கிய அம்சங்கள்:

சர்வதேச அளவில், கடல்சார் மண்டலங்களை ஒழுங்குபடுத்துவதற்கும், கடல் சுற்றுச்சூழல் (maritime zones) அமைப்புகளின் பாதுகாப்பு மற்றும் நிலையான பயன்பாட்டை ஊக்குவிப்பதற்கும், கடல் மாசுபாட்டைத் தடுப்பதற்கும், கட்டுப்படுத்துவதற்கும் பல்வேறு ஒப்பந்தங்கள் மற்றும் மரபுகள் ஏற்றுக்கொள்ளப்பட்டுள்ளன.

ஐக்கிய நாடுகளின் கடல் சட்ட சாசனம் (United Nations Convention on the Law of the Sea (UNCLOS))

1.  UNCLOS  என்பது கடல்கள் மற்றும் பெருங்கடல்கள் மீதான சட்டபூர்வமான நடத்தை மற்றும் பயன்பாட்டிற்கான  கட்டமைப்புகளை வகுக்கும் ஒரு  சர்வதேச சட்டமாகும். இந்த சட்டம் பெருங்கடல்களில் நாடுகளின் உரிமைகள் மற்றும் கடமைகளை வரையறுக்கிறது. மேலும், இறையாண்மை, கடந்து செல்லும் உரிமைகள் மற்றும் பிரத்தியேக பொருளாதார பயன்பாட்டு உரிமைகள் போன்ற பிரச்சினைகளையும் நிவர்த்தி செய்கிறது. UNCLOS சட்டத்தின் மூலம் பிராந்திய கடல் எல்லைகள் (Territorial Waters) மற்றும் சிறப்பு பொருளாதார மண்டலங்கள் (Economic Zone (EEZ)) நிர்ணயிக்கப்பட்டுள்ளன.

2. UNCLOS சட்டத்தின்படி, பிராந்திய கடல் (territorial sea (TS)) என்பது ஒரு நாட்டின் கடற்கரையின் அடிப்பகுதியில் இருந்து 12 கடல் மைல்கள் வரை நீண்டுள்ள பகுதியாகும். பிராந்திய பகுதிக்குள் உள்ள கடல் பகுதிகளின் மீது அந்த நாட்டிற்கு முழு அதிகாரம் (sovereignty) உள்ளது.

3. UNCLOS சட்டத்தின்படி, ஒரு நாட்டின் சிறப்பு பொருளாதார மண்டலம் (Exclusive Economic Zone (EEZ)) என்பது அதன் கடற்கரையின் அடிப்பகுதியில் இருந்து கடலுக்குள் 200 கடல் மைல்கள் (சுமார் 370 கிமீ) வரை நீண்டுள்ள பகுதியாகும். ஒரு நாடு அதன் சிறப்பு பொருளாதார மண்டல பகுதிக்குள் உள்ள நீர்நிலைகளிலும் கடற்பரப்பிலும் உள்ள உயிருள்ள மற்றும் உயிரற்ற வளங்களுக்கு சிறப்பு உரிமைகளைக் கொண்டுள்ளது.

4. UNCLOS சட்டம், கடல் வளங்களை சமமாக அணுகுவதற்கும் பயன்படுத்துவதற்கும், பல்லுயிர் மற்றும் கடல் சூழலியலைப் பாதுகாப்பதற்கும்  பொதுவான கொள்கைகளை உருவாக்குகிறது. ஆனால், இந்த இலக்குகளை எவ்வாறு அடைய வேண்டும் என்று அது குறிப்பிடவில்லை. இந்த சூழலில் தான் உயர் கடல் ஒப்பந்தம் உருவாக்கப்பட்டது.

5. முக்கியமாக, UNCLOS சட்டத்தில்  ஆயுத மோதல்களின்போது போரில் ஈடுபடும் நாடுகள் எவ்வாறு நடந்து கொள்ள வேண்டும் என்பதற்கான தெளிவான விதிகள் இல்லை. ஏனெனில், இது அமைதிக்கால  நிர்வாகத்தில் (peacetime governance) மட்டுமே கவனம்  செலுத்துகிறது. அமெரிக்கா UNCLOS சட்டத்தில் கையெழுத்திடவில்லை. இந்தியா இந்த ஒப்பந்தத்தில் 10 டிசம்பர் 1982 அன்று கையெழுத்திட்டு, 29 ஜூன் 1995 அன்று அதிகாரப்பூர்வமாக அங்கீகரித்தது.

கடற்படைப் போர் சட்டம்

போரின்போது, கடற்படைப் போர் சட்டம் (Law of Naval Warfare) UNCLOS உடன் இணைந்து செயல்படும். ஆகவே, Dena கப்பல் நேரடியாக போரில் ஈடுபட்டதா இல்லையா என்பது முக்கியமில்லை. அது ஈரான் கடற்படையின் போர்க்கப்பல் என்பதால் சட்டபூர்வமான இலக்காக கருதப்பட்டது.

கடலில் உயிர் பாதுகாப்புக்கான ஒப்பந்தம் (Convention for the Safety of Life at Sea (SOLAS)), 1974

1. வணிகக் கப்பல்களின் பாதுகாப்பு தொடர்பான அனைத்து சர்வதேச ஒப்பந்தங்களிலும் SOLAS மாநாடு மிக முக்கியமானதாகக் கருதப்படுகிறது. இந்தியா இந்த மாநாட்டில் கையெழுத்திட்டுள்ளது.

2. கப்பல்களின் கட்டுமானம், உபகரணங்கள் மற்றும் இயக்கத்திற்கான குறைந்தபட்ச தரநிலைகளை, அவற்றின் பாதுகாப்புக்கு  ஏற்ப, உருவாக்குவதே SOLAS மாநாட்டின் முக்கிய நோக்கமாகும். ஒரு நாட்டின் கொடியின்கீழ் இயங்கும் கப்பல்கள் விதிகளை பின்பற்றுவதை அந்த நாடு  உறுதி செய்ய வேண்டும். இதை  உறுதி செய்ய  பல சான்றிதழ்கள் வழங்கப்படுகின்றன.

உயர் கடல் ஒப்பந்தம் (High Seas Treaty)

1. உயர் கடல் ஒப்பந்தம் ஏற்படுத்திய தாக்கத்தின் காரணமாக, அது 2015-ஆம் ஆண்டு பருவநிலை மாற்றம் தொடர்பான பாரிஸ் ஒப்பந்தத்துடன் அடிக்கடி  ஒப்பிடப்படுகிறது.

2. இந்த ஒப்பந்தம் மார்ச் 2023-ல் நிறைவேறியது மற்றும் இது எந்த நாட்டின் தேசிய அதிகாரத்திற்கும் உட்படாத கடல்களுடன் மட்டுமே தொடர்புடையது. ஒவ்வொரு நாட்டின் சிறப்பு பொருளாதார மண்டலத்தின் (Economic Zone (EEZ)) வெளிப்புற பகுதிகள் “உயர் கடல் ஒப்பந்தம்” அல்லது “சர்வதேச நீர்நிலைகள்” (international waters) என்று அழைக்கப்படுகின்றன. அவை மொத்த கடல் பரப்பளவில் 64%, தோராயமாக மூன்றில் இரண்டு பங்கு மற்றும் உலகளாவிய பொதுக்கடல்கள் (Global Commons) என கருதப்படுகின்றன. அவை யாருக்கும் சொந்தமான பகுதி அல்ல. அதில் அனைவருக்கும் சம உரிமை உள்ளது. கடல் பயணம், விமானப் பயணம், பொருளாதார நடவடிக்கை, அறிவியல் ஆராய்ச்சி, அல்லது கடல் அடியில் கட்டமைப்புகளை அமைத்தல் போன்ற பணிகளை செய்யலாம் .

3. உயர் கடல் ஒப்பந்தம் (High Seas Treaty) நான்கு முக்கிய நோக்கங்களைக் கொண்டுள்ளது: அவை,

➤ பாதுகாக்கப்பட்ட காடுகள் அல்லது வனப் பகுதிகள் இருப்பதைப் போல கடல் பாதுகாக்கப்பட்ட பகுதிகளை (marine protected areas (MPAs)) வரையறுத்தல்,

➤ கடல் மரபணு வளங்களின் (Marine Genetic Resources) நிலையான பயன்பாடு மற்றும் அவற்றிலிருந்து வரும் நன்மைகளை சமமாகப் பகிர்தல்;

➤ பெருங்கடல்களில் உள்ள அனைத்து முக்கிய நடவடிக்கைகளுக்கும் சுற்றுச்சூழல் தாக்க மதிப்பீடுகளை (Environmental Impact Assessments) நடைமுறைப்படுத்தல்; மற்றும்

➤ திறன் மேம்பாடு மற்றும் தொழில்நுட்ப பரிமாற்றம் செய்தல் போன்ற பணிகளை மேற்கொள்ளுதலாகும்.

4. செப்டம்பர் 25, 2024 அன்று நியூயார்க்கில் நடந்த ஐக்கிய நாடுகள் சபையின் பொதுச் சபையில், தேசிய அதிகார வரம்பிற்கு அப்பால் உள்ள பல்லுயிர்ப் பெருக்கம் (Biodiversity Beyond National Jurisdiction (BBNJ)) ஒப்பந்தம் அல்லது உயர் கடல் ஒப்பந்தத்தில் இந்தியா கையெழுத்திட்டது  முக்கியத்துவம் வாய்ந்தது.

5. செப்டம்பர் 19, 2025 அன்று, உயர் கடல் ஒப்பந்தம் (High Seas Treaty) அமலுக்கு வருவதற்குத் தேவையான 60 நாடுகளின் உறுதிப்படுத்தலை (ratification) பெற்ற முக்கிய நிலையை அடைந்தது. 120 நாள் காத்திருப்புக்கு பிறகு, 17 ஜனவரி 2026 அன்று இது அதிகாரப்பூர்வமாக அமலுக்கு வந்தது சட்டப்பூர்வமாக கட்டாயமக்கப்பட்டுள்ளது. அரசாங்கங்கள் இப்போது செயல்படுத்தலை விரைவுபடுத்த வேண்டும் மற்றும் உலகளாவிய கடல் பாதுகாப்பை வலுப்படுத்த தொடர்ந்து தேவையான ஒப்புதலை வழங்க வேண்டும்.

ஒரு ஒப்பந்தத்தில் கையெழுத்திடுவதற்கும் ஒப்புதல் அளிப்பதற்கும் உள்ள வேறுபாடு

உறுதிப்படுத்தல் (Ratification) என்பது ஒரு நாடு ஒரு சர்வதேசச் சட்டத்தின் விதிகளை சட்டபூர்வமாக கடைபிடிக்க ஒப்புக்கொள்வது ஆகும். இது சட்டப்பூர்வமாக  கையெழுத்திடப்பட்ட சர்வதேச சட்டத்தைவிட வேறுபட்டது.                  கையொப்பமிடுவது என்பது ஒரு நாடு சம்பந்தப்பட்ட சர்வதேச சட்டத்தின் விதிகளை ஏற்றுக்கொள்கிறது  என்பதாகும். அதைக் கடைப்பிடிக்க அந்த நாடு தயாராக உள்ளது என்பதைக் குறிக்கிறது. ஆனால், அந்த நாடு அதை அங்கீகரிக்கும் வரை, அதற்கான செயல்முறை நாட்டிற்கு நாடு மாறுபடும். அந்தச் சட்டத்தைப் பின்பற்றுவதற்கு அந்த நாடு சட்டப்பூர்வமாகக் கட்டுப்படவில்லை.

கப்பல்களிலிருந்து மாசுபாட்டைத் தடுப்பதற்கான சர்வதேச ஒப்பந்தம் (The International Convention for the Prevention of Pollution from Ships (MARPOL))

1973-ஆம் ஆண்டில், கப்பல்களில் இருந்து மாசுபாட்டைத் தடுப்பதற்கான சர்வதேச மாநாடு ஏற்றுக்கொள்ளப்பட்டது. இது எண்ணெய், ரசாயனங்கள், தீங்கு விளைவிக்கும் பொருட்கள் மற்றும் கப்பலில் இருந்து வெளிவரும் கழிவுநீர் மற்றும் குப்பைகள் உட்பட கப்பல்களில் கொண்டு செல்லப்படும் அனைத்து பொருட்களாலும் மாசுபடுவதைக் கையாள்கிறது. இந்தியா இந்த மாநாட்டில் கையெழுத்திட்டுள்ளது.

நிலைப்படுத்தும் நீர் மேலாண்மை மாநாடு (Ballast Water Management Convention)

கப்பல்கள் மூலம் அறிமுகப்படுத்தப்படும் ஆபத்தான நீர்வேர் உயிரிகளை (invasive aquatic species) கட்டுப்படுத்த 2004-ல் நிலைப்படுத்தும் நீர் மேலாண்மை மாநாடு ஏற்றுக்கொள்ளப்பட்டது. இதன்மூலம் கப்பல்களின் நிலைப்படுத்தும் நீர் மேலாண்மை மாநாடு (ballast water) மற்றும் படிமம் (sediments) நிர்வகிப்பு மற்றும் கட்டுப்பாட்டுக்கான தரநிலைகள் மற்றும் நடைமுறைகள் உருவாக்கப்பட்டன. தற்போதுவரை இந்தியா நிலைப்படுத்தும் நீர் மேலாண்மை மாநாட்டில் கையெழுத்திடவில்லை.

2026-ஆம் ஆண்டு மிலன் பயிற்சி

1. இந்திய கடற்படை கடந்த மாதம் பிப்ரவரி 15 முதல் 25 வரை விசாகப்பட்டினத்தில் சர்வதேச கடற்படை மதிப்பாய்வு (International Fleet Review (IFR)), மிலன்-2026 மற்றும் இந்தியப் பெருங்கடல் கடற்படை கருத்தரங்கு (Indian Ocean Naval Symposium (IONS)) உள்ளிட்ட மூன்று முக்கிய கடல்சார் நிகழ்வுகளை நடத்தியது.

2. 2026-ஆம் ஆண்டு மிலன் பயிற்சி, உலகம் முழுவதிலுமிருந்து கடற்படைகளை ஒன்றிணைத்து, இயங்குதன்மை, கடல்சார் கள விழிப்புணர்வு மற்றும் கூட்டு மறுமொழி திறன்களை வலுப்படுத்துவதை நோக்கமாகக் கொண்டது.

3. போர்ட் பிளேரில் நான்கு கடற்படைகளுடன் 1995-ல் தொடங்கப்பட்ட மிலன் பயிற்சி, 2024-ல் உலகம் முழுவதும் உள்ள நட்பு நாடுகளின் கடற்படைகளுடன் பங்கேற்கும் ஒரு  முக்கிய  பலதரப்பு பயிற்சியாக உருவெடுத்துள்ளது.

4. இது மிலன் பயிற்சியின் 13-வது பதிப்பு ஆகும். இதில் 74 நாட்களின் கடற்படைகளும்,  85 கப்பல்கப்பல்கள், 19 போர்க்கப்பல்கள் உட்பட மொத்தம் 85 கப்பல்கள் இந்தப் பயிற்சியில் பங்கேற்றன. இதில் அமெரிக்கா மற்றும் ஈரான் போன்ற நாடுகளின் பிரதிநிதிகளும் பங்கேற்றனர்.

Original article :  International Maritime Laws: From UNCLOS, SOLAS to MARPOL -Roshni Yadav

Read More →

பெண்களின் முன்னேற்றம் என்பதிலிருந்து பெண்கள் தலைமையிலான முன்னேற்றம் என்ற நிலைக்கு : ‘வளர்ச்சியடைந்த இந்தியா’ இலக்கை நோக்கிய பயணம். - தர்மேந்திர பிரதான்

 பல்வேறு துறைகளில் அதிகரித்து வரும் பெண்களின் பங்களிப்பு மற்றும் வளர்ந்து வரும் நவீன தொழில்நுட்பங்களில் பெருகி வரும் வாய்ப்புகள் ஆகியவற்றின் மூலம், இந்தியாவின் பெண்கள் அறிவுசார் பொருளாதாரத்தின் முன்னணித் தலைவர்களாக உருவெடுக்கத் தயாராக உள்ளனர்.

இந்தியா தனது வளர்ச்சியில் ஒரு முக்கியமான கட்டத்தை எட்டியுள்ளது. அங்கு பெண்களுக்கான மேம்பாடு என்பதிலிருந்து பெண்கள் தலைமையிலான மேம்பாடு என்பதை நோக்கி கவனம் தெளிவாகத் திரும்பியுள்ளது. பெண்கள் இனி நலத்திட்டங்களின் பயனாளிகளாக மட்டுமே பார்க்கப்படாமல், தேசத்தின் எதிர்காலத்தை வடிவமைக்க உதவும் தீவிரமான மற்றும் ஆற்றல்மிக்க தலைவர்களாகக் கருதப்படுகிறார்கள்.

நாட்டின் முன்னேற்றத்தை, குறிப்பாக அறிவுசார் துறைகளை, 'நாரி சக்தி' (பெண் சக்தி) முன்னெடுத்துச் செல்கிறது. இந்தியா வளர்ச்சியடைந்த பாரதம் (Viksit Bharat) என்ற இலக்கை நோக்கிப் பயணிக்கும் வேளையில், எதிர்கால அறிவுசார் பொருளாதாரத்தில் மிக முக்கியப் பங்கு வகிக்கப்போகும் அறிவியல், தொழில்நுட்பம், பொறியியல் மற்றும் கணிதம் (Science, Technology, Engineering, and Mathematics (STEM)) ஆகிய துறைகளில் பெண்களின் பங்களிப்பு அதிகரித்து வருவது ஒரு மிகப்பெரிய மாற்றமாக அமைந்துள்ளது.

அடித்தளத்தை உருவாக்குதல்

அறிவியல் துறையில் பெண்களின் பயணம் வகுப்பறைகளிலிருந்தே தொடங்குகிறது. கடந்த பத்தாண்டுகளில், இந்தியா தொடக்கக் கல்வி, ஆயத்தக் கல்வி மற்றும் நடுநிலைக் கல்வியில் 1.0 என்ற பாலினச் சமநிலை குறியீட்டை (Gender Parity Index) எட்டியுள்ளது. மேலும், உயர்நிலைக் கல்வியில் இது 1.1-ஆக உயர்ந்துள்ளது. இதன் பொருள் என்னவென்றால், சில நிலைகளில் பெண்களின் கல்விப் பங்கேற்பு ஆண்களுக்கு நிகராகவோ அல்லது அவர்களைவிட அதிகமாகவோ உள்ளது என்பதாகும். அத்துடன், பெரும்பாலான பள்ளி நிலைகளில் இடைநிற்றல் விகிதம் குறைந்துள்ளதால், மாணவர்கள் தொடர்ந்து கல்வியைத் தொடரும் நிலை மேம்பட்டுள்ளதைக் காட்டுகிறது.

மேம்படுத்தப்பட்ட உள்கட்டமைப்பு மற்றும் அணுகல் வசதிகளுடன், ஆரம்பக் கல்வியிலேயே "திறன் மேம்பாடு" முறையை அறிமுகப்படுத்துவது மற்றும் அடல் டிங்கரிங் ஆய்வகம் (Atal Tinkering Labs) போன்ற முன்னெடுப்புகள், மாணவர்களுக்குப் புதிய திறன்கள் மற்றும் தொழில்நுட்பங்களில் நேரடிப் பயிற்சி அனுபவத்தைப் பெற உதவுகின்றன. இது, சிறுமிகள் சிறுவயதிலிருந்தே அறிவியல், தொழில்நுட்பம், பொறியியல் மற்றும் கணிதம் (STEM) ஆகிய துறைகளை ஆர்வத்துடன் ஆராய்வதற்கும், அத்துறைகளில் தங்களுக்கு என ஒரு வலுவான அடித்தளத்தை அமைத்துக் கொள்வதற்கும் பெரும் உறுதுணையாக இருக்கிறது.

உயர்கல்வியில் வாய்ப்புகளை விரிவுபடுத்துதல்

இந்தியாவின் உயர்கல்வித் துறையானது நிறுவனங்களின் எண்ணிக்கை மற்றும் மாணவர் சேர்க்கை ஆகிய இரண்டிலும் மிகப்பெரிய வளர்ச்சியைப் பெற்றுள்ளது. அகில இந்திய உயர்கல்வி ஆய்வு (All India Survey on Higher Education (AISHE)) தரவுகளின்படி, கல்வி நிறுவனங்களின் எண்ணிக்கை 51,534-லிருந்து 60,000-க்கும் மேலாக உயர்ந்துள்ளது. அதேபோல், 2014–15-ஆம் ஆண்டு முதல் மாணவர் சேர்க்கை 3.42 கோடியிலிருந்து 4.46 கோடியாக அதிகரித்துள்ளது. இந்த வளர்ச்சியில் பெண்களின் பங்களிப்பு மிக முக்கியமானதாகக் கருதப்படுகிறது. மாணவிகளின் சேர்க்கை 1.57 கோடியிலிருந்து 2.18 கோடியாக உயர்ந்துள்ளதுடன், பெண்களுக்கான மொத்த சேர்க்கை விகிதம் (Female (Gross Enrolment Ratio) (GER)) 22.9-லிருந்து 30.2-ஆக முன்னேறி, கல்வித் துறையில் பெண்கள் நிலையான வளர்ச்சியை அடைந்து வருவதைக் காட்டுகிறது.

STEM துறைசார் கல்வியில் பெண்கள்

இந்தியாவில் அறிவியல், தொழில்நுட்பம், பொறியியல் மற்றும் கணிதம் (STEM) ஆகிய துறைகளில் பெண்களின் பங்கேற்பு படிப்படியாக அதிகரித்து வருகிறது. தற்போது உயர்கல்வியில் சேர்ந்துள்ளவர்களில் 43% பெண்கள் ஆவர். இது உலகிலேயே அதிகப்படியான அறிவியல், தொழில்நுட்பம், பொறியியல் மற்றும் கணித துறைகளில் பட்டதாரிப் பெண்களைக் கொண்ட விகிதங்களில் ஒன்றாகும். 'ஆராய்ச்சி மற்றும் மேம்பாட்டு புள்ளிவிவர அறிக்கை 2023'-ன்படி (Research and Development Statistics Report 2023), தேசிய அளவிலான ஆராய்ச்சி மற்றும் மேம்பாட்டு பணியாளர்களில் பெண்கள் 18.6% பங்களிக்கின்றனர். மேலும், கல்வியிலிருந்து ஆராய்ச்சித் துறைக்கு அவர்கள் தடையின்றிச் செல்வதை உறுதி செய்யப் பல சிறப்புத் திட்டங்களும் செயல்படுத்தப்படுகின்றன. ஒரு முக்கியக் கொள்கை முடிவாக, இந்திய தொழில்நுட்ப நிறுவனம் (IIT) மற்றும் தேசிய தொழில்நுட்ப நிறுவனம் (NIT) போன்ற உயர்கல்வி நிறுவனங்களில் பெண்களுக்கெனக் கூடுதல் இடங்கள் அறிமுகப்படுத்தப்பட்டன. இதன் மூலம், பத்து ஆண்டுகளுக்கு முன்பு 10%-க்கும் குறைவாக இருந்த பெண்களின் பங்கு, சமீபத்திய ஆண்டுகளில் 20%-க்கும் மேலாக உயர்ந்துள்ளதாகத் தரவுகள் தெரிவிக்கின்றன. 

ஆராய்ச்சித் துறைகளில் பெண்கள்

கல்விசார் ஆராய்ச்சிகளில் பெண்களின் பங்களிப்பு படிப்படியாகத் தொடர்ந்து அதிகரித்து வருகிறது. முதுகலை படிப்புகளில் பெண்களின் சேர்க்கை 2014-15-ஆம் ஆண்டில் 19.8 லட்சமாக இருந்தது, இது 2022-23-ஆம் ஆண்டில் 32 லட்சமாக உயர்ந்துள்ளது. அதேபோல், முனைவர் பட்டப் படிப்புகளில் (Doctoral/PhD) பெண்களின் சேர்க்கை சுமார் 47,000-லிருந்து 1.12 லட்சத்திற்கும் மேலாக அதிகரித்துள்ளது. இது கடந்த சில ஆண்டுகளில் 135 சதவீதத்திற்கும் மேலான வளர்ச்சியைப் பதிவு செய்துள்ளதைக் காட்டுகிறது.

பிரதம மந்திரி ஆராய்ச்சி உதவித்தொகை (Prime Minister’s Research Fellowship (PMRF)) திட்டமானது ஏற்கனவே 35% பெண்கள் உட்பட 3,500-க்கும் மேற்பட்ட ஆராய்ச்சியாளர்களுக்கு ஆதரவளித்துள்ளது. மேலும், அடுத்த ஐந்து ஆண்டுகளில் 10,000 பேருக்கு இந்த உதவித்தொகையை வழங்க இலக்கு நிர்ணயித்துள்ளது. இந்தியாவின் ஆராய்ச்சிச் சூழலை விரிவுபடுத்துவதன் மூலம் அனுசந்தன் தேசிய ஆராய்ச்சி அறக்கட்டளையும் (Anusandhan National Research Foundation (ANRF)) இந்த முயற்சிகளுக்குப் பெரும் ஊக்கமளித்து வருவதாகவும் கூறப்படுகிறது. 

ஆராய்ச்சித் துறையில் பெண்களின் பங்கேற்பு நிலைகளைப் பார்க்கும்போது, 2024–25-ஆம் ஆண்டில் பல்கலைக்கழக மானியக் குழுவின் (University Grants Commission (UGC)) தேசியத் தகுதித் தேர்வு - இளநிலை ஆராய்ச்சி உதவித்தொகை (National Eligibility Test–Junior Research Fellowship (NET-JRF)) திட்டத்தின்கீழ், அறிவியல், தொழில்நுட்பம், பொறியியல் மற்றும் கணிதம் (STEM) ஆகிய துறைகளில் 53%-க்கும் அதிகமானோர் பெண்கள் என்பது தெரியவருகிறது. இதில் மொத்தம் 13,727 உதவித்தொகை பெற்றவர்களில் 7,293 பெண்கள், முனைவர் பட்ட ஆராய்ச்சியை மேற்கொண்டு வருகின்றனர்.

செயற்கை நுண்ணறிவு (AI), குவாண்டம் தொழில்நுட்பம் (Quantum Technology) மற்றும் தரவு அறிவியல் (Data Science) போன்ற வளர்ந்துவரும் துறைகள் உலகளாவிய பொருளாதாரத்தின் எதிர்காலத்தை வடிவமைத்து வருகின்றன. இந்தச் சூழலில், அறிவியல், தொழில்நுட்பம், பொறியியல் மற்றும் கணிதம் (STEM) ஆகிய துறைகளில் பெண்களின் பங்களிப்பு அதிகரிப்பது இந்தியாவின் கண்டுபிடிப்புத் திறனுக்கு மிக முக்கியமானதாக இருக்கும் என்று எதிர்பார்க்கப்படுகிறது. இந்த மாற்றம் ஏற்கனவே நடைமுறையில் தெரிவதுடன், தேசிய அளவிலான ஆராய்ச்சி மற்றும் மேம்பாட்டுக் கட்டமைப்பில் 45.87% பெண் ஆராய்ச்சியாளர்கள் அரசு நிறுவனங்களிலும், 27.62% பேர் உயர்கல்வித் துறையிலும், 26.51% பேர் தொழில் துறையிலும் பணியாற்றி வருகின்றனர்.

2026-ஆம் ஆண்டுக்கான மத்திய நிதிநிலை அறிக்கையில், மாணவிகள் அறிவியல், தொழில்நுட்பம், பொறியியல் மற்றும் கணிதம் (STEM) ஆகிய துறைகளில் உயர்கல்வியைத் தொடர்வதை ஊக்குவிக்கும் வகையில், ஒவ்வொரு மாவட்டத்திலும் பாதுகாப்பான மற்றும் மலிவு விலையிலான விடுதிகளை உருவாக்கத் திட்டங்கள் அறிவிக்கப்பட்டுள்ளன. அறிவியல் மற்றும் ஆராய்ச்சித் துறைகளில் பெண்கள் தங்கள் வாழ்க்கைப் பயணத்தை அமைத்துக்கொள்வதை ஊக்குவிக்கும் பிற அரசுத் திட்டங்கள் மூலமாக இந்த முயற்சிக்குத் தேவையான ஆதரவு வழங்கப்படுவதாகவும் தெரிவிக்கின்றனர். 

இன்று நாட்டின் சிந்தனை என்பது வெறும் அறிவியல் துறைகளின்  மூலமாகப் பெண்களுக்கு அதிகாரம் அளிக்கப்பட வேண்டும் என்பதில் மட்டும் இல்லை, மாறாக, பெண்களின் பங்களிப்பின் மூலம் அறிவியலும் வலுப்படுத்தப்பட வேண்டும் என்பதே இத்திட்டங்களின் நோக்கம் என்று பிரதமர் நரேந்திர மோடி தெரிவித்துள்ளார். 

பெண்களும் வளர்ச்சியடைந்த இந்தியா திட்டத்தின் தொலைநோக்குப் பார்வையும்

இந்தியா 2047-ஆம் ஆண்டிற்குள் விக்சித் பாரத் (வளர்ச்சியடைந்த இந்தியா) என்ற இலக்கை நோக்கி முன்னேறும்போது, அந்தப் பிரம்மாண்ட மாற்றத்திற்குப் பெண்களே தலைமை தாங்குவார்கள். பல்வேறு துறைகளில் அதிகரித்து வரும் அவர்களின் பங்களிப்பு மற்றும் வளர்ந்து வரும் நவீன தொழில்நுட்பங்களில் கிடைத்துவரும் மேம்பட்ட வாய்ப்புகளால், இந்தியப் பெண்கள் அறிவுசார் பொருளாதாரத்தில் தலைவர்களாக உருவெடுக்கத் தயாராக உள்ளனர். சுருக்கமாகச் சொன்னால், வளர்ந்த இந்தியாவை நோக்கிய இந்தப் பயணம் உண்மையாகவே பெண் சக்தியால் (Nari shakti) மட்டுமே இயக்கப்படும் என்றும் நம்பிக்கை தெரிவிக்கின்றனர். 

தர்மேந்திர பிரதான், மத்திய கல்வி அமைச்சர் ஆவார்.

Original article :  From women’s development to women-led development: The journey to Viksit Bharat. -Dharmendra Pradhan

Read More →

வடஇந்தியாவில் கோடைக்கு முன்பே வெயிலின் தாக்கம் அதிகரிப்பதற்கும், கடும் வெப்ப அலைகள் வீசுவதற்குமான காரணங்கள் யாவை? -அஞ்சலி மாரார்

 மூன்று ஆண்டுகளுக்கு முன்பு பிப்ரவரி மாதத்தில் இதேபோன்ற ஒரு நிலை காணப்பட்டாலும், இவ்வளவு சீக்கிரமாகவே வெயில் காலம் தொடங்குவது என்பது அரிதான ஒன்றாகவே பார்க்கப்படுகிறது. 

இந்தியாவின் பல பகுதிகளில், குறிப்பாக வடக்கு மற்றும் மேற்கு மாநிலங்களில், பிப்ரவரி மாதத்திற்குரிய இதமான குளிர் காலமானது, இந்த மாதம் வழக்கத்திற்கு மாறாக அதிக வெப்பம் நிலவியது. வெப்பநிலையானது இயல்பைவிட 8°C முதல் 13°C வரை அதிகமாகப் பதிவாகியுள்ளது. மேலும், இது அதிகாரப்பூர்வமாக வெப்ப அலை சூழலாகக் கருதப்படுகிறது.

இயல்பைவிட வெப்பமான மார்ச் மாதம்

இந்திய வானிலை ஆய்வு மையம் (India Meteorological Department (IMD)) தனது மார்ச் மாத முன்னறிவிப்பில், மேற்கு இமயமலைப் பகுதிகள், தீபகற்ப இந்தியா மற்றும் மத்திய இந்தியாவில் பகல் நேர வெப்பநிலையானது இயல்பைவிட அதிகமாக இருக்கும் என்று தெரிவித்தது. மேலும், குஜராத் மற்றும் ஆந்திரப் பிரதேச மாநிலங்களில் வழக்கத்தைவிட அதிக நாட்கள் வெப்ப அலை வீசக்கூடும் என்றும் எச்சரித்தது. அதே போலவே, இந்த மார்ச் மாதத்தின் முதல் வாரத்திலேயே வெப்பநிலையானது அதிகரித்து காணப்பட்டது. 

இமாச்சலப் பிரதேசம் போன்ற மாநிலங்களில் ஏற்கனவே வெப்பநிலை 25°C-க்கு மேல் பதிவாகியுள்ளது. இந்திய வானிலை ஆய்வுத் துறையின் (IMD) அதிகாரி ஒருவர் கூறுகையில், சிம்லாவில் பொதுவாக மார்ச் மாதத்தில் வெப்பநிலை 25°C-ஐத் தாண்டுவதற்கான வாய்ப்பு மிகக் குறைவு என்று தெரிவித்தார். வழக்கமாக சிம்லாவில் கோடைக்காலம் மே மற்றும் ஜூன் மாத தொடக்கத்தில்தான் உச்சத்தை எட்டும் என்றும் ஆனால், அங்கு வெப்ப அலைகள் வீசுவது மிகவும் அரிதான ஒன்றாகவே பார்க்கப்படுகிறது.

ஜம்மு-காஷ்மீர் மற்றும் லடாக் பகுதிகளில் கடந்த வாரம் இதேபோன்ற ஒரு நிலை நிலவியது. தற்போது அங்கு வெப்பநிலை மிக அதிகமாக உள்ளதாகவும் இது இன்னும் 2 முதல் 3 நாட்களுக்கு நீடிக்க வாய்ப்புள்ளதாகவும் இந்திய வானிலை ஆய்வு மையத்தின் (IMD) தலைமை இயக்குநர் மிருத்யுஞ்சய் மொஹபத்ரா அவர்கள் தெரிவித்துள்ளார். இருப்பினும், அங்கு வரவிருக்கும் 'மேற்கத்திய இடையூறு' (Western Disturbance) காரணமாக இந்த வெப்பநிலை குறையும் என்று எதிர்பார்க்கப்படுகிறது. மேற்கத்திய இடையூறுகள் என்பது ஈரப்பதமான காற்றைச் சுமந்து கொண்டு கிழக்கு நோக்கி நகரும் ஒரு காற்று மண்டலமாகும். இவை ஈரான் நாட்டிற்கு அப்பால் உருவாகி, மத்திய தரைக்கடல் (Mediterranean Sea) மற்றும் பிற நீர்நிலைகளிலிருந்து ஈரப்பதத்தை உறிஞ்சி வருகின்றன. இவை பொதுவாக குளிர்காலங்களில் மழைப்பொழிவை ஏற்படுத்துவதாகவும் குறிப்பிடுகின்றனர். 

இந்த அசாதாரணமான வானிலைக்குப் போதிய மழையில்லாத வறண்ட குளிர்காலமே முக்கியக் காரணமாக அமைந்தது. சாதகமான வானிலை அமைப்புகள் ஏதும் உருவாகாததால், 1901-ஆம் ஆண்டிற்குப் பிறகு பிப்ரவரி மாதம் மூன்றாவது மிக வறண்ட மாதமாகப் பதிவானது. ஜனவரி மற்றும் பிப்ரவரி மாதங்களில் இந்தியா முழுவதும் பெய்த சராசரி மழையளவு வெறும் 16 மி.மீ மட்டுமே ஆகும். இது வழக்கமான அளவைவிட 60% குறைவாகும். இக்காலகட்டத்தில் பனிப்பொழிவு மற்றும் மழைப்பொழிவு ஆகிய இரண்டுமே மிகக் குறைவாகவே காணப்பட்டன.

கடந்த நவம்பர் மாதம் 2025-ஆம் ஆண்டு முதல் போதிய அளவில் மேற்கத்திய இடையூறுகள் (Western Disturbances) ஏற்படாததே இதற்கான முக்கியக் காரணமாகக் கூறப்படுகிறது. பொதுவாக, குளிர்கால மழையின் பெரும்பகுதியை இந்த காற்று மண்டலங்களே கொண்டு வருகின்றன. அத்துடன், கடலில் இருந்து மத்திய மற்றும் வடஇந்திய பகுதிகளுக்கு ஈரப்பதத்தைக் கொண்டு வரும் மேற்கத்திய காற்றுகளும் (Westerly winds), கிழக்கத்திய காற்றுகளும் (Easterly winds) ஒன்றாகச் சந்திக்கும் 'சங்கமித்தல்' நிகழ்வு இம்முறை நடைபெறவில்லை என்பதையும் வானிலை ஆய்வாளர்கள் சுட்டிக்காட்டியுள்ளனர்.

மழை இல்லாத வறண்ட குளிர்காலங்கள், கோடை முன்கூட்டியே தொடங்குவதற்கு முக்கியக் காரணமாக அமைகின்றன. ஏனெனில், போதிய மழைப்பொழிவு இல்லாதபோது மண் மிக விரைவாக வெப்பமடைகிறது. பொதுவாக, மண்ணில் ஈரப்பதம் இருக்கும்போது, கோடையின் தொடக்கத்தில் அந்த ஈரப்பதம் முதலில் ஆவியாகும். ஆனால், மழை குறைவாகவோ அல்லது இல்லாமலோ இருக்கும்போது, வறண்ட நிலம் மிக வேகமாக வெப்பமடைந்து ஒட்டுமொத்த வெப்பநிலையும் அதிகரிக்கிறது.

பயிர்கள் வெப்பத்தின் தாக்கத்தை உணர்கின்றன

திடீரென உயரும் வெப்பநிலையானது, தற்போது அறுவடைக்குத் தயாராக நிலத்தில் இருக்கும் ரபி (rabi) பருவப் பயிர்களை உடனடியாகப் பாதிக்கும் என்கின்றனர். 

கடுகு, கோதுமை, கடலை (Gram), நிலக்கடலை, எள், சோளம், குங்குமப்பூ  ஆகியவற்றுடன் உருளைக்கிழங்கு போன்ற காய்கறிகள் மற்றும் ஆப்பிள் போன்ற பழவகைகளுக்கும் கூடுதல் கவனிப்பு தேவைப்படும். மண்ணின் ஈரப்பதத்தைத் தக்கவைத்துக் கொள்வதற்காக, அடிக்கடி நீர் பாய்ச்சுமாறு வேளாண் தொழிலாளர்கள் அறிவுறுத்தப்பட்டுள்ளனர்.

இருப்பினும், இது உள்ளூர் நீர் ஆதாரங்களின் மீது கூடுதல் அழுத்தத்தை ஏற்படுத்தக்கூடும் என்றும் எச்சரிக்கின்றனர். 

Original article :  What is driving the early summer and heat-wave conditions in north India? -Anjali Marar

Read More →