ஏப்ரல் 1, 2026 முதல் அமலுக்கு வரும் வருமான வரிச் சட்டம்-2025 (Income Tax Act) இன் படி, அதற்கான படிவங்கள் 15G மற்றும் 15H ஆகியவை ஒன்றிணைக்கப்பட்டு, படிவம் 121 என்ற ஒரே படிவமாக மாற்றப்பட்டுள்ளன. படிவம் 26AS என்பது 'படிவம் 168' எனப் பெயர் மாற்றம் செய்யப்பட்டுள்ளது மற்றும் இது தவிர, வேறு பல மாற்றங்களும் அறிமுகப்படுத்தப்பட்டுள்ளன…
இதுவரையிலான நிலவரம் : ஏப்ரல் 1, 2026 முதல், சுமார் அறுபது ஆண்டுகளாக நடைமுறையில் இருந்து வந்த வருமான வரிச் சட்டம், 1961-க்குப் பதிலாக, வருமான வரிச் சட்டம்-2025 நடைமுறைக்கு வரவுள்ளது. இதன் நோக்கம், வரிவிதிப்பின் தன்மையை கணிக்கக்கூடியதாகவும், வெளிப்படைத்தன்மையை உறுதி செய்வது, வரி செலுத்துவோர் மீதான சட்ட இணக்கச் சுமையைக் (compliance burden) குறைப்பது மற்றும் வரி தாக்கல் செய்யும் செயல்முறையை இன்னும் சீரானதாகவும், எளிமையானதாகவும் அமைப்பதும் இதன் மற்றொரு குறிக்கோளாகும். முந்தைய வருமான வரிச் சட்டத்தில், 819 பிரிவுகள் மற்றும் 14 அட்டவணைகளைக் கொண்டிருந்த பழைய சட்டத்துடன் ஒப்பிடுகையில், 2025-ம் ஆண்டு சட்டம் 536 பிரிவுகள் மற்றும் 16 அட்டவணைகளுடன் மிகவும் சுருக்கமாக உள்ளது. மேலும், விதிகளின் எண்ணிக்கை 511-லிருந்து 333-ஆகக் குறைக்கப்பட்டுள்ளது. அதேநேரத்தில், படிவங்கள் 390-லிருந்து 190-ஆகக் கணிசமாகக் குறைக்கப்பட்டுள்ளன. குறிப்பாக, வருமான வரிச்சட்ட மூலத்தில் அதிகப்படியான வரி பிடித்தம் (Tax Deducted at Source (TDS)) செய்வதைத் தடுக்க படிவம் 15G/15H-ஐச் சமர்ப்பிக்கும் நடைமுறையில் மாற்றங்கள் செய்யப்பட்டுள்ளன. மேலும், 'தாராளமயமாக்கப்பட்ட பணப் பரிமாற்றத் திட்டத்தின்' (Liberalised Remittance Scheme (LRS)) கீழ் வெளிநாடுகளுக்கு அனுப்பப்படும் பணத்தின் மீது, மூலத்திலேயே வரி வசூலிப்பது (Tax Collected at Source (TCS)) தொடர்பான நடைமுறைகளிலும் மாற்றங்கள் கொண்டுவரப்பட்டுள்ளன. இதுமட்டுமின்றி, மூலத்தில் அதிகப்படியான வரி பிடித்தம் (TDS) தொடர்பான சட்ட இணக்க நடைமுறைகளை மேலும் எளிமையாகவும் விரைவாகவும் மாற்றும் நோக்கில், 'FAST-DS' (Foreign Assets of Small Taxpayers Disclosure Scheme (FAST-DS)) எனும் புதிய அமைப்பு ஒன்றும் அறிமுகப்படுத்தப்பட்டுள்ளது. இத்துறைகளில் மேற்கொள்ளப்பட்டுள்ள முக்கிய மாற்றங்கள் குறித்த விரிவான பார்வை பின்வருமாறு அமைகிறது.
படிவங்கள் 15G, 15H, 26AS : என்ன மாற்றங்கள் ஏற்பட்டுள்ளன?
மார்ச் 31, 2026 வரை, வருமான வரிச் சட்டம் 2025 நடைமுறைக்கு வருவதற்கு முன்பு, வரி செலுத்துவோர் தங்கள் தகுதியை கவனமாக மதிப்பிட வேண்டியிருந்தது. மேலும், படிவம் 15G அல்லது படிவம் 15H? இதில் எது சரியான படிவத்தைத் தேர்ந்தெடுப்பதில் அவர்கள் அடிக்கடி குழப்பத்தை எதிர்கொண்டனர். படிவம் 15G, 60 வயதுக்குக் குறைவான, இந்தியாவில் வசிக்கும் தனிநபர்களுக்காக உருவாக்கப்பட்டது மற்றும் இது பிற தகுதியுள்ள நபர்களால் (நிறுவனங்கள் மற்றும் கூட்டாண்மை நிறுவனங்களைத் தவிர்த்து) பயன்படுத்தப்பட்டது. அதேசமயம், படிவம் 15H, 60 வயது அல்லது அதற்கு மேற்பட்ட வயதுடைய, இந்தியாவில் வசிக்கும் தனிநபர்களுக்காக உருவாக்கப்பட்டது. படிவம் 15G மற்றும் படிவம் 15H ஆகிய இரண்டும் அறிவிப்புப் படிவங்களாக இருந்தன. இந்தப் படிவங்களில், வரி செலுத்துபவர், நிதியாண்டிற்கான தனது மதிப்பிடப்பட்ட மொத்த வருமானம் பூஜ்ஜியம் என்று கூறும் அறிவிப்புகளே ஆகும். இந்தப் படிவங்களைச் சமர்ப்பிப்பதன் மூலம், மூலத்தில் வரி பிடித்தம் (TDS) தேவையற்ற முறையில் கழிக்கப்படவில்லை என்பதை அவர்கள் உறுதி செய்தனர். இந்த குழப்பத்தைத் தவிர்ப்பதற்காக, புதிய வருமான வரிச் சட்டம்-2025 இன் கீழ், இரண்டு படிவங்களும் ஒரே ஒருங்கிணைந்த படிவம் 121 ஆக இணைக்கப்பட்டுள்ளன. புதிய சட்டத்தின் பிரிவு 393(6)-இன் படி, வயது வரம்பின்றி அனைவருக்கும் 'படிவம் 121' பொருந்தும்.
தற்போது, 60 வயதுக்குக் குறைவான அல்லது 60 வயதுக்கு மேற்பட்ட, இந்தியாவில் வசிக்கும் தனிநபர்கள் படிவம் 121-ஐத் தாக்கல் செய்யலாம். தேவையான நிபந்தனைகளைப் பூர்த்தி செய்யும் இந்து கூட்டுக் குடும்பங்கள் (HUFs) மற்றும் பிற குறிப்பிட்ட நிறுவனங்களும் இதைத் தாக்கல் செய்யலாம். இருப்பினும், நிறுவனங்கள், வணிக நிறுவனங்கள் மற்றும் வெளிநாட்டினர் படிவம் 121-ஐ தாக்கல் செய்ய அனுமதிக்கப்படுவதில்லை. படிவம் 121, வருங்கால வைப்பு நிதி (provident fund (PF)) பணம் எடுத்தல் (withdrawals) மற்றும் ஓய்வூதியங்கள் (pensions), காப்பீட்டு ஆணையங்கள் (insurance commissions), வாடகை (rent), வைப்புத்தொகை மீதான வட்டி (interest on deposits), பரஸ்பர நிதிகளிலிருந்து கிடைக்கும் வருமானம் (income from mutual funds), ஈவுத்தொகைகள் (dividends), மற்றும் ஆயுள் காப்பீட்டுக் கொள்கைகளிலிருந்து கிடைக்கும் வருமானம் (போனஸ் உட்பட) போன்ற வருமானங்களை உள்ளடக்கியது.
முன்னர், வரி செலுத்துவோர் ஒவ்வொரு வங்கி, பரஸ்பர நிதி (mutual fund) அல்லது டிமேட் கணக்கிற்கும் (demat account) தனித்தனியாக படிவம் 15G மற்றும் 15H-ஐ சமர்ப்பிக்க வேண்டியிருந்தது. மேலும், ஒவ்வொரு படிவத்திற்கும் அல்லது ஒவ்வொரு அறிவிப்பிற்கும் தனித்தனியான தனித்துவ அடையாள எண் (Unique Identification Number (UIN)) ஒதுக்கப்பட்டது. இதனால், வரி செலுத்துவோர் பல படிவங்களைச் சமர்ப்பிக்க வேண்டிய கட்டாயத்திற்கு உள்ளானார்கள். இதன் விளைவாக, அவர்கள் ஏதேனும் ஒரு படிவத்தைத் தவறவிட்டாலோ அல்லது சரியான நேரத்தில் சமர்ப்பிக்கத் தவறினாலோ, அதிகப்படியான மூலத்தில் வரி பிடித்தம் (TDS) செலுத்தும் அபாயத்தை அவர்கள் எதிர்கொண்டனர். புதிய அமைப்பின் கீழ், அனைத்துக் கணக்குகளுக்கும் ஒரே படிவம் 121-ஐ சமர்ப்பிக்கலாம். ஒரே தனித்துவ அடையாள எண் (UIN) மூலம் அனைத்துக் கணக்குகளுக்குமான அறிவிப்புகளைக் கண்காணிக்க முடியும். இது தேவையற்ற முறையில் அதிகப்படியான மூலத்தில் வரி பிடித்தம் (TDS) கழிக்கப்படுவதை உறுதிசெய்து, நேரத்தைச் சேமித்து, இந்தச் செயல்முறையை எளிமையாகவும் சிரமமின்றியும் ஆக்குகிறது.
மேலும், ஏப்ரல் 1, 2026 முதல் நமக்கு நன்கு பரிச்சயமான படிவம் 26AS, புதிய வருமான வரிச் சட்டம்-2025 இன் கீழ் அதிகாரப்பூர்வமாக படிவம் 168 என மறுபெயரிடப்படுகிறது. பழைய படிவம் பெரும்பாலும் "வரிச் சலுகைகள்" (உங்கள் வங்கி அல்லது முதலாளியால் ஏற்கனவே கழிக்கப்பட்ட வரி) மீது கவனம் செலுத்திய நிலையில், புதிய படிவம் 168 மிகவும் மேம்பட்டதாக உள்ளது. இது உங்கள் வரி விவரங்களை வருடாந்திர தகவல் அறிக்கையுடன் (Annual Information Statement (AIS)) இணைக்கும் ஒரு முழுமையான "நிதி நாட்குறிப்பு" (financial diary) போல செயல்படுகிறது. அதாவது, உங்கள் சம்பளம், வீட்டு வாடகை முதல் பங்குச் சந்தை வர்த்தகங்கள் மற்றும் பெரிய கடன் அட்டைச் செலவுகள் வரை, உங்கள் PAN எண்ணுடன் தொடர்புடைய ஏறக்குறைய அனைத்தையும் இது இப்போது தானாகவே கண்காணிக்கிறது. பொதுவாக, எனவே, இது செலுத்தப்பட்ட வரிகளின் பதிவு மட்டுமல்ல. இது உங்கள் நிதிநிலையின் முழுமையான பார்வையை அளிக்கிறது. எளிமையாகச் சொல்வதானால், இது உங்கள் முழு நிதியாண்டையும் ஒரே இடத்தில் வைத்து, உங்கள் வருமானம், செலவுகள் மற்றும் முன்கூட்டியே செலுத்தப்பட்ட வரிகளைக் கண்காணிக்கும் அரசாங்கத்தின் ஒரு வழியாகும்.
இந்திய ரிசர்வ் வங்கியின் தாராளமயமாக்கப்பட்ட பணப் பரிமாற்றத் திட்டத்தின் கீழ் மூலத்தில் வரி வசூலிப்பது (Tax Collected at Source (TCS))
இந்திய ரிசர்வ் வங்கியின் தாராளமயமாக்கப்பட்ட பணப் பரிமாற்றத் திட்டத்தின் (LRS) கீழ், இந்தியாவில் வசிக்கும் தனிநபர்கள், பிரிவு 206C(1G)-இன் கீழ் வெளிநாடுகளுக்கு அனுப்பப்படும் பணப் பரிமாற்றங்களுக்கு மூலத்தில் வரி வசூல் (TCS) செலுத்த வேண்டும். ஏப்ரல் 1, 2026 முதல், ஒரு நிதியாண்டில் ₹10 லட்சத்திற்கு மேல் கல்வி மற்றும் மருத்துவ சிகிச்சைக்காக செய்யப்படும் பணப் பரிமாற்றங்களுக்கு, மூலத்தில் வரி வசூல் (TCS) விகிதம் முந்தைய 5%-இலிருந்து 2%-ஆகக் குறைக்கப்படுகிறது. இதன் மூலம் முன்கூட்டிய வரிச்சுமை குறைகிறது. இதேபோல், வெளிநாட்டு சுற்றுலாப் பயணத் தொகுப்புகளுக்கு, ஒரு நிதியாண்டில் ₹10 லட்சத்திற்கு மேல் உள்ள தொகைக்கு மூலத்தில் வரி வசூல் (TCS) 5%-இலிருந்து 2%-ஆகக் குறைக்கப்படுகிறது.
சிறு வரி செலுத்துவோரின் வெளிநாட்டுச் சொத்துக்கள் (Foreign Assets of Small Taxpayers (FAST)) வெளிப்படுத்தல் திட்டம்
சிறு வரி செலுத்துவோரின் வெளிநாட்டுச் சொத்துக்கள் வெளிப்படுத்தல் திட்டம் (FAST-DS 2026) என்பது, புதிய வருமான வரிச் சட்டம்-2025 இன் கீழ் அறிமுகப்படுத்தப்பட்ட ஒரு காலவரையறைக்குட்பட்ட இணக்க திட்டமாகும். இத்திட்டம் ஒரு குறிப்பிட்ட காலத்திற்கு மட்டுமே நடைமுறையில் இருக்கும். வரி செலுத்துவோர், தாங்கள் வெளிப்படுத்தாத வெளிநாட்டுச் சொத்துக்கள் அல்லது வருமானத்தை முறையாக அறிவித்து, அவற்றைச் சட்டப்பூர்வமாக்க உதவுவதே இத்திட்டத்தின் முக்கிய நோக்கமாகும்.
இந்தத் திட்டம், கடுமையான “கருப்புப் பண” (black money) சட்டங்களைப் போலல்லாமல், இதில் மாணவர்கள், இளம் தொழில் வல்லுநர்கள், தொழில்நுட்ப ஊழியர்கள், இடம் பெயர்ந்த வெளிநாடு வாழ் இந்தியர்கள் மற்றும் இது போன்ற பிற சிறு வரி செலுத்துவோருக்கு, ஆறு மாத கால அவகாசத்திற்குள் தங்கள் சொத்துக்களைத் தாங்களாகவே முன்வந்து வெளிப்படுத்தவும், குறைக்கப்பட்ட வரி விகிதத்தைச் செலுத்தவும் அல்லது தொழில்நுட்பக் குறைபாடுகளுக்கு ஒரு நிலையான கட்டணத்தைச் செலுத்தவும் ஒரு நடைமுறைக்குரிய “இரண்டாவது வாய்ப்பை” வழங்குகிறது. தங்களின் கடந்தகால வரிக் கணக்குகளில் இந்தச் சொத்துக்களைத் தற்செயலாகத் தெரிவிக்கத் தவறியவர்களும், இந்தக் கால அவகாசத்தைப் பயன்படுத்திக்கொண்டு, பொதுவாகக் கருப்புப் பணச் சட்டத்துடன் தொடர்புடைய கடுமையான அபராதங்கள் மற்றும் குற்றவியல் வழக்குகளிலிருந்து தங்களைக் காப்பாற்றிக்கொள்ளலாம்.
படிவங்களை முறைப்படுத்துதல், செயல்முறைகளை நெறிப்படுத்துதல் மற்றும் இலக்கு வைக்கப்பட்ட நிவாரண நடவடிக்கைகளை வழங்குதல் ஆகியவற்றின் மூலம், 2025-ம் ஆண்டின் வருமான வரிச் சட்டம், தனிநபர்கள் வரி விதிமுறைகளுக்கு இணங்குவதை எளிதாக்குவதில் கவனம் செலுத்தும் ஒரு எளிய, வெளிப்படையான மற்றும் தொழில்நுட்பத்தால் இயக்கப்படும் வரி செயல்முறையை நோக்கிய ஒரு மாற்றத்தைக் குறிக்கிறது.
Original article : New Income Tax Act 2025: Breaking down benefits for individuals. -Vaishali R Venkat