நிபா வைரஸின் (Nipah virus) மரபணு வரிசைகள் பொது தரவுத்தளங்களில் விரைவாக பகிரப்பட வேண்டும்
மே 8-ஆம் தேதி கேரளாவில் 42 வயது பெண் ஒருவருக்கு நிபா வைரஸ் தொற்று இருப்பது உறுதி செய்யப்பட்டது. கடந்த இரண்டு ஆண்டுகளில் மலப்புரம் மாவட்டத்தில் மூன்றாவது முறையாக நிபா வைரஸ் தொற்று பதிவாகியுள்ளது. கேரளாவில் முன்னதாக நிபா வைரஸ் பாதிப்பு ஜூலை 21 அன்று 14 வயது சிறுவனுக்கும், கடந்த ஆண்டு செப்டம்பர் 15 அன்று 24 வயது இளைஞருக்கும் கண்டறியப்பட்டது. மாநிலத்தில் சமீபத்திய நிபா கண்டறிதலுடன், கேரளா 2018 மற்றும் 2023-ஆம் ஆண்டுகளில் மனிதரிடமிருந்து மனிதருக்கு பரவிய இரண்டு பெரிய தொற்றுநோய் பரவல்களையும், 2019 மற்றும் 2021-ஆம் ஆண்டுகளில் நான்கு முறை வைரஸ் பரவல்களையும் (spillovers) மற்றும் 2024-ல் இரண்டு நிகழ்வுகளையும் பதிவு செய்துள்ளது. மே 8 நிகழ்வில், ஒரே ஒரு நபர் மட்டுமே நிபா தொற்றால் பாதிக்கப்பட்டுள்ளதாகவும், ஏழு நெருங்கிய தொடர்புகள் பாதிக்கப்படவில்லை என்று கண்டுபிக்கப்பட்டாலும், இதை வைரஸ் பரவல் (spillover) என்று இப்போதே சொல்வது விரைவான முடிவாகும். பெரும் தொற்று நோயைப் போல இல்லாமல், நிபா பரவல்கள் என்பது ஒரே ஒரு நபருக்கு மட்டுமே வருவதாகும். இது மனிதரிடமிருந்து மனிதருக்கு நோய் பரவுவதில்லை. மனிதர்களிடையே நோய் பரவாமல் இருப்பதற்கு ஒரு முக்கிய காரணம், நோயாளியை சரியான நேரத்தில் கண்டுபிடித்து உடனடியாக தனிமைப்படுத்துவதாகும். மற்றொரு காரணம் அதன் மருத்துவ அறிகுறிகள். நிபா வைரஸ் பரவல்களில், தொற்றால் பாதிக்கப்பட்டுள்ளதாக கண்டறியப்பட்ட நோயாளிகள் தீவிர மூளை அழற்சி நோய்க்குறியுடன் (acute encephalitis syndrome (AES)) வந்துள்ளனர். அதே நேரத்தில் 2018 மற்றும் 2023-ஆம் ஆண்டு நிபா தொற்றுநோய் பரவல்களில், முதல் நோயாளி மற்றும் பாதிக்கப்பட்ட பலர் தீவிர சுவாசக் கோளாறு நோய்க்குறி (Acute respiratory distress syndrome (ARDS)) வந்துள்ளனர். தீவிர மூளை அழற்சி நோய்க்குறியுடன் ஒப்பிடும்போது, ARDS உள்ள நோயாளிகள் நுரையீரல் பாதிப்புடன் மிகவும் கடுமையான நிலையில் காணப்படுகின்றனர். இருமலுடன், ARDS உள்ள நோயாளிகளுக்கு அதிக வைரஸ் எண்ணிக்கை (viral loads) இருக்கும். இது நோயின் தீவிரத்தை குறிக்கிறது. இரத்தம், சிறுநீர் அல்லது மூளைத்தண்டுவட திரவ மாதிரிகள் பாசிட்டிவ் அல்லது நெகட்டிவ் என சோதனையில் தெரிந்தாலும், ஒரு நபர் நிபா வைரஸால் பாதிக்கப்பட்டிருந்தால் தொண்டை சுரப்பி மாதிரிகள் பொதுவாக பாசிட்டிவ் என்று வரும், இது ARDS உள்ள நோயாளிகளில் மனித பரவலுக்கான குறிகாட்டியாகவும் செயல்படுகிறது. அதிக வைரஸ் எண்ணிக்கை, தொண்டையில் வைரஸ் இருப்பது, மற்றும் இருமும் போக்கு ஆகியவை மனிதப் பரவலை சாத்தியமாக்குகின்றன. ARDS வழக்குகளில் அதிக நோய் தீவிரமும் 2018 மற்றும் 2023-ல் நிபா இறப்புகளுக்கு காரணமாகும். 2018-ஆம் ஆண்டு பரவலில் 18 நிகழ்வுகளில் 17 இறப்புகளும், 2023 பரவலில் 6 நிகழ்வுகளில் 2 இறப்புகளும் இருந்தன. இந்திய மருத்துவ ஆராய்ச்சி கவுன்சில் (Indian Council of Medical Research (ICMR))-தேசிய வைராலஜி நிறுவனம் (National Institute of Virology (NIV)) புனே நடத்திய ஒரு ஆய்வில், 2018-ஆம் ஆண்டு நிபா வைரஸ் வங்கதேச வகை நிபா வைரஸிலிருந்து சிறிதளவு மரபணு வேறுபாடுகளைக் கொண்டிருப்பதாகவும், மனிதர்களைப் போலவே வெள்ளெலிகளிலும் கடுமையான நோயை ஏற்படுத்தக்கூடும் என்றும் கண்டறியப்பட்டுள்ளது.
நிபா வைரஸ் வெவ்வேறு மருத்துவ அறிகுறிகளை ஏற்படுத்தும் திறன் கொண்டது மற்றும் சில நிகழ்வுகளில் மனித பரவலை ஏற்படுத்தும் திறனும் கொண்டது. இதனால், மனிதர்களிலும் வௌவால்களிலும் இந்த வைரஸின் மரபணு குறித்து விரைவாகவும் முழுமையாகவும் ஆய்வு செய்வது மிகவும் முக்கியமானதாகிறது. கேரளாவில் இப்போது நிபா வைரஸ் பாதிப்பு அடிக்கடி ஏற்படுவதால் நிபாவுக்கான இயற்கையான ஓம்புயிரிகளான பழ உண்ணி வௌவால்களை வழக்கமாக ஆய்வு செய்வதன் அவசியத்தை மிகையாக வலியுறுத்த முடியாது. 2018 வைரஸ் கூட வங்காளதேச திரிபிலிருந்து சிறிய மரபணு வேறுபாடுகளைக் காட்டியது என்பது, மனித பரவல் இல்லாமல் வைரஸ் பரவல் ஏற்படுத்தும் வைரஸ் மேலும் உருமாறியுள்ளதா என்பதை அறிவது மிகவும் முக்கியமாக்குகிறது. மரபணு வரிசைகள் (genetic sequences) தாமதமின்றி பொது தரவுத்தளங்களில் எந்த தாமதமும் இல்லாமல் பகிரப்படும்போது மட்டுமே இதுபோன்ற ஆய்வுகளை அதிக விஞ்ஞானிகளால் செய்ய முடியும்.