தற்போதைய நிகழ்வு :
யோகேந்திர யாதவ் குறிப்பிட்டதாவது, அரசாங்கங்களையும் கட்சிகளையும் கடந்து, இந்திய அரசு இந்த சமூகங்களை அங்கீகரிக்க பிடிவாதமாக மறுத்து வருகிறது. அவர்களில் சிலர் பட்டியல் சாதியினர், சிலர் பட்டியல் பழங்குடியினர், சிலர் இதர பிற்படுத்தப்பட்ட வகுப்பினர் எனப் பட்டியலிடப்பட்டுள்ளனர், மேலும் பலர் எங்கும் குறிப்பிடப்படவில்லை.
முக்கிய அம்சங்கள் :
சுதந்திர இந்தியாவின் முதல் முழுமையான “சாதி கணக்கெடுப்பு”, அதை மிகவும் தேவைப்படும் ஒரு பிரிவினரான அறிவிக்கப்படாத பழங்குடியினர் (Denotified Tribes), நாடோடிப் பழங்குடியினர் (Nomadic Tribes) மற்றும் பகுதி நாடோடி சமூகத்தினரை (semi-nomadic communities (DNT/NT)) கைவிடுமா? இதுவரை, இதற்கான அறிகுறிகள் ஊக்கமளிப்பதாக இல்லை. 2027 மக்கள் தொகைக் கணக்கெடுப்பிற்குப் பொறுப்பான இந்திய தலைமைப் பதிவாளர் (Registrar General of India), இது குறித்து மௌனம் காத்து வருகிறார்.
சமீபத்தில், இந்தச் சமூகங்களைச் சேர்ந்த முன்னணி ஆர்வலர்கள், தங்களைச் சாதிக் கணக்கெடுப்பில் சேர்க்குமாறு அரசாங்கத்தை வலியுறுத்தித் தாக்கல் செய்த கடைசிநேர முயற்சியான மனுவை, தேவையற்றதாகவும் உணர்வற்றதாகவும் கருதப்பட்ட கருத்துக்களுடன் உச்சநீதிமன்றம் இந்த மனுவை தள்ளுபடி செய்தது.
இந்த சமூகங்கள் பொதுவில் பெரும்பாலும் புலப்படாததாகவே உள்ளன. ஒரு படித்த இந்தியர், “தலித்துகள்” என்பதைச் சற்று கவலை நிறைந்து தங்களை அடையாளம் காணத் தொடங்கியுள்ளார். காடுகளில் வசிக்கும் “பழங்குடியினர்” பற்றிய தெளிவற்ற, சில சமயங்களில் தவறான கருத்தும் அவரிடம் இருக்கலாம். ஆனால், “சீர்மரபினர்” (Denotified Tribe) என்பதன் பொருள் என்னவென்றோ அல்லது நாடோடி சமூகங்கள் யார் என்றோ அவருக்குத் துளியும் தெரியாது.
“வெறுக்கப்பட்டவர்கள், அவமானப்படுத்தப்பட்டவர்கள், படுகொலை செய்யப்பட்டவர்கள்” (Hated, Humiliated, Butchered) என்பது இன்றைய இந்தியாவில் DNT/NT சமூகங்கள் குறித்த மகாசுவேதா தேவியின் ஒரு கட்டுரையின் தலைப்பாகும். இத்தலைப்பு இன்றைய இந்தியாவில் அவர்களின் நிலையைத் தெளிவாக விவரிக்கிறது. ஏழைகள், தலித்துகள், பழங்குடியினர் மற்றும் LGBTQ மக்கள் அனுபவிக்கும் அனைத்து இன்னல்களையும் எதிர்கொள்ளும் ஒரு சமூகத்தைக் கற்பனை செய்து பாருங்கள். அதுதான் DNT/NT சமூகங்களின் யதார்த்தம்.
நாடோடி சமூகங்களை வெளிச்சத்திற்குக் கொண்டுவருவதில், பெரும்பாலான கொள்கை வகுப்பாளர்கள் மற்றும் கல்வியாளர்களை ட கணேஷ் தேவி அதிகப் பங்காற்றியுள்ளார். அவர்களின் மறைநிலை நிறுவனங்களிலேயே கட்டமைக்கப்பட்டுள்ளது என்று அவர் சுட்டிக்காட்டுகிறார். இதன் காரணமாக, அறிவிக்கப்படாத மற்றும் நாடோடி சமூக அமைப்புகள் மற்றும் தலைவர்களின் கோரிக்கைகள் மூன்று 'C'க்களுடன் தொடங்குகின்றன. அவை அறிதல் (Cognisance), வகைப்படுத்துதல் (categorisation), மற்றும் கணக்கிடுதல் (counting) ஆகும்.
மத்திய அரசால் நியமிக்கப்பட்ட ரெங்கே ஆணையத்தின் (Renke Commission) 2008-ம் ஆண்டு அறிக்கை, இந்தச் சமூகங்களின் எதிர்கொள்ளும் அவலநிலையைப் பதிவுசெய்ததுடன், சுதந்திரத்திற்குப் பிந்தைய காலகட்டத்தில் உருவாக்கப்பட்ட இக்குழுக்களின் பட்டியலை விரிவுபடுத்தி, DNT/NT சமூகங்களுக்கான முதல் மக்கள்தொகை மதிப்பீட்டை (10.74 கோடி) வழங்கியது.
சீர்மரபினர், நாடோடி மற்றும் பகுதி நாடோடிப் பழங்குடியினருக்கான தேசிய ஆணையமான இடேட் ஆணையத்தின் (Idate Commission) மிகச் சமீபத்திய 2017 அறிக்கை, ஏற்கனவே உள்ள பட்டியல் சாதியினர் (SC), பழங்குடியினர் (ST) மற்றும் இதர பிற்படுத்தப்பட்ட வகுப்பினரின் (OBC) பட்டியல்களில் இருந்து 1,200 சமூகங்களை அடையாளம் கண்டதோடு, வகைப்படுத்தப்படாத 269 சமூகங்களையும் பட்டியலிட்டு, இந்த விஷயத்தில் ஒரு படி முன்னேறியுள்ளது.
வகைப்படுத்தப்படாத இந்தக் குழுக்கள் குறித்த தகவல் இடைவெளி, 2023-ம் ஆண்டில் இந்திய மானிடவியல் ஆய்வு நிறுவனம் (Anthropological Survey of India) மற்றும் பழங்குடியினர் ஆராய்ச்சி நிறுவனங்களால் நிரப்பப்பட்டது. அடுத்த மக்கள்தொகைக் கணக்கெடுப்பில், சீர்மரபினர் மற்றும் நாடோடிப் பழங்குடியினர் (DNT/NT) முறையாக வகைப்படுத்தப்பட்டு கணக்கிடப்பட வேண்டும் என்று இடேட் ஆணையம் (Idate Commission) திட்டவட்டமாகப் பரிந்துரைத்திருந்தது.
உங்களுக்குத் தெரியுமா?
சீர்மரபினர் பழங்குடியினர் (DNT) என்பவர்கள், பிரிட்டிஷ் ஆட்சிக்காலத்தில், 1871-ம் ஆண்டின் 'குற்றப் பழங்குடியினர் சட்டம்' (Criminal Tribes Act) தொடங்கி இயற்றப்பட்ட தொடர் சட்டங்களின் கீழ், 'பிறப்பாலேயே குற்றவாளிகள்' (born criminal) என்று 'அறிவிக்கை' செய்யப்பட்ட சமூகங்களாவர். நாடோடி மற்றும் பகுதி-நாடோடி சமூகங்கள் என்பவை, ஒரே இடத்தில் நிரந்தரமாக வசிக்காமல், ஓரிடத்திலிருந்து மற்றொரு இடத்திற்குத் தொடர்ந்து இடம்பெயர்ந்து செல்லும் சமூகங்களாக வரையறுக்கப்படுகின்றன.
சீர்மரபினர், நாடோடி மற்றும் பகுதி-நாடோடிப் பழங்குடியினருக்கான தேசிய ஆணையம் (National Commission for De-notified, Nomadic and Semi-Nomadic Tribes (NCDNT)) ஒன்று, அப்போதைய அரசால் 2006-ம் ஆண்டில் அமைக்கப்பட்டது. பாலகிருஷ்ணா சித்ராம் ரென்கே என்பவரின் தலைமையில் செயல்பட்ட இந்த ஆணையம், ஜூன் 2008-ல் தனது அறிக்கையைச் சமர்ப்பித்தது. அந்த அறிக்கையில், "பட்டியலிடப்பட்ட சாதியினர் மற்றும் பழங்குடியினரைப் போலன்றி, இந்தப் பழங்குடியினர் ஏனோ நமது அரசியலமைப்புச் சட்டத்தை உருவாக்கியவர்களின் கவனத்திலிருந்து தவறிவிட்டனர். அதன் விளைவாக, அவர்களுக்குக் கிடைக்க வேண்டிய அரசியலமைப்புரீதியான ஆதரவு அவர்களுக்குக் கிடைக்காமல் போய்விட்டது என்பது ஒரு விசித்திரமான முரண்நகை (ironic) ஆகும்," என்று குறிப்பிடப்பட்டிருந்தது.
2001-ம் ஆண்டின் மக்கள்தொகைக் கணக்கெடுப்பின் அடிப்படையில், இந்தப் பழங்குடியினரின் மக்கள்தொகையை சுமார் 10.74 கோடி என்று ரென்கே ஆணையம் மதிப்பிட்டது. மாநில வாரியான பட்டியலைத் தயாரிப்பதற்காக, பிப்ரவரி 2014-ல் அமைக்கப்பட்ட புதிய ஆணையம், ஜனவரி 8, 2018-ல் தனது அறிக்கையைச் சமர்ப்பித்தது. இந்த அறிக்கையில், 1,262 சமூகங்கள் சீர்மரபினர், நாடோடி மற்றும் பகுதி-நாடோடிப் பிரிவுகளைச் சார்ந்தவையாக அடையாளம் காணப்பட்டன.
Original article : Who are the denotified tribes? -Priya Kumari Shukla