முக்கிய அம்சங்கள்:
— செவ்வாயன்று வெளியிடப்பட்ட நிதி ஆயோக்கின் ‘வர்த்தக கண்காணிப்பு காலாண்டு’ (Trade Watch Quarterly) அறிக்கையின்படி, கடந்த ஆண்டு ஏப்ரல் முதல் ஜூன் மாதங்களுக்கு இடையில், முந்தைய ஆண்டோடு ஒப்பிடுகையில், தடையற்ற வர்த்தக ஒப்பந்த கையெழுத்திட்ட நாடுகளுடனான இந்தியாவின் வர்த்தகப் பற்றாக்குறை 59.2 சதவீதம் அதிகரித்துள்ளது. இதற்குக் காரணம், இறக்குமதி 10 சதவீதம் அதிகரித்து $65.3 பில்லியன் உயர்ந்ததும், ஏற்றுமதி 9 சதவீதம் குறைந்து $38.7 பில்லியன் சரிந்ததும் தான் என்று அந்த அறிக்கை கூறியுள்ளது.
— இந்தியா 2025ஆம் ஆண்டில் ஓமன், நியூசிலாந்து மற்றும் இங்கிலாந்துடன் தடையற்ற வர்த்தக ஒப்பந்தத்தில் கையெழுத்திட்டுள்ளது. மேலும், ஐரோப்பிய ஒன்றியம் (EU), அமெரிக்கா (US), ஆஸ்திரேலியா, பஹ்ரைன், வளைகுடா கூட்டுறவு கவுன்சில் (Gulf Cooperation Council (GCC)), யூரேஷியன் பொருளாதார ஒன்றியம் (Eurasian Economic Union (EAEU)), கனடா மற்றும் தென்னாப்பிரிக்க சுங்க ஒன்றியம் (Canada and the Southern African Customs Union (SACU)) போன்ற நாடுகளுடன் பேச்சுவார்த்தை நடத்தி வருகிறது. இந்தியா, பிரேசில் மற்றும் இஸ்ரேலுடன் ஒரு முன்னுரிமை வர்த்தக ஒப்பந்தம் (Preferential Trade Agreement (PTA)) குறித்தும் பரிசீலித்து வருகிறது.
— இருப்பினும், இந்தக் காலகட்டத்தில் இந்தியாவின் ஏற்றுமதி தெளிவான கட்டமைப்பு வேறுபாட்டைக் காட்டுவதாக அந்த அறிக்கை கூறியுள்ளது. பெட்ரோலியப் பொருட்களின் ஏற்றுமதியில் சரிவும், மின்னணுப் பொருட்களின் ஏற்றுமதியில் வலுவான வளர்ச்சியும் ஏற்பட்டுள்ளதாகத் தெரிவித்துள்ளது. மின்னணு சாதனங்களின் ஏற்றுமதி சிறப்பாகச் செயல்பட்டு, ஆண்டுக்கு ஆண்டு 47 சதவிகிதம் அதிகரித்து. மொத்த ஏற்றுமதியில் அதன் பங்களிப்பை 11 சதவிகிதத்திற்கும் அதிகமாக உயர்த்தியுள்ளதாகக் கூறப்படுகிறது. இது உலகளாவிய எலெக்ட்ரானிக்ஸ் விநியோகச் சங்கிலிகளில் இந்தியா ஆழமாக ஒருங்கிணைக்கப்படுவதைப் பிரதிபலிக்கிறது என்று நிதி ஆயோக் தெரிவித்துள்ளது.
— தென்கிழக்கு ஆசிய நாடுகளின் (Association of Southeast Asian Nations (ASEAN)) பிராந்தியத்துக்கான ஏற்றுமதி குறைந்ததாலேயே வர்த்தகப் பற்றாக்குறை அதிகரித்துள்ளதாகக் கூறப்படுகிறது.
— இந்தியா, தென்கிழக்கு ஆசிய (ASEAN) நாடுகளுடன் வர்த்தக ஒப்பந்தத்தின் விதிகளை மறுபரிசீலனை செய்வதற்காகப் பேச்சுவார்த்தையில் ஈடுபட்டு வருகிறது. இருந்தபோதிலும், இந்தியா மற்றும் தென்கிழக்கு ஆசிய நாடுகள் 2025ஆம் ஆண்டு இறுதி காலக்கெடுவைத் தவறவிட்டன. இருப்பினும், கடந்த ஆண்டு அக்டோபர் மாதத்தில், தென்கிழக்கு ஆசிய நாடுகள் மற்றும் சீனா போன்ற நாடுகள் மேம்படுத்தப்பட்ட தடையற்ற வர்த்தக ஒப்பந்தத்தில் கையெழுத்திட்டன.
— இந்தியாவின் தடையற்ற வர்த்தக ஒப்பந்த (FTA) நாடுகளுக்கான ஏற்றுமதிகள் குறைந்தன. இதற்குக் காரணம், மிகப்பெரிய தடையற்ற வர்த்தக ஒப்பந்த ஏற்றுமதி நாடுகளான தென்கிழக்கு ஆசிய (ASEAN) நாடுகளுக்குச் சென்ற ஏற்றுமதி 16.9% வீழ்ச்சியடைந்ததே ஆகும் என்று கூறப்படுகிறது. மலேசியா (-39.7%), சிங்கப்பூர் (-13.2%), மற்றும் ஆஸ்திரேலியா (-10.9%) ஆகிய நாடுகளுக்குமான ஏற்றுமதிகளிலும் கடுமையான சரிவுகள் காணப்பட்டன. இந்தியாவின் இரண்டாவது பெரிய தடையற்ற வர்த்தக ஒப்பந்த ஏற்றுமதி இலக்கான ஐக்கிய அரபு அமீரகம் (UAE), ஒரு சிறிய 2.1% வீழ்ச்சியை மட்டுமே சந்தித்தது. மாறாக, தென் கொரியா (15.6%), ஜப்பான் (2.8%), தாய்லாந்து (2.9%), மற்றும் பூட்டான் (10.2%) ஆகிய நாடுகளுக்கான ஏற்றுமதிகள் சற்று அதிகரித்துள்ளதாக அறிக்கையில் கூறப்பட்டுள்ளது.
— இதற்கிடையில், ஏழு முக்கிய நாடுகளின் சந்தைகளில் (சீனா, ஐக்கிய அரபு அமீரகம் (UAE), ரஷ்யா, அமெரிக்கா ஆகியவற்றில்) இருந்து செய்யப்பட்ட இறக்குமதியின் பங்கு அதிகரித்துள்ளதாகக் கூறப்படுகிறது. இது, 2026ஆம் நிதியாண்டின் முதல் காலாண்டில் (Q1 FY26) மொத்த இறக்குமதியில் 43 சதவீதம் ஆகும். இது 2025-ஆம் நிதியாண்டின் முதல் காலாண்டில் (Q1 FY25) 39 சதவீதமாக இருந்தது. இந்த மொத்த இறக்குமதியின் மதிப்பு $76.7 பில்லியன் ஆகும். 2026-ஆம் நிதியாண்டின் முதல் காலாண்டில், முந்தைய ஆண்டை ஒப்பிடும்போது இந்தியாவின் இறக்குமதி வளர்ச்சியில் குறிப்பிடத்தக்க அதிகரிப்பு பதிவானது. குறிப்பாக, ஐக்கிய அரபு அமீரகத்தில் (28.7 சதவீதம்), சீனாவில் (16.3 சதவீதம்), அமெரிக்காவில் (16.9 சதவீதம்), மற்றும் சிங்கப்பூரில் (14 சதவீதம்) இருந்து இறக்குமதி கணிசமாக உயர்ந்துள்ளதாகத் தெரிவிக்கின்றனர்.
— இருப்பினும், ஈராக்கிற்கு இறக்குமதி 13.3%, ரஷ்யாவிற்கு 8.7%, மற்றும் சவூதி அரேபியாவிற்கு 8.5% சரிந்தது.
— தங்கம் மற்றும் பெட்ரோலியப் பொருட்கள் காரணமாகவே ஐக்கிய அரபு அமீரகத்திலிருந்து இந்தியாவின் இறக்குமதி அதிகரித்துள்ளது என்று அந்த அறிக்கை கூறியது. இந்தியா இதற்கு முன்பு ஐக்கிய அரபு அமீரகத்திலிருந்து தங்கத்தை இறக்குமதி செய்வதில்லை. ஆனால், இப்போது இறக்குமதி செய்கிறது. இதன் மூலம், ஐக்கிய அரபு அமீரகம் ஜப்பானை விட முன்னணியில் இருந்து, இந்தியாவின் முக்கிய விநியோகஸ்தர்களில் ஒன்றாக மாறியுள்ளது. பெட்ரோலியம் மற்றும் அது தொடர்பான எண்ணெய்களின் இறக்குமதி கணிசமாக அதிகரித்துள்ளது.
Original Article : What is the Preferential Trade Agreement (PTA)? How is it different from FTA? -Roshni Yadav , Khushboo Kumari