ஐரோப்பாவிற்கும் ஆசியாவிற்கும் இடையே வளர்ந்து வரும் தொடர்பு குறிப்பிடத்தக்க மாற்றங்களை ஏற்படுத்துகிறது. மத்திய நாடுகள் எழுச்சி பெறுவதால், இந்தியா தனது தேசியப் பாதுகாப்பை வலுப்படுத்த இந்த வாய்ப்பைப் பயன்படுத்திக் கொள்ளலாம்.
ரஷ்ய அதிபர் விளாடிமிர் புடின் கடந்த வாரம் வடகொரியா மற்றும் தைவானுக்கு பயணம் செய்தார். அமெரிக்காவில் இந்த வாரம் நடக்கவுள்ள அமெரிக்கா அதிபர் தேர்தல் விவாதத்தில் தற்போதைய அதிபர் ஜோ பைடன் மற்றும் முன்னாள் அதிபர் டொனால்ட் டிரம்ப் விவாதத்தில் பங்கேற்கவுள்ளனர். இந்த நிகழ்வுகள் ஐரோப்பிய மற்றும் ஆசிய பாதுகாப்பிற்கு இடையே உள்ள சிக்கலான மற்றும் ஆழமான தொடர்புகளை எடுத்துரைக்கும். இந்த இணைப்புகள் இந்தியா போன்ற நடுத்தர சக்திகளுக்கு புதிய வாய்ப்புகளை வழங்கும்.
யூரேசியாவில் புவிசார் அரசியல் இயக்கவியல் நான்கு முக்கிய பரிமாணங்களைக் கொண்டுள்ளது :
வரலாற்று ரீதியாக, ஆசியா ஒரு செயலற்ற பிராந்தியமாக இருந்தது. ஐரோப்பிய நாடுகள் வளங்களுக்காக ஆசியாவை சுரண்டின. உதாரணமாக, 19 மற்றும் 20-ஆம் நூற்றாண்டுகளில் இந்தியப் பெருங்கடலில் இங்கிலாந்தின் வளர்ச்சிக்காக இந்திய இராணுவ வளங்கள் சுரண்டப்பட்டன. முதல் உலகப் போரில் ஒரு மில்லியன் இந்திய வீரர்களும், இரண்டாம் உலகப் போரில் இரண்டு மில்லியன் இந்திய வீரர்களும், இரண்டு உலகப் போர்களிலும் பிரிட்டிஷ் மற்றும் மேற்கத்திய இராணுவ வெற்றிகளுக்கு இந்திய ஆயுதப் படைகளும் குறிப்பிடத்தக்க பங்களிப்பைச் செய்தன.
இன்று ஆசிய நாடுகள் ஐரோப்பிய அரசியலில் தீவிரமாக செல்வாக்கு செலுத்துகின்றன. கடந்த மாதம் நடைபெற்ற உக்ரைன் அமைதி மாநாட்டின் போது, உக்ரைனில் ரஷ்யாவின் நடவடிக்கைகளை எதிர்கொள்ள கீவ் மற்றும் அதன் மேற்கத்திய நட்புநாடுகள் ஆசியாவின் ஆதரவைக் கோரின. மாறாக, இந்த மாநாட்டில் கலந்து கொள்ள வேண்டாம் என்று ஆசிய நாடுகளை ரஷ்யா வலியுறுத்தியது. ஆசிய நாடுகளின் செல்வாக்கு அதிகரித்து ஆசிய நாடுகள் இப்போது உலகளாவிய மோதல்களில் முக்கிய அங்கமாக உள்ளன. வடகொரியா ரஷ்யாவுக்கு வெடிமருந்துகளை வழங்குகிறது. அதே நேரத்தில் தென்கொரியா உக்ரைனுக்கு ஆயுதங்களை அனுப்புகிறது. இரண்டாம் உலகப் போருக்குப் பிறகு ஐரோப்பாவின் முதல் பெரிய போரில் இராஜதந்திரம் மற்றும் மேற்கத்தியரல்லாத பொதுக் கருத்துக்கு ஆதரவை திரட்டுவது முக்கியமானது. கூடுதலாக, இந்த ஐரோப்பிய மோதலில் ஆசியா ஒரு குறிப்பிடத்தக்க ஆயுத வழங்குநராக மாறியுள்ளது.
கொரிய தீபகற்ப நாடுகள் இப்போது உக்ரைனில் கவனம் செலுத்தி வருகிறது வடகொரியா ரஷ்யாவிற்கு வெடிமருந்துகளை வழங்கும் முக்கிய நாடாக மாறியுள்ளது. இதற்கிடையில், தென்கொரிய ஆயுதங்கள் உக்ரைனை நோக்கி பாயும். சீனா ரஷ்யாவிற்கு ஆயுதங்களை அனுப்பவில்லை ஆனால் மாஸ்கோவின் போர் முயற்சியை வேறு வழிகளில் ஆதரிக்கிறது. ஏவுகணைகளின் கூட்டு உற்பத்தியை அதிகரிக்க அமெரிக்கா ஜப்பானிற்கு அழுத்தம் கொடுக்கிறது. ஜப்பானில் தயாரிக்கப்பட்ட ஆயுதங்கள் உக்ரைன் மற்றும் பிற நாடுகளுக்கு விநியோகம் செய்யப்படும் வகையில் ஏற்றுமதி கட்டுப்பாடுகளை தாராளமயமாக்க ஜப்பானை வலியுறுத்துகிறது.
தற்போதைய மோதலின்போது ஆசிய நாடுகள் பெரும் வல்லரசுகளுடன் கையாள்வதில் தங்களை அதிகமாக உறுதிப்படுத்திக் கொள்கின்றன. புடினின் சமீபத்திய பியோங்யாங் மற்றும் ஹனோய் பயணங்களில் இது தெளிவாகத் தெரிகிறது. பனிப்போருக்குப் பிறகு, மாஸ்கோ பியோங்யாங்குடனான தனது நெருங்கிய உறவைக் குறைத்துக்கொண்டு பொருளாதார சக்தியாக மாறியுள்ள சியோலுடனான உறவுகளை மேம்படுத்துவதில் கவனம் செலுத்தியது. தற்போது, வடகொரியாவுடனான உறவை மீண்டும் வலுப்படுத்த ரஷ்யா ஆர்வமாக உள்ளது. 24 ஆண்டுகளில் முதல்முறையாக கடந்த வாரம் வடகொரியாவிற்கு சென்ற புதின், பரஸ்பர பாதுகாப்பு உதவி மற்றும் கிம் ஜாங்-உன்னுக்கு ஆதரவாக பல ஒப்பந்தங்களில் கையெழுத்திட்டார். வடகொரியாவை மேற்கத்திய நாடுகளுக்கு எதிராக புடின் திசை திருப்புகிறார் என்ற குற்றச்சாட்டு எழுந்துள்ளது.
கிம் ஜாங்-உன் சீனா, ஜப்பான், தென் கொரியா மற்றும் அமெரிக்கா மத்தியில் தனது செல்வாக்கை அதிகரிக்க ரஷ்யாவை பயன்படுத்துகிறார். இது தென் கொரியா அமெரிக்காவிற்கும் ஐரோப்பாவிற்கும் மிகவும் குறிப்பிடத்தக்க நட்புநாடாக மாற வழிவகுக்கும். வடகொரியாவின் அணுசக்தித் திறனை ரஷ்யா ஆதரித்தால், அணு ஆயுதம் ஏந்திய தென்கொரியாவுக்கு அமெரிக்காவில் எதிர்ப்பு குறையலாம். சமீபத்தில், தென்கொரியாவுடனான கூட்டணியை வலுப்படுத்தவும், சியோல் மற்றும் டோக்கியோவுடன் புதிய முத்தரப்பு ஒப்பந்தத்தை ஏற்படுத்தவும் பிடன் நிர்வாகம் வலியுறுத்தியுள்ளது. சமீபத்திய ஆண்டுகளில் ஜப்பான் மற்றும் தென்கொரியாவுடனான தனது முத்தரப்பு ஒத்துழைப்பை சீனாவும் புதுப்பித்துள்ளது.
கடந்த ஒன்பது மாதங்களில் ஜோ பைடன், ஜி ஜின்பிங் மற்றும் விளாடிமிர் புடின் ஆகியோரின் வருகைகளை நடத்திய ஒரே நாடாக வியட்நாம் தனித்து நிற்கிறது. வியட்நாம் சீனா மற்றும் அமெரிக்கா ஆகிய இரு நாடுகளுடனும் பொருளாதார உறவுகளை விரிவுபடுத்துவதன் மூலம் ஒரு நுட்பமான நடைமுறையைக் கடைபிடிக்கிறது. அதே நேரத்தில் வாஷிங்டனுடன் பாதுகாப்பு ஒத்துழைப்பைத் தொடர்கிறது. ரஷ்யாவுடனான உறவுகளைப் புதுப்பிப்பதன் மூலம், ஹனோய் சீனாவிற்கும் அமெரிக்காவிற்கும் இடையில் அதன் சமநிலையை மேம்படுத்துவதை நோக்கமாகக் கொண்டுள்ளது.
ஆசிய நாடுகள் அனைவருடனும் நட்பு பாராட்டி வருவதால், மேற்குநாடுகளிடம் இருந்து சவால்கள் எழுகின்றன. அமெரிக்க வெளியுறவுக் கொள்கை விவாதங்களில் ஒரு குறிப்பிடத்தக்க பிரச்சினை ஐரோப்பாவிற்கும் ஆசியாவிற்கும் இடையிலான முன்னுரிமைகளை எவ்வாறு சமநிலைப்படுத்துவது என்பதுதான்.
இரண்டாம் உலகப் போருக்குப் பிறகு, அமெரிக்கா ஐரோப்பாவிலும் ஆசியாவிலும் ஆதிக்கம் செலுத்தியது. பிப்ரவரி 2022-ல் ரஷ்ய அதிபர் புடின் உக்ரைன் மீது போர் தொடுப்பதற்கு சற்று முன்பு வெளிப்படுத்தப்பட்ட ரஷ்யா-சீனா கூட்டணியைத் தொடர்ந்து, இரு பிராந்தியங்களிலும் இந்த சக்திகளால் முன்வைக்கப்பட்ட குறிப்பிடத்தக்க சவால்கள், அமெரிக்கா தனது முதன்மை சவாலை அடையாளம் காண அழுத்தத்தை எதிர்கொள்கிறது.
சில குடியரசுக் கட்சியின் வெளியுறவுக் கொள்கை வல்லுநர்களால், உக்ரைன் மோதலில் ஈடுபடுவதை விட, அமெரிக்கா தனது இராணுவ முயற்சிகளை ஆசியாவில் மேற்கொள்ள வேண்டும் என்ற கோரிக்கை தற்போது எழுத்துள்ளது. பைடன் நிர்வாகம் சீனாவை முக்கிய சவாலாகப் பார்க்கிறது. ஆனால் உக்ரைனிடம் இருந்து ஆதரவை முழுமையாக திரும்பப் பெற முடியாது. இந்த வாதங்கள் அமெரிக்கா தேர்தல் விவாதத்தின் போது டிரம்ப் மற்றும் பைடன் இடையே இந்த வாரம் விவாதிக்கப்படலாம்.
மேலும், தீர்வு ஐரோப்பாவில் அதன் பாதுகாப்பிற்கு அதிக பொறுப்பை கையாள்வதில் உள்ளது. இது பைடன் மற்றும் டிரம்ப் ஆகியோரால் ஆதரிக்கப்படுகிறது. அடிப்படையில், ரஷ்யாவையும் சீனாவையும் சமநிலைப்படுத்துவதில் ஐரோப்பிய நாடுகள் முன்னேற வேண்டும். அமெரிக்காவின் சுமையை எளிதாக்க வேண்டும் என்று வாஷிங்டன் விரும்புகிறது. ஐரோப்பா அதன் பாதுகாப்புத் திறன்களில் செயல்படும் அதே வேளையில், ஆஸ்திரேலியா, இந்தியா, ஜப்பான் மற்றும் தென்கொரியா போன்ற நாடுகள் பிராந்திய பாதுகாப்பிற்கு அதிக பங்களிப்பை வழங்கத் தயாராக உள்ளன.
ஐரோப்பா ரஷ்யாவைப் பற்றி ஆழ்ந்த கவலை கொண்டுள்ளது. ஆனால், சீனாவை எவ்வாறு கையாள்வது என்பதில் ஒரு உறுதியான நிலைப்பாடு இல்லை. அமெரிக்காவுடன் கருத்து வேறுபாடு உள்ளது. ரஷ்யாவிற்கு சீனாவின் ஆதரவைப் பற்றி ஐரோப்பா கவலைப்படும் அதே வேளையில், பெய்ஜிங் மாஸ்கோவைக் கட்டுப்படுத்த உதவும் என்று நம்புகிறது. யூரேசியாவின் கிழக்கில் உள்ள ஐரோப்பாவிற்கும் சீனாவின் தொழில்துறை மையங்களுக்கும் இடையிலான பல ஆண்டுகளாக பொருளாதார உறவுகள் ஐரோப்பிய தலைவர்களை பெய்ஜிங்கை எதிர்கொள்வது குறித்து எச்சரிக்கையாக இருக்கச் செய்கின்றன. இருப்பினும், ஆசியாவில் சீனாவின் செல்வாக்கை எதிர்ப்பதற்கும், இந்தோ-பசிபிக் பகுதியில் பாதுகாப்பிற்கு பங்களிப்பதற்கும் அமெரிக்கா விடுத்த அழைப்புகளை ஐரோப்பா புறக்கணிக்க முடியாது. இதற்கிடையில், வாஷிங்டன் அதன் ஆசிய நட்பு நாடுகளான ஆஸ்திரேலியா, ஜப்பான், நியூசிலாந்து மற்றும் தென்கொரியாவையும் ஐரோப்பிய பாதுகாப்பு முயற்சிகளுக்கு ஆதரவளிக்க வலியுறுத்துகிறது.