அதிகமாகும் குறைந்தபட்ச வெப்பநிலை : டெல்லியின் வெப்பமான இரவுகள் ஏன் கவலைக்குரியவை? -மல்லிகா ஜோஷி

    ஜூன் மாதத்தில் மட்டும் இதுவரை ஏழு வெப்ப அலைகளுடன் கூடிய, இரவு வெப்பநிலை அதிகரிப்பது ஒரு புதிய கவலையாக மாறியுள்ளது.


செவ்வாயன்று, டெல்லியில் 1969-க்குப் பிறகு அதன் அதிகபட்ச வெப்பநிலை பதிவானது.  இது 35.2 டிகிரி செல்சியஸை எட்டியது. ஜூன் மாதத்தின் வெப்பமான நாட்களில், டெல்லியில் ஏற்கனவே ஏழு வெப்ப அலைகள் பதிவாகியுள்ளன.  இப்போது, ​​​​ இரவு வெப்பநிலை அதிகரிப்பது ஒரு புதிய கவலையாக உள்ளது.


இந்த மாதம், டெல்லியில் தொடர்ந்து ஆறு வெப்பமான இரவுகள் பதிவாகின.  மே 12-ஆம் தேதிக்குப் பிறகு இரவில் 40 டிகிரி செல்சியஸுக்குக் குறையாமல் பகல் நேரத்தை போல அதிகபட்ச வெப்பநிலை பதிவானது. 


1969 முதல் 2024 வரையிலான அதிகபட்ச குறைந்தபட்ச வெப்பநிலை 34.9 டிகிரி செல்சியஸ் ஆகும். இது மே-23, 1972-ல் பதிவானது. 1969-க்கு முந்தைய பதிவுகள் பகுப்பாய்வு செய்யப்படவில்லை. எனவே செவ்வாய்க்கிழமை வெப்பநிலை டெல்லியின் அதிகபட்ச வெப்பநிலையா என்பது தெளிவாகத் தெரியவில்லை  என்று இந்திய வானிலை ஆய்வு மையத்தின் (India Meteorological Department (IMD)) அதிகாரிகள் தெரிவித்தனர். ஹரியானாவில் உள்ள ஃபதேஹாபாத் மற்றும் மகேந்திரகர் ஆகிய இரண்டு நிலையங்களில், டெல்லியை விட காலை நேர வெப்பம் அதிகமாக இருந்தது. முறையே 35.4 டிகிரி செல்சியஸ் மற்றும் 35.3 டிகிரி செல்சியஸ் வெப்பநிலை பதிவாகியுள்ளது.


‘வெப்பமான இரவு’ என்றால் என்ன?


இந்திய வானிலை ஆய்வுத் மையத்தின்படி, குறைந்தபட்ச வெப்பநிலை இயல்பைவிட 4.5 முதல் 6.4 டிகிரி செல்சியஸ் வரை இருக்கும்போது வெப்பமான இரவு ஆகும். இயல்பை விட 6.4 டிகிரிக்கு மேல் இருந்தால் கடுமையான வெப்பமான இரவு ஆகும். இரண்டுக்கும் பகல்நேர வெப்பநிலை 40 டிகிரி செல்சியஸ் அல்லது அதற்கும் அதிகமாக இருக்க வேண்டும்.


புதன்கிழமை, டெல்லியின் குறைந்தபட்ச வெப்பநிலை இயல்பைவிட 8 டிகிரி அதிகமாக இருந்தது. அதிகபட்சமாக 43.6 டிகிரி செல்சியஸ், இது இயல்பைவிட 5 டிகிரி அதிகமாகும்.


இது ஏன் கவலைக்குரியது?


இந்தியன் எக்ஸ்பிரஸிடம் பேசிய IMD அதிகாரியின் கூற்றுப்படி, 24 மணி நேர சுழற்சியில் மிகக் குறைந்த வெப்பநிலை பொதுவாக அதிகாலை 3 மணி முதல் 5 மணி வரை அதிகாலையில் ஏற்படும்.


இந்த நேரத்தில் மட்டுமே வெப்பத்திலிருந்து நிவாரணம் எதிர்பார்க்கப்படுகிறது. டெல்லி மற்றும் வடமேற்கு இந்தியாவின் பல பகுதிகளில் மழைப்பற்றாக்குறை 90% உள்ளது. மேலும் பகல்நேர வெப்பநிலை தொடர்ந்து 40 டிகிரி செல்சியஸைத் தாண்டியுள்ளது.


டெல்லி அரசு மருத்துவமனையைச் சேர்ந்த மருத்துவர் ஒருவர், தி இந்தியன் எக்ஸ்பிரஸ்ஸிடம் பேசுகையில், மே மாதத்தின் பிற்பகுதியில் உச்ச வெப்பநிலை ஏற்பட்ட போதிலும், அதிக இரவு வெப்பநிலை காரணமாக அதிக வெப்ப பக்கவாத நோயாளிகள் பதிவாகியுள்ளனர் என்று விளக்கினார். 


"மேலும், வீடுகள் இரவில் வெளியில் இருப்பதைவிட வெப்பமாக இருக்கும். எனவே வெளியில் பகலில் வெப்பம் அதிகமாக இருக்கும்போது மக்கள் திறந்த வெளியிலும், வெப்பநிலை அதிகமாக இல்லாதபோது வீட்டிற்குள்ளும் இருப்பார்கள்" என்று மருத்துவர் விளக்கினார்.


ஜூன் மாதத்தில் வெப்பநிலை உச்சநிலை குறித்து IMD இன்னும் விரிவான ஆய்வு நடத்தவில்லை. இருப்பினும், ஜூன்-1 முதல் ஜூன்-19 வரையிலான 12 நாட்களில் குறைந்தபட்ச வெப்பநிலை 30 டிகிரி செல்சியஸைத் தாண்டியிருப்பது 2011-ஆம் ஆண்டுக்குப் பிறகு இதுவே முதல் முறை என்று டெல்லியில் ஜூன் மாதத்திற்கான கிடைக்கக்கூடிய தரவு காட்டுகிறது. 2018-ல், வழக்கத்திற்கு மாறாக சூடான ஜூன் இருந்தது. பத்து நாட்கள் இந்த நிலை தொடர்ந்தது. இந்த ஆண்டின் சாதாரண குறைந்தபட்ச வெப்பநிலை 27.5 டிகிரி செல்சியஸ் ஆகும்.


பல ஆய்வுகள் நகர வெப்பநிலை அதிகரிப்பதற்கு 'நகர்ப்புற வெப்பத் தீவு (‘urban heat island’) விளைவு காரணம் என்று கூறுகின்றன. அடர்த்தியான கட்டுமானம் மற்றும் குறைந்த பசுமையான இடங்களைக் கொண்ட அதிக நகரமயமாக்கப்பட்ட பகுதிகளில் இந்த விளைவு ஏற்படுகிறது. அங்கு அதிக திறந்த மற்றும் பசுமையான பகுதிகளுடன் ஒப்பிடும்போது வெப்பநிலை அதிகமாக இருக்கும்.


டெல்லியில், பல ஆண்டுகளாக, ரிட்ஜ் (Ridge) மற்றும் பசுமையான லுட்யன்ஸ்  (greener Lutyens)  டெல்லிக்கு  அருகிலுள்ள பகுதிகள் அதிக நகரமயமாக்கப்பட்ட பகுதிகளைவிட குறைவான அதிகபட்ச மற்றும் குறைந்தபட்ச வெப்பநிலை பதிவாகியுள்ளது.  இந்தப் பகுதிகளில் அதிக கான்கிரீட் செறிவு இருப்பதால், வெப்பம் சிக்கி, சில கிலோ மீட்டர்களுக்குள் 2 முதல் 4 டிகிரி செல்சியஸ் வரை வெப்பநிலை வேறுபாடுகள் ஏற்படுவதாக ஆய்வுகள் குறிப்பிடுகின்றன.


அறிவியல் மற்றும் சுற்றுச்சூழல் மையத்தின் (Centre for Science and Environment (CSE)) சமீபத்திய ஆய்வில், 2001 மற்றும் 2010-க்கு இடையில் இருந்ததைவிட இப்போது நகரங்கள் மெதுவான விகிதத்தில் குளிர்ந்து வருகின்றன. இது ஒட்டுமொத்த வெப்பமான இரவுகளுக்கு வழிவகுக்கிறது. ‘இந்திய நகரங்களில் உள்ள நகர்ப்புற வெப்ப அழுத்தத்தை குறிவிலக்கம் (Decoding) செய்தல்’ என்ற தலைப்பில், ஜனவரி 2001 முதல் ஏப்ரல் 2024 வரை டெல்லி, மும்பை, கொல்கத்தா, ஹைதராபாத், சென்னை மற்றும் பெங்களூரில் இருந்து தரவுகளை ஆய்வு செய்தது.


Share:

ஒரு பழங்காலத் தளத்தில் ஒரு புதிய வளாகம் எழும்புகிறது : நாளந்தாவின் கதை -சந்தோஷ் சிங், அர்ஜுன் சென்குப்தா

       நாளந்தா பல்கலைக்கழக வளாகம் 455 ஏக்கர் பரப்பளவில் அமைந்துள்ளது. இது பாட்னாவிலிருந்து 100 கிமீ தொலைவில் உள்ள ராஜ்கிரில் அமைந்துள்ளது. இது பண்டைய புத்த மடாலயத்தின் இடிபாடுகளிலிருந்து 12 கிமீ தொலைவில் உள்ளது, இது பழங்காலத்தின் மிகப்பெரிய கற்றல் மையங்களில் ஒன்றாக கருதப்படுகிறது.


நாளந்தா பல்கலைக்கழக வளாகத்தை பிரதமர் நரேந்திர மோடி புதன்கிழமை முறைப்படி திறந்து வைத்தார்.


2007ஆம் ஆண்டில், நாளந்தாவை மீண்டும் நிறுவுவதற்கான முன்மொழிவு பிலிப்பைன்சின் மாண்டேவில் நடந்த கிழக்கு ஆசிய உச்சி மாநாட்டில் அங்கீகரிக்கப்பட்டது. இந்த ஒப்புதல் 2009-ல் தாய்லாந்தின் ஹுவா ஹின்னில் நடந்த கிழக்கு ஆசிய உச்சி மாநாட்டில் மீண்டும் வலியுறுத்தப்பட்டது. ஆஸ்திரேலியா, பங்களாதேஷ், பூட்டான், புருனே, கம்போடியா, சீனா, இந்தோனேசியா, லாவோஸ், மொரீஷியஸ், மியான்மர், நியூசிலாந்து, போர்ச்சுகல், சிங்கப்பூர், தென்கொரியா, இலங்கை, தாய்லாந்து மற்றும் வியட்நாம் ஆகிய பதினேழு நாடுகள் பல்கலைக்கழகத்தை அமைக்க உதவியுள்ளன. இந்த திறப்புவிழாவில் இந்த நாடுகளின் தூதர்களும் கலந்து கொண்டனர்.


2007ஆம் ஆண்டில், பீகார் சட்டமன்றம் ராஜ்கிரில் உள்ள பண்டைய கற்றல் மையத்திற்கு அருகில் ஒரு புதிய சர்வதேசப் பல்கலைக்கழகத்தை உருவாக்க நாளந்தா பல்கலைக்கழக மசோதாவை நிறைவேற்றியது. 2010ஆம் ஆண்டில், நாடாளுமன்றம் இந்தச் சட்டத்தை நாளந்தா பல்கலைக்கழக மசோதாவுடன் இணைத்தது, இது முன்மொழியப்பட்ட பல்கலைக்கழகத்தை "தேசிய முக்கியத்துவம்" என்று கருதி நிர்வாக விதிகளை வகுத்தது.


பல்கலைக்கழகம் வாகனம் இல்லாத மண்டலமாகும், பார்வையாளர்கள், மாணவர்கள் மற்றும் ஆசிரியர்கள் வளாகத்திற்குள் நடக்கவோ அல்லது மிதிவண்டிகளைப் பயன்படுத்தியோ தான் வரவேண்டும்.


2013ஆம் ஆண்டில், புகழ்பெற்ற கட்டிடக் கலைஞர் பி வி தோஷியின் வாஸ்து ஷில்பா கன்சல்டண்ட்-ஆல் முன்மொழியப்பட்ட வளாகத்திற்கான சிறப்புத் திட்டம், சர்வதேச போட்டிக்குப் பிறகு தேர்ந்தெடுக்கப்பட்டது.


ஆராய்ச்சி மற்றும் கற்றல் மையம்


நாளந்தா பல்கலைக்கழகம் 2014-ல் பதினைந்து மாணவர்களைக் கொண்ட தனது முதல் தொகுதியை அனுமதித்தது. மாணவர்கள் வரலாற்று ஆய்வுகள் பள்ளி மற்றும் சூழலியல் மற்றும் சுற்றுச்சூழல் ஆய்வுகள் பள்ளி ஆகியவற்றில் சேர்க்கப்பட்டனர். வகுப்புகள் ராஜ்கிர் கன்வென்ஷன் சென்டரில் நடத்தப்பட்டன, பீகார் அரசாங்கத்தால் நடத்தப்படும் ஹோட்டல் ததாகட், தற்காலிக விடுதி வளாகமாக செயல்படுகிறது. ஆசிரியர் குழுவில் ஆறு ஆசிரியர்கள் இருந்தனர்.


2007ஆம் ஆண்டு முதல் இத்திட்டத்தில் ஈடுபட்டு வந்த நோபல் பரிசு பெற்ற பொருளாதார நிபுணர் அமர்த்தியா சென் பல்கலைக்கழகத்தின் முதல் வேந்தரானார். இப்பல்கலைக்கழகத்தின் முதல் வருகையாளர் அப்போதைய ஜனாதிபதி பிரணாப் முகர்ஜி ஆவார்.


2014 முதல், பல்கலைக்கழகத்தில் மேலும் நான்கு பள்ளிகள் நிறுவப்பட்டுள்ளன. பௌத்த ஆய்வுகள் பள்ளி, தத்துவம் மற்றும் ஒப்பீட்டு மதம், மொழிகள் மற்றும் இலக்கியப் பள்ளி, மேலாண்மை ஆய்வுகள் பள்ளி மற்றும் சர்வதேச உறவுகள் மற்றும் அமைதி ஆய்வுகள் பள்ளி ஆகியவை இதில் அடங்கும். பல்கலைக்கழகம் தற்போது இரண்டு ஆண்டு முதுகலைப் படிப்புகள், முனைவர் (PhD) திட்டங்கள் மற்றும் சில டிப்ளமோ மற்றும் சான்றிதழ் படிப்புகளை வழங்குகிறது.


2022க்குள், வளாகக் கட்டுமானத்தில் 90% நிறைவடைந்தது. பல்கலைக்கழகத்தில் 800 நாடுகளைச் சேர்ந்த 150 சர்வதேச மாணவர்கள் உட்பட 31 மாணவர்கள் இருந்தனர். முழுமையாக கட்டி முடிக்கப்பட்டால், வளாகத்தில் 7,500 மாணவர்கள் மற்றும் ஆசிரியர்களுக்கு இடமளிக்க முடியும்.


இந்த வளாகம் நவீன மற்றும் பாரம்பரிய கூறுகளின் கலவையாகும். திறன்மிகு வெண்பலகைகள் மற்றும் மின்னணு மேடைகளைக் (electronic podiums) கொண்டிருக்கும் வகுப்பறைகளுக்குள் இயற்கையான ஒளி ஓடுகிறது. கட்டிடங்கள் குளிரூட்டப்பட்டவை, ஆனால் இயற்கையான குளிர்ச்சியை வழங்க வெற்று சுவர்கள் போன்ற முறைகளையும் பயன்படுத்துகின்றன.


கமல் சாகர் குளங்கள் என அழைக்கப்படும் நீர்நிலைகள் வளாகத்தின் 100 ஏக்கருக்கு மேல் உள்ளன. மேலும் 100 ஏக்கர் பசுமையால் நிரம்பியுள்ளது. வளாகத்தில் குடிநீர் சுத்திகரிப்பு நிலையம் மற்றும் நீர் மறுசுழற்சி ஆலை உள்ளது. யோகா மையம், அதிநவீன அரங்கம், நூலகம், காப்பக மையம் மற்றும் அனைத்து வசதிகளுடன் கூடிய விளையாட்டு வளாகத்தையும் கொண்டுள்ளது. வாகனங்கள் உள்ளே செல்வதற்கு அனுமதியில்லை.


சமஸ்கிருத/பாலி மொழியில் மகாவீரா என்றால் 'பெரிய மடாலயம்' என்று பொருள். நாளந்தா மகாவீரா கி.பி. ஐந்தாம் நூற்றாண்டு முதல் பதின்மூன்றாம் நூற்றாண்டு வரை செயல்பாட்டில் இருந்தது.


ஏழாம் நூற்றாண்டைச் சேர்ந்த சீனப் பயணி யுவான் சுவாங்கின் வரலாற்றுக் குறிப்புகள் பண்டைய நாளந்தாவைப் பற்றிய மிக விரிவான விளக்கத்தை அளிக்கின்றன. யுவான் சுவாங் தனது வருகையின் போது, மடாலயத்தில் 10,000 மாணவர்கள், 2,000 ஆசிரியர்கள் மற்றும் பல பணியாளர்கள் இருந்ததாக மதிப்பிட்டார். தொல்லியல் சான்றுகளின் அடிப்படையில் இந்த எண்ணிக்கையை அறிஞர்கள் மறுத்துள்ளனர், ஆனால் நாளந்தா நிச்சயமாக ஒரு சராசரி பெளத்த விகாரம் அல்ல.


நாளந்தாவின்  வயதான மற்றும் புனிதமான மடாதிபதியான சிலபத்ரா  நாளந்தா வேதங்கள், இந்து தத்துவம், தர்க்கம், இலக்கணம் மற்றும் மருத்துவம் ஆகியவற்றைக் கற்பித்தார். மாணவர்களின் எண்ணிக்கை புத்த மதத்திற்கு நின்றுவிடவில்லை, ஆனால் கடுமையான வாய்மொழித் தேர்வில் தேர்ச்சி பெற்ற பிற மதங்களைச் சேர்ந்தவர்களும் அனுமதிக்கப்பட்டனர் என்று தோன்றுகிறது" என்று வரலாற்றாசிரியர் ஏ எல் பாஷாம் தனது கிளாசிக் தி வொண்டர் தட் வாஸ் இந்தியா (1954) (classic The Wonder that was India (1954)) என்ற நூலில் எழுதியுள்ளார்.



Share:

இடம்பெயர்தலில் இருந்து அதிகாரமளித்தலுக்கு

    இலங்கைத் தமிழர்கள் 1983-ம் ஆண்டு முதன்முறையாக இந்தியாவின் தமிழ்நாடு கடற்கரைக்கு வந்து சேர்ந்தனர். அப்போது, அவர்கள் அனைத்தையும் இழந்திருந்தனர். இந்த நேரத்தில், அவர்களின் ஒரே குறிக்கோள் அவர்களின் உயிரைக் காப்பாற்றுவதாகும். அவர்கள் இடம்பெயர்வதற்கு காரணமான வெறுப்பு நிறைந்த இனவாத வன்முறையிலிருந்து தப்பித்துக் கொண்டிருந்தனர். தமிழனின் அருகாமை, அணுகல் மற்றும் மொழியியல் பொதுத்தன்மை காரணமாக மிகவும் பாதிக்கப்படக்கூடிய இலங்கைத் தமிழர்கள் இந்தியாவைத் தேர்ந்தெடுத்தனர். அத்தனை கஷ்டங்களையும் அறிந்திருந்தாலும், தமிழகத்தில் அச்சுறுத்தல் இல்லாத வாழ்க்கையை வாழ முடியும் என்பதில் உறுதியாக இருந்தனர்.


1983 முதல் 3,34,797 இலங்கைத் தமிழர்கள் தமிழ்நாட்டில் தஞ்சம் புகுந்துள்ளனர். 1983-ம் ஆண்டு முதல் இலங்கையில் அதிகரித்து வரும் மோதலைப் பொறுத்து அகதிகள் நான்கு கட்டங்களாக தமிழ்நாட்டிற்கு வந்தடைந்தனர். இதில், 1983-87 வரை 1,34,054 அகதிகளும், 1989-90 வரை 1,22,000 அகதிகளும், 1995-2002 வரை 54,188 அகதிகளும், 2005-24 வரை 24,556 அகதிகள் இருந்தனர். ஜனவரி 1, 2024 நிலவரப்படி, தமிழ்நாட்டு அரசு நடத்தும் 105 முகாம்களில் 57,975 அகதிகள் வாழ்கின்றனர். கூடுதலாக, சுமார் 40,000 இலங்கைத் தமிழர்கள் காவல் பதிவுடன் தமிழ்நாட்டில் உள்ள முகாம்களுக்கு வெளியே வாழ்கின்றனர். இந்தத் தரவு ஈழ அகதிகள் மறுவாழ்வுக்கான அமைப்பால் (Organization for Eelam Refugees Rehabilitation (OfERR)) மறுவாழ்வு ஆணையகம் (Commissionerate of Rehabilitation), அகதிகளுக்கான ஐக்கிய நாடுகளின் ஆணையம் (United Nations High Commissioner for Refugees (UNHCR)) மற்றும் ஈழ அகதிகள் மறுவாழ்வுக்கான அமைப்பு (OfERR) தரவுத்தளம் போன்ற ஆதாரங்களில் இருந்து தொகுக்கப்பட்டுள்ளது.


புதிய தொடக்கங்கள்


இந்த மக்களின் வாழ்க்கை முறை கடுமையாக மாறிவிட்டது. அடிப்படை வசதிகளுடன் வாழும் தனிக் குடும்பங்களில் இருந்து அடிப்படை வசதிகளை மற்றவர்களுடன் பகிர்ந்து கொள்ளச் சென்றனர். அவர்கள் ஒரு புதிய வாழ்க்கைக்கு மாற்றியமைக்க வேண்டியிருந்தது. வெவ்வேறு இடங்களில் தனிமைப்படுத்தப்பட்ட முகாம்களில் வாழ்வதும் இதில் அடங்கும். அவர்களும் தங்கள் சொந்த வீடுகளைவிட்டு குடிசைகளுக்கு மாறினர். இந்த குடிசைகள் பெரும்பாலும் தற்காலிகக் கொட்டகைகள் அல்லது பொதுவான கட்டிடங்கள் போல் தோன்றின. அவர்கள் பொதுக் கழிப்பறைகளைப் பயன்படுத்தினர் மற்றும் நீர் வளங்களைப் பகிர்ந்து கொண்டனர் மற்றும் அளவிடப்பட்ட குறைந்த குடிநீரைக் கையாளுதல் ஆகியவற்றைப் பயன்படுத்த சூழ்நிலைக்கு தள்ளப்பட்டன.


முகாமில் உள்ள ஒவ்வொருவரும் பதிவு செய்யப்பட்டு, மாதம் இருமுறை பதிவு செய்யப்பட்ட பிறகு மாதாந்திர உதவித்தொகையைப் பெறுகிறார்கள். பண உதவித்தொகையைத் தவிர, இலவச வீட்டுவசதி, மின்சாரம், தண்ணீர் மற்றும் மாதாந்திர உணவுப் பொருட்கள் பொதுவிநியோகம் மூலம் பெறுவது போன்ற பல நன்மைகள் உள்ளன. சமீபத்திய, பெண்கள் உரிமைத் திட்டமாக மாதம் ரூ.1,000 உட்பட தமிழக மக்களுக்கு கிடைக்கும் அனைத்து நலத்திட்டங்களும் அவர்களுக்கு கிடைக்கின்றன. கல்வியைப் பொறுத்தவரை, அகதிகள் அரசாங்கப் பள்ளிகளில் சேரலாம் மற்றும் அவர்கள் உயர் கல்வியைத் தொடர்ந்தால் மாதத்திற்கு கூடுதலாக  ₹1,000 பெறலாம். அகதிகளுக்கு குறிப்பிட்டளவில் ஒரு முறை கல்விக்கு ஆதரவான திட்டங்கள் உள்ளன. கலை மற்றும் அறிவியல் கல்லூரி மாணவர்கள் ₹12,000 பெறுகிறார்கள். பொறியியல் படிப்புகளுக்கு ₹50,000 வழங்கப்படும். சமீபத்தில், தமிழ்நாடு அரசு சுமார் 5,000 இலங்கைத் தமிழர்களுக்கு புத்தம் புதிய வீடுகளை வழங்கியது. 2023-ம் ஆண்டின் இறுதியில் முடிக்கப்பட்ட ஒரு செலவுக்கான ஆய்வு அகதிகள் மீதான அரசாங்கத்தின் வருடாந்திர செலவினங்களை ஆவணப்படுத்தியது. அரசு ஆண்டுதோறும் சுமார் ₹262 கோடி செலவழித்துள்ளது. இது,  ₹170 கோடி நேரடியாகவும், ₹92 கோடி மறைமுகமாகவும் செலவிடப்படுகிறது.


கண்ணியத்தை மீட்டெடுத்தல் (Bringing back dignity)


இலங்கைத் தமிழர்களைப் பாதுகாப்பதிலும், அவர்களின் கண்ணியத்தை மீட்டெடுப்பதிலும், நிலையான எதிர்காலத்தை உருவாக்க அவர்களுக்கு அதிகாரம் அளிப்பதிலும் இந்த நலத்திட்டங்கள் முக்கியமானவை. இதனால், 100 சதவீத பள்ளிச் சேர்க்கையும், முகாம்களில் இருந்து 4,500 பட்டதாரிகளும் வெளியேறியுள்ளனர். இலங்கை தமிழர்கள், அகதிகள் என்ற பிரிவின் கீழ் வருவதால், சாதித் தடைகளை உடைத்தெறிந்து, சாதியை பொருத்தமற்றதாக ஆக்கி விட்டனர்.


குறிப்பாக, 1951 அகதிகள் சாசனத்தில் (Refugee Convention) இந்தியா கையெழுத்திடாததாலும், அகதிகளுக்கான உள்நாட்டு சட்டங்கள் இல்லாததாலும், இலங்கை அகதிகள் நடத்தப்படும் விதம் அரசின் ஒவ்வொரு அங்கத்திலும் கவலையைக் காட்டுகிறது. அகதிகள் முகாம்களின் பெயர்களை இலங்கைத் தமிழர் மறுவாழ்வு முகாம்கள் (Sri Lankan Tamil Rehabilitation Camps) எனப் பெயர் மாற்றம் செய்து தமிழ்நாடு அரசு அக்டோபர் 28, 2021 அன்று அரசாணை(764) வெளியிட்டது. இந்த நடவடிக்கை அகதிகளின் களங்கத்தை அகற்றுவதை நோக்கமாகக் கொண்டுள்ளது. இலங்கை அகதிகள் இப்போது இந்தியாவில் இலங்கைத் தமிழர்கள் என்று அழைக்கப்படுவதைவிட இடம்பெயர்ந்த தமிழர்கள் என்று அழைக்கப்படுகிறார்கள். இந்த மாற்றம் ஒரு புதிய பெயரைவிட அதிகம். இது அவர்களின் கண்ணியத்தை மீட்டெடுப்பதற்கான நிலைப்பாடாக உள்ளது.


இரண்டு தலைமுறைகளுக்கும் மேலாக இந்தியாவில் வசித்த அகதிகள், அனுபவம் மற்றும் கல்வியின் மூலம் தங்களை மேம்படுத்திக் கொண்டுள்ளனர். இந்த முன்னேற்றத்திற்கு ஈழ அகதிகள் மறுவாழ்வுக்கான அமைப்பு (OfERR), நலம் விரும்பிகள், நன்கொடையாளர்கள் மற்றும் அரசியல் கட்சிகளின் ஆதரவும், தமிழ்நாடு மற்றும் இந்திய அரசாங்கங்களின் ஆதரவும் காரணமாகும். அகதிகள் இப்போது தங்கள் நிலைமைக்கு ஒரு நீடித்தத் தீர்வை நாடுகின்றனர்.


2009-ல் இலங்கையில் போர் முடிவடைந்த பின்னர், 16,641 அகதிகள் நாடு திரும்பியுள்ளதாக ஈழ அகதிகள் மறுவாழ்வுக்கான அமைப்பு (OfERR) மற்றும் அகதிகளுக்கான ஐக்கிய நாடுகளின் ஆணையம் (UNHCR) தெரிவித்துள்ளது. அவர்தம் வருமான விகிதம் சீராக அதிகரித்துக் கொண்டிருந்தது. ஆனால், அது முதலில் கோவிட்-19 தொற்றுநோயால் தடைபட்டு, இலங்கையில் ஏற்பட்ட பொருளாதார நெருக்கடியால் அது தடைபட்டது, பின்னர் செயல்முறையை மெதுவாக்கியது.


தற்போது, ​​இலங்கையில் இருந்து வரும் அகதிகளுக்கு குடியுரிமை வழங்குவதன் மூலம் உள்ளூர் ஒருங்கிணைப்பை இந்திய சட்டங்களால் அனுமதிக்க முடியவில்லை. மூன்றாம் நாட்டு மீள்குடியேற்றத்திற்கான வாய்ப்பும் சாத்தியமில்லை. மேலும், பிற சர்வதேச நெருக்கடிகள் முன்னுரிமை பெற்றுள்ளன. இதன் விளைவாக, இலங்கைத் தமிழர்கள் எதிர்காலம் குறித்த நிச்சயமற்ற நிலையற்ற நிலையிலேயே வாழ்ந்து வருகின்றனர்.


தமிழ்நாட்டின் நலன்புரி நிலையங்களில் உள்ள இலங்கை அகதிகளின் கதை ஒரு வெற்றிகரமான அகதி பராமரிப்பு மாதிரிக்கு ஒரு எடுத்துக்காட்டு. இந்த மையங்களில் வசிக்கும் இலங்கைத் தமிழர்கள் மீது தமிழ்நாடு, இந்திய அரசுகள் மிகுந்த அக்கறை காட்டி வருகின்றன. இந்தக் கவலை ஒரு குறிப்பிடத்தக்க மாற்றத்திற்கு வழிவகுத்தது. ஆதரவற்ற அகதிகள் வளமான நபர்களாக மாறிவிட்டனர். அவர்கள் திரும்பி வரும்போது தங்கள் தேசத்தை மீண்டும் கட்டியெழுப்ப உதவும் ஆற்றல் அவர்களுக்கு இப்போது உள்ளது.


Share:

எல்லை தாண்டிய வரைபடங்கள், ஆறுதலுக்கும் அடைக்கலத்திற்கும் -சசி தரூர்

     அகதிகள் சந்தித்து வரும் பிரச்னைகளை  தீர்ப்பதற்கு சர்வதேச ஒத்துழைப்பு தேவைப்படுகிறது. மனித குலத்தை ஆதரிப்பதாக அறியப்படும் இந்தியா இந்த பிரச்சனைகளை சரி செய்வதற்கு உதவ வேண்டும்.


இன்று, உலக அளவில் 43.4 மில்லியனுக்கும் அதிகமான அகதிகள் உள்ளனர். மேலும் நடந்துகொண்டிருக்கும் மோதல்கள் காரணமாக இந்த எண்ணிக்கை அதிகரித்து வருகிறது. அகதிகளின் எண்ணிக்கை அதிகரிக்கும் போது, ​​அவர்களை தேவைகள், அச்சங்கள், நம்பிக்கைகள் மற்றும் ஆசைகள் உள்ளவர்களாக பார்க்காமல் வெறும் புள்ளிவிவரங்களாக பார்க்கும் அபாயம் உள்ளது. உலக அகதிகள் தினம் (Refugee Day) ஜூன்-20 அகதிகள் என்பது கனவுகளும் மகிழ்ச்சியும் கொண்ட குடும்பங்கள் என்பதை நினைவில் கொள்ள வேண்டிய நேரம். அழிக்கப்பட்ட இருப்பிடம் மற்றும் நிச்சயமற்ற எதிர்காலத்தைப் பற்றி சிந்திக்க இது ஒரு நாள். வழங்கப்பட்ட பாதுகாப்பான புகலிடங்கள், கொடுக்கப்பட்ட புகலிடம், உறுதி செய்யப்பட்ட பாதுகாப்பு மற்றும் தீர்வுகள் ஆகியவற்றை அடையாளம் காண வேண்டிய நேரம் இது.


உலக அகதிகள் தினத்தைக் கொண்டாட இந்தியா தயாராக உள்ளது. புகலிடம் வழங்குவதில் இந்தியாவிற்கு நீண்ட வரலாறு உள்ளது. பாபிலோனியர்களும் ரோமானியர்களும் ஜெருசலேம் கோவிலை அழித்த பிறகு யூதர்கள் கிறிஸ்துவுக்கு பல நூற்றாண்டுகளுக்கு முன்பே இந்தியாவிற்கு வந்தனர். ஜோராஸ்ட்ரியர்கள் பெர்சியாவில் இஸ்லாமிய துன்புறுத்தலில் இருந்து தப்பி இந்தியாவிற்கு வந்தனர். வங்காளதேசம் உருவாக வழிவகுத்த பாகிஸ்தானுடன் 1971-ல் போர் தொடுத்ததன் மூலம் கிழக்கு வங்காளிகள் தனிநாடு பெற இந்தியா உதவியது. கடந்த சில ஆண்டுகளாக, திபெத்தியர்கள், இலங்கைத் தமிழர்கள், நேபாளிகள், ஆப்கானியர்கள் மற்றும் ரோஹிங்கியாக்களை இந்தியா அகதிகளாக வரவேற்றுள்ளது.

 

பெரும் அகதிகள் நெருக்கடியின் போது இந்தியா சுதந்திரம் பெற்றது. 13 மில்லியன் 13 முதல் 15 மில்லியன் மக்கள் இந்தியாவிற்கும் பாகிஸ்தானுக்கும் இடையிலான புதிய எல்லைகளைக் கடந்துள்ளனர். இது வரலாற்றில் மிகவும் கொடூரமான அகதிகள் நெருக்கடிகளில் ஒன்றாகும். அகதிகள் படும் இன்னல்களை நாங்கள் புரிந்து கொள்கிறோம். அவர்களின் வாழ்க்கையை மீண்டும் இயல்பு நிலைக்கு கொண்டு வருவதன் முக்கியத்துவத்தை நாங்கள் அறிவோம்.


பொருத்தமான சட்டத்திற்கான ஆடுகளம்


அகதிகளுக்கு உதவிய பெருமைக்குரிய வரலாறு இந்தியாவிற்கு இருந்தும், ஐ.நா. அகதிகள் மாநாட்டில் இந்தியா கையெழுத்திடாதது அதிர்ச்சியளிக்கிறது. இந்த மாநாடு புகலிடக் கோரிக்கையாளர்கள் மற்றும் அகதிகளின் உரிமைகள் மற்றும் புரவலர் நாடுகளின் கடமைகளை கோடிட்டுக் காட்டுகிறது. 1967 நெறிமுறையில் இந்தியாவும் கையெழுத்திடவில்லை. இந்தியாவில் உள்நாட்டு புகலிடக் கட்டமைப்பு இல்லை. உலகளவில் அகதிகள் உரிமைகளை நாம் முன்னெடுத்துச் செல்ல வேண்டிய வரலாறு இருந்தபோதிலும், நமது தற்போதைய நடவடிக்கைகள் மற்றும் சட்டக் கட்டமைப்பு இல்லாதது நாம் நமது பாரம்பரியத்தை பின்பற்றாததை காட்டுகிறது. இந்த நிலைமை இந்தியாவிற்கு சர்வதேச அளவில் தலைகுனிவை ஏற்பபடுத்துகிறது.


பிப்ரவரி 2022-ல், இந்தப் பிரச்சினைகளைத் தீர்ப்பதற்காக மக்களவையில் தனிப்பட்ட உறுப்பினர் மசோதாவை அறிமுகப்படுத்தினேன். புகலிடக் கோரிக்கையாளர்கள் மற்றும் அகதிகளை அங்கீகரிப்பதற்கான தெளிவான அளவுகோல்களை நிறுவ அகதிகள் மற்றும் புகலிடச் சட்டத்தை எனது மசோதா முன்மொழிந்தது. அகதி அந்தஸ்து பெற்றவர்களுக்கான குறிப்பிட்ட உரிமைகள் மற்றும் பொறுப்புகளையும் அது கோடிட்டுக் காட்டியது. மறுமதிப்பீடு செய்யக்கூடாது என்ற சர்வதேச சட்டக் கோட்பாட்டை நமது அரசாங்கம் நிலைநிறுத்தத் தவறியதால் இந்தச் சட்டம் அவசியமானது. இந்தக் கொள்கை மக்களைத் துன்புறுத்துவதை எதிர்கொள்ளக்கூடிய இடங்களுக்கு அனுப்புவதை தடுக்கிறது. தேவைப்படுபவர்களுக்கு புகலிடம் அளிக்கும் இந்தியாவின் நீண்டகால பாரம்பரியத்திலிருந்து விலகியதையும் இது குறிக்கிறது.


2021-ஆம் ஆண்டில், நமது அரசாங்கம் மியான்மரில் கடுமையான இடர்களை எதிர்கொண்ட போதிலும், இரண்டு குழுக்களான ரோஹிங்கியா அகதிகளை வலுக்கட்டாயமாக மீண்டும் மியான்மருக்கு அனுப்பிய பின்னர் புகலிட மசோதா (Asylum Bill) அறிமுகப்படுத்தப்பட்டது. முஸ்லிம்களுக்கு எதிரான மதச்சார்பு மற்றும் சகிப்புத்தன்மையற்ற ரோஹிங்கியா அகதிகளை வலுக்கட்டாயமாக மியான்மருக்கு திருப்பி அனுப்பியதன் மூலம் நமது அரசாங்கம் சர்வதேசச் சட்டத்தை மீறியுள்ளது. 2017 முதல், உள்துறை அமைச்சகம் ரோஹிங்கியாக்களை "சட்டவிரோதமாக குடியேறியவர்கள்" ("illegal migrants") என்று முத்திரை குத்தியது. பின்னர் அவர்கள் இந்தியா முழுவதும் மோசமான நிலையில் தடுப்புக்காவலில் வைக்கப்பட்டனர். அவர்களது குடும்பத்தினருடன் தொடர்பு இல்லாதவர்கள் மற்றும் நாடு கடத்தப்படும்வரை மருத்துவப் பராமரிப்பு, உணவு, சுகாதாரம் அல்லது தண்ணீர் கிடைக்காமல் இருந்தனர். ஆகஸ்ட் 2023 வரை, இந்தியா முழுவதும் 700க்கும் மேற்பட்ட ரோஹிங்கியாக்கள் தடுப்புக்காவலில் வைக்கப்பட்டுள்ளனர்.


அருணாச்சலப் பிரதேசத்தில் உள்ள சக்மாக்கள் மற்றும் மிசோரமில் உள்ள மியான்மர்களை அரசாங்கம் வரவேற்கவில்லை. அதிகாரிகளின் இத்தகைய நியாயமற்ற நடத்தையை நிறுத்துவதை நோக்கமாகக் கொண்டது எனது மசோதா. வெளிநாட்டினர், தேசியம், இனம் அல்லது மதம் ஆகியவற்றைப் பொருட்படுத்தாமல், இந்தியாவில் தஞ்சம் கோருவதற்கான உரிமையை இது உறுதி செய்தது. புகலிட விண்ணப்பங்களை பரிசீலனை செய்து முடிவெடுப்பதற்காக புகலிடத்திற்கான தேசிய ஆணையத்தை அமைக்கவும் இந்த மசோதா முன்மொழிந்தது. விதிவிலக்குகள் இல்லாமல் மறுபரிசீலனை செய்யக்கூடாது என்ற கொள்கையை நான் வலுவாக ஆதரித்தேன். அகதி அந்தஸ்தை விலக்குதல், வெளியேற்றுதல் அல்லது திரும்பப் பெறுதல், தெளிவான வரம்புகளுடன் அரசாங்க அதிகாரத்தை சமநிலைப்படுத்துதல் ஆகியவற்றுக்கான காரணங்களையும் நான் கோடிட்டுக் காட்டினேன்.


ஆவலுடன் காத்திருக்கிறேன்

        

புகலிடக் கோரிக்கையாளர்களுக்கான தெளிவான மற்றும் நிலையானச் சட்டம் இல்லாமல், அகதிகளை நிர்வகிப்பதற்கான வரையறுக்கப்பட்ட அணுகுமுறையை இந்தியா கையாளவில்லை. வெளிநாட்டினர் சட்டம், 1946 (Foreigners Act, 1946) வெளிநாட்டினர் பதிவுச் சட்டம், 1939 (Registration of Foreigners Act, 1939)  கடவுச்சீட்டு சட்டம் 1967 (Passports Act (1967), நாடு கடத்தல் சட்டம், 1962 (the Extradition Act, 1962)  குடியுரிமைச் சட்டம், 1955 (Citizenship Act, 1955) (அதன் 2019 திருத்தம் உட்பட), மற்றும் வெளிநாட்டினர் ஆணை, 1948 போன்ற பல சட்டங்கள் உள்ளன. "வெளிநாட்டினர்" என அகதிகள் தொடர்பான சர்வதேச ஒப்பந்தங்களில் இந்தியா கையெழுத்திடவில்லை அல்லது அவர்களுக்கான உள்நாட்டுக் கட்டமைப்பை உருவாக்கவில்லை. இதன் விளைவாக, அகதிகள் பிரச்சனைகள் ஒவ்வொரு வழக்கின் அடிப்படையில் கையாளப்படுகின்றன. இது பெரும்பாலும் மற்ற வெளிநாட்டினரைப் போலவே நாடுகடத்தப்படும் அபாயங்களுக்கு வழிவகுக்கிறது. அகதிகள் பாதுகாப்புப் பற்றி விவாதிக்கும் போது, ​​புகலிடம் வழங்குவதைத் தாண்டிச் செல்வது முக்கியம். அகதிகள் சுகாதாரம் மற்றும் கல்வி போன்ற அத்தியாவசிய சேவைகளை அணுகுவதையும், அவர்களின் வாழ்க்கையை மீண்டும் கட்டியெழுப்ப சட்டப்பூர்வமாக வேலை தேடுவதையும் உறுதிசெய்ய ஒரு வலுவான அமைப்பு அவர்களுக்கு தேவை.     


நீதித்துறையின் பணி தொடர்கிறது


 1996-ஆம் ஆண்டில், உச்சநீதிமன்றம், இந்தியாவில் உள்ள அனைவருக்கும், எந்த தேசிய இனத்தையும் பொருட்படுத்தாமல், அரசியலமைப்பின் 14, 20 மற்றும் 21-வது பிரிவுகளால் பாதுகாக்கப்படும் உரிமைகள் உள்ளன என்று தீர்ப்பளித்தது. இதன் அடிப்படையில், தேசிய மனித உரிமைகள் ஆணையம் மற்றும் அருணாச்சல பிரதேசம் மற்றும் ஏஎன்ஆர் மாநிலம் ஆகிய முக்கியமான வழக்கில் (National Human Rights Commission vs State Of Arunachal Pradesh & Anr.,) உச்சநீதிமன்றம் தீர்ப்பு வழங்கியது. 1995-ல் அருணாச்சலப் பிரதேசத்திற்கு வந்த சக்மா அகதிகளை (Chakma refugees) கட்டாயமாக வெளியேற்றுவதை தடுத்தது.


புகலிடக் கோரிக்கைகளை முறையாகக் கையாள வேண்டும் என்று நீதிமன்றம் தீர்ப்பளித்தது. புகலிடம் வழங்குவதா அல்லது மறுப்பதா என்பது குறித்து முடிவெடுக்கப்படும் வரை, புகலிடக் கோரிக்கையாளரை வெளியேறும்படி அரசால் கட்டாயப்படுத்த முடியாது. நமது நீதித்துறை சரியான திசையை நமக்குக் காட்டியிருக்கிறது. இப்போது நாம் அதை கவனமாகப் பின்பற்ற வேண்டும். இருப்பினும், ரோஹிங்கியா வழக்கில் காணப்படுவது போல், வெவ்வேறு நீதிபதிகள் சில நேரங்களில் மிகவும் மாறுபட்ட தீர்ப்புகளை வழங்கியுள்ளனர். அகதிகள் உரிமைகளை கோடிட்டுக் காட்டும் சட்டங்களை உருவாக்குவது, நீதிபதி அடிப்படையிலான முடிவுகள் அல்லது உள்துறை அமைச்சக அதிகாரிகள், காவல்துறை மற்றும் அரசியல்வாதிகளின் தன்னிச்சையான செயல்களில் நாம் சார்ந்திருப்பதைக் குறைக்கும்.


உலகளாவிய அகதிகள் நெருக்கடியை  சரி செய்வதற்கு அனைத்து  நாடுகள் ஒன்றிணைந்து செயல்பட வேண்டும். உலகளாவிய சமூகத்தின் முக்கிய அங்கத்தவராகவும், பல்முனை உலகில் முக்கியப் பங்கு வகிக்கும் நாடாகவும் உள்ள இந்தியா, உள்நாட்டிலும் சர்வதேச அளவிலும் பங்களிக்க வேண்டும். எல்லைகளைத் தாண்டிய தீர்வுகளைக் கண்டறிவதன் மூலம், நமது ஜனநாயகக் கொள்கைகளையும் நிலைநிறுத்துகிறோம். இந்த முயற்சி, ஜவஹர்லால் நேருவால் வெளிப்படுத்தப்பட்ட மனித குலத்திற்கு சேவைசெய்ய பாடுபடும் ஒரு தலைவராக நமது நீண்டகால அர்ப்பணிப்பை பிரதிபலிக்கிறது. உலகளவில் இந்தியாவின் பங்கு மற்றும் நற்பெயரைப் பற்றி அக்கறை கொண்ட எவருக்கும் இது ஒரு உன்னதமான குறிக்கோள்.


சசி தரூர், நாடாளுமன்ற உறுப்பினர், வியட்நாமிய 'படகு மக்கள்' (‘boat people’) நெருக்கடியின் உச்சத்தில், சிங்கப்பூர் அலுவலகத்தின் தலைவராக மூன்றரை ஆண்டுகள் உட்பட, அகதிகளுக்கான ஐக்கிய நாடுகளின் ஆணையத்தில் (UN High Commissioner for Refugees) 11 ஆண்டுகள் (1978-89) பணியாற்றினார். அவர் ஒரு எழுத்தாளர் மற்றும் கட்டுரையாளர் ஆவார். அவர் இந்தியாவில் அகதிகள் / புகலிடச் சட்டம் (asylum law) இயற்றப்பட வேண்டும் என்று நீண்ட காலமாக வாதிட்டார்.



Share:

இந்து குஷ் இமயமலை பனியின் தற்போதைய நிலை குறித்து . . . -பிரியாலி பிரகாஷ்

        ஒருங்கிணைந்த மலை மேம்பாட்டுக்கான சர்வதேச மையத்தின் அறிக்கை எதை முன்னிலைப்படுத்துகிறது? பனி நிலைத்தன்மை எவ்வளவு முக்கியமானது? இந்த ஆண்டு குறைந்த அளவு பனி உருகுவதைப் பெறும் ஆற்றுப் படுகைகளில் காலநிலை மாற்றம் எவ்வளவு பங்கு வகிக்கிறது?


கங்கை நதிப் படுகை - இந்தியாவின் மிகப் பெரியது - 2024ஆம் ஆண்டில் குறைந்த பனிப்பொழிவை பெற்றுள்ளது என்று ஒருங்கிணைந்த மலை மேம்பாட்டுக்கான சர்வதேச மையத்தின் (International Centre for Integrated Mountain Development (ICIMOD)) இந்து குஷ் இமயமலை பனியின் தற்போதைய நிலையறிக்கை  தெரிவித்துள்ளது. பிரம்மபுத்திரா மற்றும் சிந்துப் படுகைகள் இதேபோல் பாதிக்கப்பட்டுள்ளன, மில்லியன் கணக்கான மக்களுக்கு நீர் விநியோகம் பாதிக்கும் நிலையில் உள்ளது. "துரதிர்ஷ்டவசமாக இது ஒரு காலநிலை நெருக்கடியின் அறிகுறியாகும், இது விஞ்ஞானிகளின் கணிப்புகளுக்கு அப்பாற்பட்டது மற்றும் உலகின் அதிக மக்கள் தொகை கொண்ட பிராந்தியங்களில் மிகப்பெரிய சவால்களை ஏற்படுத்துகிறது" என்று ஒருங்கிணைந்த மலை மேம்பாட்டுக்கான சர்வதேச மையத்தின் (ICIMOD)  கிரையோஸ்பியர் முன்னணி மற்றும் அறிக்கைகளுக்கு பங்களிப்பாளரான மிரியம் ஜாக்சன், காலநிலை மாற்றம் தொடர்பான ஐ.நா அரசுகளுக்கிடையேயான குழு, தி இந்துவிடம்  கூறினார்.


பனி நிலைத்தன்மை என்றால் என்ன?


பனி நிலைத்தன்மை என்பது தரையில் எவ்வளவு நேரம் பனி தங்கியிருக்கும் என்பதாகும். அது உருகும்போது, ​​அது மக்களுக்கும் சுற்றுச்சூழல் அமைப்புகளுக்கும் தண்ணீரை வழங்குகிறது. இந்து குஷ் இமயமலை  ஆற்றுப் படுகைகளில், பனி உருகுதல் நீரோடைகளில் முக்கிய நீர் ஆதாரமாக உள்ளது. இது ஒவ்வொரு ஆண்டும் பிராந்தியத்தின் 12 முக்கிய ஆற்றுப் படுகைகளுக்கு 23% நீரோட்டத்தை வழங்குகிறது. இந்து குஷ் இமயமலைகள் ஆப்கானிஸ்தான், பங்களாதேஷ், பூட்டான், சீனா, இந்தியா, நேபாளம், மியான்மர் மற்றும் பாக்கிஸ்தான் ஆகிய எட்டு நாடுகளில் 3,500 கிமீக்கு மேல் நீண்டுள்ளது. அமு தர்யா, சிந்து, கங்கை, பிரம்மபுத்திரா, ஐராவதி, சால்வீன், மீகாங், யாங்சே, மஞ்சள் நதி மற்றும் தாரிம் ஆகிய கண்டத்தில் உள்ள 10 முக்கியமான நதி அமைப்புகளின் ஆதாரமாக இருப்பதால் அவை "ஆசியாவின் நீர் கோபுரங்கள்" என்றும் அழைக்கப்படுகின்றன. இந்த நதிப் படுகைகள் உலக மக்கள்தொகையில் கிட்டத்தட்ட கால் பகுதியினருக்கு நீரை வழங்குகின்றன மற்றும் இந்து குஷ் இமயமலை பிராந்தியத்தில் 240 மில்லியன் மக்களுக்கு ஒரு முக்கிய நன்னீர் ஆதாரமாக உள்ளன.

அறிக்கை என்ன சொல்கிறது?


2024 இந்து குஷ் இமயமலை பனிப் புதுப்பித்தலின் ஆசிரியர்கள் 2003 முதல் 2024 வரையிலான தரவுகளைப் பார்த்தனர். நவம்பர் மற்றும் ஏப்ரல் மாதங்களுக்கு இடையில் பனி நிலைத்தன்மை ஒவ்வொரு ஆண்டும் பெரிதும் மாறுபடுவதை அவர்கள் கண்டறிந்தனர். இது இப்பகுதியில் வசிக்கும் மக்கள் மற்றும் கீழ்நிலை ஆற்றுப்படுகைகளில் நீடித்த தாக்கத்தை ஏற்படுத்தக்கூடும்.


இந்தியாவில், கங்கை, பிரம்மபுத்திரா மற்றும் சிந்துநதிப் படுகைகளில் 2024-ல் பனி நிலைத்தன்மை கணிசமாகக் குறைந்துள்ளது. கங்கைப் படுகையில் கடந்த 22 ஆண்டுகளில் மிகக் குறைந்த பனிப்பொழிவு நீடித்தது, இது நீண்ட கால சராசரியை விட 17% குறைவாக உள்ளது. 2018-ல், இது இயல்பை விட 15.2% ஆகவும், 2015-ல், இது இயல்பை விட 25.6% ஆகவும் இருந்தது.


பிரம்மபுத்திரா படுகையில், 2024ல் இயல்பை விட 14.6% குறைவாக பனிப்பொழிவு ஏற்பட்டது. 2021ல், இயல்பை விட 15.5% குறைவாக இருந்தது. சிந்துப் படுகையில், பனி நிலைத்தன்மை இந்த ஆண்டு இயல்பைவிட 23.3% குறைவாக இருந்தது, ஆனால் இது குறைந்த உயரத்தில் அதிகமாக இருப்பதால் சமநிலையில் இருந்தது.


இந்தியாவிற்கு வெளியே, மத்திய ஆசியாவில் உள்ள அமு தர்யா நதிப் படுகையில் 2024-ல் மிகக் குறைந்த பனி நீடித்தது, இயல்பை விட 28.2% குறைவாக உள்ளது. ஈரான் மற்றும் ஆப்கானிஸ்தானுக்கான முக்கிய நீர் ஆதாரமான ஹெல்மண்ட் நதி, 2024ல் இயல்பைவிட கிட்டத்தட்ட 32% குறைவாக இருந்தது, 2018ல் இந்த சாதனையை முறியடித்தது. இமயமலையில் உற்பத்தியாகும் வியட்நாமின் அரிசி உற்பத்திக்கு முக்கியமான நதியான மீகாங் நதி, இயல்பைவிட சற்று குறைவான நீரோட்டத்தைக் கொண்டுள்ளது.


2024 இல் குறைந்த பனி நிலைத்தன்மையை என்ன விளக்குகிறது?


2024ஆம் ஆண்டில் குறைந்த நிலைத்தன்மைக்கு முதன்மைக் காரணம் பலவீனமான மேற்கத்திய இடையூறுகள். ஒருங்கிணைந்த மலை மேம்பாட்டுக்கான சர்வதேச மையத்தின் (ICIMOD) ரிமோட் சென்சிங் நிபுணரும், அறிக்கையின் ஆசிரியருமான ஷேர் முகமது தி இந்துவிடம் இவ்வாறு தெரிவித்தார்.


மாறிவரும் பருவநிலை மற்றும் புவி வெப்பமயமாதல் காரணமாக, இந்த முறை மிகவும் நிலையற்றதாக மாறி வருகிறது என்று அவர் கூறினார். சரியான வழிமுறைகள் முழுமையாக புரிந்து கொள்ளப்படவில்லை என்றாலும், புவி வெப்பமடைதல் நீடித்த மற்றும் தீவிரமான லா நினா-எல் நினோ நிலைமைகளை அதிகரிக்கும் என்று கருதப்படுகிறது. வெப்பமண்டல பசிபிக் பெருங்கடல் முழுவதும் தொடர்ச்சியான காலநிலை வடிவத்தின் இந்த கட்டங்கள் மேற்கத்திய இடையூறுகள் உட்பட உலகளாவிய வானிலை நிகழ்வுகளை கணிசமாகப் பாதிக்கின்றன.


மேற்கத்திய இடையூறுகள் மத்தியதரைக் கடல், காஸ்பியன் மற்றும் கருங்கடல்களில் உருவாகும் குறைந்த அழுத்த அமைப்புகள். அவை குளிர்காலத்தில் இந்து குஷ் இமயமலை பகுதிக்கு மழையையும் பனியையும் கொண்டு வருகின்றன. இந்த புயல்கள் உருவாகும் பகுதி தொடர்ந்து அதிக கடல் மேற்பரப்பு வெப்பநிலையை அனுபவித்தது என்று ஷேர் முகமது விளக்கினார். இந்த இடையூறு பலவீனப்படுத்தி மேற்கத்திய இடையூறின் வருகையை தாமதப்படுத்தியது. இதன் விளைவாக, இந்து குஷ் இமயமலை பிராந்தியத்தில் குளிர்கால மழைப்பொழிவு மற்றும் பனிப்பொழிவு குறைந்தது. அதிக வெப்பநிலை மற்றும் மாற்றப்பட்ட வானிலை அமைப்புகளின் வடிவம் 2024 ஆம் ஆண்டில் மிகக் குறைந்த பனி நிலைத்தன்மை மற்றும் ஒத்த வரலாற்றுப் பதிவுகள் இரண்டையும் விளக்குகிறது.


பாரிஸ் ஒப்பந்தத்தில் 1.5 டிகிரி செல்சியஸ் வரம்பு போதுமானதாக இல்லை என்று அவர்கள் பல ஆண்டுகளாக எச்சரித்து வருவதாக ஜாக்சன் மேலும் கூறினார். இந்த இலக்கு உலகளாவிய சராசரியாகும், மேலும் உண்மையான வெப்பநிலை அதிகரிப்பு இந்து குஷ் இமயமலையில் மிக அதிகமாக இருக்கும். இது பனி மற்றும் பனிக்கட்டி, மக்கள் மற்றும் பிராந்தியத்தின் இயற்கையை பாதுகாக்காது.


அதிக பனி நிலைத்தன்மையை விளக்குவது எது?


2024 ஆம் ஆண்டில், சீனாவின் மஞ்சள்நதிப் படுகையில் பனியின் நிலைத்தன்மை இயல்பானதை விட 20.2% அதிகமாக இருந்தது. "கிழக்கு ஆசிய குளிர்கால பருவமழை சைபீரியா மற்றும் மங்கோலியாவிலிருந்து குளிர்ந்த, வறண்ட காற்றைக் கொண்டுவரும் பகுதி மஞ்சள்நதிப் படுகை" என்று திரு முஹம்மது கூறினார். "இந்த குளிர்ந்த காற்று வெகுஜன மற்ற பகுதிகளிலிருந்து, குறிப்பாக பசிபிக் பெருங்கடலில் இருந்து ஈரமான காற்றுடன் தொடர்பு கொள்ளும்போது, மேல் மஞ்சள்நதிப் படுகையின் அதிக உயரத்தில் பனிப்பொழிவு ஏற்படலாம்" என்று அவர் மேலும் கூறினார்.


"கிழக்கு ஆசிய குளிர்கால பருவமழை அமைப்புகளிலிருந்து வரும் குளிர்ந்த காற்று பசிபிக் பெருங்கடலில் இருந்து ஈரப்பதமான காற்றுடன் தொடர்பு கொள்ளும்போது, கிழக்கு இமயமலையில் அதிக உயரத்தில் பனிப்பொழிவு ஏற்படலாம்" என்று முஹம்மது மேலும் விளக்கினார்.


இந்தியாவின் நிலை என்ன?


கங்கை நதிப் படுகையில் தரைப் பனி முக்கியமானது. இது கங்கை நீரில் 10.3% பங்களிக்கிறது. இதற்கு மாறாக, பனிப்பாறை உருகுதல் 3.1% பங்களிக்கிறது. பிரம்மபுத்திரா மற்றும் சிந்து படுகைகளும் பனி உருகுவதால் பயனடைகின்றன. பிரம்மபுத்திராவின் நீரில் 13.2% மற்றும் சிந்து நதியின் நீரில் 40% பனி உருகுதல் வழங்குகிறது. பனிப்பாறை உருகுதல் இந்த வடிநிலங்களில் முறையே 1.8% மற்றும் 5% பங்களிக்கிறது.


2024 ஆம் ஆண்டில் குறைந்த பனிப்பொழிவு நீர் கிடைப்பதை பாதிக்கும் என்று திரு முகமது கூறினார், குறிப்பாக சிந்து படுகையில், ஆரம்ப பருவ மழை குறைவாக இருந்தால்.


பூர்வீக மர இனங்களுடன் மீண்டும் காடு வளர்ப்பது அதிக பனியை தக்கவைக்க உதவும் என்று நிபுணர்கள் தெரிவிக்கின்றனர். சிறந்த வானிலை முன்னறிவிப்பு மற்றும் ஆரம்ப எச்சரிக்கை அமைப்புகள் உள்ளூர் சமூகங்கள் நீர் அழுத்தத்திற்கு தயாராக உதவும். நீர் உள்கட்டமைப்பை மேம்படுத்துவதும் பனிப்பொழிவு பகுதிகளைப் பாதுகாப்பதற்கான கொள்கைகளை உருவாக்குவதும் நீண்டகால மாற்றத்திற்கு முக்கியம் என்று முகமது கூறினார். முடிவெடுப்பதிலும், நிலையான பனி மேலாண்மைக்கான பிராந்திய ஒத்துழைப்பை ஊக்குவிப்பதிலும் சமூக ஈடுபாட்டின் அவசியத்தையும் அவர் வலியுறுத்தினார்.


அதிகரித்து வரும் கடல் மேற்பரப்பு மற்றும் தரை வெப்பநிலையைத் தணிக்க கார்பன் உமிழ்வைக் குறைக்க வேண்டியதன் அவசியத்தை திருமதி ஜாக்சன் எடுத்துரைத்தார், இது பனி நிலைத்தன்மையை பாதிக்கிறது. புதைபடிவ எரிசக்தி நுகர்வு மற்றும் உற்பத்தியைக் குறைக்க அரசியல் விருப்பத்தை உருவாக்குவதன் முக்கியத்துவத்தை அவர் வலியுறுத்தினார். அனைத்து உமிழ்வுகளிலும் 81% க்கு பொறுப்பான ஜி -20 நாடுகளுக்கு இது மிகவும் முக்கியமானது.



Share:

மாற்றத்தை வழிநடத்துதல் : 18வது மக்களவையில் இடைக்கால சபாநாயகரின் பங்கு -இரவீந்திர கரிமெல்லா, பிரியங்க் நாக்பால்

    பாரம்பரியமாக, புதிய மக்களவையின் முதல் கூட்டத் தொடரின் முதல் இரண்டு நாட்கள் உறுப்பினர்களின் பதவிப் பிரமாணத்துக்கு (swearing-in) மட்டுமே அர்ப்பணிக்கப்படுகிறது.


பொதுத் தேர்தல்கள் முடிவடைவது, எப்போதுமே இந்தியா அரசியல் நிலப்பரப்பில் குறிப்பிடத்தக்க மாற்றத்தை ஏற்படுத்துகிறது. மேலும், 2024 தேர்தல்களும் இதற்கு விதிவிலக்கல்ல. ஜூன்-4, 2024 அன்று தேர்தல் முடிவுகள் அறிவிக்கப்பட்டு, அதைத் தொடர்ந்து 17-வது மக்களவை கலைக்கப்பட்டதன் மூலம், இந்தியாவின் ஜனநாயக அரசியலில் மற்றொரு புதிய அத்தியாயம் தொடங்கியது. ஜூன்-5, 2024 அன்று, அரசியலமைப்புச் சட்டப்பிரிவு 85-ன் உட்பிரிவு (b) (2)-ன் கீழ் தனது அரசியலமைப்பு அதிகாரங்களைப் பயன்படுத்தி, வெளியேறும் அமைச்சரவையின் ஆலோசனையின் பேரில் 17-வது மக்களவையை இந்தியக் குடியரசுத் தலைவர் கலைத்தார்.


நிறுவப்பட்ட விதிமுறைகளைப் பின்பற்றி, தலைமைத் தேர்தல் ஆணையர் (Chief Election Commissioner (CEC)) 2024 பொதுத் தேர்தல் முடிவுகளை இந்தியக் குடியரசுத் தலைவரிடம் வழங்கினார். இந்த பாரம்பரியமான இந்த விதிகளின் ஒப்படைப்பைத் தொடர்ந்து தேர்தல் ஆணைய அதிகாரிகள் அதே முடிவுகளை மக்களவையின் பொதுச் செயலாளரிடம் வழங்கினர். இதன் விளைவாக, ஜூன் 6, 2024 அன்று, 18-வது மக்களவை அதிகாரப்பூர்வமாக அமைக்கப்பட்டது. இது ஒரு புதிய நாடாளுமன்ற அத்தியாயத்தின் தொடக்கத்தைக் குறிக்கிறது.


ஜூன் 6, 2024 அன்று இந்திய தேர்தல் ஆணையம் (ECI) தேர்தல் முடிவுகளை வெளியிடும் போது புதிய மக்களவை உறுப்பினர்கள் தங்கள் பதவிக் காலத்தைத் தொடங்குகின்றனர். இந்தத் தேதியிலிருந்து அவர்கள் "தேர்ந்தெடுக்கப்பட்ட உறுப்பினர்கள்" (Member Elect) என்ற தகுதிநிலையை அடைகிறார்கள். எவ்வாறாயினும், இந்த உறுப்பினர்கள் வாக்களிப்பது மற்றும் நாடாளுமன்றத்தில் பங்கேற்பது போன்ற தங்கள் நிலைகளை முழுமையாக ஏற்றுக்கொள்வதற்கு, அரசியலமைப்பின் 99-வது பிரிவில் குறிப்பிடப்பட்டுள்ளபடி அவர்கள் உறுதிமொழி அல்லது ஏற்புரையை உறுதி செய்ய வேண்டும்.


பாரம்பரியமாக, புதிய மக்களவையின் முதல் கூட்டத் தொடரின் முதல் இரண்டு நாட்கள் புதிய உறுப்பினர்களின் பதவிப் பிரமாணத்துக்கு ஒதுக்கப்பட்டுள்ளது. இதைத் தொடர்ந்து சபாநாயகர் தேர்தல் மூன்றாவது நாளில்  நடைபெறும்.

 

ஆனால், இந்த முக்கியமான ஆரம்ப கட்ட நிலையை யார் மேற்பார்வை செய்கிறார்கள்?


அரசியலமைப்பின் 94-வது பிரிவின் 2-வது விதியின்படி, 17-வது மக்களவையில் இருந்து பதவிக் காலம் நிறைவுபெற்ற சபாநாயகர், புதிய நாடாளுமன்றத்தின் முதல் கூட்டத்திற்கு முன்னர் வரை பதவியில் இருப்பார். இவ்வாறு, 18-வது மக்களவையின் முதல் நாள் காலை 11 மணிக்கு அவர்களின் பணி நிறைவின் பங்கு முடிவடைகிறது. அதன் பிறகு, சபாநாயகர் தற்காலிகமாக மற்றொரு நபரால், நாடாளுமன்றத்தால் தலைமை தாங்கும் கடமைகள் மேற்கொள்ளப்படுகின்றன.


இடைக்கால சபாநாயகர் பதவி தற்காலிகமானது மற்றும் மாற்றங்களின் போது நாடாளுமன்ற நடவடிக்கைகளை நடுநிலையாக வைத்திருப்பதற்கு முக்கியமானது. இந்தப் பதவி பொதுவாக புதிய மக்களவையின் மூத்த உறுப்பினருக்கு ஒதுக்கப்படுகிறது. அவர்கள், பணியாற்றிய காலங்களின் எண்ணிக்கையால் தீர்மானிக்கப்படுகிறது.


16வது மக்களவையில், ஒன்பது முறை மக்களவை பதவியில் இருந்ததால், கமல்நாத் இடைக்கால சபாநாயகரானார். இதேபோல், லால் கிருஷ்ண அத்வானி மக்களவையில் ஏழு முறையும், மாநிலங்களில் நான்கு முறையும் சேர்த்து மொத்தம் பதினொரு முறையுடன் நீண்டகாலம் நாடாளுமன்றத்தில் பதவி வகித்தார். இடைக்கால சபாநாயகர் நியமனம் நீண்டகால பாரம்பரியத்தை பின்பற்றுகிறது.


பொருத்தமான உறுப்பினரை குடியரசுத் தலைவருக்கு அரசாங்கம் பரிந்துரைக்கிறது. அதன் பிறகு குடியரசுத் தலைவர் இடைக்கால சபாநாயகரை நியமிக்கிறார். இந்த நியமன செயல்முறை நாடாளுமன்ற விவகார அமைச்சகத்தால் நிர்வகிக்கப்படுகிறது. பின்னர், மக்களவை செயலகத்தின் மூலம் அறிவிக்கப்படுகிறது.


மக்களவையின் இடைக்கால சபாநாயகர், புதிய மக்களவையின் முதல் கூட்டத்திற்கு முன்பாக, குடியரசுத் தலைவர் முன், அவையின் உறுப்பினராக உறுதிமொழி அல்லது பதவிப் பிரமாணம் எடுத்துக் கொள்கிறார். அவர் பதவி  ஏற்றுக்கொண்ட உடனேயே உறுப்பினர்களின் பட்டியலில் கையெழுத்திடுகிறார். இதனால், இடைக்கால சபாநாயகர் அவையில் அமர்ந்திருப்பதை இது குறிக்கிறது. பதவியில் இருக்கும் போது, ​​இடைக்கால சபாநாயகர் அரசியலமைப்பு மற்றும் மக்களவை விதிகளின்படி சபாநாயகரின் அனைத்து அதிகாரங்களையும் வைத்திருக்கிறார். இருப்பினும், அவர்களின் பங்கு தற்காலிகமானது மற்றும் அவை நிரந்தர சபாநாயகரை தேர்ந்தெடுக்கும் வரை மட்டுமே நீடிக்கும்.


சுதந்திர இந்தியாவின் ஆரம்பகால ஆண்டுகளில் சபாநாயகர் தற்காலிக சார்பு அலுவலகம் தொடங்கியது.


1947-ல் இந்திய சுதந்திரச் சட்டம் (Indian Independence Act) இயற்றப்பட்டதைத் தொடர்ந்து, மத்திய சட்டமன்ற அமைப்புகள் (central legislative bodies) கலைக்கப்பட்டன. இந்த அரசியலமைப்புச் சபை அதன் அரசியலமைப்பை உருவாக்கும் ஆணையுடன் சட்டமன்றப் பொறுப்புகளை ஏற்க வழி வகுத்தது.


அரசியல் நிர்ணய சபையின் தலைவர் டாக்டர் ராஜேந்திர பிரசாத், அரசியலமைப்பை உருவாக்கும் அமைப்பு மற்றும் மத்திய சட்டமன்றம் என அதன் பணிகளை வேறுபடுத்திப் பார்ப்பதன் அவசியத்தை அங்கீகரித்தார்.


மத்திய சட்டமன்ற சபையின் தலைவர் ஜவஹர்லால் நேரு, ஆகஸ்ட் 20, 1947 அன்று இதற்கான முன்மொழிவை முன்வைத்தார். ஜி.வி.மாவலங்கர் தலைமையில் ஒரு துணைக்குழு அமைக்கப்பட்டது. மத்திய சட்டமன்றத்தின் அரசியலமைப்பை உருவாக்கும் பணி அதன் சட்டமன்றக் கடமைகளிலிருந்து வேறுபட்டதாக இருக்க வேண்டும் என்று அவர்கள் முடிவு செய்தனர். இது சட்டமன்ற அமர்வுகளை மேற்பார்வையிட சபாநாயகர் தேர்ந்தெடுக்கப்படுவதைத் தூண்டியது.


ஜி.வி.மாவலங்கர் மட்டுமே அந்தப் பதவிக்கு பரிந்துரைப்பதுடன், சபாநாயகராக தேர்ந்தெடுக்கப்பட்டார். இது அரசாங்கத்திடம் இருந்து சுதந்திரத்தை உறுதி செய்தது. முதல் பொதுத் தேர்தலுக்குப் பிறகு உருவாக்கப்பட்ட புதிய நாடாளுமன்றம் கூடும்வரை அவர் சபாநாயகர் பொறுப்பில் தொடர்ந்தார். தற்காலிக நாடாளுமன்றம் கலைக்கப்பட்ட பிறகு, முதல் மக்களவையின் முதல் அமர்வு வரை ஜி.வி.மாவலங்கர் சபாநாயகராக இருந்தார். பின்னர், எம். அனந்தசயனம் அய்யங்காருடன் இணைந்து உறுப்பினர்களின் பதவிப்பிரமாணத்தை அவர் மேற்பார்வையிட்டார். இதைத் தொடர்ந்து, புதிய சபாநாயகர் தேர்ந்தெடுக்கப்படும் வரை மக்களவையின் மூத்த உறுப்பினரான பி.தாஸ் தற்காலிக சபாநாயகராக நியமிக்கப்பட்டார்.


பல ஆண்டுகளாக, நாடாளுமன்ற அமர்வுகள் சுமூகமாக நடைபெறுவதற்கு சபாநாயகர் இடைக்காலப் பதவி முக்கியமானது. சேத் கோவிந்த் தாஸ் மற்றும் ஜக்ஜீவன் ராம் உள்ளிட்டோர் ஒவ்வொருவரும் தனித்துவமான பங்களிப்பை வழங்கினர். ஜக்ஜீவன் ராம், குறிப்பிடத்தக்க வகையில், பட்டியல் வகுப்பினரிடமிருந்து (SC) இந்தப் பதவியை வகித்த முதலாமவர் என்ற வரலாற்று மைல்கல்லை எட்டினார்.


2004-ம் ஆண்டில், சோம்நாத் சட்டர்ஜி ஜூன் 4, 2004 வரை 14-வது மக்களவைக்கு இடைக்கால சபாநாயகராக நியமிக்கப்பட்டார்.


சோம்நாத் சட்டர்ஜி, சபாநாயகர் வேட்பாளராக ஆனபோது, ​​பாலாசாகேப் விகே பாட்டீல் தேர்தல் காலம் வரை பதவியேற்றார். மாணிக்ராவ் ஹோட்லியா காவிட், 2009-ல் பணியாற்றினார். வழக்கமாக மிக மூத்த உறுப்பினர் தேர்ந்தெடுக்கப்பட்டாலும், விதிவிலக்குகள் உள்ளன.


உதாரணமாக, 1956-ல், சர்தார் ஹுகாம் சிங், தனது எதிர்கால துணை சபாநாயகராக தேர்ந்தெடுக்கப்பட்டார். 1977-ல், டிஎன் திவாரி மிகவும் மூத்தவராக இல்லாவிட்டாலும் நியமிக்கப்பட்டார்.


2019-ல், சந்தோஷ் குமார் கங்வார், மத்திய அமைச்சராக இருந்ததால் இடைக்கால சபாநாயகராக இருக்க முடியவில்லை.


அதற்குப் பதிலாக, ஏழு முறை மக்களவை உறுப்பினராக இருந்த வீரேந்திர குமார், 8 முறை பதவி வகித்த மேனகா காந்திக்கு அடுத்த இடத்தில் இருந்தபோதும், அவர் தேர்ந்தெடுக்கப்பட்டார். தற்போது, ​​18வது மக்களவை துவங்கவுள்ள நிலையில், இடைக்கால சபாநாயகராக யார் நியமிக்கப்படுவார்கள் என்பது கேள்விகுட்பட்டுள்ளது.


இந்தியாவின் முதல் பெண் இடைக்கால சபாநாயகர் வாய்ப்பு சாத்தியமில்லை. 8-வது மக்களவையில் 8-வது முறையாக பதவியேற்ற மூத்த உறுப்பினர்கள் வீரேந்திர குமார் மற்றும் கே சுரேஷ் குமார் ஏற்கனவே மத்திய அமைச்சர்கள் குழுவில் அமைச்சராக பதவியேற்றுள்ளார்.


18-வது மக்களவையின் முதல் கூட்டத் தொடர் ஜூன் 24 முதல் ஜூலை 3, 2024 வரை சம்மன் அனுப்பப்பட்டுள்ளது. இடைக்கால சபாநாயகர் நியமனம் விரைவில் நடைபெற உள்ளது.


இரவீந்திர கரிமெல்லா மக்களவை செயலகத்தில் இணைச் செயலாளராக (சட்டங்கள்) இருந்தார்.


Share:

வரி விதிக்கவும் மகிழ்விக்கவும் -தலையங்கம்

    2024-25ஆம் ஆண்டுக்கான வரவிருக்கும் மத்திய வரவு-செலவுத் திட்டத்தில் தனிநபர் வருமான வரியைக் குறைப்பது மற்றும் தனிநபர் வரிச் சட்டங்களை எளிமைப்படுத்துவது முன்னுரிமையாக இருக்க வேண்டும். ஐந்து ஆண்டுகளுக்கு முன்பு, உள்நாட்டு நிறுவனங்களுக்கான வரி விகிதத்தை மத்திய அரசு குறைத்தது. இது அதிக மூலதன முதலீடுகள் அல்லது வேலை உருவாக்கத்திற்கு வழிவகுத்ததா என்பது தெளிவாகத் தெரியவில்லை, ஆனால் இது நிச்சயமாக 40% அல்லது அதற்கு மேற்பட்ட உச்ச வரிவிகிதத்தை எதிர்கொள்ளும் தனிப்பட்ட வரி செலுத்துவோர் மீது அதிக அழுத்தத்தை ஏற்படுத்தியுள்ளது. கடந்த ஆண்டுகளில் தேசிய ஜனநாயக கூட்டணி அரசுகள் வரிச்சலுகை வழங்காததால் நடுத்தர வர்க்கம் அதிருப்தியில் உள்ளது. புதிய விலக்கு இல்லாத வரி விதிப்பு முறை வழங்கப்பட்டாலும், அதை மாற்றுவதற்கு போதுமான ஊக்கத்தொகை இல்லை. 


அதிகரித்து வரும் வாழ்க்கைச் செலவு, குறிப்பாக அவர்கள் வேலைக்காக நகரங்களுக்கு குடிபெயரும்போது சம்பளம் பெறும் வர்க்கத்திற்கு தேவைகளை பூர்த்தி செய்ய தேவையான ஆரம்ப வருமானத்தை அதிகரித்துள்ளது. வரி செலுத்துவோர் பழைய வரியின் கீழ் விலக்குகள் மற்றும் விலக்குகளுக்கு தகுதியுடையவர்களாக இருந்தால், புதிய வரிவிதிப்பு முறையில் போதுமான வெகுமதி அளிப்பதாகக் தெரியவில்லை. புதிய ஆட்சிக்கு பழைய முறையிலிருந்து பிரபலமான வரி விலக்குகள் / விலக்குகளுக்கான உட்பிரிவுகள் தேவை, மேலும் நிலையான விலக்கு தற்போதைய மதிப்பான ₹ 50,000 இலிருந்து குறைந்தபட்சம் ₹ 1.5 லட்சமாக அதிகரிக்கப்பட வேண்டும். இது வாடகை போன்ற செலவுகளை ஈடுகட்ட உதவும், இது சம்பளம் பெறாத தொழில் வல்லுநர்கள் கழிக்கலாம். புதிய ஆட்சியில் அடிப்படை அடுக்கு ₹3 லட்சம் மிகவும் குறைவாக உள்ளது மற்றும் பணவீக்கத்திற்கு ஏற்ப இல்லை. பூஜ்ஜிய மதிப்பிடப்பட்ட நிலையை குறைந்தபட்சம் ₹5 லட்சமாக உயர்த்த வேண்டும். புதிய ஆட்சியில் 30% வரிவிகிதம் ₹15 லட்சம் வருமானத்தில் தொடங்குகிறது, இது ₹20 லட்சமாக உயர்த்தப்பட வேண்டும். பிரிவு 80C அதன் பயன்பாட்டை காலாவதியாகிவிட்டது மற்றும் சூரிய அஸ்தமன விதி தேவை. ஊழியர் வருங்கால வைப்பு நிதி, பொது வருங்கால வைப்பு நிதி மற்றும் காப்பீடு மற்றும் சேமிப்புத் திட்டங்களில் கட்டாய சேமிப்புகளைவிட இளம் சேமிப்பாளர்கள் சந்தையுடன் இணைக்கப்பட்ட தயாரிப்புகளை விரும்புகிறார்கள். அதிக நிலையான விலக்கு இந்த சேமிப்பாளர்களுக்கு அவர்கள் விரும்பும் நிலைகளில் முதலீடு செய்ய உதவும்.


வங்கி வைப்பு அல்லது அரசாங்க பத்திரங்கள் போன்ற குறிப்பிட்டக் கருவிகளை நோக்கி சேமிப்பாளர்களை அரசாங்கம் ஊக்குவிக்க விரும்பினால், இந்த நிலைகளின் வருமானத்திற்கு வரிவிலக்கு அளிக்கப்பட வேண்டும். பழைய ஆட்சியில் வீட்டுக் கடன் வட்டி மீதான விலக்கு படிப்படியாக அகற்றப்பட்டு ஒரு சுய-ஆக்கிரமிப்பு சொத்துக்கான வட்டி மானியத் திட்டத்தால் மாற்றப்படலாம்.


50 லட்சம் ரூபாய்க்கு மேல் வருமானம் உள்ளவர்களுக்கு கூடுதல் வரி விதிக்கப்படுவது குறித்து குறிப்பிடத்தக்கக் கவலை உள்ளது, ஆனால் இந்த வரியை தக்க வைத்துக் கொள்ள வேண்டும். இந்தியாவில் பெரிய வருமான ஏற்றத்தாழ்வுகள் உள்ளன, மேலும் செல்வ வரி போன்ற தீவிர நடவடிக்கைகளை நாடாமல், குறைந்தவசதி படைத்தவர்களின் நலன்புரி செலவினங்களுக்கு அதிக வருவாய் ஈட்டுபவர்களை பங்களிக்க வைப்பது சமநிலைக்கு முக்கியமானது.


தனிநபர் வருமான வரி விதிப்பு முறையில் சீர்திருத்தம் தேவை.


Share:

நாட்டில் சமத்துவமின்மை குறித்த விவாதங்களில் சாதி ஏன் முக்கிய அம்சமாக இருக்க வேண்டும்? - ஜோதி தாகூர், பிரபீர் குமார் கோஷ்

    வெவ்வேறு சமூகப் பொருளாதார குழுக்களிடையே நுகர்வு அடிப்படையில் உள்ள ஏற்றத்தாழ்வுகள் வருமானம், வளங்களை அணுகுதல் அல்லது வாங்கும் திறன் ஆகியவற்றில் உள்ள வேறுபாடுகளை பிரதிபலிக்கின்றன. அடித்தட்டு மக்களிடையே வருவாய் ஈட்டும் திறனை அதிகரிப்பதில் முயற்சிகள் கவனம் செலுத்த வேண்டும்.


உலக சமத்துவமின்மை ஆய்வகத்தின் (World Inequality Lab) சமீபத்திய ஆய்வறிக்கை ஒன்று பணக்காரர்களுக்கும், ஏழைகளுக்கும் இடையே விரிவடைந்து வரும் வருவாய், சமுக இடைவெளி குறித்த விவாதத்தை மீண்டும் எழுப்பியுள்ளது. இந்தியாவில் சமத்துவமின்மை சாதி அடிப்படையிலான ஏற்றத்தாழ்வுகளையும் உள்ளடக்கியது. இது நாட்டின் சமூகப் பொருளாதார கட்டமைப்பின் முக்கிய அம்சமாகும். ஜினி குணகம் (Gini coefficient) மற்றும் சதவீத விகிதம் (percentile ratio) போன்ற அளவீடுகள் பொருளாதார சமத்துவமின்மையை மதிப்பிட உதவுகின்றன. 2017-18 மற்றும் 2022-23 காலகட்டங்களுக்கான இந்த அளவீடுகளை காலமுறை தொழிலாளர் படைத் தரவினைப் பயன்படுத்தி ஆராய்வதன் மூலம் பட்டியல் பழங்குடியினர் (ST), பட்டியல் வகுப்பினர் (SC), இதர பிற்படுத்தப்பட்ட வகுப்பினர் (OBC) மற்றும் பொதுப் பிரிவினர் (General category) ஒட்டுமொத்தமாகவோ அவர்களுக்குள்ளாகவோ நுகவு சமத்துவமின்மையால் ஏற்படும் மாற்றங்களை வெளிக்கொணர்ந்தோம். 2022-23ஆம் ஆண்டில், பட்டியல் பழங்குடியினர்கள் (ST) மக்கள் தொகையில் 9% ஆக இருந்தனர். ஆனால், நுகர்வில் 7% பங்கு மட்டுமே இருந்தது. பட்டியல் வகுப்பினர்கள் (SC) மக்கள் தொகையில் 20% ஆக இருந்தனர், ஆனால் இவர்கள் 16% நுகர்வு பங்கைக் கொண்டிருந்தனர். மக்கள்தொகையில் 43% ஆக உள்ள இதர பிற்படுத்தப்பட்ட வகுப்பினர்கள் (OBC), அவர்களின் 41% நுகர்வு பங்குடன் நெருக்கமாக பொருந்துகின்றன. இருப்பினும், மக்கள் தொகையில் 28%ஆக இருக்கும் பொதுப் பிரிவினர் (General category), 36% அதிக நுகர்வுப் பங்கைக் கொண்டிருந்தனர். இந்த கணக்கெடுப்புகள் சமூகக் குழுக்களிடையே நுகர்வு விநியோகத்தில் நடந்து வரும் ஏற்றத்தாழ்வுகளை எடுத்துக்காட்டுகின்றன. பட்டியல் வகுப்பினர்கள் (SC) மற்றும் பட்டியல் பழங்குடியினர்கள் (ST), பொதுப் பிரிவினர் (General category) மற்றும் இதர பிற்படுத்தப்பட்ட வகுப்பினர் (OBC) பிரிவுகளை விட தொடர்ந்து பின்தங்கியுள்ளனர்.


ஒட்டுமொத்த ஜினி குணகம் 2017-18-ல் 0.359 இலிருந்து 2022-23-ல் 0.309 ஆகக் குறைந்துள்ளது. இது வருமான சமத்துவமின்மையில் குறைவைக் காட்டுகிறது. பட்டியல் பழங்குடியினர்களைப் (ST) பொறுத்தவரை, ஜினி குணகம் 0.322 இலிருந்து 0.268 ஆகவும், பட்டியல் வகுப்பினர்களைப் (SC) பொறுத்தவரை, இது 0.312 இலிருந்து 0.273 ஆகவும் குறைந்துள்ளது. இதர பிற்படுத்தப்பட்ட வகுப்பினர்கள் (OBC) 0.336 முதல் 0.288 ஆகவும், பொதுப் பிரிவினர் 0.379 முதல் 0.306 ஆகவும் குறைந்துள்ளனர். பொதுப் பிரிவில் இந்த குறைவு சமூக இயக்கம் மற்றும் பயனுள்ள கொள்கைகள் போன்ற சமூகப் பொருளாதார மாற்றங்களைக் குறிக்கலாம்.


இருப்பினும், ஆழமான பகுப்பாய்வு சமூகக் குழுக்களிடையே பொருளாதார ஏற்றத்தாழ்வுகளை வெளிப்படுத்துகிறது. பட்டியல் வகுப்பினர்கள் (SC), பட்டியல் பழங்குடியினர்கள் (ST) மற்றும் இதர பிற்படுத்தப்பட்ட வகுப்பினர் (OBC) குழுக்கள் 2017-18 முதல் 2022-23 வரை கீழே உள்ள 20% டெசிலுக்கு [decile- 1/10 ஐக் குறிக்கிறது] நுகர்வு அளவுகளில் சிறிது குறைவைக் கண்டன. பொதுப் பிரிவினரைப் பொறுத்தவரை, இந்த குறைவு மிகவும் தெளிவாக இருந்தது. இது ஏழ்மையான பிரிவினரிடையே நுகர்வு ஒப்பீட்டளவில் சரிவைக் குறிக்கிறது.


மாறாக, முதல் 20% டெசிலில் உள்ள அனைத்து சமூகக் குழுக்களுக்கும் நுகர்வு சற்று அதிகரித்துள்ளது. பொதுப் பிரிவில் குறிப்பிடத்தக்க 10 சதவீத புள்ளி அதிகரிப்பு காணப்படுகிறது. பொதுப் பிரிவில் உள்ள அதிக வருவாய் ஈட்டுபவர்களிடையே இந்த உயர்வு உயர்வகுப்புக் குடியினரிடையே செல்வம் குவிந்திருப்பதைக் குறிக்கிறது. இவ்வாறு, பொது வகையினருக்கும் பிற சமூகக் குழுக்களுக்கும் இடையிலான ஏற்றத்தாழ்வு குறிப்பிடத்தக்கதாக உள்ளது. இது நுகர்வு வடிவங்களில் நடந்து வரும் முரண்பாடுகளை எடுத்துக்காட்டுகிறது.


பல பரிமாண வறுமையைக் குறைப்பதில் இந்தியா குறிப்பிடத்தக்க முன்னேற்றம் கண்டுள்ளது. இருப்பினும் சாதி அடிப்படையிலான சமத்துவமின்மை நீடிக்கிறது. சாதிய பாகுபாடு மற்றும் உடன்பாட்டு நடவடிக்கை திட்டங்கள் அரசியலமைப்பு ஒழிக்கப்பட்ட போதிலும், சாதி இன்னும் பொருளாதார யதார்த்தங்களில் செல்வாக்கு செலுத்துகிறது.


இந்த ஏற்றத்தாழ்வுகளை நிவர்த்தி செய்ய இடஒதுக்கீடு, கிராமப்புற மேம்பாட்டு முயற்சிகள் மற்றும் நேரடி பலன் பரிமாற்றம் போன்ற கொள்கைகளை ஒன்றிய அரசு இயற்றியுள்ளது. முன்னேற்றம் ஏற்பட்டிருந்தாலும், கணிசமான சவால்கள் உள்ளன.


வெவ்வேறு சமூகப் பொருளாதார குழுக்களிடையே நுகர்வு வடிவங்களில் உள்ள ஏற்றத்தாழ்வுகள் வருமானம், வளங்களை அணுகுதல் அல்லது வாங்கும் திறன் ஆகியவற்றில் சாத்தியமான வேறுபாடுகளைக் குறிக்கின்றன. அடித்தட்டு மக்களிடையே, குறிப்பாக பழங்குடியினர் மற்றும் ஆதிதிராவிடர் சமூகங்களிடையே வருவாய் உருவாக்கம் மற்றும் நுகர்வுத் திறன்களை அதிகரிப்பதில் முயற்சிகள் கவனம் செலுத்த வேண்டும். சமூக நல்லிணக்கம் மற்றும் பொருளாதார நிலைத்தன்மைக்கு இது அவசியம். பெரும் பொருளாதார சமத்துவத்தை நோக்கிய நிலையான முன்னேற்றத்தை உறுதி செய்வதற்கு இதற்கான போக்குகளின் தொடர்ச்சியான கண்காணிப்பு மற்றும் இலக்குக்கான தலையீடுகள் அவசியம்.


தாக்கூர், ஒரு இணை ஆய்வாளர்; கோஷ் புது தில்லியில் உள்ள தேசிய பயன்பாட்டு பொருளாதார ஆராய்ச்சி கவுன்சிலில் மூத்த உறுப்பினராக உள்ளார்.


Share: