சமூக ஊடகங்கள் மூலம் பெண்களுக்கு அதிகாரம் அளிப்பது என்றால் என்ன?

 சமூக ஊடகங்களில் பாலினம் சார்ந்த சித்தரிப்புகளை நாம் கேள்வி கேட்கத் தொடங்கும் போது மட்டுமே, மற்றவர்கள் அமைக்கும் விதிமுறைகளை நாம் கேள்விக்குள்ளாக்க முடியும். அவ்வாறு செய்வதன் மூலம், பாலின சமத்துவமின்மையைக் குறைக்க நாம் பணியாற்ற முடியும். சமூக ஊடகங்கள் நம் வாழ்வின் ஒவ்வொரு நிலையையும் நிர்வகிக்கிறது. இது பொது உரையாடலை உருவாக்கிறது மற்றும் மக்கள் உலகை வேறு விதமாக பார்க்க உதவுகிறது. சிறுபான்மையினரைப் பற்றிய பொதுக் கருத்தை சமூக ஊடகங்கள் எவ்வாறு பாதிக்கின்றன என்பதை விமர்சன ரீதியாக ஆராய்வதும், மிக முக்கியமானதாக உள்ளது.


ஒரு காலத்தில், சமூக ஊடகங்கள் அதிகாரமளிப்பதற்கான ஒரு நம்பிக்கைக்குரிய டிஜிட்டல் கருவியாகக் காணப்பட்டது. வரலாற்று ரீதியாக ஒடுக்கப்பட்ட குரல்களுக்கு இடம் கொடுத்தது. இது சமூகத்தின் பாதிக்கப்படக்கூடிய பிரிவுகள் தங்கள் உரிமைகளுக்காக வாதிடவும், அவர்களின் கதைகளைப் பகிர்ந்து கொள்ளவும், வலுவான சமூகங்களை உருவாக்கவும் அனுமதித்தது. சமூக ஊடகங்கள் குறிப்பாக #MeToo மற்றும் #TimesUp போன்ற பெண்ணிய இயக்கங்களை ஆதரித்தன. ஆன்லைன் நெட்வொர்க்குகளை உருவாக்க உதவுவதன் மூலம் பெண்ணியத்திற்கு சமூக ஊடகங்கள் எவ்வாறு பங்களித்தன என்பதில் பெண்ணியவாதிகள் இப்போது ஆர்வமாக உள்ளனர்.


இது பெண்கள் தங்கள் சுய சிந்தனைகளுடன் செயல்பட அனுமதித்தது. அதன் விளைவாக அடக்குமுறை ஆணாதிக்க சித்தாந்தங்கள் மற்றும் பெண் வெறுப்பு அணுகுமுறைகளை சவால்களை சரி செய்தது. ஆதலால், பெண்மை என்பது பணிவு மற்றும் சாந்தம் என்று பரவலாகக் கருதப்பட்ட கருத்து தற்போது மாற்றமடைந்துள்ளது.


 இந்த சுதந்திரம்  இருந்தபோதிலும், சமூக ஊடகங்களுக்கும் ஒரு இருண்ட பக்கமும் உள்ளது. குரல்களின் ஜனநாயகமயமாக்கலுக்கு அனுமதித்த அதே தளங்கள், பெண் வெறுப்புக் கொள்கைகளை வலுப்படுத்தும் வழிமுறைகளின் அடிப்படையில் செயல்படுகின்றன. சமூக ஊடகங்கள் பெண்களை புறக்கணிக்க உதவுகின்றன. அதே நேரத்தில் அவர்கள் நம்பத்தகாத செயல்களுக்கும், தேவையற்ற தீங்கு விளைவிக்கும் செயல்களையும் செய்கின்றன. இத்தகைய முறைகள் பெண்களின் சுய உணர்வை சிதைத்து, பாலின நெறிமுறைகளை மாற்றுகின்றன.


சமூக ஊடகங்களில் தேவையற்ற கருத்துக்களைத் தொடர்ந்து வெளிப்படுத்துவது, பெண்களை மனநலம் மற்றும் எதிர்மறையான எண்ணங்களை வெளிப்படுத்த காரணமாகிறது. சமூக ஊடக கருத்துக்கள் பொதுவாக வெற்றிகளை மட்டுமே முன்னிலைப்படுத்துகின்றன. ஏனென்றால், சமூக ஊடகப் பதிவுகள் பெரும்பாலும் கஷ்டங்களைப் பறைசாற்றுகின்றன மற்றும் வெற்றிகளில் மட்டுமே கவனம் செலுத்துகின்றன. வெற்றியடைந்தவர்களின் வாழ்க்கையுடன் தன்னை ஒப்பிட்டுப் பார்ப்பதன் மூலம் தன்னுடைய வெற்றிப் பாதையை தீர்மானிக்கவும் மற்றும் அதை அடைவதற்குத் தேவையான முயற்சியை எடுக்கவும்  இது தீர்மானிக்கிறது. அதிகாரமளித்தல் மற்றும் பாதிப்புக்கு இடையிலான இந்த முரண்பாடு பாலினம் பற்றிய கருத்துக்களை சமூக ஊடகங்கள் எவ்வாறு பாதித்துள்ளன என்பதைக் காட்டுகிறது.


நாம் என்ன செய்ய வேண்டும்? சிக்கலான டிஜிட்டல் உலகில் நாம் எவ்வாறு பயணிப்பது? டிஜிட்டல் கல்வியறிவை உருவாக்கத் தொடங்குவதே சிறந்த அணுகுமுறை. சமூக ஊடக செயல்முறைகள் (algorithms) எவ்வாறு செயல்படுகின்றன என்பதைப் புரிந்துகொள்வது இதன் பொருள். சமூக ஊடகங்களில் அவர்கள் பார்க்கும் உள்ளடக்கத்தை செயலற்ற முறையில் ஏற்றுக்கொள்வதற்குப் பதிலாக அதைப் பற்றி விமர்சன ரீதியாக சிந்திக்க மக்களுக்கு உதவுவதும் இதில் அடங்கும். சமூக ஊடகங்களில் சித்தரிக்கப்பட்ட பாலின நிலைப்பாடுகளை தொடர்ந்து கேள்வி கேட்க வேண்டும். அவ்வாறு செய்வதன் மூலம், அவர்கள் உருவாக்கும் நெறிமுறைகளை சரி செய்யலாம் மற்றும் பாலின சமத்துவமின்மையைக் குறைப்பதில் பணியாற்றலாம். இந்த விதிமுறைகள் பெண்கள் மீது குறிப்பிடத்தக்க தாக்கத்தை ஏற்படுத்துவதால், சமூக ஊடகங்களை அனைவருக்கும் பாதுகாப்பான மற்றும் நியாயமான இடமாக மாற்ற வேண்டும்.


பெண்கள் மற்றும் பெண்மை மீதான தனித்துவமான தன்மைக்கு, இன்னும் நுணுக்கமான பரிசீலனை தேவைப்படுகிறது. அதனால்தான் குறிப்பாக, இளம் தலைமுறை பெண்கள், அவர்கள் எதையும் எளிதாக எடுத்துக்கொள்ள கூடியவர்கள் என்பதால், அவர்களின் செயல்கள் மற்றும் தேர்வுகள் சமூக ஊடகங்களால் எவ்வாறு பாதிக்கப்படுகின்றன என்பதைப் புரிந்துகொள்ள நாம் உதவ வேண்டும். உலகில்  உள்ள பல அர்த்தமற்ற மற்றும் தேவையில்லாத புரிதல்களைக் கருத்தில் கொள்ளக் கூடாது. நமக்குத் தேவை என்னவெனில், பெண்கள் தங்களை முன்னேற்றிக் கொள்ள ஊக்கம் அளித்து அதன்  மூலம் அவர்கள் வாழ்வு செழிக்க உதவ வேண்டும்.  இதுவே உண்மையான அதிகாரமளித்தலாக இருக்கும்.



Original article:

Share:

மாநில அரசுகள் அதிகமாகக் கடன் வாங்குகின்றன - இதன் பொருள் என்ன? - அதிதி நாயர்

 கடன் வழங்குபவர்களுக்கு ஒரு முக்கிய ஆபத்து அவர்களின் கடனை மீண்டும் பெறுவதில் உள்ளது. வாங்கிய தொகை அதிகமாக இருக்கும் போது ஆபத்தும் அதிகமாக இருக்கும். 


ஒவ்வொரு இந்திய மாநிலத்திற்கும் அதன் சொந்த பொருளாதார பலம் உள்ளது மற்றும் அதன் வளர்ச்சி இலக்குகளை அடைவதில் பல்வேறு சவால்களை எதிர்கொள்கிறது. இந்த வேறுபாடுகள் அவர்களின் நிதி ஆதாரங்களை பாதிக்கின்றன. நிதி பற்றாக்குறையின் அளவு மற்றும் அவர்கள் வைத்திருக்கும் கடனின் அளவு மாநிலத்திற்கு  மாநிலம் வேறுபாடும். இந்திய அரசியலமைப்பில் கோடிட்டுக் காட்டப்பட்டுள்ள கடன் வாங்கும் விதிகளை அனைத்து மாநிலங்களும் பின்பற்றினாலும் இந்த மாறுபாடுகள் ஏற்படுகின்றன. 


2026-2027 முதல் 2030-2031 வரை, 16-வது நிதிக் குழுவின் பரிந்துரைகள் மாநில நிதிப் பற்றாக்குறையின் அளவை நிர்ணயிக்கும். இந்த காலகட்டத்தில் மாநில நிதிப் பற்றாக்குறை மொத்த உள்நாட்டு உற்பத்தியில் 3% ஆக இருக்கும். இது நிகரக் கடன் வாங்குவதற்கான  உச்ச வரம்பை (net borrowing ceiling (NBC))  நிர்ணயிக்கும். இந்திய அரசு இந்த வரம்பை கணக்கிட்டு ஒவ்வொரு நிதியாண்டின் தொடக்கத்திலும் ஒவ்வொரு மாநிலத்திற்கும் தெரிவிக்கிறது. ஒரு நிதியாண்டில் திருப்பிச் செலுத்த வேண்டிய தொகை இந்த உச்சவரம்பில் சேர்க்கப்படும். ஒரு வருடத்தில் மாநிலம் எவ்வளவு கடன் வாங்க முடியும் என்பதை இந்த உச்சவரம்பு  காட்டுகிறது.


மாநிலங்களுக்குக் கடன் வழங்குவதை ஒன்றிய  அரசு நிறுத்த வேண்டும் என்றும் ஒன்றிய அரசின் கடன்கள் தான் மாநில அரசின் கடனின் முக்கிய ஆதாரமாக இருந்தது என 12-வது நிதிக் குழு பரிந்துரைத்தது. 2006-07-ஆம் ஆண்டு முதல், மாநிலங்கள் தங்கள் வருவாய் மற்றும் செலவினங்களுக்கு இடையிலான இடைவெளியை ஈடுகட்ட சந்தைக் கடன்களை முக்கியமாகப் பயன்படுத்துகின்றன.


சமீபத்தில், மாநில சந்தை கடன்கள் கடுமையாக அதிகரித்து. சந்தை கடன் 2018-19-ல் ரூ.4.8 டிரில்லியனில் இருந்து, 2023-24-ல் ரூ.10.1 டிரில்லியனை எட்டியது. மார்ச் 2024 இறுதிக்குள், மாநில அரசுப் பத்திரங்களின் (state government securities (SGS)) மொத்தத் தொகை ரூ.56.5 டிரில்லியனாக இருக்கும் என மதிப்பிடப்பட்டுள்ளது. இந்தத் தொகை மொத்த இந்திய அரசாங்கப் பத்திரங்களில் (Government of India securities (G-secs)) சுமார் 55% ஆகும். இந்த காலகட்டத்தில் இந்திய அரசாங்கப் பத்திரங்களை   விட மாநில அரசுப் பத்திரங்கள்  வேகமாக வளர்ந்தன.


தற்போதைய கடன் நிலைகளின் அடிப்படையில், 2025-26 முதல் 2029-30 வரை மீட்டெடுக்கப்படும் மாநில அரசுப் பத்திரங்களின் அளவு ரூ.20.7 டிரில்லியனை எட்டும் என்று எதிர்பார்க்கப்படுகிறது. அடுத்த நான்கு ஆண்டுகளில், மீட்டெடுக்கப்படும் தொகை ரூ.18 ஆயிரம் கோடியாக இருக்கும். அதிக அளவு மாநில அரசுப் பத்திரங்கள் உள்ள மாநிலங்கள் உத்தரப் பிரதேசம், தமிழ்நாடு, மகாராஷ்டிரா, கர்நாடகா மற்றும் குஜராத் ஆகும். இந்த பத்திரங்கள் அடுத்த 10 ஆண்டுகளில் மாநில அரசுகளின் மொத்த சந்தைக் கடன்களின் அளவை அதிகமாக வைத்திருக்கும். 


ஒவ்வொரு ஆண்டும் மாநிலங்கள் கடனாகப் பெறும் தொகை மற்றும் பத்திரங்கள் வழங்கப்படும் காலத்தின் அளவு ஆகியவை கடனை எப்படி, எப்போது திருப்பிச் செலுத்த வேண்டும் என்பதை தீர்மானிக்கிறது. 2011-12-வரை, பெரும்பாலான மாநிலங்கள் 10 வருட காலக்கெடுவுடன் கடன் வாங்கின. ஆனால் கடந்த சில ஆண்டுகளாக வேறுபாடுகள் அதிகரித்துள்ளது. சில மாநிலங்கள் இப்போது குறுகிய கால கடனை விரும்புகின்றன. இது 10-ஆண்டுகளுக்கும் குறைவாக உள்ளது. ஒரு சில மாநிலங்கள் 15 முதல் 40-ஆண்டுகள் வரை கடன் வாங்குகின்றன. மார்ச் 2024-ன் இறுதியில், மாநில அரசுப் பத்திரங்களின் சராசரி தவணை முடிவு 8.5 ஆண்டுகள் ஆகும். இது மார்ச் 2019 இறுதியில் 6.7 ஆண்டுகளில் இருந்து அதிகரித்துள்ளது. 10 ஆண்டுகளுக்கும் மேலான விதிமுறைகளுடன் அதிகமான மாநிலங்கள் பத்திரங்களை வழங்கியதால் இந்த அதிகரிப்பு ஏற்பட்டது. 


2023-24 ஆம் ஆண்டில், ஆந்திரப் பிரதேசம், கர்நாடகா, கேரளா, மத்தியப் பிரதேசம், பஞ்சாப், தெலுங்கானா மற்றும் மேற்கு வங்கம் ஆகியவை நீண்ட காலப் பத்திரங்களில் மொத்தக் கடனில் 75-100% கடன் பெற்றன.


2023-24-ஆம் ஆண்டில், ஆந்திரப் பிரதேசம், கர்நாடகா, கேரளா, மத்தியப் பிரதேசம், பஞ்சாப், தெலுங்கானா மற்றும் மேற்கு வங்கம் ஆகியவை நீண்ட காலப் பத்திரங்களில் 75-100% கடனைப் பெற்றன. குறுகிய கால கடனுடன் ஒப்பிடுகையில் சிறந்த வட்டி விகிதங்களை வழங்கியதால் நீண்ட கால கடனை அவர்கள் தேர்ந்தெடுத்தனர்.  மாறாக, குஜராத் மற்றும் சத்தீஸ்கர் தங்கள் கடனில் 85%-க்கு மேல் குறுகிய கால பத்திரங்களில் (short-term securities) கடன் வாங்கின.


மாநிலங்கள் சந்தையில் இருந்து கடன் வாங்கத் தொடங்கி, ஏற்கனவே உள்ள கடனை ஒன்றிய அரசுக்கு திருப்பிச் செலுத்தியதால், இந்தக் கடன்களின் மொத்த அளவு விரைவாகக் குறைந்தது. கோவிட்-19 தொற்றுநோய்களின் போது, ​​இரண்டு புதிய வகையான கடன்கள் அறிமுகப்படுத்தப்பட்டன: மீண்டும் சரக்கு மற்றும் சேவை வரி இழப்பீட்டுக் கடன்கள்: இவை இந்திய அரசாங்கத்தால் உயர்த்தப்பட்டு மாநிலங்களுக்குக் கடன் அளிக்கப்பட்டது. சரக்கு மற்றும் சேவை வரி  இழப்பீடு கூடுதல் வரி (cess) வசூலைப் பயன்படுத்தி அவர்களுக்குத் திருப்பிச் செலுத்தப்படும். 50 ஆண்டு வட்டியில்லா கடன்கள்: இவை தொற்றுநோய்களின் போது அறிமுகப்படுத்தப்பட்டன.


2020-21 மற்றும் 2021-22 ஆம் ஆண்டுகளில் பெறப்பட்ட ரூ. 2.7 டிரில்லியன் சரக்கு மற்றும் சேவை வரி இழப்பீட்டுக் கடன்களில், சரக்கு மற்றும் சேவை வரிஇழப்பீடு கூடுதல் வரி வசூலைப் பயன்படுத்தி ரூ.781 பில்லியனை இந்திய அரசு திருப்பிச் செலுத்தியுள்ளது. மீதமுள்ள தொகையில், ஜூன் மற்றும் நவம்பர் 2025-ல் பருவமுதிர்ச்சி தொகையாக ரூ.551 பில்லியனும், ஏப்ரல் 2026-ல் ரூ.1.4 டிரில்லியனும் செலுத்த வேண்டும்.


இதற்கிடையில், வட்டியில்லா மூலதனச் செலவுகள் கடன் திட்டத்தின் (capex loan scheme) அளவு 2020-21-ல் ரூ.118 பில்லியனில் இருந்து இந்த ஆண்டுக்கான பட்ஜெட் மதிப்பீடுகளில் ரூ.1.3 டிரில்லியனாக உயர்ந்துள்ளது. இந்த திட்டத்தின் கீழ் வரவிருக்கும் ஆண்டுகளில் இந்திய அரசு  எவ்வளவு ஒதுக்குகிறது என்பது மூலதனச் செலவினங்களுக்காக மாநில அரசாங்கங்களின் வளங்களைத் தீர்மானிக்க உதவும். அவர்கள் சந்தையில் இருந்து கடன் வாங்கும் தொகையிலும் சில தாக்கத்தை ஏற்படுத்தலாம்.


எழுத்தாளர் முதலீட்டு தகவல் மற்றும் கடன் மதிப்பீடு (Investment Information and Credit Rating (ICRA)) நிறுவனத்தில்  தலைமை பொருளாதார நிபுணர் ஆவார்.



Original article:

Share:

ஒரு தொற்றுநோய் ஒப்பந்தத்திற்கான உலகளாவிய போராட்டம் -காஷிஷ் அனேஜா, சாம் ஹலாபி, லாரன்ஸ் கோஸ்டின்

 தொற்றுநோய் ஒப்பந்தமானது மிகவும் சமமான மற்றும் நெகிழ்வான உலகளாவிய சுகாதார அமைப்பிற்கான (global health system) ஒரு வரைபடமாக இருப்பதால், தடைகளை கடக்க உலகம் பாடுபட வேண்டும்.


பெரும் ஆரவாரம் மற்றும் இரண்டு ஆண்டுகளுக்கும் மேலான அரசியல் பேச்சுவார்த்தைகளுக்குப் பிறகு, உலக சுகாதார அமைப்பின் (WHO) 194 உறுப்பு நாடுகள் ஒரு வரலாற்று தொற்றுநோய் ஒப்பந்தத்தை (Pandemic Agreement) இறுதி செய்யத் தவறிவிட்டன. இது, உலகளாவிய தொற்றுநோய்க்கான தயார்நிலையை வலுப்படுத்தவும், COVID-19 தொற்றுநோய்களின் போது முன்னிலைப்படுத்தப்பட்ட கடுமையான ஏற்றத்தாழ்வுகளைத் தடுப்பதற்கான வழிமுறைகளை அமைப்பதையும்  நோக்கமாகக் கொண்டுள்ளது. 


ஜெனீவாவில் நடைபெற்ற 77-வது உலக சுகாதார சபையானது (77th World Health Assembly), மே27 முதல் ஜூன்1 2024 வரை, உலகளாவிய சுகாதார நிர்வாகத்திற்கான இரண்டு குறிப்பிடத்தக்க முன்னேற்றங்களைக் கண்டது. முதலாவதாக, சர்வதேச சுகாதார ஒழுங்குமுறைகள் (International Health Regulations (IHR)) 2005-ல் திருத்தங்களின் தொகுப்பை ஒப்புக்கொண்டது. இது உலகளாவிய வடக்கு மற்றும் தெற்கு அரசாங்கங்களால் சீர்திருத்தத்திற்கான 300 முன்மொழிவுகளிலிருந்து பெறப்பட்டது. மேலும், கடந்த இரண்டு ஆண்டுகளில் விரிவாக பேச்சுவார்த்தை நடத்தப்பட்டது. சர்வதேச சுகாதார ஒழுங்குமுறை (IHR) திருத்தங்கள், சர்வதேச அக்கறையின் பொது சுகாதார அவசரநிலைகளுக்கு (Public Health Emergencies of International Concern (PHEIC)) தயாராகும் மற்றும் பதிலளிக்கும் நாடுகளின் திறனை மேம்படுத்துவதை நோக்கமாகக் கொண்டுள்ளது மற்றும் அவசர சர்வதேச தீர்வுக்காக ஒரு புதிய வகையை அறிமுகப்படுத்துகிறது. அவசர சர்வதேச தீர்வுக்காக, தொற்றுநோய் அவசரநிலை (Pandemic Emergency (PE)) என்ற புதிய வகையை அறிமுகப்படுத்துகின்றனர். அவசர காலங்களில் சுகாதார தயாரிப்புகளுக்கு நியாயமான அணுகலை உறுதி செய்வதையும் இந்த திருத்தங்கள் நோக்கமாகக் கொண்டுள்ளன. கூடுதலாக, அவர்கள் சர்வதேச சுகாதார ஒழுங்குமுறைகளின் (International Health Regulations (IHR)) கீழ் தேவைப்படும் முக்கிய சுகாதார அமைப்பு திறன்களை உருவாக்க மற்றும் பராமரிக்க வளரும் நாடுகளுக்கு உதவ நிதி ஆதாரங்களை திரட்ட முயல்கின்றனர். குறிப்பிடத்தக்க வகையில், திருத்தங்கள் ஒற்றுமை மற்றும் சமத்துவத்தில் கவனம் செலுத்துகின்றன. சிறந்த ஒருங்கிணைப்பிற்காக தேசிய சர்வதேச சுகாதார ஒழுங்குமுறைகள் ஆணையம் (National IHR Authority) உருவாக்கப்பட வேண்டும். 77-வது உலக சுகாதார சபை , அரசுகளுக்கிடையேயான பேச்சுவார்த்தை அமைப்பு (intergovernmental negotiating body (INB)) எனப்படும் தொற்றுநோய் ஒப்பந்த பேச்சுவார்த்தை அமைப்பின் ஆணையை நீட்டித்துள்ளது. முன்மொழியப்பட்ட உலக சுகாதார அமைப்பின்  தொற்றுநோய் ஒப்பந்தம் விரைவாக முடிக்கப்பட வேண்டும். மேலும், மே 2025 இல் நடைபெறும் 78-வது உலக சுகாதார சபையில் முடிவுக்கான மதிப்பாய்வு செய்யப்பட வேண்டும். முடிந்தால், 2024 இல் நடைபெறும் உலக சுகாதார சபையின் சிறப்பு அமர்விலும் இது பரிசீலிக்கப்படலாம். 


நோய்க்கிருமிக்கான அணுகல் (Pathogen Access) மற்றும் பயன் பகிர்வு


தொற்றுநோய் ஒப்பந்தத்தின் சமீபத்திய வரைவில் உள்ள மூன்று முக்கிய சர்ச்சைக்குரிய சிக்கல்கள் அதை ஏற்றுக்கொள்வதற்கு குறிப்பிடத்தக்க தடைகளாக உள்ளன: 1. நோய்க்கிருமி அணுகல் மற்றும் பயன் பகிர்வு (pathogen access and benefit sharing (PABS)) வழிமுறை. 2. இரண்டாவது பிரச்சினை, தொழில்நுட்ப பரிமாற்றம் (technology transfer), உள்ளூர் உற்பத்தி (local production) மற்றும் அறிவுசார் சொத்து (intellectual property) ஆகியவற்றை உள்ளடக்கியது.  மூன்றாவது பிரச்சினை ஒரு சுகாதார அணுகுமுறை ஆகும். இந்த அணுகுமுறை விலங்குகள், மனிதர்கள் மற்றும் சுற்றுச்சூழல் ஆரோக்கியத்தை கருத்தில் கொண்டு ஒருங்கிணைந்த பொது சுகாதார நடவடிக்கைகளின் அவசியத்தை வலியுறுத்துகிறது. பாதுகாப்பான மற்றும் நேர்மையான உலகத்தை அடைவதற்கான அடிப்படையான இந்த முக்கிய விதிகள், புவிசார் அரசியல் முரண்பாடுகள் மற்றும் அதிக மற்றும் குறைந்த வருமானம் கொண்ட நாடுகளுக்கு இடையே உள்ள போட்டி நலன்கள் காரணமாக கவலையடைந்துள்ளன. சர்வதேச ஒத்துழைப்பு மற்றும் பரஸ்பர ஒற்றுமை ஆகியவை உலகளாவிய சுகாதார பாதுகாப்பிற்கு சிறப்பானது என்பதை திறமையான இராஜதந்திரிகள் மற்றும் அரசியல் தலைவர்கள் புரிந்து கொள்ள வேண்டும்.  


தொற்றுநோய் உடன்படிக்கை பேச்சுவார்த்தைகளில் மிகவும் சர்ச்சைக்குரிய பிரச்சினை, பிரிவு 12-ல் உள்ள நோய்க்கிருமி அணுகல் மற்றும் பயன் பகிர்வு ((pathogen access and benefit sharing (PABS))) அமைப்பு ஆகும். இது பெரும்பாலும் ஒப்பந்தத்தின் "இதயம்" (heart) எனக் கருதப்படுகிறது. COVID-19 தொற்றுநோய்களின் போது காணப்பட்ட சிகிச்சைக்கான அணுகல் மற்றும் தடுப்பூசி விநியோகம் ஆகியவற்றில் உள்ள மொத்த ஏற்றத்தாழ்வுகளுக்கு பதிலளிக்கும் வகையில் நோய்க்கிருமி அணுகல் மற்றும் பயன் பகிர்வின் கட்டாயம் வெளிப்பட்டது. நோய்க்கிருமி அணுகல் மற்றும் பயன் பகிர்வு  அமைப்பு, வளரும் நாடுகளில் இருந்து பகிரப்படும் மரபணு வளங்கள் மற்றும் நோய்க்கிருமி மாதிரிகள் (இது போன்ற நோய்க்கிருமிகளுக்கு மிகவும் சாத்தியமான ஆதாரங்கள்), தடுப்பூசிகள் மற்றும் நோயறிதல்கள் போன்ற தொடர்புடைய நன்மைகளுடன் பரிமாற்றம் செய்யப்படுவதை உலகளாவிய தெற்கில் உறுதி செய்வதை நோக்கமாகக் கொண்டுள்ளது. தடுப்பூசிகள் மற்றும் நோயறிதல் உற்பத்தியாளர்கள் முதன்மையாக வளர்ந்த நாடுகளில் குறைந்த மற்றும் நடுத்தர வருமான நாடுகளில் உள்ள நோய்க்கிருமிகளின் மரபணு தகவல்களைப் பயன்படுத்தி, உலக சுகாதார அமைப்பின் கொள்கைகளின் அடிப்படையில் உலக விநியோகத்திற்காக தங்கள் தயாரிப்புகளில் தேவை மற்றும் செயல்திறன் ஒரு பகுதியை நன்கொடையாக வழங்குவதாக சமீபத்திய முன்மொழிவு தெரிவிக்கிறது.  


குறைந்த மற்றும் நடுத்தர வருமானம் கொண்ட நாடுகள் பகிரப்பட்ட தொற்றுநோய் தயாரிப்புகளில் குறைந்தபட்சம் 20% உத்தரவாதத்தை வலியுறுத்துகின்றன. அதே நேரத்தில், பல உயர் வருமான நாடுகள் 20% அதிகபட்ச வரம்பாக இருக்க வேண்டும் என்று வாதிடுகின்றன. மேலும் சில பணக்கார நாடுகள் 20% ஒப்புக்கொள்ளவில்லை.  


தொழில்நுட்ப பரிமாற்றம் (Technology transfer), அறிவுசார் சொத்துரிமை (intellectual property) 


அறிவுசார் சொத்து பாதுகாப்புகள் (Intellectual property protections), பணக்கார உலக பதுக்கல் (rich-world hoarding), ஏற்றுமதி கட்டுப்பாடுகள் (export restriction) மற்றும் உற்பத்தி வரம்புகள் (manufacturing limitations) அனைத்தும் COVID-19 தொற்றுநோய்களின் போது தடுப்பூசி சமத்துவமின்மைக்கு பங்களித்துள்ளன. தொழில்நுட்பம், அறிவாற்றல் மற்றும் திறன்களின் பரிமாற்றம் பெரும்பாலும் தொற்றுநோய்களைத் தயாரிப்பதற்கும் பதிலளிப்பதற்கும் ஒரு முக்கியமான படியாகும். தொழில்நுட்ப பரிமாற்றங்கள் மற்றும் உள்ளூர் உற்பத்திக்கான வலுவான ஏற்பாடுகள் நோய்க்கிருமி அணுகல் மற்றும் பயன் பகிர்வு (PABS) பேச்சுவார்த்தைகளில் தோல்விகளை ஈடுசெய்யும். எல்லாவற்றிற்கும் மேலாக, உலகளவில் பல்வேறு உற்பத்தித் திறன்களை உறுதிப்படுத்த தொழில்நுட்ப பரிமாற்றம் மற்றும் அறிவுசார் சொத்து தள்ளுபடிகள் தேவை. இதனால் குறைந்த மற்றும் நடுத்தர வருமானம் கொண்ட நாடுகள் அதிக வருமானம் கொண்ட நாடுகளின் "தொண்டு" மீது சார்ந்திருக்காது மற்றும் தன்னிறைவை பராமரிக்க முடியும்.


நோய்க்கிருமி அணுகல் மற்றும் பயன் பகிர்வுக்கு (PABS) அடுத்தபடியாக, 10 மற்றும் 11 பிரிவுகளில் கோடிட்டுக் காட்டப்பட்டுள்ள உற்பத்தி மற்றும் தொழில்நுட்ப பரிமாற்றத்தின் ஆளுகை மற்றும் அறிவுசார் சொத்து மீதான அதன் தாக்கங்கள் மீதான கடுமையான பிரிவு, பேச்சுவார்த்தைகளை கணிசமாக தாமதப்படுத்தியுள்ளது. நிலையான மற்றும் மாறுபட்ட உற்பத்தியை ஆதரிக்க தொழில்நுட்பத்தை எவ்வாறு மாற்றுவது என்பது முக்கிய பிரச்சினை. அறிவுசார் சொத்துரிமைகளின் வர்த்தகம் தொடர்பான அம்சங்களில் (Trade-Related Aspects of Intellectual Property Rights (TRIPS)) நெகிழ்வுத்தன்மையைப் பயன்படுத்துதல் போன்ற முறைகள் மூலம் இதைச் செய்யலாம். இருப்பினும், அறிவைப் பகிர்வது மற்றும் இந்த அறிவுப் பகிர்வு ஒப்பந்தங்கள் சட்டப்பூர்வமாக பிணைக்கப்பட்டதா என்பதை மக்கள் இன்னும் ஏற்றுக்கொள்ளவில்லை. அதிக வருமானம் கொண்ட நாடுகள் தன்னார்வ மற்றும் பரஸ்பர ஒப்புக்கொள்ளப்பட்ட விதிமுறைகளை (Voluntary and Mutually Agreed Terms (VMAT)) ஆதரிக்கின்றன. இருப்பினும், தன்னார்வ மற்றும் பரஸ்பர ஒப்புக்கொள்ளப்பட்ட விதிமுறை  மொழியைப் பயன்படுத்துவது, TRIPS இன் கீழ் அனுமதிக்கப்படும் கட்டாய அணுகுமுறைகளைப் பின்பற்றுவதிலிருந்து குறைந்த-நடுத்தர-வருமான நாடுகளை ஊக்கப்படுத்தலாம்.


அறிவுசார் சொத்துரிமைகளின் வர்த்தகம் தொடர்பான அம்சங்களின் (TRIPS) நெகிழ்வுத்தன்மையைப் பயன்படுத்துவதை உறுப்பு நாடுகள் மதிக்க வேண்டும் மற்றும் அத்தகைய நெகிழ்வுத்தன்மையைப் பயன்படுத்துவதை ஊக்கப்படுத்த எந்த நேரடி அல்லது மறைமுக அழுத்தத்தையும் பிரயோகிக்கக் கூடாது என்று அழைக்கப்படும் 'சமாதான விதி' (peace clause) மீதும் கருத்து வேறுபாடு அதிகரிக்கிறது.


ஒரே ஆரோக்கியம்


மக்கள், விலங்குகள் மற்றும் சுற்றுச்சூழலின் ஆரோக்கியம் ஆகியவற்றுக்கு இடையேயான தொடர்பை அங்கீகரித்து, அனைத்து தொடர்புடைய நிறுவனங்கள், துறைகள் மற்றும் பணியாளர்களிடையே ஒரு ஒத்திசைவான, ஒருங்கிணைந்த மற்றும் கூட்டு முயற்சியை ஊக்குவிக்கும் ஒரு தொற்றுநோய்க்கான தயார்நிலை மற்றும் கண்காணிப்பு அணுகுமுறையை உறுப்பு நாடுகள் பின்பற்ற வேண்டும். மேலும், அதிக வருமானம் கொண்ட நாடுகள், குறிப்பாக ஐரோப்பிய ஒன்றியம், ஆகியவை ஆரோக்கியத்தை வலுவாக ஆதரிக்கிறது. இருப்பினும், குறைந்த-நடுத்தர-வருமான நாடுகள் இதை நிதியில்லாத ஆணையாகக் கருதுகின்றன. இது ஏற்கனவே சிரமப்பட்ட தங்கள் வளங்களின் மீது கூடுதல் சுமையை சுமத்துகிறது.


சர்வதேச சட்டத்தின் முக்கிய பிரச்சனை அதை அமல்படுத்துவதுதான். சர்வதேச சுகாதார ஒழுங்குமுறைகள் வலுவான இணக்க வழிமுறைகளைக் கொண்டிருக்கவில்லை. இதன் பொருள் உண்மையான பொறுப்புக்கூறல் இல்லை. இதன் விளைவாக, தொற்றுநோய் ஒப்பந்தத்தை செயல்படுத்துவது ஒரு பெரிய கவலையாக உள்ளது. முன்மொழியப்பட்ட கட்சிகளின் மாநாடு (Conference of Parties (COP)) இதற்கு உதவும். ஒப்பந்தம் எவ்வளவு சிறப்பாக செயல்படுகிறது என்பதை COP சரிபார்த்து, ஒவ்வொரு ஐந்து வருடங்களுக்கும் அதை மதிப்பாய்வு செய்யும். ஒப்பந்தத்தின் சமீபத்திய வரைவு COP ஒரு கண்காணிப்பு மற்றும் மதிப்பீட்டு முறையை அமைப்பது பற்றி சிந்திக்க வேண்டும் என்று அறிவுறுத்துகிறது. இந்த அமைப்பு உள்ளடக்கியதாகவும், வெளிப்படையானதாகவும், பயனுள்ளதாகவும் இருக்க வேண்டும். இது சர்வதேச சுகாதார ஒழுங்குமுறைகளுடன் ஒத்துப்போக வேண்டும். வரவிருக்கும் பேச்சுவார்த்தைகளில், இந்த ஆலோசனைக்கு நாடுகள், குறிப்பாக பணக்கார நாடுகள் எவ்வாறு பிரதிபலிக்கின்றன என்பதைப் பார்ப்போம்.


தொற்றுநோய் ஒப்பந்தத்தின் முக்கிய நோக்கம், அவசர காலங்களில் மருத்துவப் பொருட்கள் உடனடியாக கிடைப்பதை உறுதி செய்வதைத் தாண்டி உற்பத்தியை பல்வகைப்படுத்துதல் மற்றும் பிராந்திய உற்பத்தி திறன்களை மேம்படுத்துவதன் மூலம் இந்த தயாரிப்புகளுக்கான நீண்டகால மற்றும் நிலையான அணுகலை ஊக்குவிப்பதாக இருக்க வேண்டும். நோய்க்கிருமி அணுகல் மற்றும் தொழில்நுட்ப பரிமாற்ற சிக்கல்கள் வெறும் தொழில்நுட்பம் அல்ல, மாறாக இவை தொற்றுநோய் ஒப்பந்தம் ஏற்றுக்கொள்ளப்பட்டவுடன் அதன் வெற்றிக்கு அவை அவசியமாக கருதப்படுகிறது. சர்வதேச சுகாதார ஒழுங்குமுறையின் சமீபத்திய திருத்தங்கள் மற்றும் நடந்துகொண்டிருக்கும் தொற்றுநோய் ஒப்பந்த பேச்சுவார்த்தைகள் மூலம், உலகம் ஏற்கனவே சர்வதேச சட்டத்தில் முன்னோடியில்லாத முன்னேற்றங்களைச் செய்துள்ளது. வரவிருக்கும் மாதங்களில்  பேச்சுவார்த்தை மிகவும் முக்கியமானது. இந்த ஒப்பந்தம் அடுத்த தொற்றுநோய்க்கானது மட்டுமல்ல, மிகவும் சமமான மற்றும் நெகிழ்வான உலகளாவிய சுகாதார அமைப்புக்கான வரைபடமாகவும் செயல்படுகிறது. 


கஷிஷ் அனேஜா, ஜார்ஜ்டவுன் பல்கலைக்கழகத்தின் தேசிய மற்றும் உலகளாவிய சுகாதார சட்டத்திற்கான ஓ'நீல் நிறுவனம் ஆசியாவின் முன்முயற்சிகளில் பணியாற்றுகிறார். 

சாம் ஹலாபி, தேசிய மற்றும் உலகளாவிய சுகாதார சட்டத்திற்கான O'Neill Institute for Transformational Health Law மையத்தின் இயக்குநராக உள்ளார்.  

லாரன்ஸ் கோஸ்டின் ஒரு பேராசிரியர் மற்றும் ஜார்ஜ்டவுன் பல்கலைக்கழகத்தின் ஓ'நீல் நிறுவனத்தில் உள்ள தேசிய மற்றும் உலகளாவிய சுகாதார சட்டத்திற்கான உலக சுகாதார அமைப்பின் கூட்டு மையத்தின் இயக்குநராகவும் உள்ளார்.



Original article:

Share:

செயற்கை நுண்ணறிவுக்கு கட்டுப்பாடு மட்டும் அல்ல கலாச்சாரக் கொள்கைகளும் தேவை -கிளெமென்ட் காட்பார்ஜ்

 செயற்கை நுண்ணறிவின் முழுத் திறனையும் தரவிற்கான நியாயமான மற்றும் பரந்த அணுகல் மூலம் மட்டுமே உணர முடியும். இது அதன் நன்மைகள் சமமாக விநியோகிக்கப்படுவதையும் உறுதி செய்கிறது.  


செயற்கை நுண்ணறிவின் எதிர்காலம் கட்டுப்பாடுகளால் மட்டும் பாதுகாக்கப்படாது. அனைவருக்கும் பாதுகாப்பான மற்றும் நம்பகமான செயற்கை நுண்ணறிவை உறுதிசெய்ய, உயர்தரத் தரவை பொதுவானதாக ஊக்குவிக்கும் கொள்கைகளுடன் நாம் ஒழுங்குமுறையை சமநிலைப்படுத்த வேண்டும். மேலும், இதன் வெளிப்படைத்தன்மையை வளர்ப்பதற்கும், சமதளத்தையும், பொது நம்பிக்கையையும் வளர்ப்பதற்கும் இந்த அணுகுமுறை முக்கியமானதாகும். செயற்கை நுண்ணறிவின் தரவுகளுக்கு நியாயமான மற்றும் பரந்த அணுகலை வழங்குவதன் மூலம் மட்டுமே, முழு திறனை உணர்ந்து அதன் பலன்களை சமமாக விநியோகிக்க முடியும்.


செயற்கை நுண்ணறிவின் உயிர்நாடி தரவு ஆகும். இது சம்பந்தமாக, நரம்பியல் அளவிடுதல் சட்டங்கள் (laws of neural scaling) எளிமையானவை. மேலும், இதன் செயல்பாடு சிறந்ததாக உள்ளது. மனிதனால் உருவாக்கப்பட்ட உரையின் அதிக அளவு மற்றும் பன்முகத்தன்மை மேற்பார்வை செய்யப்படாத கற்றலுக்குக் கிடைக்கிறது. எடுத்துக்காட்டாக, பெரிய மொழி மாதிரிகளின் (Large Language Models (LLM)) செயல்திறன் சிறப்பாக இருக்கும். கணினி ஆற்றல் (computing power) மற்றும் அல்காரிதமிக் கண்டுபிடிப்புகளுடன் (algorithmic innovation), இந்தத் துறையில் முன்னேற்றத்திற்கு தரவு மிக முக்கியமான இயக்கியாக உள்ளது என்று குறிப்பிடலாம்.


ஆனால், இதில் ஒரு பிரச்சனை இருக்கிறது. தொடர்ந்து வளர்ந்து வரும்    செயற்கை நுண்ணறிவுக்கு போதுமான டிஜிட்டல் உள்ளடக்கத்தை மனிதர்கள் உற்பத்தி செய்வதில்லை. தற்போதைய பயிற்சிக்கான தரவுத்தொகுப்புகள் ஏற்கனவே மிகப்பெரியதாக உள்ளன. உதாரணமாக, Meta's LLama 3 மாதிரிக்கு 15 டிரில்லியன் அளவில் பயிற்சியளிக்கப்படுகிறது. இது இங்கிலாந்து நூலகத்தின் புத்தக சேகரிப்பை விட 10 மடங்கு அதிகமாகும். சமீபத்திய ஆய்வின்படி, 2030-ம் ஆண்டுக்கு முன்னர் 'அதிகபட்ச தரவு' (peak data) போன்ற ஒன்றை நாம் அடையலாம் என்று பழமையான உரைக்கான தேவை உள்ளது. பிற ஆவணங்கள் பெரிய மொழி மாதிரிகளால் (Large Language Models (LLM)) பொதுத் தரவு ஆபத்துக்களுக்கு எதிராக எச்சரிக்கின்றன. இது சார்புகளைப் பெருக்கும் மற்றும் பன்முகத்தன்மையைக் குறைக்கும் பின்னூட்ட சுழற்சிகளை ஏற்படுத்துகிறது.  


 AI winter பற்றிய குழப்பங்கள், தரம் மற்றும் நெறிமுறைகளின் இழப்பில், ஆராய்ச்சியாளர்கள் மற்றும் தொழில்துறை வல்லுநர்கள் ஈடுபட்டுள்ள தரவுகளுக்கான இடைவிடாத போட்டியை பிரதிபலிக்கிறது. முன்னணி பெரிய மொழி மாதிரிகளுக்கு (LLM) உள்ளீடு செய்வதற்காக, பரவலாக நம்பப்படும் உரிமைபெறாத புத்தகங்களின் தொகுப்பான ‘புத்தகங்கள்-3’ (Books3) ஒரு முக்கிய உதாரணமாகும். இத்தகைய நடைமுறை நியாயமான பயன்பாட்டுக் கொள்கையின் கீழ் வருமா என்பது வழக்கறிஞர்களுக்கு ஒரு விவாதமாக உள்ளது. இதைவிட கவலையான விஷயம் என்னவெனில், தெளிவான வழிகாட்டுதல் கொள்கை எதுவுமின்றி இந்தப் புத்தகங்கள் பதுக்கி வைக்கப்பட்டுள்ளன.


முன்னேற்றம் ஏற்பட்டாலும், முக்கியமாக ஒழுங்குமுறை காரணமாக, உரிமம் பெற்ற உள்ளடக்கம், பொதுவில் கிடைக்கும் தரவு மற்றும் சமூக ஊடக தொடர்புகள் ஆகியவற்றின் கலவையில் பெரிய மொழி மாதிரிகள் (LLM) இன்னும் பயிற்சியளிக்கப்படுகின்றன. எவ்வாறாயினும், இந்தத் தரவுகள் நமது இணையவெளியில் (cyberspace) தற்போதைய சிதைவுகளை பிரதிபலிக்கின்றன என்று ஆய்வுகள் காட்டுகின்றன. சில நேரங்களில், அவை இந்த சிதைவுகளை மோசமாக்குகின்றன.  


முதன்மை ஆதாரங்கள் இல்லாதது


பெரிய மொழி மாதிரிகள் (LLM) மனித அறிவின் உலகளாவிய தொகுப்பின் மீது பயிற்சியளிக்கப்படுகின்றன என்ற கருத்து ஒரு கற்பனையான மாயை ஆகும். தற்போதைய பெரிய மொழி மாதிரிகள் (LLM) லீப்னிஸ் (Leibniz) மற்றும் போர்ஜஸ் (Borges) போன்றவர்களால் கற்பனை செய்யப்பட்ட உலகளாவிய நூலகத்திலிருந்து வெகு தொலைவில் உள்ளன. ‘புத்தகங்கள் 3’ போன்ற உரிமம் பெறாத நூல்களின் பதுக்கல்களில் சில அறிவார்ந்த படைப்புகள் இருக்கலாம். இவை பெரும்பாலும் ஆங்கிலத்தில் எழுதப்பட்ட இரண்டாம் நிலை ஆதாரங்கள் ஆகும். மனித கலாச்சாரத்தின் மேற்பரப்பைக் குறைக்கும் விமர்சகர்கள், முதன்மை ஆதாரங்கள் மற்றும் அவற்றின் எண்ணற்ற மொழிகள் தெளிவாக இல்லை. காப்பக ஆவணங்கள் (archival documents), வாய்வழி மரபுகள் (oral traditions), பொது வைப்புத்தொகைகளில் மறக்கப்பட்ட டோம்கள் (forgotten tomes in public depositories), கல்லில் பொறிக்கப்பட்ட கல்வெட்டுகள் (inscriptions etched in stone) போன்றவை நமது கலாச்சார பாரம்பரியத்தின் மூலப்பொருட்கள் ஆகும்.


இந்த ஆவணங்களில் இதுவரை பயன்படுத்தப்படாத பல மொழியியல் தரவுகள் உள்ளன. உதாரணமாக, இத்தாலியை எடுத்துக் கொள்ளுங்கள். இந்த தேசத்தின் மாநில ஆவணக் காப்பகங்கள் மட்டும் 1,500 கிலோமீட்டருக்கும் குறைவான அலமாரியில் வைக்கப்பட்டுள்ள ஆவணங்களை (நேரியல் அளவீட்டின் அடிப்படையில்) வைத்திருக்கின்றன.  இந்த பாரம்பரியத்திலிருந்து பெறக்கூடிய டோக்கன்களின் மொத்த அளவை மதிப்பிடுவது கடினம். எவ்வாறாயினும், நமது ஐந்து கண்டங்களில் பரவியுள்ள நூற்றுக்கணக்கான காப்பகங்களைச் சேர்த்தால், அவை பெரிய மொழி மாதிரிகளைப் (LLM)  பயிற்றுவிப்பதற்கு தற்போது பயன்படுத்தப்படும் தரவின் அளவை மிஞ்சவில்லை என்றால், அவை அடையும் என்று நம்புவது நியாயமானது.


சரியாகப் பயன்படுத்தினால், இந்தத் தரவுகள் மனித கலாச்சாரத்தைப் பற்றிய செயற்கை நுண்ணறிவின் புரிதலை மேம்படுத்தும். அவர்கள் இந்த அறிவை அனைவருக்கும் அணுகும்படி செய்வார்கள். இது வரலாற்றை நாம் புரிந்து கொள்ளும் விதத்தை மாற்றலாம். அதே நேரத்தில், கலாச்சார பாரம்பரியம் புறக்கணிக்கப்படுவதிலிருந்தும், போரினால் சேதமடைவதிலிருந்தும் அல்லது காலநிலை மாற்றத்தால் பாதிக்கப்படுவதிலிருந்தும் பாதுகாக்க உதவும். அவர்கள் குறிப்பிடத்தக்க பொருளாதார நன்மைகளையும் உறுதியளிக்கிறார்கள். அவை நரம்பியல் நெட்வொர்க்குகளை (neural networks) அதிகரிக்க உதவுகின்றன. இந்த ஆதாரங்கள் பொதுமக்களுக்கு வெளியிடப்பட்டால், சிறிய நிறுவனங்கள், புத்தொழில்கள் (startups) மற்றும் திறந்த-வள செயற்கை நுண்ணறிவு சமூகம் (open-source AI community) இலவச மற்றும் வெளிப்படையான தரவுகளின் பெரிய தொகுப்புகளைப் பயன்படுத்தலாம். இது அவர்களின் சொந்த பயன்பாடுகளை உருவாக்க அனுமதிக்கும். இது பெரிய தொழில்நுட்பத்திற்கு எதிராக தளத்தை சமன் செய்யும் மற்றும் உலகளாவிய கண்டுபிடிப்புகளை வளர்க்கும். 

 

இத்தாலி மற்றும் கனடாவின் எடுத்துக்காட்டுகள்


டிஜிட்டல் மனிதநேயத்தின் முன்னேற்றங்கள், குறிப்பாக செயற்கை நுண்ணறிவு காரணமாக, டிஜிட்டல் மயமாக்கல் செலவை வெகுவாகக் குறைத்துள்ளது. அச்சிடப்பட்ட மற்றும் கையெழுத்துப் பிரதி ஆவணங்களிலிருந்து முன்னெப்போதையும் விட துல்லியமாகவும் விரைவாகவும் உரையைப் பிரித்தெடுக்க இந்தத் தொழில்நுட்பம் நம்மை அனுமதிக்கிறது. இத்தாலி இந்த திறனை அங்கீகரித்து, அதன் ‘அடுத்த தலைமுறை ஐரோப்பிய ஒன்றியம்’ (Next Generation EU) தொகுப்பில் €500 மில்லியனை ‘டிஜிட்டல் நூலகம்’ (Digital Library) திட்டத்திற்காக ஒதுக்கியது. துரதிர்ஷ்டவசமாக, இத்தாலியின் வளமான பாரம்பரியத்தை திறந்த தரவுகளாக அணுகுவதை நோக்கமாகக் கொண்ட இந்த லட்சிய முயற்சி, பின்னர் ஒதுக்கப்பட்டு மறுசீரமைக்கப்பட்டது. மேலும், இதன் குறுகிய பார்வை மேலோங்கியது.


கனடாவின் அதிகாரப்பூர்வ மொழிகள் சட்டம், இது சம்பந்தமாக ஒரு முக்கிய பாடத்தை வழங்குகிறது. இது ஒரு முறை வீணானது என்று விமர்சிக்கப்பட்டது. இந்தக் கொள்கை, நிறுவனங்கள் இருமொழியாக இருக்க வேண்டும் எனக் கூறியது. காலப்போக்கில், அது மதிப்புமிக்க தரவுத்தொகுப்பை உருவாக்கியது. மொழிபெயர்ப்பு மென்பொருளைப் பயிற்றுவிக்க இந்தத் தரவுத்தொகுப்பு பயன்படுத்தப்பட்டது.


இருப்பினும், ஸ்பானிஷ் கோர்டெஸ் (Spanish Cortes) மற்றும் ஐரோப்பிய ஒன்றிய நிறுவனங்களில் (European Union institution) பிராந்திய மொழிகளை ஏற்றுக்கொள்வது பற்றிய சமீபத்திய விவாதங்கள் இந்த முக்கிய விஷயத்தை கவனிக்கவில்லை. வழக்கறிஞர்கள் கூட குறைந்த வள மொழிகளின் டிஜிட்டல் மயமாக்கலை ஊக்குவிப்பதன் கலாச்சார, பொருளாதார மற்றும் தொழில்நுட்ப நன்மைகளை அங்கீகரிக்கத் தவறிவிட்டனர்.


செயற்கை நுண்ணறிவுக்கு அதன் வரம்புகள் உள்ளன. மக்கள் அதன் மீது நம்பத்தகாத எதிர்பார்ப்புகளைக் கொண்டுள்ளனர் என்கிறார் ஐஐடி பேராசிரியர்.


டிஜிட்டல் மாற்றத்தை நாம் துரிதப்படுத்தும்போது, ​​நமது உலக கலாச்சார பாரம்பரியத்தின் மகத்தான திறனை நாம் கவனிக்காமல் விடக்கூடாது. அதன் டிஜிட்டல் மயமாக்கல் வரலாற்றைப் பாதுகாப்பதற்கும், அறிவை ஜனநாயகப்படுத்துவதற்கும் மற்றும் உண்மையிலேயே உள்ளடக்கிய செயற்கை நுண்ணறிவு கண்டுபிடிப்புகளைக் கட்டவிழ்த்துவிடுவதற்கும் முக்கியமானதாகும். 


க்ளெமென்ட் காட்பார்ஜ் he University of St. Andrews, U.K வில்  Digital Humanities, School of Modern Languages இல் விரிவுரையாளராக உள்ளார்.



Original article:

Share:

நுரையீரல் புற்றுநோயை ஆரம்பத்திலேயே கண்டறிதல் உயிரைக் காபாற்றக்கூடும் -மது சசிதர், சாய் பிரவின் ஹர்நாத்

 நுரையீரல் புற்றுநோய் மிகவும் கொடியதாக இருந்தாலும், இந்தியாவில் இன்னும் முறையான நுரையீரல் புற்றுநோய் பரிசோதனை திட்டம் இல்லை.


நுரையீரல் புற்றுநோய் ஒரு குறிப்பிடத்தக்க பொது சுகாதாரப் பிரச்சனையாகும். இது முதன்முதலில் 1900-ஆம் ஆண்டின்  முற்பகுதியில் பிரேத பரிசோதனையின் போது கண்டுபிடிக்கப்பட்டது. பின்னர், இமேஜிங் தொழில்நுட்பங்கள் (imaging technologies), நுரையீரலில் உள்ள காற்றுப்பாதைகளை நேரடியாகப் பார்க்கும் செயல்முறை (bronchoscope) மற்றும் மூலக்கூறு கண்டறிதல் (molecular diagnostics) ஆகியவற்றில் ஏற்பட்ட முன்னேற்றங்கள் 20-ஆம் நூற்றாண்டில் நுரையீரல் புற்றுநோயை நம்பகத்தன்மையுடன் கண்டறிவதை எளிதாக்கியது. உலக நுரையீரல் புற்றுநோய் தினம் (World Lung Cancer Day) ஆகஸ்ட் 1 அன்று அனுசரிக்கப்படுகிறது. இந்நாளில் நுரையீரல் புற்றுநோயின் பல்வேறு அம்சங்களைப் புரிந்துகொள்வது மிகவும் முக்கியமானது. இதில் நுரையீரல் புற்றுநோயின்  ஆபத்துக்கள் மற்றும்

அதனை முன்கூட்டியே கண்டறிவதன் அவசியம்ஆகியவை அடங்கும்.


அமைதியாக வளர்ந்து வரும் நுரையீரல் புற்றுநோய்


நுரையீரல் புற்றுநோயானது பொதுவாக கண்டறியப்பட்ட புற்றுநோயாகும் மற்றும் உலகளவில் புற்றுநோய் தொடர்பான இறப்புகளுக்கு முக்கிய காரணமாகும். இந்திய மருத்துவ ஆராய்ச்சி கவுன்சிலின் (Indian Council of Medical Research (ICMR)) தரவுகளின் படி, இந்தியாவில் ஒவ்வொரு ஆண்டும் நுரையீரல் புற்றுநோயின் தாக்கம் வேகமாக அதிகரித்து வருகிறது, மேலும் 10% புற்றுநோய் இறப்புகளுக்கு காரணமாகிறது. 2022-ஆம் ஆண்டில் 81,000 புதிய நோயாளிகள்  மற்றும் 75,000 இறப்புகள் பதிவாகி உள்ளன. நுரையீரல் புற்றுநோய் நோயாளிகளின் முழுமையான எண்ணிக்கையில் இந்தியா உலகளவில் நான்காவது இடத்தில் உள்ளது. இது 2025-ஆம் ஆண்டில் இரட்டிப்பாகும்.


இந்தியர்களில் நுரையீரல் புற்றுநோய் பொதுவாக நிலை 3 அல்லது 4-ல் கண்டறியப்படுகிறது. இந்த நிலையில், நோயைக் குணப்படுத்த முடியாது. இதன் விளைவாக மோசமான உயிர் பிழைப்பு விகிதம் (poor survival rates) ஏற்படுகிறது. நோய்ப் பாதிப்பு கண்டறியும் போது பாதிக்கும் மேற்பட்ட நோயாளிகள் தொலைதூர மெட்டாஸ்டாசிஸைக் (distant metastasis) கொண்டுள்ளனர். இந்தத் தாமதம் சிக்கலான பாதிப்பு மற்றும் காசநோய் (Tuberculosis (TB)) போன்ற பாதிப்பை ஏற்படுகிறது. இந்த சிக்கல்களால் நுரையீரல் புற்றுநோயைக் முதலில் மருத்துவர்கள் கண்டறிவதைத் தவறவிடலாம். எனவே, நுரையீரல் புற்றுநோயின்  தொடக்க நிலையினைக் கண்டறிய, மேம்படுத்தப்பட்ட நுண்ணறிவு அமைப்பைப் பயன்படுத்துவது உதவியாக இருக்கும்.


பல்வேறு புற்றுநோய் பரிசோதனை திட்டங்களுக்கான கட்டமைப்பை இந்தியா உருவாக்கியிருந்தாலும், நுரையீரல் புற்றுநோய்  அதில் இன்னும் சேர்க்கப்படவில்லை. சமீபத்தில் மக்கள் ஆரோக்கியத்தை கருத்தில் கொண்டு நுரையீரல் புற்றுநோய் குறித்து தகுந்த வழிகாட்டுதல்களை ஏற்படுத்த, இந்திய மருத்துவ ஆராய்ச்சி கவுன்சில் (ICMR)  ஆராய்ச்சியாளர்களுக்கு அழைப்பு  விடுத்துள்ளது வரவேற்கத்தக்கது.


நுரையீரல் புற்றுநோயின் பரவலானது புகைபிடிப்பதால் மட்டுமல்லாமல், காற்று மாசுபாட்டின் அளவு அதிகரிப்பதும் ஒரு காரணம் ஆகும். ஆபத்தான வகையில், 2007-ஆம் ஆண்டிலிருந்து காற்று மாசுபாட்டினால் ஏற்படும் நுரையீரல் புற்றுநோய் இறப்புகளின் எண்ணிக்கை கிட்டத்தட்ட 30% அதிகரித்துள்ளது. துகள்கள் (PM10, PM2.5, நச்சு உலோகங்கள்) மற்றும் வாயுக்கள் (PM10, PM2.5, நச்சு உலோகங்கள்) போன்ற ஏராளமான தீங்கு விளைவிக்கும் பொருட்கள் காற்றில் சேரும் போது (சல்பர் டை ஆக்சைடு, நைட்ரஜன் டை ஆக்சைடு) அவை நுரையீரல் ஆரோக்கியத்தில் தீங்கு விளைவிக்கும், இதன் விளைவாக நுரையீரல் புற்றுநோய் ஏற்படும்.


புகையிலை புகைத்தல் (சிகரெட், பீடிகள், சுருட்டுகள் மற்றும் குழாய்கள் உட்பட) நுரையீரல் புற்றுநோய்க்கான முதன்மை ஆபத்துக் காரணியாகும். புகைபிடிக்காதவர்களை பாதிக்கும் காரணிகளில், இரண்டாவது புகை (second-hand smoke), தொழில்சார் ஆபத்துகள் (அஸ்பெஸ்டாஸ் (asbestos), ரேடான் (radon) மற்றும் சில இரசாயனங்கள் போன்றவை), காற்று மாசுபாடு, பரம்பரை புற்றுநோய் நோய்க்குறிகள் மற்றும் நாள்பட்ட நுரையீரல் நோய்கள் ஆகியவை அடங்கும். பெரும்பாலும், இக்காரணிகளின் கலவையானது புகை பிடிக்காதவர்களிடையே நுரையீரல் புற்றுநோய்க்கு பங்களிக்கிறது. வட இந்தியாவில் நுரையீரல் புற்றுநோயாளிகளில் 40% பேர் புகைபிடிக்காதவர்கள் என்பது குறிப்பிடத்தக்கது. மேலும் மரபணு மாற்றமும் ஒரு காரணமாக உள்ளது. புகைபிடிக்காதவர்களுடன் தொடர்புடைய நுரையீரல் புற்றுநோய்கள் பெரும்பாலும் இளைய தலைமுறையினரையே அதிகம்  பாதிக்கின்றது.  புகைபிடிப்பவர் தொடர்பான புற்றுநோய்களுடன் ஒப்பிடும்போது இவை  தனித்துவமான மரபணு மாற்றங்களைக் காட்டுகின்றன. இது நுரையீரல் புற்றுநோயைப் பற்றி விழிப்புணர்வு மற்றும் தடுப்பு நடவடிக்கைகளின் அவசியத்தை அடிக்கோடிட்டுக் காட்டுகிறது. 


முன்கூட்டியே கண்டறிவதன் முக்கியத்துவம்


இந்தியாவில் நுரையீரல் புற்றுநோயினை பற்றிய போதிய விழிப்புணர்வு இல்லாமை, உயிர்வாழும் விகிதங்களை அதிகரிக்கும் செயல்முறை இல்லாமை போன்றவை நுரையீரல் புற்றுநோயினை முன்கூட்டியே கண்டறிவதற்கான அவசரத் தேவையைக் காட்டுகிறது. நுரையீரல் புற்றுநோய் மோசமான விளைவுகளை கட்டுப்படுத்துவதற்கு முன்கூட்டியே கண்டறிதல் முக்கியமானது. நுரையீரல் புற்றுநோயின் பாதிப்பு இருந்தபோதிலும், இந்தியாவில் ஒரு முறையான தொடக்க நிலை சோதனைத் திட்டம் இல்லை. இது செலவுகள், ஏற்றுமதி - இறக்குமதி சிக்கல்கள் மற்றும் காசநோயின் பரவல் போன்றவையை சார்ந்துள்ளது. மேம்பட்ட புதிய மருந்துகள் நுரையீரல் புற்றுநோய்க்கான ஆயுளை நீட்டிக்க முடியும் என்றாலும், அவை பெரும்பாலும் விலை உயர்ந்தவை. நுரையீரல் புற்றுநோயைத் தடுப்பது மற்றும் முன்கூட்டியே கண்டறிவது ஒரு சிறந்த அணுகுமுறையாகும்.


ஆரம்பத்திலேயே கண்டறியப்பட்டால், நுரையீரல் புற்றுநோயை குணப்படுத்த முடியும். நுரையீரல் புற்றுநோயை மார்பு எக்ஸ்ரே மற்றும் சிடி ஸ்கேன் போன்ற இமேஜிங் முறைகள் மூலம் கண்டறியலாம். எக்ஸ்-கதிர்கள் பொதுவாக 2 செமீ அளவு அல்லது மார்புச் சுவருக்கு (<2.5 செமீ) அருகில் இருக்கும் முடிச்சுகள் அல்லது பாதிப்புக்களை மட்டுமே எடுக்கின்றன. எனவே ஆரம்ப நிலை நுரையீரல் புற்றுநோயை திறம்பட கண்டறிய முடியாது. நுரையீரல் புற்றுநோய்க்கான இரத்த உயிர் குறிப்பான்கள் (blood biomarkers) இன்னும் இல்லை, இருப்பினும் சுவாசத்தை வெளியேற்றும் பகுப்பாய்வு உட்பட பல்வேறு நுட்பங்கள் பற்றிய தீவிர விசாரணை நடந்து வருகிறது.


சமீபத்திய காலங்களில்,  எக்ஸ்ரே இயந்திரத்துடன் இணைக்கப்பட்ட கணினியைப் பயன்படுத்தும் LDCT (Low-Dose Computed Tomography) செயல்முறை ஒரு  பெரிய மாற்றமாக வெளிப்பட்டுள்ளது. இந்த ஸ்கேன் வழக்கமான CT ஸ்கேனை விட ஐந்து மடங்கு குறைவான கதிர்வீச்சைப் பயன்படுத்துகிறது மற்றும் ஆரம்பகால நுரையீரல் புற்றுநோய் பரிசோதனைக்கான முதல் தேர்வாக மாறியுள்ளது. இது தற்போது அமெரிக்காவிலும், ஐரோப்பாவிலும் வழக்கமான நுரையீரல் புற்றுநோய் பரிசோதனைக்காக பரிந்துரைக்கப்படுகிறது. இந்த LDCT செயல்முறை மிகக் குறைந்த அளவிலான கதிர்வீச்சைப் பயன்படுத்துவதால், இச்சோதனையானது தேவைப்படும் போது செய்யப்படலாம்.  


மார்பு எக்ஸ்-கதிர்களுடன் (Chest X-rays) ஒப்பிடும்போது எக்ஸ்ரே இயந்திரத்துடன் இணைக்கப்பட்ட கணினியைப் பயன்படுத்தும் LDCT செயல்முறை  நுரையீரல் புற்றுநோய் இறப்பை 20% குறைக்கும் என்று ஆய்வுகள் காட்டுகின்றன. தொடக்க நிலை சோதனையின் போது கண்டறியப்படுவதால், இதன் மூலம்  இறப்பு விகிதத்தை 24% குறைக்கலாம். இம்முறை குறைந்த கதிர்வீச்சைப் பயன்படுத்துகிறது ஆனால் அதிக உணர்திறன் கொண்டது. அறிகுறிகள் தோன்றுவதற்கு பல ஆண்டுகளுக்கு முன்பே நுரையீரலில் புற்றுநோய்க்குரிய முடிச்சுகள் அல்லது புண்களைக் கண்டறிய இது அனுமதிக்கிறது. ஆரம்பகால கண்டறிதல் சாத்தியமான சிகிச்சைகள் மற்றும் சிகிச்சைகளின் வரம்பை  இம்முறை மேம்படுத்துகிறது.

நுரையீரல் புற்றுநோய் ஒரு தீவிர பிரச்சினை. இதற்கு தனிநபர்கள், சுகாதார வல்லுநர்கள் மற்றும் கொள்கை வகுப்பாளர்களின் கூட்டு முயற்சிகள் தேவை. நோய் குறித்த விழிப்புணர்வை ஏற்படுத்த வேண்டும். புகைபிடிப்பதை நிறுத்தும் திட்டங்களையும் செயல்படுத்துவது அவசியம். தொழில்சார் வெளிப்பாடுகளைத் தடுக்க பாதுகாப்பு நடவடிக்கைகளையும் செயல்படுத்த வேண்டும். கூடுதலாக, இந்திய மக்களுக்கான சிறந்த நோய் அறிதல் தொழில்நுட்பங்கள் மற்றும் சிகிச்சைகளை உருவாக்க ஆராய்ச்சி தேவை. இந்த நோயை நிவர்த்தி செய்வதற்கும் உயிர்வாழும் விகிதங்களை மேம்படுத்துவதற்கும் தேசிய நுரையீரல் புற்றுநோய் பரிசோதனைத் திட்டமும் (national lung cancer screening programme) அவசியம்.


டாக்டர் மது சசிதர், டாக்டர். சாய் பிரவீன் ஹரநாத் ஆகியோர் அப்பல்லோ மருத்துவமனையில் நுரையீரல் நிபுணர்களாக உள்ளனர்.



Original article:

Share:

சிறிய மட்டு அணுஉலைத் (small modular reactor) திட்டம் : சிக்கல்கள் மற்றும் சவால்கள்

 சிறிய மட்டு அணு உலைகள் (small modular reactor) அதிகரிக்கும்  செலவினத்தை சமாளிக்க வேண்டும்


சிறிய மட்டு அணு உலைகளை (small modular reactor) ஆய்வு செய்யவும், சோதனை நடத்தவும் தனியார் துறையுடன் இணைந்து செயல்பட இந்திய அரசு திட்டமிட்டுள்ளது. அணுசக்தி என்பது உலகின் மின்சார விநியோகத்தின் முக்கிய பகுதியாகும். ஏனென்றால், புதுப்பிக்கத்தக்க எரிசக்தி தொழில்நுட்பங்கள் (renewable energy) இன்னும் வளர்ந்து வருகின்றன. மேலும், நிலக்கரி போன்ற புதைப்படிவ எரிபொருட்கள் குறைவான விலையில்  கிடைக்கிறது. அணுசக்தி அதிகமான மற்றும் நீடித்த ஆற்றலை வழங்குகிறது. இருப்பினும், பாதுகாப்பான அணு உலைகளை உருவாக்குவதும், பயன்படுத்தப்பட்ட அணு எரிபொருளைக் கையாள்வதும் விஷயங்களை மிகவும் சிக்கலாக்குகிறது.


திட்டங்களுக்கான செலவு மற்றும் நேர மதிப்பீடுகள் சில நேரங்களில் திட்டத்தின் இறுதியில் இரட்டிப்பாகும். புதிய வசதிகளில் இருந்து வரும் அணு மின்சாரம் அதிக விலைக் கொண்டது. இருப்பினும், இந்த வசதிகள் புதுப்பிக்கத்தக்க எரிசக்தி ஆதாரங்களில் உள்ள சிக்கல்களைத் தீர்கின்றன. 10 மெகாவாட் மின்சாரம் முதல் 300 மெகாவாட் மின்சாரம் வரையிலான சிறிய மட்டு உலைகள்  பாரம்பரிய உலைகளை விட சிறியதாக இருக்கும். திறமையான அணு எரிபொருள், மட்டு வடிவமைப்பு, செயல்பாடுகளுக்கான சிறிய பகுதி மற்றும் குறைந்த ஆரம்ப செலவுகள் ஆகியவற்றைப் பயன்படுத்துவதன் மூலம் அவை பாதுகாப்பான மற்றும் மலிவு விலையில் இருப்பதை நோக்கமாகக் கொண்டுள்ளன. இருப்பினும், கூடுதல் வெளிப்புற செலவுகள் காரணமாக சிறிய மட்டு உலைகள் இன்னும் சவால்களை எதிர்கொள்கின்றனர்.


அணுமின் உற்பத்தியை தனியார்மயமாக்கும் அரசாங்கத்தின் திட்டம், கதிரியக்கப் பொருட்களை இராணுவ நோக்கங்களுக்காகப் பயன்படுத்தப்படுவதைத் தடுக்க வலுவான விதிகளின் தேவையை அதிகரிக்கும். முதல் தலைமுறை சிறிய மட்டு உலைகள் குறைந்த செறிவூட்டப்பட்ட யுரேனியத்தைப் பயன்படுத்தும் என எதிர்பார்க்கப்படுகிறது. இந்த அணு உலைகள் தொழிற்சாலையில் தயாரிக்கப்பட்ட பாகங்களைக் கொண்டு அந்த இடத்திலேயே கட்டப்படும். தற்போதைய தொழில்நுட்பத்தில் மேலாண்மை செய்யக்கூடிய கழிவுகளை உற்பத்தி செய்து குறைவான விலையில் மின்சாரம் வழங்குவார்கள். இருப்பினும், அணு உலைக்கு எரிபொருள் அதிகம் நிரப்பப்பட வேண்டும் மற்றும் நிறைய புளூட்டோனியத்தை உற்பத்தி செய்யும். இந்த இரண்டு சிக்கல்களும் அணு ஆயுதங்கள் பரவுவதைத் தடுப்பதைக் கடினமாக்கும்.


சர்வதேச அணுசக்தி நிறுவனம் (International Atomic Energy Agency (IAEA)) "பாதுகாக்கக்கூடிய" உலை வடிவமைப்புகளைப் பயன்படுத்துவதை ஆதரிக்கிறது. ஆனால், இந்த வடிவமைப்புகள் முதலீட்டிற்கான செலவுகளை அதிகரிக்கும். எதிர் காலத் தலைமுறையினருக்கு அதிகம்  செறிவூட்டப்பட்ட யுரேனியம் தேவைப்படலாம்.  அவை நீண்ட காலத்திற்கு இயங்கும் வகையில் வடிவமைக்கப்பட்டிருந்தால் அல்லது எரிபொருளுடன் மிகவும் திறமையாக இருக்க மேம்பட்ட அமைப்புகளைப் பயன்படுத்தினால் இது சாத்தியமாகும். இந்த மாற்றங்கள் அணு உலைகளை பெரியதாக மாற்றுவதுடன் உற்பத்தி செலவையும் அதிகரிக்கும்.  அணு உலைகள் பாதுகாப்பு தேவைகளைக் கொண்டிருக்கின்றன. இதன் பொருள் சிறிய மட்டு உலைகள் எப்போதும் மலிவானதாக இருக்காது. இது போன்ற காரணங்களினால் அணுசக்தித்துறை தனது அணுஉலைகளின் திறனை 220 மெகாவாட்டிலிருந்து 700 மெகாவாட்டாக உயர்த்தியது. சிறிய மட்டு உலைகள்  இந்தியாவில் அணுசக்தியை அதிகரிக்க உதவுவதற்கு, அவை செலவு குறைந்ததாக இருக்க வேண்டும். இது நிலையான சந்தைகள், நம்பகமான மின்கட்டமைப்பு, பாகங்களை பெருமளவில் உற்பத்தி செய்யும் திறன் மற்றும் அணு ஆயுத பரவலைத் தடுக்கும் செலவை நிர்வகித்தல் போன்ற காரணிகளைப் பொறுத்து இருக்கும்.



Original article:

Share:

மழை உபரியாகப் பொழிகிறது, ஆனால் சீரற்ற விநியோகம் ஒரு கவலையாக உள்ளது -தலையங்கம்.

 இந்திய வானிலை ஆய்வு மையம் (India Meteorological Department(IMD) அதன் முன்கணிப்பு மாதிரிகளை மேம்படுத்த கடுமையாக முயற்சித்தாலும், புவி வெப்பமடைதல் கணிக்க முடியாத காரணியாக உள்ளது. 


ஆசியாவில் பலத்த மழையையும் வெள்ளத்தையும் கொண்டு வரும் லா நினா (La Nina) நிலைமைகள் இப்போது அக்டோபரில் மட்டுமே வெளிப்படும் என்று ஆஸ்திரேலிய வானிலை ஆய்வு மையம் (Australian Bureau of Meteorology) போன்ற உலகளாவிய வானிலை அமைப்புகளின் சமீபத்திய எச்சரிக்கைகள் துணைக் கண்டத்திற்கு சரியான செய்தி அல்ல. எல் நினோவால் (El Nino) பாதிக்கப்பட்ட 2023 தென்மேற்கு பருவமழை காரணமாக லா நினாவின் வருகை உண்மையில் ஆவலுடன் எதிர்பார்க்கப்பட்டது, இது நீண்ட கால சராசரியில் (long-period average (LPA)) வெறும் 94 சதவீத இயல்பை விட குறைவான மழையை வழங்கியது.


இது காரீஃப் விதைப்பில் (kharif sowing) பின்னடைவுகளை ஏற்படுத்தியது. நீர்த்தேக்க சேமிப்பு குறைவு (depleted reservoir storage) மற்றும் விவசாயத்தில் மந்தமான வளர்ச்சி (depressed growth) 2024 நிதியாண்டில் மொத்த மதிப்பு கூட்டல் 1.4 சதவீதமாக இருந்தது. வேறுபட்ட பருவமழை உணவு விலை பணவீக்கத்திற்கும் வழிவகுத்துள்ளது. இது மத்திய வங்கிக்கு சிரமங்களை ஏற்படுத்தியுள்ளது. லா நினா தொடங்குவதில் தாமதம் ஏற்பட்டிருப்பது, இந்த ஆண்டும் பருவமழை ஆங்காங்கே பெய்யுமோ என்ற கவலையை எழுப்புகிறது. இந்திய வானிலை ஆய்வு மையம் (India Meteorological Department(IMD) ஜூன் மாதத்தில் தென்மேற்கு பருவமழை நீண்ட கால சராசரியில் (LPA) 106 சதவீதமாக இருக்கும் என்று கணித்தபோது, லா நினாவின் தோற்றம் மற்றும் நடுநிலை இந்தியப் பெருங்கடல் இருமுனையம் (Indian Ocean Dipole (IOD)) நேர்மறையான அளவீடுகளுக்கு மாறுவதை அடிப்படையாகக் கொண்டது. ஆனால், உலகளாவிய வானிலை அமைப்புகள் இப்போது இந்தியப் பெருங்கடல் இருமுனையம் எதிர்மறையான பகுதிக்கு நழுவக்கூடும் என்று எதிர்பார்க்கின்றன.


இதுவரை ஒட்டுமொத்த பருவமழையும் ஓரளவு சற்று அதிகமாக இருந்தாலும், அவற்றின் இடம் மற்றும் கால விநியோகம் எதிர்பார்த்ததை விட மிகக் குறைவாகவே உள்ளது. ஜூன் மாதம் முழுவதும் இந்தியாவின் பெரும்பகுதி கடுமையான வெப்பநிலையுடன் போராடியதுடன், அதே நேரத்தில் மழையும் பெய்தது. வடமேற்கு மற்றும் மத்திய இந்தியா வறட்சியால் பாதிக்கப்பட்டது. அதே நேரத்தில், தெற்கு தீபகற்பம் வெள்ளத்தை எதிர்கொண்டது. மத்திய இந்தியாவில் மழைப்பொழிவு அதிகரித்துள்ளது. ஆனால், வடமேற்கு, கிழக்கு மற்றும் வடகிழக்கு இந்தியாவில் பற்றாக்குறைகள் நீடிக்கின்றன. ஒரு மாத மழைப்பொழிவு சில மணிநேரங்களாக சுருக்கப்பட்ட உள்ளூர் நிகழ்வுகளும் உள்ளன. வேறு வார்த்தைகளில் கூறுவதானால், இந்தப் பருவத்தில் மழையின் மொத்த அளவு இந்திய வானிலை ஆய்வு மையத்தின் ஜூன் கணிப்புக்கு அருகில் முடிவடையும் என்றாலும், அதன் விநியோகம் சீரற்றதாக இருக்கலாம். சீரற்ற பருவமழை காரீப் ஏக்கரில் பாதிப்பை ஏற்படுத்தியுள்ளது. இது கடந்த ஆண்டு அளவை விட வெறும் 2 சதவீதம் மட்டுமே அதிகம் மற்றும் பாசிப்பயறு, சோளம், கம்பு மற்றும் எள் போன்ற பயிர்கள் பற்றாக்குறையைக் காட்டுகின்றன. குறுகிய கால பயிர்கள் மற்றும் நீர் பாதுகாப்பு நடவடிக்கைகளுக்கு ஒரு உத்திக்கான மாற்றம் கடந்த ஆண்டை விட ராபி பருவம் (rabi season) சிறப்பாக இருப்பதை உறுதி செய்ய இப்போது கோரப்படலாம். கொள்கை வகுப்பாளர்களைப் பொறுத்தவரை, இந்த மழைப்பொழிவு முறைகள் ஏப்ரல் மற்றும் ஜூன் மாதங்களில் வெளியிடப்பட்ட நீண்ட தூர கணிப்புகளை விட, பருவமழை எவ்வாறு இருக்கும் என்பதற்கான நம்பகமான வழிகாட்டியாக இந்திய வானிலை ஆய்வு மையத்தின் மாதாந்திர மற்றும் வாராந்திர வழிகாட்டிகளாக இருப்பதைக் காட்டுகின்றன.


இந்திய வானிலை ஆய்வு மையம் அதன் முன்கணிப்பு மாதிரிகளை மேம்படுத்த முயன்றாலும், புவி வெப்பமடைதல் கணிக்க முடியாத காரணியாகும். ஆஸ்திரேலிய வானிலை நிறுவனம் சமீபத்தில் கடல்-மேற்பரப்பு வெப்பநிலையின் உலகளாவிய வடிவங்கள் வரலாற்று எல் நினோ மற்றும் இந்தியப் பெருங்கடல் இருமுனையத் (Indian Ocean Dipole (IOD)) தரவுகளின் அடிப்படையில் கணிப்புகளை நம்பமுடியாததாக ஆக்கியுள்ளது என்று ஒப்புக்கொண்டது. வானிலையால் ஏற்படும் சவால்களை சமாளிக்க அரசுகள் விழிப்புடன் இருக்க வேண்டும். உணவுப் பொருள்களின் விலை உயர்வுக்கு விநியோகத் தடையே முக்கியக் காரணம் என்று பொருளாதார ஆய்வறிக்கை எடுத்துக்காட்டுகிறது. இதன் விளைவாக, பணவீக்கத்தை கட்டுப்படுத்துவதில் அரசாங்கத்தின் பங்கு அதிகரித்து வருகிறது, அதே நேரத்தில் மத்திய வங்கியின் பங்கு குறைய வேண்டும்.



Original article:

Share:

உக்ரைன், ஒரு பிளவுபட்ட உலகம் மற்றும் இந்தியாவின் வளர்ந்து வரும் சவால்கள் - தலையங்கம்

 இந்தியா, அதன் குடிமக்களின் நலன்களைப் பாதுகாப்பதை நோக்கமாகக் கொண்டுள்ளது. "பிராந்திய ஒருமைப்பாட்டை" (“territorial integrity”) ஆதரிப்பது வெறும் அறிக்கை அல்ல. ஐரோப்பாவில் இருப்பதைப் போலவே, பாகிஸ்தான் மற்றும் சீனாவுடனான எல்லைகளை பாதுகாப்பது  முக்கியம். 


குவாட் வெளியுறவு அமைச்சர்களின் (அமெரிக்கா, ஆஸ்திரேலியா, ஜப்பான் மற்றும் இந்தியா) சமீபத்திய கூட்டத்தின் (Quad foreign ministers — the Quadrilateral Security Dialogue) கூட்டறிக்கை இப்போது மிகவும் முக்கியமானது. இரண்டு ஆண்டுகளுக்கு முன்பு ரஷ்யா உக்ரைன் மீது தாக்குதல் நடத்தியதால், இந்தியா தனது இராஜதந்திர உறவுகளை கவனமாக கையாள வேண்டிய சூழல் ஏற்பட்டது. மேற்கு மற்றும் ரஷ்யா-சீனா இடையே வளர்ந்து வரும் பதட்டங்கள், வரவிருக்கும் அமெரிக்க அதிபர் தேர்தல் மற்றும் ஐரோப்பிய பாதுகாப்பில் அதன் தாக்கம் பற்றிய நிச்சயமற்ற தன்மைகளுடன், இந்த சமநிலைப்படுத்தும் செயலை இன்னும் கடினமாக்குகிறது.


இந்தோ-பசிபிக் பிராந்தியத்திலும், இந்தியாவுடனான உண்மையான கட்டுப்பாட்டுக் கோட்டிலும் (Line of Actual Control) சீனா மிகவும் தீவிரமாக செயல்பட்டு வருவதால் வருவதால் குவாட்  (Quad) அமைப்பின் அறிக்கை முக்கியமானது. எந்தவொரு நாடும் மற்றவர்களைக் கட்டுப்படுத்தாத மற்றும் அழுத்தத்திலிருந்து விடுபடும் ஒரு சுதந்திரமான மற்றும் திறந்த இந்தோ-பசிபிக் பிராந்தியத்திற்கு இந்தியாவின் ஆதரவு தேவைப்படுகிறது. குவாட் அதன் உறுப்பினர்களுக்கு தொழில்நுட்பங்களைப் பகிர்ந்து கொள்ளவும், பிராந்தியத்திற்கான பொதுவான உத்திகளை உருவாக்கவும் உதவுகிறது.


இந்த அறிக்கை உக்ரைனில் நடந்த போர் மற்றும் அதன் கடுமையான மனிதாபிமான விளைவுகள் குறித்து "ஆழ்ந்த அக்கறையைக்" காட்டியது. சர்வதேச சட்டம், இறையாண்மை மற்றும் பிராந்திய ஒருமைப்பாட்டிற்கான மரியாதை ஆகியவற்றின் அடிப்படையில் நியாயமான மற்றும் நீடித்த அமைதிக்கு அழைப்பு விடுத்தது. "இறையாண்மை மற்றும் பிராந்திய ஒருமைப்பாடு" என்று குறிப்பிடுவது, உக்ரைன் அதிபர் வோலோடிமிர் ஜெலென்ஸ்கி மற்றும் அமெரிக்க அதிகாரிகளின் பிரதமர் மோடியின் மாஸ்கோ பயணம் பற்றிய கவலைகளை நிவர்த்தி செய்வதற்கான இந்தியாவின் வழியாகும். வெளியுறவுத்துறை அமைச்சர் எஸ். ஜெய்சங்கர் அவர்கள், இந்தியாவின் அர்ப்பணிப்பைக் காட்டுவதற்காக குவாடுடன் தனது நீண்ட ஈடுபாட்டை எடுத்துரைத்தார். ஆகஸ்ட் மாதம் கியேவுக்கு உயர்மட்டக் குழுவை அனுப்பவும் இந்தியா திட்டமிட்டுள்ளது. 

இந்தியா, அதன் குடிமக்களின் நலன்களைப் பாதுகாப்பதை நோக்கமாக கொண்டுள்ளது. "பிராந்திய ஒருமைப்பாட்டை" (“territorial integrity”) ஆதரிப்பது இந்தியாவிற்கு ஒரு முக்கிய கொள்கையாகும். இந்தியா எப்போதும் அமைதி மற்றும் சுதந்திரமான வெளியுறவுக் கொள்கையைப் பின்தொடர்வதில் உறுதியாக உள்ளது. சீனாவுடனான இந்தியாவின் பிரச்சனைகள் வெளிநாட்டின் தலையீடு இல்லாமல் இரு நாடுகளுக்கும் இடையே நேரடியாக தீர்க்கப்பட வேண்டும் என்று வெளியுறவுத்துறை அமைச்சர் ஜெய்சங்கர் குறிப்பிட்டார். இந்தக் கொள்கைகள் இருந்தபோதிலும், பல நாடுகளுடனான உறவை நிர்வகிப்பது மிகவும் சவாலானதாக இருக்கும். மீண்டும் அமெரிக்கா அதிபரினால் இந்திய தனது உறவை மேம்படுத்துவதில் கவனம் செலுத்தும். அது ஐரோப்பிய உறவு நிலையை  மாற்றி, சீனாவைக் கட்டுப்படுத்துவதில் கவனம் செலுத்தும். தற்போதைய, சூழலில் வெளியுறவு அலுவலகம் நெகிழ்வாகவும் பதிலளிக்கக்கூடியதாகவும் இருக்க வேண்டும்.



Original article:

Share: