காலநிலை மீள்தன்மை (climate resilience) மற்றும் உணவுப் பாதுகாப்பிற்கான நிலையான வேளாண்மை குறித்து . . . - டாக்டர் மனீஷ் மான் மற்றும் நிகேத் ஜெயின்

 காலநிலை மீள்தன்மை (climate resilience), சுற்றுச்சூழல் நிலைத்தன்மை (environmental sustainability) மற்றும் உணவுப் பாதுகாப்பு (food security) போன்ற பல பிரச்சினைகள் நிலையான வேளாண்மையை நோக்கி செல்வதற்கு வழிவகுக்கிறது. நிலையான வேளாண்மை (sustainable farming) என்றால் என்ன, இந்தப் பிரச்சனைகளைத் தீர்க்க அது எவ்வாறு உதவுகிறது?

நிலையான வேளாண்மை (sustainable farming) இந்தியாவின் பொருளாதாரக் கொள்கைக்கு முக்கியமானது மற்றும் 2070-ஆம் ஆண்டுக்குள் நிகர-பூஜ்ஜிய  உமிழ்வை (net-zero emissions) அடைவதன் மூலம் காலநிலை மாற்றத்தை எதிர்த்துப் போராடுவதை நோக்கமாகக் கொண்டுள்ளது. விவசாயப் பொருளாதார நிபுணர்களின் 32-வது சர்வதேச மாநாட்டில், நிலையான விவசாயத்திற்கான இந்தியாவின் அணுகுமுறையை பிரதமர் நரேந்திர மோடி முன்மாதிரியாகக்  எடுத்துரைத்தார்.

பாரம்பரிய விவசாயத்திலிருந்து நிலையான முறைகளுக்கு இந்த மாற்றம் காலநிலை மாற்றம், சுற்றுச்சூழல் பிரச்சினைகள் மற்றும் வளர்ந்து வரும் மக்கள்தொகை பற்றிய கவலைகளை அதிகரித்துள்ளது. ஆனால் நிலையான வேளாண்மை என்றால் என்ன, இந்த சவால்களுக்கு அது எவ்வாறு உதவுகிறது?

உலகெங்கிலும் உள்ள வேளாண்மை இப்போது தீவிர முறைகளிலிருந்து மிகவும் நிலையான மற்றும் சுற்றுச்சூழல் நட்பு நடைமுறைகளுக்கு மாற வேண்டும். நிலையான வேளாண்மை என்பது எதிர்கால சந்ததியினரின் தேவைகளை பூர்த்தி செய்யும் திறனை பாதிக்காமல் இன்றைய உணவுத் தேவைகளை பூர்த்தி செய்வதில் கவனம் செலுத்துகிறது. எதிர்காலத்திற்கான இயற்கை வளங்களை பாதுகாக்கும் அதே வேளையில் சுற்றுச்சூழல் சமநிலை, பொருளாதார நிலைத்தன்மை மற்றும் பாரம்பரிய கலாச்சார தொடர்ச்சி ஆகியவற்றை பாதுகாக்க வேண்டும்.  

நிலையான விவசாயத்தின் (sustainable agriculture) சில முக்கிய கொள்கைகள்:

உற்பத்தித் திறனை அதிகரித்தல் (Increasing productivity) : உணவைப் பாதுகாப்பாக வைத்திருக்க, விவசாய உற்பத்தியை மேம்படுத்திக் கொண்டே இருக்க வேண்டும். ரசாயன உரங்கள் மற்றும் பூச்சிக்கொல்லிகளை பயன்படுத்துவதைக் குறைப்பதில் கவனம் செலுத்த வேண்டும். உற்பத்தி செய்வது மட்டுமல்லாமல், குறைந்த நீர் மற்றும் ஆற்றலைப் பயன்படுத்துவதை உள்ளடக்கியதாக இருக்க வேண்டும். நிலையான வேளாண்மை சுற்றுச்சூழலில் அதன் தாக்கத்தை குறைக்கும் அதே வேளையில் நமக்கு போதுமான உணவு இருப்பதை உறுதி செய்வதை நோக்கமாகக் கொண்டுள்ளது.

 

இயற்கை வளங்களைப் பாதுகாத்தல் மற்றும் மேம்படுத்துதல் (Protecting and enhancing natural resources) : விவசாய வளர்ச்சி அதிகரிக்க, மண் மற்றும் நீர் போன்ற இயற்கை வளங்களை நாம் பாதுகாப்பாக பயன்படுத்த வேண்டும். வேளாண்மை இந்த வளங்களைச் சார்ந்துள்ளது. எனவே, அவற்றின் நிலைத்தன்மை நீடித்த உற்பத்திக்கு முக்கியமானது. இந்தியாவில், 60% விவசாய நிலங்கள் மழையை நம்பியுள்ளன. மேலும், இந்த நிலங்கள்  நாட்டின் 40% உணவை உற்பத்தி செய்கிறது. இந்த சூழலில், நிலையான வேளாண்மை என்பது மண்ணை ஆரோக்கியமாக வைத்திருப்பது, தண்ணீரை திறம்பட நிர்வகிப்பது, நீர் மாசுபாட்டைக் குறைப்பது  மற்றும் பசுமை இல்ல வாயு (greenhouse gases) உமிழ்வைக் குறைப்பது ஆகியவற்றை நோக்கமாகக் கொண்டுள்ளது.

வாழ்வாதாரங்களை மேம்படுத்துதல் மற்றும் உள்ளடக்கிய பொருளாதார வளர்ச்சியை ஊக்குவித்தல் (Improving livelihoods and fostering inclusive economic growth) : வளங்களை அணுகுவது கிராமப்புறங்களில் வறுமை மற்றும் உணவுப் பாதுகாப்பின்மையைக் குறைக்க உதவும். விவசாயத்திற்கு அதிக உழைப்பு தேவைப்படுவதால், அதிக விவசாய வருமானம் வறுமையைக் குறைக்கும். நிலையான வேளாண்மை நல்ல வேலை வாய்ப்பை வழங்கும்.

மக்கள், சமூகங்கள் மற்றும் சுற்றுச்சூழல் அமைப்புகளின் பின்னடைவை மேம்படுத்துவது முக்கியமானது. தீவிர வானிலை விவசாயத்தை சீர்குலைத்து விவசாய சந்தையில் உறுதியற்ற தன்மையை ஏற்படுத்தும். விவசாயிகள் மற்றும் விவசாய அமைப்புகளை இயற்கை மற்றும் மனிதனால் உருவாக்கப்பட்ட சவால்களுக்கு தாங்கக்கூடியதாக மாற்றுவதன் மூலம், பெரிய விலை மாற்றங்களைத் தவிர்த்து, நிலையான உற்பத்தித்திறனையும் நிலையான சந்தைகளையும் உறுதிசெய்ய முடியும்.

 

புதிய சவால்களுக்கு ஏற்ப நிர்வாகத்தை மாற்றியமைத்தல் (Adapting governance to new challenges): நிலையான உற்பத்திக்கு முழுமையாக மாற, தனியார் மற்றும் பொதுத்துறை இரண்டும் நியாயமாகவும், வெளிப்படைத்தன்மையுடனும் இணைந்து செயல்பட வேண்டும். புதிய, நிலையான உற்பத்தி முறைகளை பயன்படுத்த விவசாயிகள் ஊக்கம் பெற வேண்டும். இந்த மாற்றங்களை வெற்றிகரமாக செயல்படுத்துவதற்கு அரசாங்கத்தின் பங்களிப்பு மிகவும் முக்கியமானது. பயனுள்ள கொள்கைகள், சட்டங்கள் மற்றும் அமைப்புகளை உருவாக்குவதும் இதில் அடங்கும்.

இந்தக் கொள்கைகள் நிலையான (Sustainable Development Goals (SDGs)) வளர்ச்சி இலக்குகளை அடைய உதவுகின்றன:

- SDG1: வறுமையைக் குறைத்தல் (Reducing Poverty)

- SDG2: பூஜ்ஜிய பசி (Zero Hunger)

- SDG3: நல்ல ஆரோக்கியம் மற்றும் நல்வாழ்வு (Good Health and Well-Being)

- SDG5: பாலின சமத்துவம் (Gender Equality)

- SDG6: சுத்தமான நீர் மற்றும் சுகாதாரம் (Clean Water and Sanitation)

- SDG8: ஒழுக்கமான வேலை மற்றும் பொருளாதார வளர்ச்சி (Decent Work and        

   Economic Growth)

- SDG11: நிலையான நகரங்கள் மற்றும் சமூகங்கள் (Sustainable Cities and Communities)

- SDG12: பொறுப்பான நுகர்வு மற்றும் உற்பத்தி (Responsible Consumption and 

   Production)

- SDG13: காலநிலை நடவடிக்கை (Climate Action)

- SDG14: தண்ணீருக்கு கீழே வாழ்க்கை (Life Below Water)

- SDG15: நிலத்தில் வாழ்க்கை (Life on Land)

- SDG16: அமைதி, நீதி மற்றும் வலுவான நிறுவனங்கள் (Peace, Justice, and Strong 

   Institutions)

நிலையான வேளாண்மையின் (sustainable agriculture) முறைகள் மற்றும் அவற்றின் நன்மைகள்:

இயற்கை வேளாண்மை (Organic farming) : நிலையான விவசாயத்திற்கு இயற்கை வேளாண்மை முக்கியமானது. சுற்றுச்சூழலை சமநிலையில் வைத்திருப்பது மற்றும் பயிர்களை வளர்ப்பதற்கு இயற்கை வளங்களைப் பயன்படுத்துவதில் கவனம் செலுத்துகிறது. இது செயற்கை உரங்கள் மற்றும் பூச்சிக்கொல்லிகளைத் தவிர்க்கிறது, இது மண்ணின் ஆரோக்கியத்தை பராமரிக்க உதவுகிறது. பயிற்சிகளில் பயிர்களின் சுழற்சிமுறை மற்றும் உரம்  போன்ற கரிம உரங்களைப் பயன்படுத்துவது ஆகியவை அடங்கும். இயற்கை வேளாண்மை சுற்றுச்சூழலுக்கு நல்லது. மாசுபாடு மற்றும் இரசாயனங்களால் ஏற்படும் உடல்நல பாதிப்புகளை கணிசமாக குறைக்கிறது. மேலும், கிராமப்புற வாழ்வாதாரத்தை ஆதரிக்கிறது. 

விவசாய உற்பத்தித்திறன் சில நேரங்களில் இங்கே கவலைக்குரிய விஷயமாக உள்ளது. வழக்கமான முறைகளுடன் ஒப்பிடும்போது இயற்கை  வேளாண்மையில் விளைச்சல் குறைவாக உள்ளது. இருப்பினும், மேம்பட்ட மண் வளம், குறைக்கப்பட்ட சுற்றுச்சூழல் தாக்கம் மற்றும் மேம்பட்ட பின்னடைவு ஆகியவற்றின் நீண்டகால நன்மைகள் இயற்கை வேளாண்மையை நிலையான விவசாய நடைமுறைகளின் முக்கிய அங்கமாக ஆக்குகிறது. 

பயிர் சுழற்சி (Crop rotation) : அடுத்தடுத்த பருவங்களில் ஒரே நிலத்தில் வெவ்வேறு பயிர்களை முறையாக மாறி மாறி பயிரிடும் நடைமுறை பயிர் சுழற்சி முறையாகும். இந்த முறை பூச்சி மற்றும் நோய் சுழற்சிகளை உடைப்பதன் மூலமும், இரசாயன உள்ளீடுகளை நம்பியிருப்பதைக் குறைப்பதன் மூலமும் மண்ணின் ஆரோக்கியத்தையும் வளத்தையும் கணிசமாக மேம்படுத்துகிறது. 

வேளாண் காடு வளர்ப்பு (Agroforestry) : பயிர் அல்லது விலங்கு உற்பத்தி அமைப்புகள் உட்பட விவசாய நிலப்பரப்புகளில் மரங்களை வளர்க்கும் நடைமுறையாகும். இது மிகவும் மாறுபட்ட மற்றும் நெகிழ்திறன் கொண்ட விவசாய முறையை உருவாக்குகிறது. சுற்றுச்சூழல், பொருளாதார மற்றும் முக தொடர்புகளை மேம்படுத்துவதன் மூலம் விவசாயத்தை மேலும் நிலையானதாக மாற்ற உதவுகிறது. மரம், பழங்கள் மற்றும் பிற மரம் சார்ந்த பொருட்களுடன் பாரம்பரிய பயிர்களின் உற்பத்தியை நிரப்புவதன் மூலம் விவசாயிகளின் வருமானத்தை அதிகரிக்கவும் இது உதவுகிறது. வேளாண் காடுகள் இயற்கையாகவே பூச்சிகள் மற்றும் நோய்களைக் கட்டுப்படுத்தும் பயனுள்ள பூச்சிகள் உட்பட பல்வேறு உயிரினங்களுக்கு வாழ்விடங்களை வழங்குவதன் மூலம் பல்லுயிர் பெருக்கத்தை ஊக்குவிக்கிறது. 

ஒருங்கிணைந்த பூச்சி மேலாண்மை (Integrated pest management (IPM)): 

ஒருங்கிணைந்த பூச்சி மேலாண்மை என்பது நிலையான வேளாண்மையின் ஒரு முக்கிய பகுதியாகும். குறைவான பூச்சிக்கொல்லிகளைப் பயன்படுத்தும் போது பூச்சிகளைக் கட்டுப்படுத்துவதை இது நோக்கமாகக் கொண்டுள்ளது. இயற்கை வேட்டையாடுபவர்களைப் பயன்படுத்துதல், வேளாண் நடைமுறைகளை மாற்றுதல் மற்றும் வாழ்விடங்களை மாற்றுதல் போன்ற பல்வேறு முறைகளை ஒருங்கிணைந்த பூச்சி மேலாண்மை பயன்படுத்துகிறது. அனைத்து பூச்சிகளையும் அகற்ற முயற்சிப்பதற்குப் பதிலாக, பயனுள்ள பூச்சிகளைப் பாதுகாத்து ஆரோக்கியமான சுற்றுச்சூழலைப் பராமரிக்கும் போது சேதத்தைத் தவிர்க்க பூச்சிகளின் எண்ணிக்கையை ஒருங்கிணைந்த பூச்சி மேலாண்மை குறைவாக வைத்திருக்கிறது.

 

பூஜ்ஜிய உழவு (Zero tillage) : பூஜ்ஜிய உழவு, உழவு இல்லாத வேளாண்மை  (no-till farming) என்றும் அழைக்கப்படுகிறது. இது பாரம்பரிய உழவு முறைகள் மூலம் மண் அடுக்குகளுக்கு எந்த சேதாரத்தையும் ஏற்படுத்தாமல் பயிர்களை வளர்க்கும் நடைமுறையாகும். இந்த அணுகுமுறை மண் கட்டமைப்பைப் பாதுகாக்கிறது மற்றும் இயற்கை வளத்தை மேம்படுத்துகிறது. இதன் விளைவாக ஏராளமான சுற்றுச்சூழல் மற்றும் பொருளாதார நன்மைகள் கிடைக்கின்றன. இந்த அமைப்பு சிறப்பு உபகரணங்களைப் பயன்படுத்தி விதைகளை நேரடியாக மண்ணில் விதைப்பதை உறுதி செய்கிறது. இந்த முறை மண் அரிப்பை (soil erosion) கணிசமாகக் குறைக்கிறது மற்றும் மண்ணில்  தண்ணீரைத் தேக்கி வைக்கும் திறனை மேம்படுத்துகிறது.

நீரியல் வளர்ப்பு அல்லது மண்ணில்லா வேளாண்மை (hydroponics) மற்றும் நீரியல் தாவர வளர்ப்பு (aquaponics) : நீரியல் வளர்ப்பு (hydroponics) என்பது மண்ணின் தேவை இல்லாமல், ஊட்டச்சத்து செறிவூட்டப்பட்ட நீர் ஊடகத்தில் தாவரங்களை வளர்க்கும் நுட்பமாகும். இந்த முறை மிகவும் வள-திறமையானது மற்றும் பாரம்பரிய மண் அடிப்படையிலான விவசாய முறைகளைவிட கணிசமாக குறைந்த நீர் தேவைப்படுகிறது. இது நிலைத்தன்மை இலக்குகளுடன் சரியாக சீரமைக்கப்படுகிறது. இந்த முறை கட்டுப்படுத்தப்பட்ட சுற்றுச்சூழல் அமைப்பை உள்ளடக்கியிருப்பதால், அதிகப்படியான பயன்பாடு காரணமாக நிலம் சீரழியும் அபாயத்தை இது கணிசமாகக் குறைக்கிறது மற்றும் பூச்சிக்கொல்லிகளின் தேவையை மேலும் குறைக்கிறது. 

நீரியல் தாவர வளர்ப்பு (aquaponics) :  என்பது வளரும் தாவரங்களையும் மீன் வளர்ப்பையும் இணைக்கும் ஒரு முறையாகும். மீன் கழிவுகள் தாவரங்களுக்கு ஊட்டச்சத்துக்களை வழங்குகின்றன. மேலும். தாவரங்கள் மீன்களுக்கான தண்ணீரை சுத்தம் செய்ய உதவுகின்றன.

காலநிலை மாற்றம் (Climate change) : இந்திய வேளாண்மை பருவமழையை மிகவும் சார்ந்துள்ளது. இதனால் அடிக்கடி ஏற்படும் வறட்சி மற்றும் வெள்ளம் போன்ற காலநிலை மாற்றங்களால் வேளாண்மை பாதிக்கப்படும். காலநிலை மாற்றம் பயிர் விளைச்சலைக் குறைக்கும், இது உணவின் அளவு மற்றும் தரம் இரண்டையும் பாதிக்கிறது. இது உணவுப் பாதுகாப்பு மற்றும் விவசாயிகளின் வாழ்வாதாரத்தை பெரிதும்  பாதிக்கும். 

மக்கள்தொகை (Population) : வளர்ந்து வரும் மக்கள்தொகை, ஏற்கனவே அழுத்தமாக உள்ள நமது விவசாய முறைகளில் அதிக அழுத்தத்தை ஏற்படுத்தும். நிலையான, இயற்கை விவசாய முறைகளுக்கு மாறுவது பயிர் விளைச்சலைக் குறைக்க வழிவகுக்கும், இது உணவுப் பாதுகாப்பிற்கு அச்சறுத்தலாக மாறும். பலர் வேலைகளுக்காக விவசாயத்தை நம்பியுள்ளனர். இது ஒரு தீவிர கவலையாக உள்ளது.

 

போதுமான அறிவு இல்லாமை (Lack of knowledge) : புதிய தொழில்நுட்பங்கள் மற்றும் நடைமுறைகளை ஏற்றுக்கொள்வது, மக்கள் எவ்வளவு விழிப்புணர்வுடன் இருக்கிறார்கள் என்பதைப் பொறுத்தது. நிலையான முறைகளைப் பயன்படுத்த விவசாயிகளை ஊக்குவிக்க பிரச்சாரங்கள், பட்டறைகள் மற்றும் வெற்றிக் கதைகளைப் பகிர்வதன் மூலம் விழிப்புணர்வை மேம்படுத்தலாம்.

 

அதிக மூலதன செலவு (High capital cost) : நிலைத்தன்மை விலை உயர்ந்ததாக இருக்கலாம். நிலையான விவசாயத்தைத் தொடங்குவதற்கு உள்கட்டமைப்பு, உபகரணங்கள் மற்றும் பொருட்களுக்கு நிறைய பணம் தேவைப்படுகிறது. சிறு விவசாயிகள் கடனைப் பெற போராடுகிறார்கள். இது அவர்களுக்கு நிலையான நடைமுறைகளைக் கடைப்பிடிப்பதை கடினமாக்குகிறது.

 

சந்தை அணுகல் மற்றும் அறுவடைக்குப் பிந்தைய இழப்புகள் (Market access and post-harvest losses) : இந்தியாவில், விளைபொருட்களை சந்தைக்குக் கொண்டு செல்வதும், அறுவடைக்குப் பிந்தைய இழப்புகளைச் சமாளிப்பதும் நிலையான விவசாயத்திற்கு பெரும் சவாலாக உள்ளது. நிலையான வேளாண்மை பெரும்பாலும் அழிந்து போகக்கூடிய மற்றும் மாறுபட்ட பயிர்களை உற்பத்தி செய்கிறது, அவை நல்ல கையாளுதல் மற்றும் சேமிப்பு தேவைப்படும். இருப்பினும், குளிர்பதன கிடங்கு பற்றாக்குறை மற்றும் மோசமான போக்குவரத்து போன்ற பிரச்சனைகள் அறுவடைக்குப் பிறகு அதிக பயிர் இழப்புக்கு வழிவகுக்கும். இது லாபத்தை குறைக்கிறது மற்றும் சுற்றுச்சூழல் நட்பு நடைமுறைகளை பின்பற்றுவதை கடினமாக்குகிறது.

"ஒரு பூமி, ஒரு குடும்பம், ஒரு எதிர்காலம்" (‘One Earth, One Family and One Future’) அணுகுமுறை மூலம் நிலையான வேளாண்மை மற்றும் உணவு முறைகளில் உள்ள சவால்களை நாம் எதிர்கொள்ள முடியும். நிலையான வேளாண்மைக்கான தேசிய திட்டம் (National Mission For Sustainable Agriculture (NMSA)) இதற்கு ஒரு முக்கிய பகுதியாகும். மேலும், இது காலநிலை மாற்றத்திற்கான தேசிய செயல் திட்டத்தில் (National Action Plan on Climate Change  (NAPCC)) எட்டு பணிகளில் ஒன்றாகும்.

  மேம்படுத்தப்பட்ட பயிர் விதைகள், கால்நடை மற்றும் மீன் வளர்ப்பு, நீர் பயன்பாட்டுத் திறன், பூச்சி மேலாண்மை, மேம்படுத்தப்பட்ட பண்ணை நடைமுறைகள், ஊட்டச்சத்து மேலாண்மை, விவசாய காப்பீடு, கடன் ஆதரவு, சந்தைகள், தகவல் அணுகல் மற்றும் வாழ்வாதார பல்வகைப்படுத்தல் போன்ற இந்திய விவசாயத்தை உள்ளடக்கிய பத்து முக்கிய பரிமாணங்களை மையமாகக் கொண்ட தொடர்ச்சியான தழுவல் நடவடிக்கைகள் மூலம் நிலையான விவசாயத்தை மேம்படுத்துவதை நிலையான வேளாண்மைக்கான தேசிய திட்டம் (National Mission For Sustainable Agriculture (NMSA)) நோக்கமாகக் கொண்டுள்ளது. 

நிலையான வேளாண்மைக்கான தேசிய திட்டம் (National Mission For Sustainable Agriculture (NMSA))  நிலையான வேளாண்மையின் பின்வரும் நோக்கங்களை கோடிட்டுக் காட்டியுள்ளது: 

  உள்ளூர் விவசாய முறைகள் மூலம் விவசாயத்தை அதிக உற்பத்தி, நிலையான, லாபம் மற்றும் காலநிலைக்கு ஏற்றதாக மாற்றுவதன் மூலம்  விவசாயத்தை மேம்படுத்தலாம். மண் மற்றும் நீர் பாதுகாப்பு முறைகளை பயன்படுத்தி இயற்கை வளங்களை பாதுகாக்கவும். மண் பரிசோதனை மூலம் மண் ஆரோக்கியத்தை நிர்வகித்தல், உரங்களை புத்திசாலித்தனமாக பயன்படுத்துதல் மற்றும் குறைந்த தண்ணீரில் அதிக பயிர்களை வளர்க்க நீர் பயன்பாட்டை மேம்படுத்துதல் ஆகியவை இதில் அடங்கும்.

வேளாண்மை விரிவாக்கம் மற்றும் தொழில்நுட்பத்திற்கான தேசிய இயக்கம் (National Mission on Agriculture Extension & Technology) மற்றும் தேசிய உணவுப் பாதுகாப்பு இயக்கம் (National Food Security Mission) போன்ற பிற திட்டங்களுடன் இணைந்து செயல்படும் விவசாயிகளுக்கும் மற்றவர்களுக்கும் காலநிலை மாற்றம் மற்றும் தணிப்பு ஆகியவற்றில் பயிற்சி அளிக்க வேண்டும்.

 

மகாத்மா காந்தி தேசிய ஊரக வேலைவாய்ப்பு உறுதித் (Mahatma Gandhi National Rural Employment Guarantee Scheme (MGNREGS)) திட்டம், ஒருங்கிணைந்த நீர்வடிப்பகுதி மேலாண்மைத் (Integrated Watershed Management Programme (IWMP)) திட்டம், ராஷ்ட்ரிய கிரிஷி விகாஸ் யோஜனா (Rashtriya Krishi Vikas Yojana (RKVY)) போன்ற பிற திட்டங்கள் / இயக்கங்களின் ஆதாரங்களைப் பயன்படுத்துதல். முக்கிய வழங்கல்களை நிறைவேற்றுவதற்காக துறைகளுக்கிடையேயான மற்றும் அமைச்சுகளுக்கிடையிலான ஒருங்கிணைப்பை மேம்படுத்த வேண்டும். 

காலநிலை மாற்றத்தை எதிர்த்துப் போராடுவதற்கும் நமது விவசாய முறைகளை வலுப்படுத்துவதற்கும் நிலையான வேளாண்மை (sustainable agriculture) முக்கியமானது. வளங்களை தேவையறிந்து பயன்படுத்துவதன் மூலமும், வாழ்வாதாரத்தை மேம்படுத்துவதன் மூலமும், நியாயமான வளர்ச்சியை ஆதரிப்பதன் மூலமும் இது உதவுகிறது. இந்த அணுகுமுறை நீடித்த சுற்றுச்சூழல் ஆரோக்கியம், பொருளாதார வெற்றிக்கு வழிவகுக்கிறது.

Original article:

https://indianexpress.com/article/upsc-current-affairs/upsc-essentials/sustainable-agriculture-objectives-methods-and-challenges-upsc-9523901/ 

Read More →

வயநாட்டு துயரத்துக்குப் பிறகு, சாமானிய மக்கள் தங்கள் பாரம்பரிய உரிமையைப் பெறுவதற்கு அதிகாரம் அளிக்க வேண்டிய நேரம் இது -மாதவ் காட்கில்

 இன்று, பெரும்பாலான மக்கள் சுற்றுச்சூழல் சேதத்தின் செலவுகளை அமைதியாக ஏற்றுக்கொள்கிறார்கள். இது அனைத்து வகையான அரசியல்வாதிகளுடனும் அதிகார வர்க்கத்துடனும் கூட்டணி வைத்து பணக்காரர்கள் மற்றும் சக்திவாய்ந்த நபர்களின் ஒரு சிறிய குழுவின் குறுகிய நலன்களுக்கு சேவை செய்கிறது. ஆனால் இங்கே நான்கு சிறிய, ஆக்கப்பூர்வமான படிகள் மக்கள் ஒன்றிணைந்து வள மேலாண்மையில் ஒரு பெரிய கருத்தைக் கோருகின்றன 

கிறிஸ்துவின் அன்பைப் பற்றிய போதனைகளைக் கொண்டு மகாத்மா காந்தி ஆழ்ந்த தாக்கத்தை ஏற்படுத்தினார். புதிய ஏற்பாட்டின் மத்தேயு 5:5 வசனம், "சாந்தகுணமுள்ளவர்கள் பாக்கியவான்கள், ஏனென்றால் அவர்கள் பூமியைச் சுதந்தரித்துக்கொள்வார்கள்" என்பது அவருக்கு குறிப்பாக முக்கியமானதாக இருக்கிறது. இன்றைய இந்தியாவில், பெரும்பான்மையானவர்கள் சுற்றுச்சூழல் சேதத்தின் செலவுகளை அமைதியாக ஏற்றுக்கொள்கிறார்கள். இது அதிகார வர்க்கத்தினருடனும், அனைத்து வகையான அரசியல்வாதிகளுடனும் கூட்டணி வைத்துள்ள பணக்காரர்கள் மற்றும் சக்திவாய்ந்த நபர்களின் ஒரு சிறிய குழுவின் குறுகிய நலன்களுக்கு சேவை செய்கிறது. ஆனால், அண்மையில் வயநாட்டில் உள்ள மேப்பாடியில் ஏற்பட்ட நிலச்சரிவில் 400-க்கும் மேற்பட்டோர் உயிரிழந்ததாக மதிப்பிடப்பட்டுள்ளது. இதன் விளைவால், துன்பங்கள் மற்றும் உயிர் இழப்புகள் தேசத்தின் மனசாட்சியை எழுப்பத் தொடங்கியுள்ளன.

மலைப்பிரதேசங்களில் பாறைகளை வெட்டியெடுத்தல், சுரங்கம் தோண்டுதல், சாலைகள் அமைத்தல் மற்றும் மலைச்சரிவுகளில் கட்டிடங்கள் கட்டுதல் போன்ற மனித தலையீடுகளின் வளர்ந்து வரும் வேகத்தினால் அனைத்து இயற்கை அமைப்பிலும் நிலச்சரிவுகள் அடிக்கடி ஏற்படுகின்றன. மேற்குத் தொடர்ச்சி மலையின் சில பகுதிகளில் உள்ள உள்ளூர் சமூகங்களிடமிருந்து கருத்துக்களைப் பெற்ற பின்னர் இதுபோன்ற நடவடிக்கைகள் தடை செய்யப்பட வேண்டும் என்று நமது மேற்குத் தொடர்ச்சி மலை சூழலியல் நிபுணர் குழு (Western Ghats Ecology Expert Panel (WGEEP)) பரிந்துரைத்தது. 

ஆரம்பத்தில் வளர்ச்சிக்கு எதிரானது என்று அரசாங்கத்தால் மறைக்கப்பட்ட மேற்குத் தொடர்ச்சி மலை சூழலியல் நிபுணர் குழு (WGEEP) அறிக்கை, மே 2012 இல் தகவல் அறியும் உரிமை விசாரணையால் தூண்டப்பட்டபோது, இதன் தகவல் பகிரங்கப்படுத்தப்பட்டது. அது வெளிவந்தபோது, தவறான தகவல்களின் பிரச்சாரத்தின் ஆதரவுடன் எதிர்ப்பு அலை தீவிரமடைந்தது. ஆனால் பல்வேறு மேற்குத் தொடர்ச்சி மலை மாநிலங்களில் சமூகத்தின் பல்வேறு பிரிவுகளிடமிருந்தும் கணிசமான அளவு ஆதரவு இருந்தது. குறிப்பாக கேரளாவில் இது தெளிவாகத் தெரிந்தது. ஏனென்றால், மலையாள மொழிபெயர்ப்பால் தகவல்கள் கணிசமான எண்ணிக்கையிலான மக்களைச் சென்றடைந்தது. ஆகையால், விரிவுரைகளுக்கும், தங்களின் வருகைகளுக்கும் பல அழைப்புகள் கிடைத்தன. அதே சமயம் மிரட்டல்களும் வந்தன. எனக்கு காவல் பாதுகாப்பு அளிப்பது புத்திசாலித்தனம் என்று கேரள அரசு முடிவு செய்தது. 2013-ம் ஆண்டில் பத்தனம்திட்டா மாவட்டத்தில் உள்ள செம்பன் முடிக்கு நான் அத்தகைய ஒரு பயணத்தை மேற்கொண்டேன். இந்த மலைகளில் உள்ள இரண்டு இராட்சத குவாரிகளில் கிரானைட் குவாரி மற்றும் உடைத்தல் பத்தாண்டு காலமாக நடந்து வருகிறது. டீசல் உமிழ்வு மற்றும் குவாரி தூசி ஆகியவை உள்ளூர் மக்களிடையே ஆஸ்துமா, நுரையீரல் புற்றுநோய், மூச்சுக்குழாய் அழற்சி மற்றும் காசநோய் வழக்குகளைத் தூண்டின. நிலச்சரிவுகள் ஏற்பட்டு, நீரோடைகளும், விவசாயமும் கடுமையாக பாதிக்கப்பட்டன. சுரங்கத் தொழிலாளர்களைப் பற்றிய திகில் கதைகள் இருந்தன. பெரும்பாலும் ஜார்க்கண்ட் பழங்குடியினர் சுரங்கங்களால் ஏற்பட்ட பேரழிவு காரணமாக தங்கள் நிலங்களிலிருந்து விரட்டப்பட்டனர். அவர்கள் நண்பர்கள் மற்றும் உறவினர்களுடனான அனைத்து தொடர்புகளையும் இழந்துவிட்டனர். மேலும், தற்செயலான மரணம் ஏற்படும் போதெல்லாம், குவாரி உரிமையாளர்கள் உடலை ஆழமான குவாரி குழியில் வீசி, பாதிக்கப்பட்டவரின் அனைத்து தடயங்களையும் அழித்ததாக வதந்தி பரவியது. 

தற்போது நடைபெற்று வரும் குண்டுவெடிப்பை நிறுத்துமாறு புவியியல் ஆய்வு மையம் (Geological Survey) கடுமையாக பரிந்துரைத்துள்ளது. ஆனால், மாவட்ட நிர்வாகம் இந்த அறிவுரையை புறக்கணித்து, குவாரி நடத்துபவருக்கு தொடர்ந்து ஆதரவாக இருந்தது. இதை இனியும் பொறுத்துக் கொள்ள முடியாமல், குவாரி மற்றும் உடைப்பதை எதிர்த்து மக்கள் ஒரு ஆண்டுகால தீவிரமாக இயக்கத்தைத் தொடங்கினர். மார்ச் 21, 2013 அன்று, போராட்டக்காரர்கள், பெரும்பாலும் நூற்றுக்கும் மேற்பட்ட குடும்பஸ்ரீ பிரிவுகளைச் (Kudumbashree units) சேர்ந்த பெண்கள், செம்பன் முடிக்கு அணிவகுத்துச் சென்றனர். அவர்கள் வலுக்கட்டாயமாக நடவடிக்கைகளை நிறுத்தினர்.

2013-ம் ஆண்டில், குவாரி தொழிலாளர்கள் நண்பர்கள் மற்றும் உறவினர்களுடனான அனைத்து தொடர்புகளையும் இழந்தனர். இருப்பினும், 2015-க்குப் பிறகு நிலைமை வியத்தகு முறையில் மாறியது. உள்ளூர் மொழி ஆதரவு மற்றும் ஆடியோ/வீடியோ அம்சங்களுடன் கூடிய அலைபேசிகள் சாதாரண மக்களுக்கு மலிவு விலையில் மாறியது. இன்று, மகாராஷ்டிராவின் கட்சிரோலி மாவட்டத்தின் தொலைதூர நக்சல்களால் பாதிக்கப்பட்ட கிராமங்களில் படிக்காத பழங்குடியினர் ஒருவருக்கொருவர் மற்றும் வெளியில் உள்ள நண்பர்களுடன் தொடர்ந்து தொடர்பில் இருக்கிறார்கள். பீகாரில், நிலமற்ற கல்வியறிவற்ற பெண்கள், தங்கள் ஆடுகளைப் படம் எடுக்க, தங்கள் அலைபேசியைப் பயன்படுத்துகின்றனர். அவர்கள் இந்தப் படங்களைப் பதிவேற்றி, தங்கள் ஆடுகளை இணையவழியில், சில சமயங்களில் 500-600 கிமீ தொலைவில், OLX போன்ற தளங்களில் 40 சதவீதம் அதிக விலையில் விற்கிறார்கள்.

எனவே, இவ்வாறு அதிகாரம் பெற்ற, இதுவரை இந்தியாவில் உள்ள சாமானியர்கள், இப்போது தங்கள் நாட்டின் வளங்களுக்கு உரிமை கோர முன்வருவார்கள் என்ற நம்பிக்கை உள்ளது. இயற்கையாகவே, இது சிறிய மற்றும் ஆக்கபூர்வமான படிகளுடன் தொடங்க வேண்டும். வயநாட்டு மக்களுக்காகவும், அதேபோன்று இருக்கும் பிற நாட்டு மக்களுக்காகவும் இதுபோன்ற நான்கு படிகளை நான் முன்மொழிகிறேன். முதலில், அனைத்து பாறை குவாரிகளையும் குடும்பஸ்ரீ குழுக்களிடம் (Kudumbashree groups) ஒப்படைக்க வேண்டும். 1991-ம் ஆண்டு கட்சிரோலி மாவட்டத்தில் உள்ள முற்போக்கான மெந்தா (லேகா) கிராமத்தில் இதேபோன்ற மகளிர் சேமிப்புக் குழுவின் அனுபவம், பெண்கள் இதுபோன்ற சவாலை திறம்படக் கையாள முடியும். இதனால், உள்ளூர் வேலைவாய்ப்பை உருவாக்கி, சுற்றுச்சூழலை கவனமாக கவனித்து லாபம் ஈட்ட முடியும் என்பதைக் காட்டுகிறது. இரண்டாவதாக, மேலும் சுற்றுலா விடுதிகளை அனுமதிக்காதீர்கள். அதற்குப் பதிலாக, பழங்குடியினரால் ஏற்பாடு செய்யப்பட்ட தங்கும்விடுதிகளுக்கான துறையை ஒதுக்குங்கள். இது கோவாவில் ‘வேலிப்’ பழங்குடியினரால் (Velip tribe) திறம்பட செய்யப்பட்டுள்ளது மற்றும் சிக்கிம் மாநிலத்தில் உள்ளது. மூன்றாவதாக, தேயிலை தோட்டத் தொழிலாளர்களை ஒழுக்கமான ஊதியத்தில் பணியமர்த்தும் நன்கு ஒழுங்கமைக்கப்பட்ட தொழிலாளர் கூட்டுறவு நிறுவனங்களுக்கு தேயிலை மாநில நிர்வாகத்தை ஒப்படைத்து அவர்களுக்கு கண்ணியமான வீடுகளை வழங்க வேண்டும்.

நான்காவதாக, வனவிலங்கு பாதுகாப்புச் சட்டத்தை (Wildlife Protection Act(WLPA)) சட்டப்பூர்வமாக கேள்விகேட்க வேண்டும். வனவிலங்கு பாதுகாப்புச் சட்டத்தின் (WLBA) கீழ், விலங்குகளை வேட்டையாடுவதற்கு எதிராக தங்களை தற்காத்துக் கொள்வதைத் தடுக்கிறது. உதாரணமாக, வீடுகள் மற்றும் வயல்களில் இருந்து விலங்குகளை விரட்டுவதற்கு அதிகாரப்பூர்வ அனுமதி தேவை. இருப்பினும், இந்திய தண்டனைச் சட்டம், பிரிவுகள் 100 மற்றும் 103, தீங்கு விளைவிக்கவோ அல்லது மரணமடையவோ அனுமதிக்கிறது. அதில் ஒன்று, தவறு செய்பவரின் தாக்குதல் மரணம் அல்லது கடுமையான காயம் பற்றிய நியாயமான பயத்தை உருவாக்குகிறது. இரண்டாவது, தவறு செய்பவர் வீடு அல்லது சொத்து அத்துமீறல் அல்லது கொள்ளை செய்கிறார். காட்டுப் பன்றிகளும், யானைகளும் அவ்வப்போது மக்களைக் கொன்று குவித்துள்ளன. பெரும்பாலும் விவசாயிகளின் உடைமைகளில் அத்துமீறி நுழைந்து விவசாய விளைபொருட்களைக் கொள்ளையடித்துள்ளன. புலிகளும் சிறுத்தைகளும் மக்களையும் அவர்களின் கால்நடைகளையும் கொல்கின்றன. தமது அடிப்படை உரிமை மீறல்களை இனியும் எமது மக்கள் சகித்துக் கொள்ளக் கூடாது. 

சாமானிய மக்கள் தங்கள் அமைதியான நிலைமையை உதறித் தள்ளிவிட்டு, தங்கள் நியாயமான பரம்பரையைக் கோரும் ஒரு புதிய விடியலை நாம் விரைவில் காண்போம் என்று நான் நம்புகிறேன். 

கட்டுரையாளர் ஒரு சூழலியலாளர் மற்றும் மேற்குத் தொடர்ச்சி மலை சூழலியல் நிபுணர்கள் குழுவின் தலைவர் ஆவார்.

Original article:

https://indianexpress.com/article/opinion/columns/wayanad-time-empower-common-people-claim-rightful-inheritance-9523710/ 

Read More →

நீண்ட காலத்திற்கு வேலைவாய்ப்பை உருவாக்குதல் - ராஜீவ் கவுடா, ஆகாஷ் சத்யவாலி

 அத்தியாவசிய பொதுச் சேவைகளில் நீண்டகால முதலீட்டுத் திட்டத்திற்கு அரசாங்கம் ஒரு விரிவான பொருளாதார தொகுப்பை நம்பியிருக்க வேண்டும். 

நிதிநிலை அறிக்கையில் உள்ள ஒரு பெரிய குறைபாடு என்னவென்றால், நிதியமைச்சர் பெரிய அறிவிப்புகளை நிதிநிலை அறிக்கை தாக்கலின் போது வெளியிடுகிறார்.  அவை தலைப்புச் செய்திகளில் இடம்  பிடிக்கின்றன. ஆண்டுதோறும் தாக்கல் செய்யப்படும் நிதிநிலை அறிக்கைகளில் இதே நிலையே தொடர்கிறது. ஆனால், கடந்த ஆண்டு அறிவிக்கப்பட்ட திட்டங்கள் வெற்றிகரமாக செயல்படுத்தப்பட்டதா என்பதை யாரும் சரிபார்க்கவில்லை. 

வேலைவாய்ப்பு வாக்குறுதிகள் 

சில ஆண்டுகளாக, தற்போதைய நிதியமைச்சர் மிகப்பெரிய பங்கு விலக்கல் இலக்குகளை அறிவிப்பது வழக்கம். இதன் மூலம் கிடைக்கும் வருவாய் நிதிப் பற்றாக்குறையைக் குறைக்கும் என்ற எண்ணம் இருந்தது. இருப்பினும், இந்த முயற்சிகள் எதுவும் வெற்றி பெறவில்லை, ஒரு அரசாங்க நிறுவனம் மற்றொன்றில் பங்குகளை வாங்கியதைத் தவிர, புதிய முயற்சிகளை உருவாக்கவில்லை. இந்த ஆண்டு, பங்கு விற்பனைக்குப் பதிலாக, வேலைவாய்ப்பு அறிவிப்புகளில் கவனம் செலுத்தப்பட்டது. அரசாங்கம் இறுதியாக வேலை நெருக்கடியை ஒப்புக் கொண்டது .ஆனால், இந்த வாக்குறுதிகளும் நிறைவேற்றப்படாமல் போகலாம். இந்த அறிவிப்புகள் வெளியாகி ஒரு மாதமாகியும் குறிப்பிடத்தக்க முன்னேற்றம் இல்லை. 

வேலையின்மையை சமாளிக்க ஐந்து திட்ட தொகுப்பை நிதியமைச்சர் அறிவித்தார். காங்கிரஸின் தேர்தல் அறிக்கைகளிலிருந்து அரசாங்கம் இதனை எடுத்தது போல் உள்ளது. அடுத்த ஐந்து ஆண்டுகளில் 1 கோடி பயிற்சியாளர்களை எடுக்க கார்ப்பரேட்டுகளை ஊக்குவிப்பதை நோக்கமாகக் கொண்டது. இருப்பினும், இந்த திட்டத்தின் வடிவமைப்பு வெற்றி பெற வாய்ப்பில்லை. இன்டர்ன்ஷிப் திட்டம் (internship programme) முதல் 500 நிறுவனங்களால் நடத்தப்பட வேண்டும். ஆனால் இது சிறு மற்றும் நடுத்தர நிறுவனங்களை விலக்குகிறது. அவை குறைந்த கட்டண பயிற்சியாளர்களிடமிருந்து பயனடையக்கூடும். 

அறிவிக்கப்பட்ட அளவுகோல் ஒவ்வொரு நிறுவனமும் ஒவ்வொரு ஆண்டும் 4,000 பயிற்சியாளர்களை எடுக்க வேண்டும் என்பதாகும். பெரும்பாலான நிறுவனங்களில் 4,000 நிரந்தர ஊழியர்கள்கூட இல்லை. செயற்கை நுண்ணறிவு அதிக வேலைகளை தேவையற்றதாக மாற்றியுள்ள நிலையில், நிறுவனங்கள் ஏன் குறுகிய காலத்தில் தங்கள் பணியாளர்களை இரட்டிப்பாக்குகின்றன அல்லது மும்மடங்காக்குகின்றன? அடுத்த நாள், நிதியமைச்சர் இந்த திட்டம் கட்டாயம் அல்ல, ஒரு பரிந்துரை மட்டுமே என்று தெளிவுபடுத்தினார். 

காங்கிரஸின் பயிற்சிக்கான உரிமை திட்டம் (Congress’s Right to Apprenticeship proposal) அனைத்து நிறுவனங்களும் திறக்க திட்டமிடப்பட்டது மற்றும் வேலை தேடுபவர்கள் மற்றும் முதலாளிகளின் தேவைகளைப் பூர்த்தி செய்யும் ஒரு பயிற்சிச் சட்டத்தை அடிப்படையாகக் கொண்டது. தேவையான சூழலில் வேலையில் கற்றுக்கொள்ள இளைஞர்களுக்கு வாய்ப்பு கிடைக்கும்போது, அவர்களின் திறன்கள் மேம்படுகின்றன என்பதை இது அங்கீகரித்தது. இது அவர்களின் கல்வி மற்றும் பயிற்சியில் உள்ள குறைபாடுகளை சமாளிக்க உதவுகிறது. ஆனால், இந்த முக்கிய விவரங்கள் எதையும் அரசு ஒப்புக் கொள்ளவில்லை. 

வேலைவாய்ப்புடன் இணைக்கப்பட்ட ஊக்கத்தொகைகள் கொள்கையளவில் ஒரு நல்ல யோசனையாகும். ஆனால், தோல்வியடையக் கூடிய நடவடிக்கைகளைத் தேர்ந்தெடுத்ததன் மூலம் அரசாங்கம் தவறு செய்துவிட்டுள்ளது. ஆத்மநிர்பர் பாரத் தொகுப்பைப் (Atmanirbhar Bharat package) போலவே, பெரும்பாலும் தேவை இல்லாததால் இயக்கப்படும் சிக்கல்களைத் தீர்க்க அரசாங்கம் விநியோக பக்க நடவடிக்கைகளை நம்பியுள்ளது. இது ஆட்சேர்ப்பு செலவில் ஒரு பகுதியை நிதியளிக்க முன்வருகிறது. ஆனால் தேவை அதிகரிக்கவில்லை மற்றும் உற்பத்தி திறன் அப்படியே இருந்தால், எந்த நிறுவனம் அதிக தொழிலாளர்களை வேலைக்கு அமர்த்துவதன் மூலம், லாபத்தை குறைக்கும் அபாயகரமாண முயற்சியை எடுக்கும்? 

வேலையின்மை 

நிதிநிலை அறிக்கைக்கு முன்பு, சிட்டிகுரூப் இன்க் (Citigroup Inc) நிறுவன அறிக்கை ஒன்று தற்போதைய வேலை நெருக்கடியை உயர்த்திக் காட்டியது. இது அரசாங்கத்தை எச்சரித்தது. 2019-20-ஆம் ஆண்டு மற்றும் 2023-24-ஆம் ஆண்டுக்கு இடையில் சுமார் 109 மில்லியன் வேலைகள் உருவாக்கப்பட்டதாகக் கூறி இந்திய ரிசர்வ் வங்கி (RBI) விரைவாக தரவுகளை வெளியிட்டது. ரிசர்வ் வங்கியின் தரவுகளை வல்லுநர்கள் கேள்வி எழுப்பியுள்ளனர், ஏனெனில் இது மக்கள் தொகை தரவு மற்றும் பல்வேறு வேலைவாய்ப்பு கணக்கெடுப்புகளிலிருந்து வெளிக்கணிப்பை நம்பியுள்ளது. சமீபத்திய காலமுறை தொழிலாளர் நலன் கணக்கெடுப்புடன் (Periodic Labour Force Survey (PLFS)) ஒப்பிடும்போது வேலைவாய்ப்பு உருவாக்கத்தின் கூற்றுக்கள் நிற்கவில்லை. இது 2019-20-ஆம் ஆண்டு முதல் தொழிலாளர் பங்கேற்பு விகிதம் 4% மட்டுமே அதிகரித்துள்ளது என்பதைக் காட்டுகிறது. 109 மில்லியன் புதிய வேலைகள் தோற்றுவிக்கப்பட்டிருந்தால், தொழிலாளர் தொகுப்பு எண்ணிக்கையில் தீவிர அதிகரிப்பு இருந்திருக்கும். 

பெரும்பாலான வேலைவாய்ப்புகள் வேளாண்மை மற்றும் சுய வேலைவாய்ப்புக்கு நகரும் மக்களிடமிருந்து வருகின்றன. கிட்டத்தட்ட 46% தொழிலாளர்கள் விவசாயத்தில் பணியமர்த்தப்பட்டுள்ளனர். விவசாய வருமானம் கணிசமாக அதிகரிக்கவில்லை என்பதால், வேறு எங்கும் சிறந்த வேலைகள் கிடைக்காததால் மக்கள் பண்ணைகளில் வேலை செய்கிறார்கள் என்பது தெளிவாகிறது. மேலும், 2024-25-ஆம் ஆண்டில், 24.8 லட்சம் புதிய நபர்கள் மகாத்மா காந்தி தேசிய ஊரக வேலை உறுதித் திட்டம் (Mahatma Gandhi National Rural Employment Guarantee Act (MGNREGA)) சேர்க்கப்பட்டுள்ளதாக  தரவு காட்டுகிறது. ஒட்டுமொத்தமாக 5.8 கோடி பேர் வேலை இல்லாத சூழ்நிலையில் உள்ளனர். இந்த அதிகரிப்பு கிராமப்புறங்களில் அதிக வேலையின்மையை  உணர்த்துகிறது. 

'மேக் இன் இந்தியா' (Make in India) திட்டம் கடந்த பத்தாண்டுகளில், தொழிலாளர் தொகுப்பில் உற்பத்தித் துறையின் பங்கு 2011-12-ஆம் ஆண்டில் 12.6% ஆக இருந்து 2022-23-ஆம் ஆண்டில் 11.4% ஆக குறைந்தது. ஜவுளி, மின்னணுவியல், தோல் மற்றும் காகித பொருட்கள் போன்ற வேலைவாய்ப்புகளை உருவாக்கும் துறைகளில் தொழில்துறை உற்பத்தி எதிர்மறையாக உள்ளது. 

  அண்மையில் டெல்லியில் அரசுத் தேர்வுகளுக்குத் தயாராகிக் கொண்டிருந்த மூன்று மாணவர்கள் நீரில் மூழ்கி உயிரிழந்த சம்பவம், போட்டித் தேர்வுகளில் தேர்ச்சி பெற மாணவர்கள் எதிர்கொள்ளும் கடுமையான நிலைமைகளைக் காட்டுகிறது. லட்சக்கணக்கான மக்கள் இந்த போராட்டத்தை எதிர் கொள்கிறார்கள். ஏனென்றால், சமூக முன்னேற்றத்தை அடைய அரசாங்க வேலை மட்டுமே ஒரே வழி என்று அவர்கள் நம்புகிறார்கள். 

  மக்களவையில் மத்திய பணியாளர் நலத்துறை அமைச்சகம் (Ministry of Personnel) அளித்த பதிலில், பாஜக அரசின் முதல் 8 ஆண்டுகளில் 22 கோடி அரசு வேலைவாய்ப்பு விண்ணப்பங்கள் பெறப்பட்டதாகவும், ஆனால் 7.2 லட்சம் பேருக்கு மட்டுமே வேலை வழங்கப்பட்டதாகவும் தெரிவிக்கப்பட்டுள்ளது. மத்திய அரசின் பல்வேறு நிலைகளில் அனுமதிக்கப்பட்ட பதவிகளில் கிட்டத்தட்ட 30 லட்சம் காலியிடங்கள் உள்ளன. சரியான நேரத்தில் ஆட்சேர்ப்பை உறுதி செய்வதன் மூலமும், பரீட்சை வினாத்தாள் கசிவைத் தடுப்பதன் மூலமும் அரசாங்கம் ஒரு மாற்றத்தை ஏற்படுத்த முடியும். 

வெறும் ஆலோசனைகளை வழங்குவதற்குப் பதிலாக, அத்தியாவசிய பொதுச் சேவைகளில் நீண்டகால முதலீட்டிற்கான பொருளாதார தொகுப்பை அரசாங்கம் அறிமுகப்படுத்தியிருக்க வேண்டும். வேளாண் சார்ந்த பணிகளில் கவனம் செலுத்துவது பல நன்மைகளை வழங்கும். சேவைகளின் பற்றாக்குறையை நிவர்த்தி செய்வது வாழ்க்கைத் தரத்தை பெரிதும் மேம்படுத்தும், உற்பத்தி செய்யும் பணியாளர்களை உருவாக்க உதவும் மற்றும் பல வேலைகளை உருவாக்கும். 

எம்.வி.ராஜீவ் கவுடா, முன்னாள் பாராளுமன்ற உறுப்பினர், காங்கிரஸின் ஆராய்ச்சித் துறைத் தலைவர். ஆகாஷ் சத்யவாலி, காங்கிரஸ் தேசிய ஒருங்கிணைப்பாளர்.

Original article:

https://www.thehindu.com/opinion/op-ed/creating-employment-in-the-long-run/article68547263.ece   

Read More →

பிற்போக்குத்தனமான நடவடிக்கை : பெண்களுக்கான இரவுப் பணியைக் குறைப்பது பற்றி . . .

 பெண்களின் வேலை நேரத்தைக் குறைப்பது அவர்களின் பாதுகாப்பை உறுதி செய்வதற்கான வழி அல்ல. 

ஆகஸ்ட் 9-ம் தேதி கொல்கத்தாவின் ஆர்.ஜி.கார் மருத்துவமனையில் பணியில் இருந்த ஒரு பெண் மருத்துவர் கொடூரமாக கொல்லப்பட்ட பின்னர், எதிர்பாராத அறிவிப்பு வெளியிடப்பட்டுள்ளது. பெண்களின் இரவு நேர கடமையை "முடிந்தவரை" குறைக்க வேண்டும் என்று மேற்கு வங்க அரசு ஒரு வழிகாட்டுதலை வெளியிட்டது. இந்த அணுகுமுறையானது பணியிடத்தில் பெண்களுக்கான பாதுகாப்பை உறுதி செய்யாது. மாறாக, இந்த வழிகாட்டுதல் வன்முறையைத் தடுப்பதற்குப் பதிலாக, பெண்களை தொழிலாளர் தொகுப்பிலிருந்து வெளியேற்ற வழிவகுக்கும். இந்தியாவின் நகர்ப்புற பெண்கள், 15 வயது மற்றும் அதற்கு மேற்பட்டவர்கள், ஏப்ரல்-ஜூன் 2024-ல் 25.2% குறைந்த தொழிலாளர் பங்கேற்பு விகிதத்தைக் (labour force participation rate) கொண்டிருந்தனர் என்று காலமுறை தொழிலாளர் வள கணக்கெடுப்பு (Periodic Labour Force Survey) தெரிவிக்கிறது. சுகாதாரப் பாதுகாப்பு வல்லுநர்கள், கிக் மற்றும் தொழிற்சாலைப் பணியாளர்கள், அழைப்பு மைய (கால் சென்டர்) ஊழியர்கள், வாகனம் ஓட்டுநர்கள், உணவக வேலை மற்றும் பத்திரிகையாளர்கள் போன்ற பல்வேறு தொழில்களில் உள்ள பெண்கள் எந்த நேரத்திலும் இடத்திலும் பாதுகாப்பாக வேலை செய்ய முடியும் என்பதை ஒன்றிய மற்றும் மாநில அரசுகள் உறுதி செய்ய வேண்டும். அவர்களின் வேலை நேரத்தைக் குறைப்பது வேலை இழப்பு மற்றும் பெண்களுக்கு நிதி சுதந்திரத்தை இழக்க மட்டுமே வழிவகுக்கும். 'ரத்திரேர் ஷாதி (இரவின் உதவியாளர்கள்)' (Rattirer Shaathi (helpers of the night)) திட்டத்தின் கீழ் உள்ள பிற வழிகாட்டுதல்களில் பெண்களுக்கு தனி ஓய்வறைகள் மற்றும் கழிப்பறைகள், கண்காணிப்புகளுடன் பாதுகாப்பான மண்டலங்களை உருவாக்குதல் மற்றும் சிறப்பு மொபைல் பயன்பாடு ஆகியவை அடங்கும். இந்த நடவடிக்கைகள் பெரும்பாலும் ஏற்கனவே நடைமுறையில் இருந்திருக்க வேண்டும். 

கொல்கத்தா வழக்கை தானாக முன்வந்து விசாரித்த உச்சநீதிமன்றம், மருத்துவர்கள் மற்றும் மருத்துவ நிபுணர்களின் பாதுகாப்பை நிவர்த்தி செய்ய தேசிய பணிக்குழுவை (national task force) உருவாக்குவதாக செவ்வாய்க்கிழமை அறிவித்தது. பாலின வன்முறை என்பது ஒவ்வொரு பகுதியிலும், குறிப்பாக பல பெண்கள் பணிபுரியும் முறைசாரா துறையில் ஒரு தீவிரமான பிரச்சினையாக உள்ளது. 2012 டெல்லி பாலியல் வன்முறைக்குப் பிறகு செய்யப்பட்ட மாற்றங்கள், கடுமையான சட்டங்கள் மற்றும் தண்டனைகள் போன்றவை போதுமானதாக இல்லை. தேசிய குற்ற ஆவணக் காப்பகத்தின் (National Crime Records Bureau (NCRB) 2022-ன் அறிக்கையின் சமீபத்திய தகவல்களானது, பெண்களுக்கு எதிரான 4.45 லட்சம் குற்ற வழக்குகள் பதிவு செய்யப்பட்டுள்ளன என்கின்றன. இது ஒவ்வொரு மணி நேரத்திற்கும் கிட்டத்தட்ட 51 வழக்குகளுக்குச் சமம். நெறிமுறைகள் வெறும் காகிதத்தில் இருக்க முடியாது என்று உச்சநீதிமன்ற தலைமை நீதிபதி டி.ஒய்.சந்திரசூட் கூறினார். 2017-ம் ஆண்டில், 2012 டெல்லி பாலியல் வன்முறையில் குற்றம் சாட்டப்பட்ட நான்கு ஆண்களின் மரண தண்டனையை உறுதிப்படுத்தியபோது, நீதிபதி ஆர்.பானுமதி, பெண்களுக்கு எதிரான வன்முறையை எதிர்த்துப் போராடுவதற்கு மனநிலையில் சமூக மாற்றம் மற்றும் பாலின நீதி குறித்த பொது விழிப்புணர்வுடன் பயனுள்ள சட்ட அமலாக்கம் முக்கியமானது என்று குறிப்பிட்டார். ஆர்.ஜி. கார் பாலியல் வன்முறைக்குப் பிறகு பெண்கள் தலைமையிலான பிரச்சாரங்கள், கொல்கத்தாவிலும் பிற இடங்களிலும் "இரவை மீட்டெடுப்பது" (reclaim the night) போன்ற போராட்டங்கள், பெண்களுக்கான சரியான நடவடிக்கைகளை எடுக்க, அரசாங்கங்களையும் சமூகத்தையும் எச்சரிக்க வேண்டும்.

Original article:

https://www.thehindu.com/opinion/editorial/%E2%80%8Bregressive-move-on-minimising-night-duty-for-women/article68547172.ece  

Read More →

நிலையான பெரு வேலைவாய்ப்புக்கான ஒரு அடிப்படைத் திட்டம் - அமர்ஜித் சிஹ்னா

 இந்த 12 அம்ச கொள்கை முன்முயற்சிகள் (12-point policy initiatives) மக்களின் கண்ணியத்தைக் காக்கும் வேலைவாய்ப்புகளை உருவாக்க உதவும்.

  ஐந்து ஆண்டுகளில் வேலைவாய்ப்புகளை உருவாக்க ₹2 லட்சம் கோடி ஒதுக்கப்பட்டுள்ளதாக பட்ஜெட்டில் அறிவிக்கப்பட்டது. இந்தத் திட்டங்கள் 4.1 கோடி இளைஞர்களுக்கு வேலை வாய்ப்பு மற்றும் திறன் வாய்ப்புகளை உருவாக்குவதை நோக்கமாகக் கொண்டுள்ளன. 2019 முதல் குறைந்த வரிகளும், கோவிட்-19க்குப் பிறகு அதிக லாபமும் இதை சாத்தியமாக்குகிறது என்பதை எடுத்துக்காட்டி, தனியார் துறை வேலைவாய்ப்புகளை உருவாக்க பொருளாதார ஆய்வு ஊக்குவிக்கிறது. பிரதமரின் வேலைவாய்ப்புத் திட்டம் மக்களின் வாழ்க்கையை மேம்படுத்துவதற்கான பிற முயற்சிகளுடன் இருக்க வேண்டும்.

நிலையான, வேலைவாய்ப்பை உருவாக்க, திறமையற்ற தொழிலாளர்களின் அதிகப்படியான ஊதிய  பிரச்சினையை முதலில் தீர்க்க வேண்டும். ஒரு மாதத்திற்கு ₹25,000 சம்பாதிப்பது முதல் 10% ஊதியம் பெறுபவர்களில் ஒருவரை சேர்க்கிறது என்று காலமுறை தொழிலாளர் (Periodic Labour Force Survey) கணக்கெடுப்பு 2019-20 கண்டறிந்துள்ளது. குறுகிய கால திறன் திட்டங்கள் பெரும்பாலும் நீண்ட கால வேலைவாய்ப்புகளை வழிவகுக்காது. ஏனெனில், நகர வாழ்க்கைக்கு ஊதியம் மிகவும் குறைவாக உள்ளது. இதனால், பலர் தங்கள் கிராமங்களுக்கு வேறு வேலை தேடித் திரும்புகின்றனர்.

கல்விக்கும் திறமைக்கும் நெருங்கிய தொடர்பு இருப்பதை சான்றுகள் காட்டுகின்றன. தமிழ்நாடு, கேரளா, இமாச்சலப் பிரதேசம், கோவா மற்றும் சிக்கிம் போன்ற மாநிலங்கள் அதிக மாதாந்திர தனிநபர் நுகர்வு மற்றும் சிறந்த மனித வளர்ச்சியைக் (human development indicators) கொண்டுள்ளன. இதற்கு நேர்மாறாக, குறுகிய கால திறன் திட்டங்களை வழங்கினாலும் ஒடிஷா குறைந்த தனிநபர் நுகர்வைக் கொண்டுள்ளது. ஏனெனில், ஒடிசாவில் உயர்கல்வி மற்றும் தொழில் பயிற்சிகள் போதுமான அளவு  வழங்கப்படுவதில்லை.

 

பெரிய அளவிலான வேலைகளை உருவாக்குவதற்கு அதிக உற்பத்தித் திறன் தேவை. பொருளாதார ஆய்வு தனியார் துறையை வேலைகளை உருவாக்க ஊக்குவிக்கிறது. ஆனால், அரசாங்கம் குறைந்தபட்ச ஊதிய விகிதங்களை நிர்ணயித்து உயர்தர பொது சேவைகளை வழங்க வேண்டும். பெரும்பாலான வளர்ந்த நாடுகளுடன் ஒப்பிடும்போது இந்தியாவில் பொது வேலை வாய்ப்பு மிகக் குறைவாக இருப்பதாக சான்றுகள் காட்டுகின்றன. நிலையான, கண்ணியமான வேலைகளை உருவாக்க என்ன கொள்கைகள் தேவை?

திறன் தேவைகள் (Skilling needs) 

முதலாவதாக, பரவலாக்கப்பட்ட சமூக நடவடிக்கை மூலம் திறன் தேவைகளை அடையாளம் காணலாம். அரசின் திட்டங்கள் திறம்பட செயல்படுத்த சமூகத்தின் பங்கு மிக முக்கியம். கிராம சபைகள் (gram sabha or basti samitis) போன்ற உள்ளூர் குழுக்கள் அரசாங்கத் திட்டங்களை மக்களிடம் கொண்டு செல்ல உதவும். எப்படி என்றால், வேலை அல்லது சுயதொழில் செய்ய விரும்பும் நபர்களின் பட்டியலை உருவாக்கவும்; உள்ளூர் நிபுணர்களைக் கொண்டு ஒவ்வொரு நபருக்கும் ஒரு திட்டத்தை உருவாக்கலாம்; நல்ல முடிவுகளை உறுதி செய்வதற்காக உள்ளூராட்சி மட்டத்தில் படித்த நிபுணர்களை தற்காலிகமாக பணியமர்த்தலாம்; திறன் பயிற்சியாளர்கள் மற்றும் முதலாளிகளைக் கண்டறிய இந்தத் தகவலைப் பயன்படுத்தலாம்; தொழிற்பயிற்சிகளும் (apprenticeships) சமூகத்துடன் இணைக்கப்பட வேண்டும். இது குறிப்பிடத்தக்க மாற்றங்களுக்கு வழிவகுக்கும்.

 

இரண்டாவதாக, கல்வி, சுகாதாரம், திறன்கள், ஊட்டச்சத்து, வாழ்வாதாரம் மற்றும் வேலைவாய்ப்புக்கான முயற்சிகளை உள்ளூர் அரசாங்க மட்டத்தில் உள்ள மகளிர் குழுக்களுடன் இணைக்கவும். இது சமூகம் பொறுப்பானது மற்றும் சிறந்த முடிவுகளுக்குத் தேவையான நிதி மற்றும் வளங்களைக் கொண்டிருப்பதை உறுதி செய்யும். இந்தியாவின் பொதுச் சேவைகளான கல்வி மற்றும் சுகாதாரம் போன்றவை இந்த அணுகுமுறையால் சிறந்து விளங்கும். இந்தப் பகுதிகளில் அதிக முதலீடு செய்ய வேண்டும் மற்றும் நிதிகளை நிர்வகிப்பதில் உள்ளூர் சமூகங்களை ஈடுபடுத்த வேண்டும். 

கல்வி மற்றும் வேலைவாய்ப்பு 

  மூன்றாவதாக, B.A., B.Sc., மற்றும் B.Com போன்ற பாரம்பரிய பட்டப்படிப்புகளுடன் ஒவ்வொரு கல்லூரியிலும் நடைமுறைத் தொழிற்கல்வி படிப்புகள் மற்றும் சான்றிதழ் படிப்புகளை சேர்க்கவேண்டும். இது முன்பே தொடங்கப்பட்டுவிட்டது. ஆனால், ஒவ்வொரு கல்லூரியிலும் கட்டாயமாக்கப்பட வேண்டும். கல்லூரிகள் பரிசோதனை செய்வதற்கான வளங்களைக் கொண்டிருக்க வேண்டும். எடுத்துக்காட்டாக, மும்பையில் உள்ள சில கல்லூரிகள் பட்டப்படிப்புடன் சுற்றுலா வழிகாட்டி அல்லது ஆலோசகர் போன்ற சான்றிதழ் படிப்புகளை வழங்குகின்றன. இது பெரிய அளவில் வேலைவாய்ப்பை அதிகரிக்கும்.

 

நான்காவதாக, சர்வதேச தரத்தைப் பின்பற்றி, அனைத்து மாநிலங்களிலும் ஒரே மாதிரியான செவிலியர் மற்றும் சுகாதாரப் பாதுகாப்புப் பயிற்சித் திட்டங்களை உருவாக்க வேண்டும். செவிலியர்கள், முதியோர் பராமரிப்பாளர்கள் மற்றும் சுகாதாரப் பணியாளர்களுக்கு இந்தியாவிலும் வெளிநாட்டிலும் அதிக தேவை உள்ளது. முக்கிய பிரச்சினை நிறுவனங்களின் சீரற்ற தரம், ஒரே மாதிரியான பாடத்திட்டம் மற்றும் பாடத்திட்டத்தில் போதிய தரம் இல்லாதது. சர்வதேச தரத்திற்கு ஏற்றவாறு இந்த பயிற்சி திட்டங்களை மாற்றியமைக்க வேண்டும்.

 

ஐந்தாவதாக, பெண்கள் பாதுகாப்பாக பணிபுரியும் வகையில் குழந்தைகள் காப்பகங்களை நடத்த பயிற்சி பெற்ற பராமரிப்பாளர்களின் உள்ளூர் குழுவை உருவாக்கவும். தற்போது, ​​அங்கன்வாடிகள் பகுதி நேர பராமரிப்பை வழங்குகின்றன. ஆனால், அங்கன்வாடிகளில் அதிக குழந்தைகள் உள்ளனர். உள்ளூர் அரசாங்கங்கள் அல்லது மகளிர் குழுக்களால் ஊதியம் பெறும் பராமரிப்பாளர்களின் பயிற்சி பெற்ற குழுக்கள் அதிகம் தேவைப்படுகிறது. கிராமப்புற வாழ்வாதார இயக்கத்தைச் சேர்ந்த சமூக வள நபர்கள் ஒரு சிறந்த உதாரணம். இந்த சமூகக் குழுக்கள் வேளாண்மை, கால்நடை பராமரிப்பு, பண்ணை அல்லாத வேலை மற்றும் சில்லறை வணிகம் உள்ளிட்ட பல்வேறு வேலைகளில் வேலை செய்யலாம். 

ஆறாவதாக, திறன் மேம்பாட்டிற்கான முக்கிய மையங்களாக மாற தொழில்துறை பயிற்சி நிறுவனங்கள் (Invest in Industrial Training Institutes (ITIs)), தொழில் கல்வி நிறுவனங்கள், கிராமப்புற சுயவேலைவாய்ப்பு பயிற்சி  (Rural Self Employment Training Institutes (RSETIs)) நிறுவனங்களில், முதலீடு செய்ய வேண்டும். இந்த நிறுவனங்களில் பலவற்றில் தரம் மற்றும் நவீன உள்கட்டமைப்பு இல்லை இது ஒரு முக்கிய பிரச்சினையாகும். இந்த நிறுவனங்கள் சுதந்திரமாகவும் நிர்வகிக்கப்பட வேண்டும். இந்த தொழில்நுட்ப நிறுவனங்கள் ஊட்டி பள்ளிகளுக்கான (feeder schools) மையமாகவும் செயல்பட முடியும். கல்வி மற்றும் தொழிற்கல்வியை வரவுகள் மற்றும் நேரங்களின் அடிப்படையில் சமப்படுத்த பள்ளிகள் ஒரு அமைப்பை உருவாக்க வேண்டும். குறைந்த தொழிற்கல்வி வசதிகள் உள்ள மாநிலங்கள் அல்லது மாவட்டங்களில் கவனம் செலுத்த வேண்டும். தமிழ்நாடு மற்றும் மகாராஷ்டிரா போன்ற மாநிலங்கள் உற்பத்தியை ஊக்குவிக்கும் வலுவான திட்டங்களைக் கொண்டுள்ளன. மனித மூலதனத்தில் (Human capital) முதலீடு செய்வது முக்கியமானதாக பார்க்கப்படுகிறது. 

ஏழாவதாக, தொழில் வல்லுநர்களின் உதவியுடன் உயர்நிலைப் பள்ளிகளில் வணிகம் மற்றும் தொடக்கத் திறன்களைக் (start-up skills) கற்பிக்க வேண்டும். மேல்நிலை பள்ளிகள்  அல்லது உயர்நிலைப் பள்ளிகளில் தொழில்நுட்பம் மற்றும் வணிகப் பாடங்களைச் சேர்க்க வேண்டும். பள்ளிகள் தங்கள் வழக்கமான பாடத்திட்டத்தில் நடைமுறைச் செயல்பாடுகள் மற்றும் வணிக செயல்முறைகளைப் பற்றி அறிந்து கொள்ள வேண்டும். பள்ளிகளுக்குச் செல்லும் வல்லுநர்கள் மாணவர்களுக்கு முக்கியமான திறன்களைக் கற்பிக்க முடியும், இது சிறந்த வேலை மற்றும் வணிக வாய்ப்புகளுக்கு வழிவகுக்கும்.

எட்டாவதாக, தொழில் பழகுநர் (apprenticeships) பயிற்சிகளை பெரிய அளவில் தொழில்துறையுடன் இணை பகிர்வு மாதிரியாக உருவாக்க வேண்டும். இது உற்பத்தி மற்றும் சேவைத் துறைகளுக்கு முக்கியமானது. திறன் செலவுகள் சாத்தியமான முதலாளிகளுடன் பகிர்ந்து கொள்ளப்பட வேண்டும். ஏனெனில், அரசாங்க நிதியுதவி திறன் மட்டுமே எப்போதும் பயனுள்ளதாக இருக்காது. தொழில் பழகுநர் பயிற்சியில் பங்கு இல்லை என்றால், அவர்கள் முன்னேறுவதற்கான வாய்ப்பு  குறைவு. 

 மூலதன கடன்கள் மற்றும் நிறுவனங்கள்  (Capital loans and enterprises)

ஒன்பதாவதாக, பெண்கள் தலைமையிலான மற்றும் முதல்முறை வணிகங்கள் செயல்படும் மூலதனக் கடன் பெறுவதை எளிதாக்க வேண்டும். அதனால் அவர்கள் வளர முடியும். இந்தக் கடன்களைப் பெறுவது சவாலானதாக இருக்கும் என்பதை கிராமப்புற வாழ்வாதார இயக்கத்தின் அனுபவம் காட்டுகிறது. பெண்கள் கடன் வாங்குபவர்களுக்கான கடன் வரலாறுகளை உருவாக்குவது செயலில் உள்ளது. மேலும், தொழில்நுட்பம் உதவும். ரிசர்வ் வங்கியின் கண்டுபிடிப்பு மையம் (Reserve Bank Innovation Hub) மற்றும் தேசிய கிராமப்புற வாழ்வாதார இயக்கம் (National Rural Livelihoods Mission) ஆகியவை வங்கிகள் அதிக கடன் வழங்குவதை ஊக்குவிக்கும் வகையில் புதிய யோசனைகளை உருவாக்கி வருகின்றன. கிராம தொழில் தொடங்கும் திட்டம் (Start Up Village Enterprise Programme (SVEP)) முதல் முறை தொழில்முனைவோருக்கு ஆதரவு, நிதி மற்றும் முழுமையான தீர்வுகள் முக்கியம் என்பதைக் காட்டுகிறது.

 

பத்தாவதாக, திறன் பயிற்சி நிறுவனங்களை சான்றளிக்க ஒரு உலகளாவிய திட்டத்தை உருவாக்கவும். மாநிலங்களும் வணிகங்களும் கூட்டாக இந்தப் படிப்புகளுக்கான விண்ணப்பதாரர்களுக்கு நிதியுதவி அளிக்க வேண்டும். திறன் வழங்குநர்கள் ஒரு முழுமையான மதிப்பாய்வுக்குப் பிறகு அங்கீகாரம் பெறுவார்கள், மேலும், மாணவரக்ளுக்கு அரசு மற்றும் முதலாளிகள் இருவரும் நிதியுதவி அளிக்கலாம்.  

பதினொன்றாவதாக, தண்ணீர் பற்றாக்குறை மற்றும் அதிக வறுமை உள்ள 2,500 பகுதிகளில் மகாத்மா காந்தி தேசிய ஊரக வேலை உறுதிச் (Mahatma Gandhi National Rural Employment Guarantee Act (MNREGA)) சட்ட நிதியில் 70% பயன்படுத்தவும், ஒவ்வொரு பகுதியிலும் உள்ள ஏழ்மையான 20 குடும்பங்கள் மீது தனி கவனம் செலுத்த வேண்டும். MGNREGA திட்டங்கள் விலங்கு கொட்டகைகள் (animal sheds), நீர்ப்பாசன கிணறுகள் மற்றும் வேலை கொட்டகைகள் போன்றவற்றின் மூலம் மக்கள் வாழ்வாதாரத்தை சம்பாதிக்க உதவும். MGNREGA தொழிலாளர்களின் சிறந்த உற்பத்தித்திறனுக்கான திறன்களை மேம்படுத்த வேண்டும். அதிக ஊதியங்கள் மிகவும் ஏழ்மையான பகுதிகளில் வாழ்க்கை நிலைமைகளை மேம்படுத்த வேண்டும்.

 

பன்னிரெண்டாவதாக, தொழிற்பயிற்சிகளை விரிவுபடுத்துவது இளைஞர்களுக்கு வேலை பெறுவதை எளிதாகும். பயிற்சியாளர்களின் எண்ணிக்கையை அதிகரிக்க வேண்டும் மற்றும் ஊக்கத்தொகையாக மட்டும் உதவித்தொகை வழங்காமல் உண்மையான திறமையை வளர்ப்பதில் கவனம் செலுத்த வேண்டும். தொழிற்பயிற்சியை முடித்த பிறகு நியாயமான ஊதியம் வழங்குமாறு முதலாளிகளுக்கு அரசாங்கம் கோர வேண்டும். இது சிறந்த உற்பத்தித்திறன் மற்றும் தொழிலாளர்களின் மேம்பட்ட வாழ்க்கைத் தரத்துடன் வலுவான பொருளாதாரத்தை உருவாக்க உதவும்.

 அமர்ஜீத் சின்ஹா ஓய்வு பெற்ற அரசு ஊழியர்.

Original article:

https://www.thehindu.com/opinion/lead/a-ground-plan-for-sustainable-mass-employment/article68547526.ece  

Read More →

மேற்காசிய நெருக்கடி சீனா, ரஷ்யாவுக்கு கடினமான சவால்களை முன்வைக்கிறது -கபீர் தனேஜா

இரண்டு வல்லரசு நாடுகளும் மேற்கு ஆசிய பாதுகாப்பில் அமெரிக்காவின் செல்வாக்கை பலவீனப்படுத்தும் ஒரு பொதுவான நோக்கத்தைக் கொண்டுள்ளன. 

அதனால், இரு நாடுகளும் தங்கள் செல்வாக்கு மண்டலங்களையும் உருவாக்கியுள்ளனர்.

ஹமாஸின் பொலிட்பீரோவின் தலைவரும் குழுவின் பேச்சுவார்த்தையாளருமான இஸ்மாயில் ஹனியே ஜூலை மாதம் மத்திய தெஹ்ரானில் படுகொலை செய்யப்பட்டார். இந்த சம்பவம் இஸ்ரேலையும் ஈரானையும் ஒரு முழு அளவிலான போருக்கு தள்ளியுள்ளது. இது ஏப்ரலில் இரு நாடுகளுக்கும் இடையே நடந்த பரிமாற்றத்தைவிட அதிக வன்முறையாக இருக்கக்கூடும். இருப்பினும், ஈரானின் நெருங்கிய நட்பு நாடுகளான ரஷ்யா மற்றும் சீனா ஆகியவை குறிப்பிடத்தக்க இடைவெளியை கடைபிடித்து தெளிவற்ற தன்மையை பராமரித்து வருகின்றன. 

காசா போர் பல ஆண்டுகளாக ஒரு பிராந்திய காரணப் புள்ளியாக இருந்து வருகிறது. ஆனால் 2024-ல், இது ஒரு பெரிய வல்லரசு போட்டியின் ஒரு பகுதியாக மாறியுள்ளது. ஒருபுறம் அமெரிக்காவும் அதன் மேற்கத்திய நாடுகளும், மறுபுறம் ரஷ்யா, ஈரான் மற்றும் வட கொரியாவை தளர்வாக உள்ளடக்கிய சீனா தலைமையிலான குழு உள்ளது. இந்த குழுவாக்கத்தில் ஈரான் ஒரு முக்கிய இடத்தை வகித்துள்ளது. அது மாஸ்கோவிற்கு உக்ரேனுக்கு எதிராக டிரோன்கள் வடிவில் இராணுவ தொழில்நுட்ப ஆதரவை வழங்கியுள்ளதுடன், பெய்ஜிங்கிற்கு மலிவு விலையில் எண்ணெயையும் வழங்கியுள்ளது. சீனா அதன் ஆதிகத்தை அதிகரிக்க இதைப் பயன்படுத்தியுள்ளது. 

செல்வாக்கு கட்டமைப்பு

ஆனால், ரஷ்யாவும் சீனாவும் தனிப்பட்ட இலக்குகளைக் கொண்டுள்ளன. அவை பெரும்பாலும் ஒருவருக்கொருவர் வேறுபடுகின்றன. தெஹ்ரான் பிராந்தியம் முழுவதும் ஒரு வழக்கமான மோதலில் ஈடுபட்டால், அதற்கு ஆதரவு தேவைப்படும். இந்த கோரிக்கை மாஸ்கோ மற்றும் பெய்ஜிங் இரண்டின் மீதும் விழக்கூடும். இரண்டு சக்திகளும் மேற்கு ஆசிய பாதுகாப்பில் அமெரிக்காவின் செல்வாக்கை குறைமதிப்பிற்கு உட்படுத்துவதை நோக்கமாகக் கொண்டாலும், அவை தங்கள் சொந்த செல்வாக்கு கட்டமைப்புகளையும் உருவாக்கிள்ளனர். இவை ஒரு கூட்டு முயற்சியாக இல்லாமல் தனித்தனியாக செயல்படுகின்றன. 

சீனா ராஜதந்திர முயற்சியில்  மிகவும் தீவிரமாக உள்ளது. மார்ச் 2023-ஆம் ஆண்டு சவூதி அரேபியாவிற்கும் ஈரானுக்கும் இடையிலான உறவுகளை இயல்பாக்குவதில் இது ஒரு பொதுவான பங்கைக் கொண்டிருந்தது. சமீபத்தில், 2006-ஆம் ஆண்டு முதல் மோதலில் ஈடுபட்டுள்ள ஹமாஸ் மற்றும் ஃபத்தா உட்பட பாலஸ்தீனிய பிரிவுகளின் ஒரு குழுவையும் ஆதரவு அளித்தது. பெய்ஜிங் தொடர்ந்து பாலஸ்தீனத்தை ஆதரித்து வருகிறது. இது இரண்டு கண்ணோட்டங்களில் பார்க்கிறது. முதலாவதாக, மேற்கத்திய காலனியாதிக்கத்தால் ஏற்பட்ட அநீதி. இரண்டாவது, அரபு நிலைப்பாடுகளுக்கான பொதுவான ஆதரவு. உதாரணமாக, ஒரு சீன வெளியீடு ஹனியேவை ஒரு "அமைதிவாதி" என்று முன்னிலைப்படுத்தியது. 

ரஷ்யாவைப் பொறுத்தவரை, நிலைமை வேறு. மாஸ்கோ 2015-ஆம் ஆண்டு முதல் சிரிய மோதலில் இராணுவரீதியில் ஈடுபட்டுள்ளது. சிரியாவின் தலைவர் பஷார் அல்-அசாத், இஸ்லாமிய அரசின் அச்சுறுத்தலை எதிர்கொள்ள இராணுவ ஆதரவைக் கோரிய போது இது தொடங்கியது. அப்போதிருந்து, மாஸ்கோ லடாகியா மாகாணத்தைச் சுற்றி நிரந்தர இராணுவத் தளங்களை பராமரித்து வருகிறது. இது மத்தியதரைக் கடலுக்கு முக்கிய அணுகலை வழங்குகிறது. ரஷ்யாவுடன் ஈரானும் அசாத் ஆட்சிக்கு ஆதரவாக களமிறங்கியது. இதற்கு ஈடாக ஈரான் அதன் இராஜதந்திர நடவடிக்கைகளை அடைய, அதன் நாடு முழுவதும் பினாமிகளின் வலைப்பின்னலை வலுப்படுத்தியது. 

ஈரானின் அணு ஆயுத ஒழிப்பு விவகாரம் 

சில சீரமைப்புகள் இருந்தபோதிலும், சீனாவும் ரஷ்யாவும் தங்கள் மேற்கத்திய எதிரிகளுடன் தொடர்ந்து அணிசேரும் ஒரு பகுதி உள்ளது. இதுதான் ஈரானின் அணு ஆயுதமயமாக்கலுக்கான சாத்தியக்கூறு. ஈரான் ஆயுதத் திறனை அடைவதற்கு நெருக்கமாக இருப்பதால் இந்நிலை இன்று மிகவும் முக்கியத்துவம் வாய்ந்ததாக உள்ளது. மிதவாதியான மசூத் பெசேஷ்கியன் அண்மையில் ஜனாதிபதியாக தேர்ந்தெடுக்கப்பட்டதும், அப்பாஸ் அரக்சி போன்ற சீர்திருத்தவாதிகளை வெளியுறவு அமைச்சராக அவர் தேர்ந்தெடுத்ததும், பாதுகாப்பு கவுன்சிலில் ஐந்து நிரந்தர உறுப்பினர்கள் உள்ள நாடுகளுக்கு (The Security Council has five permanent members (P5+1)) நம்பிக்கை அளிக்கலாம். அணுசக்தி பேச்சுவார்த்தைகளை புதுப்பிக்க அவர்களுக்கு ஒரு வாய்ப்பு இருக்கலாம். இருப்பினும், நவம்பரில் அமெரிக்க ஜனாதிபதித் தேர்தலின் முடிவு உட்பட பல காரணிகளைப் பொறுத்தது. இல்லையெனில் கடுமையான சூழ்நிலையில் அணுகுவது நேர்மறையான நிலையாகப் பார்க்கப்படுகிறது. ஈரானிய தேர்தலுக்கு முன்பு, ஸ்டிம்சன் மையத்தின் அறிஞர் யுன் சன், மேற்கத்திய எதிர்ப்பு மற்றும் அமெரிக்க எதிர்ப்பாளராக இருக்கும் ஈரானிய தலைவரை சீனா விரும்பக்கூடும் என்று கூறினார். ஆனால் அணு ஆயுதங்களை அடைவதற்கான அபாயக் கோட்டைத் தாண்டுவதற்கு முன்னுரிமை அளிக்கவில்லை. 

பிராந்திய யதார்த்தங்கள் 

இன்னும் எச்சரிக்கையாக இருக்கும் பெய்ஜிங்குடன் ஒப்பிடுகையில் ரஷ்யர்கள் ஏற்கனவே மேற்கத்திய சக்தியை இராஜதந்திர ரீதியாக குறைமதிப்பிற்கு உட்படுத்துவதில் மிகவும் ஆக்ரோஷமாக உள்ளனர். இராஜதந்திர ரீதியாக, மாஸ்கோ உலகளாவிய தெற்குடன் சிறப்பாக சமாளித்து, உக்ரேன் தொடர்பாக ஒரு நடைமுறை நிலைப்பாட்டை பராமரித்து வருகிறது. அதன் உளவுத்துறை மற்றும் இராணுவப் படைகள் மேற்கு ஆப்பிரிக்கா போன்ற பகுதிகளில் அமெரிக்க, ஐரோப்பிய நாடுகளுக்கு சவால் விடுவதற்கு அணிதிரண்டுள்ளன. மேற்கு ஆசியாவில், செங்கடல் வழியாக உலகளாவிய வர்த்தகத்தை சீர்குலைக்க ஹவுத்திகளுக்கு உதவுவதற்காக யேமனில் ரஷ்ய உளவுத்துறை இருப்பதாக தகவல்கள் தெரிவிக்கின்றன. இந்தியாகூட தனது கப்பல்களைப் பாதுகாக்க கணிசமான கடற்படை இருப்பை நிறுத்த வேண்டியிருந்தது. இந்த பிராந்திய யதார்த்தங்கள் அமெரிக்கா ஏன் சிரியா மற்றும் ஈராக்கில் அதன் சிறிய படைகளை வைத்திருக்க வலியுறுத்துகிறது என்பதை விளக்குகின்றன. இப்போது வெளியேறுவது என்பது பிராந்தியத்தில் அதன் கடைசி அதிகார கோட்டைகளில் ஒன்றை விட்டுக்கொடுப்பதைப் போன்று உள்ளது. 

நடந்து கொண்டிருக்கும் குழப்பம் சீனாவிற்கும் ரஷ்யாவிற்கும் நன்மை பயக்க, ஈரான் இஸ்ரேலுடன் ஒரு பாரம்பரிய போரில் ஈடுபடாமல் இருப்பது முக்கியம். இருப்பினும், ஹனியேவின் படுகொலைக்கு பதிலளிப்பதைத் தவிர்ப்பது தெஹ்ரானுக்கு கடினமாக இருக்கலாம். அது பலவீனமானதாகத் தோன்றுவது மட்டும் இல்லாமல், அதன் சார்பில் பல ஆண்டுகளாக போராடி வரும் லெபனானில் உள்ள ஹெஸ்பொல்லா உட்பட அதன் பினாமிகள் ஈரானிய தலைமையிடம் இருந்து வலுவான நடவடிக்கைகளைக் எதிர்பாக்கக் கூடும். 

கபீர் தனேஜா,உறுப்பினர், அப்சர்வர் ரிசர்ச் ஃபவுண்டேஷனின் 

Original article:

https://www.thehindu.com/opinion/op-ed/west-asia-crisis-spells-tough-choices-for-china-russia/article68547576.ece  

 

Read More →