நீண்டகால தாமதத்திற்குப் பிறகு, மத்திய அரசு ஜூன் 25 அன்று இறுதியாக அடுத்த மக்கள் தொகைக் கணக்கெடுப்பை அறிவித்தது, இதனால் 2021 மக்கள் தொகைக் கணக்கெடுப்பு தவறவிடப்பட்டு "மக்கள் தொகைக் கணக்கெடுப்பின் தவறவிடப்பட்ட பத்தாண்டு" என்ற அவமதிப்பான பெயரிடலைத் தவிர்த்தது. 2027 மக்கள் தொகைக் கணக்கெடுப்பு, இது இந்தியாவின் முதல் டிஜிட்டல் கணக்கெடுப்பாக இருக்கும், 2047ஆம் ஆண்டு "விக்சித் பாரத்"-ல் "யாரும் விடுபட்டுவிடாமல்" இருப்பதற்கு அரசு தனது கொள்கையில் உறுதியை மீண்டும் வலியுறுத்துவதற்கு ஒரு வாய்ப்பை வழங்குகிறது.
2024-ஆம் ஆண்டு மக்களவை தேர்தலில் 968 மில்லியன் வாக்காளர்கள் பங்கேற்ற அதே நேரத்தில், 2027-ஆம் ஆண்டு மக்கள் தொகைக் கணக்கெடுப்பு இன்னும் பெரியதாக இருக்கும் - இது 6.7 மில்லியன் ஊரகப் பகுதிகளில் வசிக்கும் நபர்கள் உட்பட இந்தியா முழுவதும் உள்ள 1.45 பில்லியன் மக்களையும் கணக்கிடும். இது சீனாவின் 2020-ஆம் ஆண்டு மக்கள் தொகைக் கணக்கெடுப்பைப் போன்று இருக்கும். 2027ஆம் ஆண்டளவில், மாற்றுத்திறனாளிகள் தரவுத்தொகுப்புகளின் கடைசி விரிவான கண்டுபிடிப்பிலிருந்து 17 ஆண்டுகள் கடந்துவிடும். மக்கள் தொகைக் கணக்கெடுப்புக்குப் பிறகு, இதர பிற்படுத்தப்பட்ட வகுப்பினர் மற்றும் பெண்களுக்கான இடஒதுக்கீடு குறித்த பொது விவாதம், மாற்றுத்திறனாளிகள் மத்தியில் மிகுந்த கவலைகளை ஏற்படுத்தியுள்ளது.
இந்தியா மிகப்பெரிய எண்ணிக்கையை எண்ணும் போது, நேரடி சலுகைகள் பரிமாற்றத்தின் 1.85 பில்லியன் பயனாளிகள்; 1.38 பில்லியன் ஆதார் சேர்க்கைகள்; 810 மில்லியன் பிரதமரின் பிரதான் கரிப் கல்யாண் அன்ன யோஜனா (Pradhan Mantri Garib Kalyan Anna Yojana) பயனாளிகள்; 491 மில்லியன் ஒருங்கிணைந்த கட்டண இடைமுக (Unified Payments Interface (UPI)) பயனர்கள்; 302.4 மில்லியன் குடும்பங்கள்; 650 மில்லியன் திறன் பேசி பயனர்கள்; 1,218 மில்லியனுக்கும் அதிகமான தொலைபேசி சந்தாதாரர்கள்; 300 மில்லியன் கால்நடைகள்; 550 மில்லியன் ஜன் தன் கணக்குகள்; மற்றும் 550 மில்லியன் ஆயுஷ்மான் பாரத் பயனாளிகள் மற்றும் மாற்றுத்திறனாளிகளைக் கணக்கிடுவதில் எந்தப் பிரச்சினையும் இருக்கக்கூடாது.
தேசிய குடும்ப சுகாதார கணக்கெடுப்பு-5 (4.52%) மற்றும் உலக சுகாதார அமைப்பின் (15%) கணிப்புகளுக்கு எதிராக 2011 மக்கள் தொகை கணக்கெடுப்பு அத்தகைய மக்களின் எண்ணிக்கையை 26.8 மில்லியன் (மொத்த மக்கள் தொகையில் 2.21%) என்று குறைத்து மதிப்பிட்டது. இது அரசாங்கத்தால் வடிவமைக்கப்பட்டதைவிட கவனக்குறைவான வழிமுறைகள் மற்றும் அடிமட்ட நிர்வாக அலட்சியத்தால் ஏற்பட்டது. 2.68 கோடி மாற்றுத்திறனாளிகளைக் கணக்கிட்ட போதிலும், 2015 முதல் 1 கோடி தனித்துவமான மாற்றுத்திறனாளி அட்டைகளை மட்டுமே வழங்க முடிந்தது என்பதிலிருந்து நிர்வாகத் திறமையின்மை தெளிவாகிறது.
இந்தியா மாற்றுத்திறனாளிகளின் நலனில் உறுதியாக இல்லை என்ற விமர்சனம் அதன் சட்ட மற்றும் கொள்கை நடவடிக்கைகளால் பொய்யாக்கப்படுகிறது. 2001-ஆம் ஆண்டு உலக சுகாதார அமைப்பின் சர்வதேச செயல்பாட்டு, மாற்றுத்திறன் மற்றும் சுகாதார வகைப்பாட்டை (International Classification of Functioning, Disability and Health); 2007-ஆம் ஆண்டு மாற்றுத்திறனாளிகளின் உரிமைகள் பற்றிய ஐ.நா மாநாட்டை (UN Convention on the Rights of Persons with Disabilities) மற்றும் 2015-ஆம் ஆண்டு நிலையான வளர்ச்சி இலக்குகளை (Sustainable Development Goals) ஆதரித்துள்ளது.
1992-ஆம் ஆண்டு இந்திய மறுவாழ்வு கவுன்சில் சட்டம்; 1999-ஆம் ஆண்டு தேசிய அறக்கட்டளை சட்டம்; 2016-ஆம் ஆண்டு மாற்றுத்திறனாளிகள் உரிமைகள் சட்டம் மற்றும் 2017-ஆம் ஆண்டு மனநலப் பராமரிப்பு சட்டம் ஆகியவற்றை இந்தியா இயற்றியுள்ளது. மாற்றுத்திறனாளிகளை ஆதரிக்க இந்தியா பல நடவடிக்கைகளை எடுத்துள்ளது.
2006-ஆம் ஆண்டில் அறிமுகப்படுத்தப்பட்ட மாற்றுத்திறனாளிகளுக்கான தேசியக் கொள்கை இப்போது புதுப்பிக்கப்படுகிறது. அனைவருக்குமான அணுகலுக்கான வழிகாட்டுதல்கள் மற்றும் தரநிலைகள் (மத்திய பொதுப்பணித் துறை, 2021) திட்டம் மற்றும் தனித்துவமான மாற்றுத்திறனாளி அடையாளத் திட்டம் ஆகியவை இதற்கான மற்ற எடுத்துக்காட்டுகளாகும்.
மாற்றுத்திறனாளி தரவுகள் குறித்த சர்வதேச விவாதங்களிலும் இந்தியா பங்கேற்றுள்ளது. வாஷிங்டன் குழு-குறுகிய தொகுப்பு போன்ற உலகளாவிய கணக்கெடுப்பு முறைகளைப் பின்பற்றியுள்ளது. 2021-ஆம் ஆண்டில் இணக்கமான அணுகல் வழிகாட்டுதல்களை ஏற்றுக்கொண்டது. மேலும், 2015-ஆம் ஆண்டில், அனைவரையும் உள்ளடக்கியதாகவும் மாற்றுவதற்காக, அணுகக்கூடிய இந்தியா பிரச்சாரத்தையும் (சுகம்ய பாரத் அபியான்) தொடங்கியது.
பொருளாதாரம் மற்றும் வேலைவாய்ப்பில், மாற்றுத்திறனாளிகளை விலக்கி வைப்பதால் இந்தியாவுக்கு ஆண்டுக்கு ரூ.4.5 லட்ச கோடி அல்லது மொத்த உள்நாட்டு உற்பத்தியின் (Gross Domestic Product (GDP)) 4% செலவாகிறது என்று ஜனவரியில் ஒரு ஊடக அறிக்கை தெரிவித்தது. 2024-25 நிதியாண்டில் ரூ. 330.68 லட்ச கோடி பெயரளவு மொத்த உள்நாட்டு உற்பத்தியின் அடிப்படையில் ரூ.13.23 லட்சம் கோடிக்கு எதிரான ஒரு பழமைவாத மதிப்பீடாகும்.
இதே போன்ற பொருளாதாரங்களில், 3-7% மொத்த உள்நாட்டு உற்பத்தி இழப்புகள் ஏற்படும் என்று உலக வங்கி மதிப்பிடுகிறது. 15-59 வயதுக் குழுவில் உள்ள மாற்றுத்திறனாளிகளில் 23.8% மட்டுமே வேலை செய்கிறார்கள். இது மாற்றுத்திறன் அல்லாதவர்களின் 50% உடன் ஒப்பிடும்போது குறைவு தேசிய மாதிரி ஆய்வின் கணக்கெடுப்புகளின்படி, 15 முதல் 59 வயதுடைய மாற்றுத்திறனாளிகளில் 23.8% பேருக்கு மட்டுமே வேலை கிடைக்கிறது.
அதே, நேரத்தில் மாற்றுத்திறனாளிகளில் சுமார் 50% பேர் மட்டுமே வேலை செய்கிறார்கள். அரசு பொதுத்துறை வேலைகளில் 3–4% வேலை இடஒதுக்கீட்டை வழங்கினாலும், மாற்றுத்திறனாளிகளில் குறிப்பிட்ட சிலரே -0.4% பேர் மட்டுமே - தனியார் நிறுவனங்களில் வேலை செய்கிறார்கள் 2021-ஆம் ஆண்டில் சர்வதேச தொழிலாளர் அமைப்பு ((International Labour Organisation) கூறியது.
அரசு ஒரு சிறப்புச் சட்டத்தின் மூலம் மாற்றுத்திறனாளிகளுக்கு சம வாய்ப்புகளை ஆதரிக்கிறது. ஆனால், தனியார் நிறுவனங்களுக்கு பெரும்பாலும் அவர்களுக்கு உதவ விதிகள் இல்லை. இதனால் அவர்களுக்கு வேலை வாய்ப்புகள் குறைவாக கிடைக்கின்றன.
கல்வியில், 2.68 கோடி மாற்றுத்திறனாளிகளில் 46% பேர் (2011 மக்கள் தொகை கணக்கெடுப்பு) படிப்பறிவு இல்லாதவர்கள். 22.5 லட்சம் மாற்றுத்திறனாளி குழந்தைகள் மட்டுமே பள்ளிகளில் பதிவு செய்யப்பட்டுள்ளனர் (UDISE+ 2021-22-ன் மொத்த எண்ணிக்கையில் 1% க்கும் குறைவு), 6 முதல் 17 வயது வரையிலான மாற்றுத்திறனாளி குழந்தைகளில் 61.2% பேர் மட்டுமே பள்ளிக்குச் செல்கிறார்கள்.
ஆனால் மாற்றுத்திறனாளி அல்லாதவர்கள் பதிவு 90% உள்ளது (NSS, 2018). UNESCO (2019) கூறுகையில், 75% மாற்றுத்திறனாளி குழந்தைகள் (5-19 வயது) பள்ளிக்கு செல்வதில்லை, மற்றும் 8.5% மட்டுமே மேல்நிலை கல்வியை முடிக்கின்றனர். நெருக்கடி சூழ்நிலைகளில், அவர்களின் நிலை மோசமடைகிறது, கோவிட்-19 காலத்தில் 75% இடைநிற்றல் விகிதம் காணப்பட்டது. மேலும், வரையறுக்கப்பட்ட உதவி சாதனங்கள் 10% என்று UNICEF கூறுகிறது. பயிற்சி பெறாத ஆசிரியர்கள் சமக்ர சிக்ஷா அபியானின் (Samagra Shiksha Abhiyan) தனிப்பட்ட கல்வித் திட்டங்கள் மற்றும் வீட்டிலிருந்தே பள்ளிப்படிப்பை மேற்கொள்வதை மேலும் தடுக்கின்றனர்.
முறையைப் புதுப்பித்தல்
2011-ஆம் ஆண்டு மக்கள் தொகைக் கணக்கெடுப்பில், தெளிவான உடல் குறைபாடுகள் மீது மட்டுமே கேள்விகள் கவனம் செலுத்தின, கற்றல் அல்லது மனநலப் பிரச்சினைகள் போன்ற மறைக்கப்பட்டவற்றைத் தவறவிட்டன. கணக்கெடுப்பைச் செய்யும் ஊழியர்கள் முறையாகப் பயிற்சி பெறவில்லை. மேலும், பார்வையற்றோர் வாசிக்க பயன்படுத்தும் பிரெய்லி எழுத்து முறை (Braille) அல்லது சைகை மொழி போன்ற கருவிகளைப் பயன்படுத்தவில்லை. எனவே, அவர்கள் பல்வேறு வகையான குறைபாடுகளை முழுமையாகப் புரிந்துகொள்ளவோ பதிவு செய்யவோ தவறிவிட்டனர்.
80-க்கும் மேற்பட்ட நாடுகளால் பயன்படுத்தப்படும் செயல்திறன் குறைவுகள் பற்றிய ‘வாஷிங்டன் குழுவின் சுருக்கமான கேள்வித் தொகுப்பு’ (Washington Group Short Set on Functioning (WG-SS)) மாதிரி, 80-க்கும் மேற்பட்ட நாடுகளால் பயன்படுத்தப்படுகிறது, இது பார்வை, கேட்டல், நடத்தல், அறிவாற்றல், சுய-பராமரிப்பு மற்றும் தொடர்பு போன்ற செயல்பாடுகளில் உள்ள சிரமங்களை ஆராய்கிறது (“கண்ணாடி அணிந்திருந்தாலும் பார்வையில் சிரமம் உள்ளதா?” போன்ற கேள்விகள்). இது இரக்கமும் உணர்வுப்பூர்வமான தனிப்பட்ட தொடர்பும் ஏற்படுவதன் மூலம் தரவு சேகரிப்பை மனிதநேயமாக்குகிறது. மேலும், கனடா, ஆஸ்திரேலியா, பிரேசில் மற்றும் நியூசிலாந்து ஆகியவை காட்டுவது போல, சரியான கொள்கை தலையீடுகளுக்கு நுணுக்கமான தரவை வழங்குகிறது.
உலகளாவிய அனுபவம்
கனடாவில், WG-SS-ஐப் பயன்படுத்தி ஐந்தாண்டுக்கு ஒருமுறை நடத்தப்பட்ட மக்கள்தொகைக் கணக்கெடுப்பு (2021) மற்றும் கனடா மாற்றுத்திறனாளிகள் கணக்கெடுப்பு (2022) ஆகியவை 22% பரவலைக் கண்டறிந்தன (2017), இது அணுகக்கூடிய கனடா சட்டத்தை இயற்ற வழிவகுத்தது. ஆஸ்திரேலியாவில், 2018ஆம் ஆண்டு நடத்தப்பட்ட ஒரு கணக்கெடுப்பில் 18.3% பேர் மாற்றுத்திறனாளிகளாக இருப்பது கண்டறியப்பட்டது. இந்தத் தகவல், 500,000 மாற்றுத்திறனாளிகளை ஆதரிக்கும் $22 பில்லியன் தேசிய மாற்றுத்திறனாளி காப்பீட்டுத் திட்டத்தை (National Disability Insurance Scheme (NDIS)) வடிவமைக்க உதவியது.
ஐக்கிய இராச்சியத்தில், 19% பரவலைக் (2021) காட்டும் WG-SS கணக்கெடுப்புகள் 2010 சமத்துவ சட்டத்தை (Equality Act, 2010) செயல்படுத்த உதவின. அமெரிக்காவில், அமெரிக்க சமுதாய கணக்கெடுப்பின் (American Community Survey) செயல்பாட்டு கேள்விகள் பாகுபாடு எதிர்ப்பு சட்டங்களை மேம்படுத்தின. நியூசிலாந்தில், WG-SS மற்றும் குடும்ப கணக்கெடுப்புகள் மாற்றுத்திறனாளிகளுக்கான சேவைகளை மேம்படுத்தின. பிரேசிலில், 2022ஆம் ஆண்டு மக்கள்தொகைக் கணக்கெடுப்பின் செயல்பாட்டு அணுகுமுறை கல்வி சீர்திருத்தங்களை இயக்கியது.
சீனாவில், 6.34% பரவல் (82.96 மில்லியன்) செயல்பாடு, இயலாமை மற்றும் ஆரோக்கியத்தின் சர்வதேச வகைப்பாடு. (International Classification of Functioning, Disability and Health (ICF)) உடன் ஒத்துப்போகிறது. இந்தியாவின் சேலம் (2025) மற்றும் கேரளா (2014-15) ஆய்வுகள் வீடு வீடாகவும் 22 வகைகளிலும் நடத்தப்பட்டன. அவை நலன்புரி நடவடிக்கைகளை மேம்படுத்துவதற்கான திறனைக் காட்டின.
செயல் திட்டம்
இந்தியா மாற்றுத்திறனாளிகளின் விருப்பங்களுடன் மக்கள்தொகைக் கணக்கெடுப்பை சீரமைக்க பின்வரும் உத்திகளை பின்பற்ற வேண்டும்:
வழிமுறைகளை புதுப்பித்தல்: இந்தியா ஏற்கனவே பங்கேற்பு நாடாக இருப்பதால் WG-SS கேள்விகளை ஏற்றுக்கொள்ளுதல், மாற்றுத்திறனாளிகளின் உரிமைகள் சட்டத்தின் பிரிவு 21 மாற்றுத்திறன் வகைகளுடன் ஒத்திசைத்தல், கலப்பு முறை கணக்கெடுப்புகளைப் (வீடு வீடாக, மின்னணு மக்கள்தொகை கணக்கெடுப்பு சீனாவின் WeChat போல) பயன்படுத்துதல் மற்றும் சரிபார்ப்புக்காக கனடாவில் உள்ளதைப் போல மக்கள்தொகைக் கணக்கெடுப்புக்குப் பிந்தைய கணக்கெடுப்பு வழிமுறையை ஏற்றுக் கொள்ள வேண்டும்.
கணக்கெடுப்பாளர் பயிற்சியை நிபுணத்துவப்படுத்துதல்: வாஷிங்டன் குழுவின் சுருக்கமான கேள்வித் தொகுப்பை (Washington Group Short Set on Functioning (WG-SS)) கட்டாயப்படுத்துங்கள். மாற்றுத்திறனாளிகளை கணக்கெடுப்பாளர்களாக ஐக்கிய இராச்சிய மாதிரி போல அங்கன்வாடி, அங்கீகாரம் பெற்ற சமூக சுகாதார ஆர்வலர் (Accredited Social Health Activist (ASHA)) மற்றும் சுய உதவிக்குழு பணியாளர்களை இணைத்துக்கொள்ள வேண்டும்.
தகவல்களை அணுகக்கூடியதாக மாற்றுங்கள்: பிரெயில் [Braille], இந்திய சைகை மொழி மற்றும் திரை-வாசிப்பான் வடிவங்களின் பயன்பாட்டை இணைத்துக்கொள்ளுங்கள்; மாற்றுத்திறனாளர்களின் உரிமைகள் தொடர்பான மாநாட்டின் (Conference on the Rights of Persons with Disabilities (CRPD)) படி, தகவல்களை பிரித்து வகைப்படுத்த கொள்ள வேண்டும். செயற்கை நுண்ணறிவு மற்றும் ஆதார்-இணைக்கப்பட்ட வலைதளங்களை பயன்படுத்த கொள்ள வேண்டும் மற்றும் ஆயுஷ்மான் பாரத் மற்றும் பிரதான மந்திரி ஆவாஸ் யோஜனா திட்டங்களில் உள்ளது போல் ஊரகப் பகுதிகளில் பதிவுகளை உருவாக்க வேண்டும்.
பங்குதாரர்களை ஈடுபடுத்துங்கள்: அரசு சாராத நிறுவனங்கள், சிவில் சமூக நிறுவனங்கள் மற்றும் சமூக அடிப்படையிலான நிறுவனங்கள் உடன் கூட்டு சேர்ந்து, ஓரங்கட்டப்பட்ட குழுக்களை பஞ்சாயத்துகள் மூலம் ஈடுபடுத்தி, பணிக்குழுக்களை உருவாக்க வேண்டும்.
புதுமைகள்: சோதனை சிறு கணக்கெடுப்பு (சேலம் உதாரணம்), நிகழ்நேர கட்டுப்பாட்டு பலகைகளைப் பயன்படுத்தவும், பெயர் வெளியிடப்படாத அறிக்கையிடலுக்காக "தனியுரிமை பாதுகாப்பு" அமல்படுத்தவும், மாற்றுத்திறனாளிகளுக்கான பயிற்சி குழுவை அனுப்பவும், மற்றும் சிறந்த மாவட்டங்கள் மற்றும் தொகுதிகளுக்கு விருதுகள் வழங்கவும்.
புள்ளிவிவரங்களை பதிவு செய்வதைத் தவிர, இந்திய மக்கள்தொகைக் கணக்கெடுப்பு போன்ற ஒரு புள்ளிவிவரம், மாற்றுத்திறனாளிகளுக்கு உதவவும், அவர்களின் வாழ்க்கை கொடூரமாகவும், மோசமாகவும், குறுகியதாகவும் மாறுவதைத் தடுக்கவும் வரம்பற்ற ஆற்றலைக் கொண்டுள்ளது. 2027-ஆம் ஆண்டு மக்கள் தொகைக் கணக்கெடுப்பு, பள்ளிக் கல்வி, வேலைவாய்ப்பு, சுகாதாரம், வாழ்க்கைத் தரம் மற்றும் அன்றாட வாழ்க்கையை மேம்படுத்துவதற்கான கொள்கைகளை வலுப்படுத்தி, முன்னெடுத்துச் செல்லும் என்று நம்பப்படுகிறது. இது மாற்றுத்திறனாளிகளுக்கு சிறந்த பராமரிப்பை வழங்க இந்தியாவுக்கு உதவும்.
சுஷில் குமார் இந்திய அரசின் முன்னாள் செயலாளர் ஆவார், மேலும் உயர் நீதிமன்றம் மற்றும் உச்ச நீதிமன்றத்தில் வழக்கறிஞராகப் பயிற்சி பெற்று வருகிறார்.
Original article: