மின் உற்பத்தி மற்றும் விநியோகத்தை ஒருங்கிணைத்துள்ள 3 மாநிலங்களில் தமிழ்நாடு மாநிலமும் ஒன்றாகும். முற்போக்கான மாநிலங்களில் ஒன்றுக்கு மேற்பட்ட மின் விநியோக நிறுவனங்கள் உள்ளன. இதன் காரணமாக, மாநிலத்தில் கட்டுக்கடங்காமல், நிறைய போட்டி இருக்க வேண்டும் என்கிறார் அரவிந்த் சுப்பிரமணியன்.
ஆகஸ்ட் 2023 இல், தமிழ்நாடு முதலமைச்சரின் பொருளாதார ஆலோசனைக் குழுவின் (Tamil Nadu Chief Minister’s Economic Advisory Council) உறுப்பினரான அரவிந்த் சுப்பிரமணியன், மாநிலத்தின் மின்துறைக்கான சீர்திருத்தங்கள் குறித்த அறிக்கையை சமர்ப்பித்தார். ஆனால், இந்த அறிக்கை இன்னும் பொதுவெளியில் வெளியிடப்படவில்லை. தி இந்து நாளிதழுக்கு அவர் திங்கள்கிழமை அளித்த பேட்டியில், மாநிலத்தின் மின் உற்பத்தி மற்றும் வருவாயை அதிகரிப்பதற்கான நடவடிக்கைகள் குறித்து விவாதித்தார். நேர்காணலின் சில பகுதிகள் இங்கே:
தமிழ்நாட்டில் கலைஞர் மகாளிர் உரிமைத் திட்டம் பற்றி உங்கள் கருத்து என்ன?
தமிழ்நாட்டின் இந்த முயற்சியானது, அதன் சாதனைகள், செயல்திறன் மற்றும் மிகவும் பாதிக்கப்படக்கூடியவர்களுக்கு உதவுவதில் மாநில அரசு ஒரு சிறந்த வேலையைச் செய்தது. ஏழைப் பெண்கள் சரியாக அடையாளம் காணப்படுவதை அவர்கள் உறுதி செய்தனர். இலக்கை மேம்படுத்த அரசாங்கம் ஆறு முதல் ஏழு வெவ்வேறு மூலங்களிலிருந்து அதற்கான தரவை பெற்று ஒருங்கிணைத்துள்ளது.
எவ்வாறாயினும், ஆலோசனைக் குழுவின் உறுப்பினரான ஜீன் ட்ரேஸ் போன்ற சிலர், முதியோர் ஓய்வூதியத்தின் மட்டுப்படுத்தப்பட்ட காப்புறுதிப் பாதுகாப்பு காரணமாக போதுமான ஆதரவைப் பெறாத, குறிப்பாக முதியவர்கள் இன்னும் கூடுதலான பாதிக்கப்படக்கூடியவர்கள் இருப்பதாக நம்புகிறார்கள். இத்தகைய திட்டங்களை நீண்ட காலத்திற்கு நிலையானதாக மாற்ற, வளக் கட்டுப்பாடுகளை நிவர்த்தி செய்வது மிக முக்கியமானது. இந்த அம்சத்தை கவனிக்காமல் விட்டுவிட்டால், திட்டத்தின் நிலைத்தன்மை கேள்விக்குறியாக இருக்கலாம்.
வருவாயைப் பெருக்கும் நடவடிக்கைகள் குறித்தும் மாநில அரசுக்கு ஆலோசனை வழங்குகிறீர்கள். முக்கிய கவனம் செலுத்தும் பகுதிகள் யாவை?
கருத்தில் கொள்ள வேண்டிய ஒரு முக்கியமான விஷயம் என்னவென்றால், வருவாயை அதிகரிப்பது என்பது வரிகளை உயர்த்துவது மட்டுமல்ல, மின்சார விநியோக பயன்பாட்டில் ஏற்படும் இழப்புகளை நிறுத்துவதும் இதில் அடங்கும். அனைவருக்குமான அடிப்படை வருமானம் (Universal basic income) இன்றியமையாததாக இருந்தாலும், மின் துறையில் வழங்கப்படும் மானியங்களின் நடைமுறை முக்கியமானதாகும். சில செல்வந்தர்களும் உயர்-நடுத்தர வர்க்கத்தினரும் இந்த மானியங்களைப் பெறுகின்றனர். வருவாயை அதிகரிப்பது பற்றி நாம் பேசும்போது, அது வரிகளில் மட்டும் கவனம் செலுத்தாமல், குறைக்கப்படக்கூடிய அல்லது நீக்கக்கூடிய தேவையற்ற மானியங்களை நிவர்த்தி செய்வதிலும் கவனம் செலுத்த வேண்டும்.
மாநில மின் பகிர்மான அமைப்பின் ஆரோக்கியத்தை மேம்படுத்த உங்கள் முன்மொழிவுகள் என்ன?
மின் உற்பத்தி மற்றும் விநியோகம் இரண்டையும் ஒன்றாக நிர்வகிக்கும் இந்தியாவின் மூன்று மாநிலங்களில் தமிழ்நாடும் ஒன்று. இதற்கு மாறாக, பெரும்பாலான இந்திய மாநிலங்கள் இந்த செயல்பாடுகளை அவிழ்த்துவிட்டன. போட்டி மற்றும் செயல்திறனை மேம்படுத்துவதற்கு சில கட்டுப்படுகளை அகற்றுவது அவசியம். பல முற்போக்கான மாநிலங்கள் பல மின் விநியோக நிறுவனங்களைக் கொண்டுள்ளன, மேலும் ஆரோக்கியமான போட்டியை வளர்க்கின்றன. எந்தவொரு தனிப்பட்ட உரிமையும், பொது அல்லது தனியார் துறையாக இருந்தாலும், அவை சிறந்தவை அல்ல.
மேலும், குறிப்பாக புதுப்பிக்கத்தக்க எரிசக்தியில் தமிழ்நாட்டின் இலக்குகளைக் கருத்தில் கொண்டு, விநியோக நிறுவனத்தின் ஆரோக்கியம் முக்கியமானது. புதுப்பிக்கத்தக்க எரிசக்திக்கு குறிப்பிடத்தக்க தனியார் துறை முதலீடு தேவைப்படுகிறது. இருப்பினும், மின்சார விநியோக பயன்பாடு நல்ல நிலையில் இல்லை என்றால் மிகவும் தயக்கம் காட்டுவார்கள்.
அரசியல் நிலைப்பாட்டில் இருந்து, இத்தகைய சீர்திருத்தங்களை மேற்கொள்வது எவ்வளவு எளிது?
மக்கள் மீது செலவுகளை திணித்து சீர்திருத்தம் செய்வோம் என்று அரசியல்வாதிகள் சொல்வது கடினம். இருப்பினும், நன்கு செயல்படும் மின் விநியோக நிறுவனம் பசுமை எரிசக்தி துறையில் அதிக வேலை வாய்ப்புகளை எவ்வாறு உருவாக்க முடியும் என்பதைப் பற்றிய ஒரு ஊக்கமளிக்கும் கதையை அவர்கள் பகிர்ந்து கொள்ளலாம். இதில், விலைகளானது தொடர்ந்து திருத்தப்படும் போது, அது ஒரு அரசியல் பிரச்சினையாக மாறும். நீங்கள் வழக்கமான மாற்றங்களைச் செய்யவில்லை என்றால், அரசியல் ரீதியாகக் குற்றம் சாட்டப்பட்டு, பின்னடைவை ஏற்படுத்தக்கூடிய குறிப்பிடத்தக்க மாற்றங்களைச் செயல்படுத்த வேண்டியிருக்கும். மாநில அரசு கட்டணங்களை உயர்த்தி, பணவீக்கத்துடன் இணைப்பதன் மூலம் ஒரு நேர்மறையான நடவடிக்கையைச் செய்யும், இது மிகவும் நிலையான மற்றும் குறைந்த அரசியல் அதிகார அமைப்புக்கு வழிவகுக்கும்.
தமிழகம் போன்ற மாநிலங்கள், மத்திய அரசிடம் இருந்து குறைவான வரிப்பகிர்வு குறித்து புகார் தெரிவிக்கின்றன? உண்மையான பிரச்சினைகள் என்ன?
காலப்போக்கில், மறுபகிர்வுக்கான கோட்பாடு (formula for redistribution) அதிக சுமையைப் பெறுகிறது. மக்கள்தொகை அடிப்படையில் நீங்கள் அதைச் செய்தால், மக்கள்தொகை குறைவாக உள்ள பணக்கார மாநிலங்களில் இருந்து மறைமுகமாக ஏழை மாநிலங்களுக்கு மாற்றப்படும், மேலும் இது காலப்போக்கில் அதிகரித்துள்ளது. மேலும் இது வளர்ந்த மாநிலங்களுக்கும் குறைவான கருவுறுதல் விகிதங்களைக் (lesser fertility rate) கொண்ட மாநிலங்களையும் அவர்களின் சாதனைகளுக்காக தண்டிப்பது போலுள்ளது. அபராதம் விதிக்கத் தொடங்குகிறது. ஒரு கட்டத்தில், இது அரசியல் பிரச்சினையாக மாறிவிடும்.
