இந்தியாவின் பொருளாதார மாற்றமும் வளர்ச்சியின் அமுதமும் -ஹர்தீப் எஸ்.புரி

  இந்தியாவின் உறுதிப்பாடு, வளர்ச்சி மற்றும் எரிசக்தி பாதுகாப்பு பற்றிய உண்மைகள் நிறைந்த கதை, அதை ‘இறந்த பொருளாதாரம்’ என்று அழைக்கும் ‘உலகளாவிய சந்தேகவாதிகளை’ மௌனமாக்கும்.

இந்திய நாகரிகம் நீண்ட காலமாக சோதனைக்குப் பின்னரே வெற்றி வரும் என்று நம்பியுள்ளது. பாற்கடலை கடைவதைப் (Samudra Manthan) போல, கடல் கலக்கப்பட்டு அதன் கொந்தளிப்பிலிருந்து அமுதம் வெளிப்பட்டது. அதுபோலவே, நமது பொருளாதாரக் கொந்தளிப்புகள் எப்போதும் புதுப்பித்தலை உருவாக்கியுள்ளன. 

1991-ஆம் ஆண்டின் நெருக்கடியிலிருந்து தாராளமயமாக்கல் தோன்றியது, மற்றும் கோவிட்-19 தொற்றுநோயிலிருந்து டிஜிட்டல் முன்னேற்றம் பிறந்தது. இன்று, இந்தியாவை “இறந்த பொருளாதாரம்” என்று சந்தேகிப்பவர்களின் கூக்குரல்களுக்கு மத்தியில், உண்மைகளால் ஆன வலிமையான கதை தோன்றுகிறது: வேகமான வளர்ச்சி, பலமான பாதுகாப்பு அமைப்புகள், மற்றும் பரந்த வாய்ப்புகள்.

பொருளாதார தரவு-எரிசக்தி பாதுகாப்பு இணைப்பு

சமீபத்திய மொத்த உள்நாட்டு உற்பத்தியானது, 2025-26 நிதியாண்டின் முதல் காலாண்டில் உண்மையான ஜிடிபி 7.8% வளர்ச்சியடைந்தது. இது கடந்த ஐந்து காலாண்டுகளில் மிக உயர்ந்ததாகும். முக்கியமாக, இந்த வளர்ச்சி பரந்த அடிப்படையிலானது. மொத்த மதிப்பு கூட்டல் 7.6%, உற்பத்தி 7.7%, கட்டுமானம் 7.6%, மற்றும் சேவைகள் தோராயமாக 9.3% விரிவடைந்தது. 

பெயரளவு GDP 8.8% வளர்ந்துள்ளது. இது ஒரு தன்னிச்சையான உயர்வு அல்ல, இது அதிகரித்துவரும் நுகர்வை பிரதிபலிக்கிறது. மேலும் இது, வலுவான முதலீடு மற்றும் பொருளாதாரம் முழுவதும் செலவுகளைக் குறைக்கும் நிலையான பொது மூலதனச்செலவு (public capex) மற்றும் தளவாட சீர்திருத்தங்களிலிருந்து கிடைக்கும் பலன்களை பிரதிபலிக்கிறது.

இந்தியா இப்போது உலகின் நான்காவது பெரிய பொருளாதாரமாகவும், வேகமாக வளர்ந்துவரும் பெரிய பொருளாதாரமாகவும் உள்ளது. இது, முதல் மற்றும் இரண்டாவது பெரிய நாடுகளான அமெரிக்கா மற்றும் சீனாவைக்கூட விஞ்சுகிறது. தற்போதைய போக்கு தொடர்ந்தால், இந்தியா ஜெர்மனியை முந்திக்கொண்டு, பத்தாண்டுகள் முடிவதற்குள் சந்தை பரிமாற்ற அடிப்படையில் மூன்றாவது பெரிய பொருளாதாரமாக மாற உள்ளது. 

இந்தியாவின் வேகம் உலகளவில் முக்கியமானதாக உள்ளது. உலகின் அதிகரிக்கும் வளர்ச்சியில் இந்தியா ஏற்கனவே 15%-க்கும் அதிகமாக பங்களிப்பதாக சுயாதீன மதிப்பீடுகள் கூறுகின்றன. பிரதமர் ஒரு இலக்கை நிர்ணயித்துள்ளார். சீர்திருத்தங்கள் ஆழமடைந்து புதிய திறன் சேர்க்கப்படும்போது இந்தியாவின் பங்கு 20%-ஐ நெருங்க வேண்டும் என்று அவர் விரும்புகிறார்.

சந்தைகளும், மதிப்பீட்டு நிறுவனங்களும் இந்த ஒழுங்குமுறைகளை அங்கீகரித்துள்ளன. அவை வலுவான வளர்ச்சி, பண நம்பகத்தன்மை மற்றும் நிதி ஒருங்கிணைப்பு ஆகியவற்றை மேற்கோள் காட்டி, 18 ஆண்டுகளில் இந்தியாவின் முதல் இறையாண்மை மதிப்பீட்டை S&P Global வழங்கியது. 

இந்த மேம்பாடு கடன் வாங்கும் செலவைக் குறைக்கிறது மற்றும் முதலீட்டாளர் தளத்தை விரிவுபடுத்துகிறது. சுதந்திரமான இடர் மதிப்பீட்டாளர்கள் தங்கள் மதிப்பீடுகளில் நம்பிக்கையைக் காட்டியுள்ளதால், இது "இறந்த பொருளாதாரம்" என்ற கூற்றையும் சிதைக்கிறது.

யார் பயனடைகிறார்கள்? என்பதும் சமமான அளவில் முக்கியமானது. 2013-14 மற்றும் 2022-23-க்கு இடையில், 24.82 கோடி இந்தியர்கள் பல பரிமாண வறுமையிலிருந்து (multidimensional poverty) மீண்டுள்ளனர். முக்கியமாக வங்கிக் கணக்குகள், சுத்தமான சமையல் எரிபொருள், சுகாதாரப் பாதுகாப்பு, குழாய் நீர் போன்ற அடிப்படைச் சேவைகள் மற்றும் ஏழைகளுக்குத் தாங்கள் தனிப்பட்ட முறையில் தேர்வுகளைச் செய்யும் அதிகாரம் அளிக்கும் நேரடி பரிமாற்றங்கள் போன்றவற்றின் அடிப்படையில் இந்த மாற்றம் மேற்கொள்ளப்படுகிறது. 

உலகின் மிகவும் துடிப்பான ஜனநாயகத்தில் மற்றும் குறிப்பிடத்தக்க மக்கள்தொகை சவால்களுக்கு மத்தியில் இந்த அளவிலான வளர்ச்சி தனித்துவமானது. இந்தியாவின் மாதிரி ஒருமித்த கருத்து உருவாக்கம், போட்டித்தன்மையுள்ள கூட்டாட்சி, மற்றும் டிஜிட்டல் தளங்கள் மூலம் இறுதி மைல் விநியோகத்தை மதிக்கிறது. 

இது அறிவிக்கப்படுவதற்கு மெதுவாக இருக்கலாம், ஆனால் செயல்படுத்துவதற்கு வேகமாகவும், நீடித்து நிலைக்கும்படியும் கட்டமைக்கப்பட்டுள்ளது. விமர்சகர்கள் நம்மை சர்வாதிகார வேகத்துடன் ஒப்பிடும்போது, அவர்கள் முக்கிய புள்ளியை தவறவிடுகிறார்கள்: இந்தியா ஒரு மாரத்தான் பொருளாதாரத்தை உருவாக்கி வருகிறது.

இந்திய பெட்ரோலிய அமைச்சர் அனுபவத்திலிருந்து நாட்டின் எரிசக்தி பாதுகாப்பு அதன் விரைவான வளர்ச்சியை இயக்குகிறது என்று எழுதுகிறார். இந்தியா, இன்று, உலகின் மூன்றாவது பெரிய எரிசக்தி நுகர்வோர், நான்காவது பெரிய சுத்திகரிப்பு மற்றும் நான்காவது பெரிய திரவமாக்கப்பட்ட இயற்கை எரிவாயு (liquefied natural gas) இறக்குமதியாளர் ஆவர். இந்தியா ஒரு நாளைக்கு 5.2 மில்லியன் பீப்பாய்கள் சுத்திகரிப்புத் திறனை இயக்குகிறது. பத்தாண்டுகால இறுதியில் ஆண்டுக்கு 400 மில்லியன் டன்களுக்கு அப்பால் விரிவுபடுத்த திட்டமிடப்பட்டுள்ளது.

2047-ம் ஆண்டளவில் இந்தியாவின் எரிசக்தி தேவை இரட்டிப்பாகும் என்று எதிர்பார்க்கப்படுகிறது. இது உலகளாவிய தேவையில் ஏறக்குறைய கால் பங்கைக் கொண்டிருக்கும். எனவே, இந்தியாவின் வெற்றி உலகளாவிய எரிசக்தி நிலைத்தன்மைக்கு இன்றியமையாதது. 

முக்கியமாக, பாதுகாப்பையும் சீர்திருத்தத்தையும் இணைப்பதே அரசாங்கத்தின் அணுகுமுறையாகும். 2021-ம் ஆண்டில் 8% வண்டல் படுகைகளில் இருந்து 2025-ம் ஆண்டில் 16% ஆக ஆய்வின் பரப்பு விரிவடைந்துள்ளது. 

2030-ம் ஆண்டுக்குள் ஒரு மில்லியன் சதுர கிலோமீட்டர் பரப்பளவை உள்ளடக்குவதே இதன் இலக்கு ஆகும். ‘செல்லமுடியாத’ பகுதிகளை (No-Go areas) 99% குறைப்பது பரந்த ஆற்றலைத் திறந்துள்ளது. 

திறந்த நிலப்பரப்பு உரிமக் கொள்கை (Open Acreage Licensing Policy (OALP)) ஏலத்தை வெளிப்படையானதாகவும் போட்டித்தன்மையுடனும் ஆக்குகிறது. புதிய எரிவாயு விலை நிர்ணய சீர்திருத்தங்கள் (New gas pricing reforms), விலைகளை இந்திய கச்சா எண்ணெய் கூடையுடன் இணைத்து, ஆழ்கடல் மற்றும் புதிய கிணறுகளுக்கு 20% கூடுதல் தொகையை வழங்குவதன் மூலம் முதலீட்டை ஊக்குவித்துள்ளன.

எரிசக்தி மாற்றத்தின் நிலை

இந்தியாவின் எரிசக்தி நிலை ஹைட்ரோகார்பன்களைப் பற்றியது மட்டுமல்ல, இது மாற்றத்தைப் பற்றியது. எத்தனால் கலப்பு 2014-ல் 1.5% ஆக இருந்து இன்று 20% ஆக உயர்ந்துள்ளது. இதன் மூலம் ₹1.25 லட்சம் கோடி அந்நியச் செலாவணியை மிச்சப்படுத்துகிறது மற்றும் விவசாயிகளுக்கு நேரடியாக ₹1 லட்சம் கோடிக்கு மேல் செலுத்தியுள்ளது. 

நிலையான மாற்று மலிவு போக்குவரத்து திட்டத்தின் (Sustainable Alternative Towards Affordable Transportation programme) கீழ் 300-க்கும் மேற்பட்ட அழுத்தப்பட்ட உயிரிவாயு ஆலைகள் (compressed biogas plants) அமைக்கப்படுகின்றன. 

2028-ம் ஆண்டுக்குள் 5% கலப்பு ஆணைக்கான (blending mandate) இலக்கு வைக்கப்பட்டுள்ளது. எண்ணெய் பொதுத்துறை அலகுகள் (public sector units (PSU)) பசுமை ஹைட்ரஜனில் முன்னணியில் உள்ளன.

இந்தியா ரஷ்ய கச்சா எண்ணெய் வாங்கியது குறித்து நிறைய விவாதங்கள் நடந்துள்ளன. ஆனால் உண்மைகளை வெற்றுக் கூச்சல்களிலிருந்து (fact from noise) பிரிக்க வேண்டும். ஈரானிய அல்லது வெனிசுலா கச்சா எண்ணெய் போன்று ரஷ்ய எண்ணெய் ஒருபோதும் அனுமதிக்கப்படவில்லை. 

இது, ஜி-7 ஐரோப்பிய ஒன்றிய விலை வரம்பு அமைப்பின் (European Union price cap system) கீழ் வேண்டுமென்றே வருவாயைக் கட்டுப்படுத்தும் போது எண்ணெய் பாய்ச்சலைத் தொடர வடிவமைக்கப்பட்டுள்ளது. இதுவரை, இதுபோன்ற தொகுப்புகளின் 18 சுற்றுகள் அறிமுகப்படுத்தப்பட்டுள்ளன. 

ஒவ்வொரு பரிவர்த்தனையும் சட்டப்பூர்வ கப்பல் போக்குவரத்து மற்றும் காப்பீட்டைப் பயன்படுத்தியுள்ளது. இணக்கமான வர்த்தகர்கள் மற்றும் தணிக்கை செய்யப்பட்ட நிகழ்வுகளைப் பயன்படுத்துகிறது. இந்தியா விதிகளை மீறவில்லை. உண்மையில், சந்தைகளை நிலைப்படுத்தவும், உலகளாவிய விலைகள் உயர்ந்து வருவதைத் தடுக்கவும் இந்தியா உதவியுள்ளது.

சில விமர்சகர்கள் இந்தியா ரஷ்ய எண்ணெய்க்கான "சலவை நிலையமாக" மாறிவிட்டதாகக் கூறுகின்றனர். இந்தக் கூற்று உண்மையல்ல. பல தசாப்தங்களாக பெட்ரோலியப் பொருட்களை ஏற்றுமதி செய்யும் நான்காவது பெரிய நாடாக இந்தியா இருந்து வருகிறது. உக்ரைன் மோதலுக்கு முன்பே இது நடந்தது.

 இந்திய சுத்திகரிப்பு நிறுவனங்கள் ஒரு நாடு மட்டுமல்ல, பல நாடுகளிலிருந்தும் கச்சா எண்ணெயைச் செயலாக்குகின்றன. விநியோகச் சங்கிலிகள் இயங்குவதற்கு ஏற்றுமதி அவசியம். 

உண்மையில், ரஷ்ய கச்சா எண்ணெயைத் தடை செய்த பிறகு ஐரோப்பாவே இந்திய எரிபொருட்களை வாங்கியது. இந்தியாவின் ஏற்றுமதியின் அளவு பெரிதாக மாறவில்லை. மொத்த சுத்திகரிப்பு விளிம்புகள் (Gross Refining Margins (GRM)) எனப்படும் சுத்திகரிப்பு விளிம்புகளும் பரவலாக ஒரே மாதிரியானவை. எனவே, இதில் எந்த லாபமும் இல்லை.

உக்ரைன் மோதலுக்குப் பிறகு உலகளாவிய விலைகள் உயர்ந்தபோது இந்தியாவும் தனது குடிமக்களைப் பாதுகாக்க நடவடிக்கை எடுத்தது. எண்ணெய் பொதுத்துறை நிறுவனங்கள் டீசலில் லிட்டருக்கு ₹10 வரை இழப்பை ஏற்றுக்கொண்டன. 

அரசாங்கம் மத்திய மற்றும் மாநில வரிகளை குறைத்தது மற்றும் வெளிநாடுகளில் பெட்ரோல் மற்றும் டீசல் விற்கும் சுத்திகரிப்பு நிறுவனங்கள் குறைந்தபட்சம் 50% பெட்ரோலையும், 30% டீசலையும் உள்நாட்டு சந்தையில் விற்க வேண்டும் என்று ஏற்றுமதி விதிகள் (export rules) கட்டளையிட்டன.

இந்த நடவடிக்கைகள், கணிசமான நிதிச் செலவில், ஒரு சில்லறை விற்பனை நிலையமும் பாதிப்பு அடையாமல், இந்தியக் குடும்பங்களுக்கான நிலையான விலையை வைத்திருந்தன. இதற்கான பெரிய உண்மை தெளிவாக உள்ளது. 

உலகளாவிய எண்ணெயில் கிட்டத்தட்ட 10% வழங்கும் இரண்டாவது பெரிய எண்ணெய் உற்பத்தியாளரை உலகம் புறக்கணிக்க முடியாது. விரல் நீட்டி குறை கூறுவோர் இந்த உண்மையை புறக்கணிக்கின்றனர். இந்தியா அனைத்து சர்வதேச விதிமுறைகளைப் பின்பற்றியதால், ஒரு பேரழிவு தரும் பீப்பாய்க்கு 200 டாலர் அதிர்ச்சியைத் தவிர்த்து, வசுதேவ குடும்பகம் (உலகம் ஒரு குடும்பம்) என்ற அதன் நாகரிக மதிப்புகளுடன் ஒத்துப்போனது.

அதேதான், உலகிற்காக ”இந்தியாவில் தயாரிக்கப்பட்டது" (Made in India) என்ற பார்வை இந்தியாவில் ஒரு புதிய தொழில்துறை புரட்சியை உருவாக்குகிறது. இது குறைமின்கடத்திகள், மின்னணுவியல், புதுப்பிக்கத்தக்க பொருட்கள், பாதுகாப்பு மற்றும் சிறப்பு இரசாயனங்கள் உற்பத்தி இணைக்கப்பட்ட ஊக்கத்தொகை மற்றும் பிரதான் மந்திரி கதி சக்தி (Pradhan Mantri Gati Shakti) தளவாட அடித்தளம் ஆகியவற்றால் இயக்கப்படுகிறது.

 குறைமின்கடத்திகளின் வேகம் இப்போது ஒரு புதிய அளவை எட்டியுள்ளது. இது கொள்கைகளின் தீவிரம் மற்றும் அவற்றை செயல்படுத்துவதையும் காட்டுகிறது. சமீபத்தில், இந்திய குறைமின்கடத்தி திட்டத்தின் (semiconductor manufacturing projects) கீழ் மேலும் நான்கு குறைமின்கடத்தி உற்பத்தி திட்டங்களுக்கு அமைச்சரவை ஒப்புதல் அளித்தது. 

ஆகஸ்ட் 30, 2025 அன்று ஜப்பானில் உள்ள ஒரு குறைமின்கடத்தி ஆலைக்கு பிரதமரின் பயணமும், ஜப்பானின் மறு முதலீட்டு உறுதிமொழிகளும், நம்பகமான, பாதுகாப்பான தொழில்நுட்ப விநியோகச் சங்கிலிகளுக்கான பகிரப்பட்ட பாதையை வலியுறுத்துகின்றன.

டிஜிட்டல் பொருளாதாரம் (digital economy) இந்த ஆதாயங்களை அதிகரிக்கிறது. நிகழ்நேரப் பணம் செலுத்துவதில் (real-time payments) இந்தியா உலகிலேயே முன்னணியில் உள்ளது. ஒருங்கிணைந்த கட்டண இடைமுகத்தின் (UPI) பரவலான பயன்பாடு சிறு வணிகங்களுக்கான உற்பத்தித்திறனை மேம்படுத்துகிறது.  

மேலும், இந்தியாவின் புத்தொழில் சுற்றுச்சூழல் அமைப்பு (India’s startup ecosystem) புதுமையை சேவைகள் மற்றும் தீர்வுகளின் ஏற்றுமதியாக மாற்றுகிறது. டிஜிட்டல் அமைப்புகள் இயற்பியல் உள்கட்டமைப்புடன் இணைக்கும்போது, ​​தாக்கம் வலுவடைகிறது. இது குறைந்த உராய்வு, அதிக முறைப்படுத்தல் மற்றும் முதலீடு மற்றும் நுகர்வுக்கான ஒரு நல்ல சுழற்சியை உருவாக்குகிறது.

இந்தியாவின் மதிப்பெண் பலகையில் உள்ள பதில்கள் 

எதிர்காலமானது நம்பிக்கைக்குரியதாகத் தெரிகிறது. சுதந்திரமான கணிப்புகள் (EY) 2038-க்குள், வாங்கும் திறன் சமநிலை (purchasing power parity (PPP)) விதிமுறைகளில், 34 டிரில்லியன் டாலருக்கு மேல் ஜிடிபியுடன், உலகின் இரண்டாவது பெரிய பொருளாதாரமாக இந்தியா உருவாகலாம் என்று கூறுகின்றன. இந்தப் பாதை நிலையான சீர்திருத்தங்கள், மனித மூலதனம் மற்றும் ஒவ்வொரு நிறுவனத்திற்கும் குடும்பத்திற்கும் ஏராளமான, சுத்தமான, நம்பகமான எரிசக்தியை அடிப்படையாகக் கொண்டது.

ஒரு நாகரிகத்தின் மகத்துவம் அதன் முக்கியமான தருணங்களில் சோதிக்கப்படுகிறது. கடந்தகாலத்தில், இந்தியா சந்தேகிக்கப்பட்டபோது, ​​அது பசுமைப் புரட்சி மற்றும் தகவல் தொழில்நுட்பப் புரட்சியுடன் பதிலளித்தது. மேலும், கல்வி மற்றும் தொழில் மூலம் தங்களை உயர்த்திக் கொண்ட மில்லியன் கணக்கான மக்களின் அமைதியான கண்ணியத்தையும் இது காட்டியது.

 இன்றைய தருணம் வேறுபட்டதல்ல. இந்தியா தனது பார்வையை நிலையாக வைத்திருக்கும். அதன் சீர்திருத்தங்கள் இடைவிடாமல் அதன் வளர்ச்சி விரைவான, ஜனநாயக மற்றும் அனைவரையும் உள்ளடக்கியதாக இருக்கும். அதனால், பலன்கள் மிகவும் பின்தங்கிய மக்களைக்கூட சென்றடைவதை உறுதி செய்வதே இதன் நோக்கமாகும். பிரதமர் நரேந்திர மோடியின் தலைமையில், வளர்ந்த இந்தியா (Viksit Bharat) என்பது வெறும் ஒரு லட்சியம் மட்டுமல்ல. இது ஒரு நிறைவேற்றத்தக்கது (deliverable). மேலும், இந்த எண்கள் பெரிய கதையின் சமீபத்திய அத்தியாயமாகும்.

ஹர்தீப் எஸ். பூரி இந்திய அரசின் பெட்ரோலியம் மற்றும் இயற்கை எரிவாயு துறைக்கான மத்திய அமைச்சர் ஆவர்.

Original article:

India’s economic churn and the nectar of growth -Hardeep S. Puri

Read More →

தொடர்ச்சியான பிரச்சினை : இந்தியாவில் நிதி மற்றும் ஆராய்ச்சி குறித்து . . .

 நிதி மற்றும் சம்பளம் வழங்குவதில் ஏற்படும் தாமதம் காரணமாக ஆராய்ச்சித் திட்டங்களைத் தாண்டி விலகுகிறது.

அறிவியலில் (science) நேரம் என்பது மிக முக்கியமானது. உயிர் தொழில்நுட்பத் துறையின் (Department of Biotechnology) பயோகேர் திட்டத்திற்கு (Biocare programme) தேர்ந்தெடுக்கப்பட்ட 75 பெண்களுக்கு அனுமதி கடிதங்கள் அல்லது சம்பளம் கிடைக்கவில்லை என்று ஒரு அறிக்கை கூறுகிறது. 

இது இந்தியாவின் ஆராய்ச்சி நிர்வாகத்தில் ஒரு தொடர்ச்சியான சிக்கலை பிரதிபலிக்கிறது. இளம் ஆராய்ச்சியாளர்கள், ஏற்கனவே உள்ள குறைந்த ஆய்வக இடம், சிக்கலான பல்கலைக்கழக அதிகாரத்துவங்கள், சிக்கலான மானிய விண்ணப்பங்கள், சீரற்ற வழிகாட்டுதல் மற்றும் நிச்சயமற்ற தொழில் வாய்ப்புகளை எதிர்கொள்கின்றனர். 

வாழ்க்கைச் செலவுகளுடன் ஒப்பிடும்போது சம்பளம் மற்றும் பெல்லோஷிப்கள் குறைவாக உள்ளன. இது திறமையான பட்டதாரிகளை ஆராய்ச்சியைத் தொடரவிடாமல் தடுக்கிறது. தங்கியிருப்பவர்கள்கூட பெரும்பாலும் பாதுகாப்பு இல்லாமல் நீண்ட முதுகலை அல்லது ஒப்பந்த வேலைகளில் சிக்கித் தவிக்கிறார்கள். 

இந்த சூழலில், பயோகேர் (Biocare scheme) போன்ற ஒரு திட்டம் ஒரு சுதந்திரமான தொடக்கத்தை வழங்குவதற்காக உருவாக்கப்பட்டது. அதே நேரத்தில், சரியான நேரத்தில் வழங்குவதில் தோல்வி பாதுகாப்பின்மை மற்றும் ஊக்கமின்மையை அதிகரிக்கிறது, மேலும் முதுகலை பணிக்கான வாய்ப்புகள் மற்றும் வெளிநாட்டில் பணிக்கால வாய்ப்புகளும் குறைந்து வருகின்றன. 

மேற்கத்திய நாடுகளில் குடியேற்ற விதிகள் அதிக கட்டுப்பாடுள்ள நிலையில், வரையறுக்கப்பட்ட ஆசிரியர் பதவிகளுக்கான போட்டி தீவிரமடைந்துள்ளது. இந்திய விஞ்ஞானிகளைப் பொறுத்தவரை, உள்நாட்டு ஆராய்ச்சி சுற்றுச்சூழல் அமைப்பு பெருகிய முறையில் அவர்களின் தொழில் வாழ்க்கை வெளிப்படும். இந்த சூழ்நிலையில், பெல்லோஷிப்கள் மற்றும் மானியங்களில் ஏற்படும் தாமதங்கள் முழு வாழ்க்கையையும் சேதப்படுத்தும்.

இந்தியா இனி இதுபோன்ற சீர்குலைவுகளை சிறிய பிரச்சினைகள் என்று நிராகரிக்க முடியாது. நாடு தனது உலகளாவிய விஞ்ஞான நிலையை விரிவுபடுத்தவும், ஆராய்ச்சியை புதுமையாக மாற்றவும், சுகாதாரம், ஆற்றல், விவசாயம் மற்றும் காலநிலை பின்னடைவு ஆகியவற்றில் உள்ள அழுத்தமான சவால்களை எதிர்கொள்ள ஒரு தலைமுறை விஞ்ஞானிகளுக்கு பயிற்சி அளிக்க விரும்புகிறது. 

இந்த லட்சியங்கள் நிதி நிர்வாகத்துடன் ஒத்துப்போகவில்லை என்றால், இது அடிப்படை செயல்பாட்டில் தடுமாற்ற நிலை ஏற்படும்.  கருவூல ஒற்றைக் கணக்கு முறைக்கு மாறியது, பயோகேர் தாமதத்திற்கு கூறப்பட்ட காரணம், நீண்ட காலத்தில் வெளிப்படைத்தன்மையை வலுப்படுத்தலாம், ஆனால் இப்போது உடனடி நிர்வாக முதிர்ச்சிக்கு பல காரணங்கள் உள்ளன. 

ஆனால், நிர்வாக நிலையயின் காரணமாக இப்போது அவசரமாக தேவைப்படுவதற்கு பல காரணங்கள் உள்ளன. முதன்மையாக, அறிவியல் நேரம் உணர்திறன் கொண்டதாக உள்ளது. அவை வசதிகள், கூட்டுப்பணியாளர்கள் மற்றும் பருவகால அல்லது உயிரியல் நிலைமைகள் சீரமைக்கப்படும் போது பரிசோதனைகள் தொடங்க வேண்டும். தாமதங்கள் இந்த சுழற்சிகளை மீளமுடியாமல் சிதைக்கின்றன. 

இரண்டாவதாக, பயனாளிகளைச் சென்றடையத் தவறும் முற்போக்கான திட்டங்கள் நம்பகத்தன்மையை இழக்கின்றன. இந்த நம்பகத்தன்மை பற்றாக்குறை உள்நாட்டு திறமையாளர்களையும் சர்வதேச கூட்டமைப்புகளையும் ஈர்ப்பதை கடினமாக்குகிறது. மூன்றாவதாக, சமத்துவ  நிலைத்தன்மையைக் கோருகிறது. பெண் விஞ்ஞானிகள், தொழில் வாழ்க்கையின் ஆரம்பகால தொழில் முனைவர்கள் மற்றும் குறைவான பிரதிநிதித்துவ பின்னணியில் உள்ளவர்கள் ஏற்கனவே முறையான தடைகளுடன் போராடுகின்றனர். 

நிதிக்கான ஒழுங்கற்ற அணுகல் அவர்களை விகிதாசாரத்தில் பாதிக்கிறது.  திட்ட வடிவமைப்பு வெளிப்புற அமலாக்கத்திற்கு பதிலாக இணைக்கப்பட வேண்டும். அதிகாரத்துவ மாற்றங்களின் போது பயனாளிகள் பாதிக்கப்படாமல் இருக்க, வெளிப்படைத்தன்மை தற்செயலாக இருக்க வேண்டும். 

இவற்றில், அமைச்சகங்கள் மற்றும் திட்ட மேலாளர்களின் மட்டத்தில் பொறுப்புத்தன்மையை செயல்படுத்தப்பட வேண்டும். இதில் கொள்கை வகுப்பாளர்கள், அவர்களுக்கான கணக்கியல் நடைமுறைகளில் தாமதம் ஏற்படுவது, ஆராய்ச்சியாளர்களின் வாழ்வாதாரம் மற்றும் தொழில்களுக்கு இடையூறு ஏற்படுத்துவதாகும்.

Original article:

Recurrent irritant: On funds and research in India

Read More →

புதுப்பிக்கப்பட்ட கவனம் : இந்தியா-ஜப்பான் உறவுகள் குறித்து . . .

 உலகளாவிய மாற்றங்களின் போது இந்தியாவும் ஜப்பானும் தங்கள் உறவுகள் நிலையானதாக இருப்பதைக் காட்டியது.

தனது கிழக்குப் பயணத்தின் முதல் கட்டமாக, பிரதமர் நரேந்திர மோடி ஜப்பான் பிரதமர் ஷிகெரு இஷிபாவுடன் 15-வது ஆண்டு உச்சி மாநாட்டிற்காக இரண்டு நாள் பயணமாக ஜப்பான் சென்றுள்ளார். அதற்கு முன், SCO உச்சி மாநாட்டில் கலந்துகொள்ள தியான்ஜின் சென்றார் என்பது குறிப்பிடத்தக்கது. 

கடைசியாக இந்தியா-ஜப்பான் உச்சி மாநாடு 2022-ல் இந்தியாவில் நடைபெற்றது. இந்த வருகையின்போது, இரு தரப்பு நாடுகளும் குறைந்தபட்சம் ஒரு குறிப்பிட்ட (டஜன்) ஆவணங்களை வெளியிட்டன. 

இவற்றில், முக்கியமாக ஏற்கனவே உள்ள ஒப்பந்தங்களைப் புதுப்பித்தல் மற்றும் அவற்றுக்கு "அடுத்த தலைமுறை" (Next-Gen) என்ற கண்ணோட்டத்தில் கவனம் செலுத்துவதை நோக்கமாகக் கொண்டது. ஜப்பானிய வணிகங்கள் இந்தியாவில் தங்கள் முதலீட்டு இலக்குகளை 68 பில்லியன் டாலராக உயர்த்தியுள்ளன மற்றும் இந்தியக் கூட்டமைப்பு நாடுகளுடன் சுமார் 170 புரிந்துணர்வு ஒப்பந்தங்களில் கையெழுத்திட்டுள்ளன. 

கூட்டு அறிக்கையைத் தவிர, பொருளாதாரப் பாதுகாப்பு (economic security), இயக்கம் (mobility) மற்றும் பசுமைத் தொழில்நுட்ப மாற்றம் (green technology transition) போன்ற எட்டு ஒத்துழைப்புக்கான பகுதிகள் உட்பட 2035 தொலைநோக்கு அறிக்கையை வெளியிட்டது. 

இதில், "அடுத்த தலைமுறை மாநில-மாகாணக் கூட்டமைப்பு" (Next-Gen State-Prefecture Partnership) போன்ற அடிமட்ட உறவுகளை வலுப்படுத்துவதையும் நேரடி விமான இணைப்பை அதிகரிப்பதையும் நோக்கமாகக் கொண்டது. இந்தியாவும், ஜப்பானும் தங்களின் 2008 பாதுகாப்பு கூட்டமைப்புகளை ஆண்டுதோறும், தேசிய பாதுகாப்பு ஆலோசகர் (NSA) அளவிலான உரையாடல், குவாட், இந்தோ-பசிபிக் ஒத்துழைப்பு மற்றும் ஐ.நா. -வின் பாதுகாப்பு கவுன்சில் சீர்திருத்தம் ஆகியவற்றில் அதிக ஈடுபாட்டையும் உள்ளடக்கியது. 

அரியவகை பூமி காந்தங்களை (rare earth magnets) ஏற்றுமதி செய்வதில் இந்திய நிறுவனங்கள் சீன கட்டுப்பாடுகளை எதிர்கொள்வதால், ஜப்பானிய தொழில்நுட்பத்தைப் பயன்படுத்தி, இந்தியாவில் குறைமின்கடத்தி தொழில்நுட்பத்தை உற்பத்தி செய்து செயலாக்க உதவும் வகையில், மீள் விநியோகச் சங்கிலிகளை உருவாக்குதல் மற்றும் முக்கியமான உள்கட்டமைப்பைப் பாதுகாத்தல் என்ற அவர்களின் பொருளாதார பாதுகாப்பு கூட்டமைப்பின் இலக்கு தீவிரமாக உள்ளது. 

இந்தியாவின் அதிவேக ரயில் "புல்லட் ரயில்" திட்டத்துடன் (Bullet Train project) ஜப்பானின் பணி சிறப்பிக்கப்பட்டது. பிரதமர் மோடி மற்றும் பிரதமர் இஷிபா ஆகியோர் மியாகி மாகாணத்திற்கு ரயிலில் பயணம் மேற்கொண்டனர். அங்கு அவர்கள் குறைமின்கடத்தி தொழிற்சாலையையும் ஆய்வு செய்தனர். 

கூட்டறிக்கையில் வடகொரியாவின் ஏவுகணை சோதனைகள் மற்றும் அணுசக்தி திட்டம், மற்றும் பஹல்காம் தாக்குதல் மற்றும் எல்லை தாண்டிய பயங்கரவாதம் ஆகியவற்றைக் கண்டிக்கும் வலுவான உரையாடலும் அடங்கும். இருப்பினும், பாகிஸ்தானைக் குறிப்பிடவில்லை. இந்தியாவிற்கு எதிரான அதிபர் டிரம்பின் நடவடிக்கைகள் குறித்து நிச்சயமற்ற தன்மையின் கீழ் வரும் இந்த ஆண்டு இந்தியாவில் நடைபெறவிருக்கும் தலைவர்களின் குவாட் உச்சிமாநாட்டின் முக்கியத்துவத்தையும் தலைவர்கள் வலியுறுத்தினர்.

இந்தியா-ஜப்பான் சந்திப்புகளின் உரையாடல் பெரும்பாலும் இருதரப்பு உறவுகளைப் பற்றியதாக இருந்தாலும், அதன் பின்னணி புவிசார் அரசியல் தொடர்புடையதாக இருந்தது. இந்திய பொருளாதாரத்தை அச்சுறுத்தும் மிகப்பெரிய வரிவிதிப்புகளை அமெரிக்கா அறிவித்த பிறகு பிரதமர் மோடி டோக்கியோவிற்கு பயணத்தை மேற்கொண்டார். 

ஆகஸ்ட் 31, 2025 ஞாயிற்றுக்கிழமை அன்று, சீன அதிபர் ஜி ஜின்பிங்கை சந்திப்பதற்கு முன்பு, அவர் தனது முதல் பயணமாக ஜப்பானைத் தேர்ந்தெடுத்தார். இந்த சந்திப்பு, நான்கு ஆண்டுகால மோதலுக்குப் பிறகு உறவுகளை இயல்பாக்குவதை நோக்கமாகக் கொண்டுள்ளது. 

ஜப்பானும் கிழக்கு சீனக் கடல் பகுதியில் நிலவும் சூழ்நிலை குறித்து கவலை கொண்டுள்ளது, மேலும் அமெரிக்காவுடனான வர்த்தகத்தில் பதற்றங்கள் இருப்பதால், வாஷிங்டனுக்கு வர்த்தக பேச்சுவார்த்தை குழு பயணத்தை ரத்து செய்தது. மோடியும்  இஷிபாவும் வெளியிட்ட செய்தி என்னவென்றால், உலகளாவிய வல்லரசுகளால் ஏற்படும் புவிசார் அரசியல் குழப்பங்களுக்கு மத்தியில், இந்தியா-ஜப்பான் உறவு நிலையாக இருந்து தொடர்ந்து வளர்ந்து வருகிறது.

Original article:

Renewed focus: On India-Japan ties

Read More →

இந்தியாவின் மொத்த உள்நாட்டு உற்பத்தி (GDP) 2025-26 நிதியாண்டின் முதல் காலாண்டில் 7.8% வளர்ச்சி அடைந்தது, இது கடந்த ஐந்து காலாண்டுகளில் மிக உயர்ந்த வளர்ச்சியாகும். -ஷிஷிர் சின்ஹா

 உற்பத்தி மற்றும் சேவைகள் வலுவாக வளர்ச்சி அடைந்துள்ளன. அதே நேரத்தில் வேளாண்மை மற்றும் சுரங்கத் துறைகள் பலவீனமான வளர்ச்சியைக் காட்டின. 2025-26 ஏப்ரல்-ஜூன் காலாண்டில் (Q1) இந்தியாவின் பொருளாதாரம் 7.8% வளர்ச்சியடைந்ததாக வெள்ளிக்கிழமை வெளியிடப்பட்ட அரசு தரவுகள் தெரிவிக்கின்றன. 2023-24ஆம் ஆண்டின் கடைசி காலாண்டில் பதிவான 8.4%-க்குப் பிறகு இது மிக விரைவான வளர்ச்சியாகும்.

சிறப்பம்சங்கள்:

* 2025-2026 நிதியாண்டின் முதல் காலாண்டில் உண்மையான மொத்த உள்நாட்டு உற்பத்தி 7.8% வளர்ச்சியடைந்தது. இது 2024-2025 நிதியாண்டின் முதல் காலாண்டில் 6.5% வளர்ச்சியைவிட அதிகமாகும். 2025-2026 நிதியாண்டின் முதல் காலாண்டில் பெயரளவு மொத்த உள்நாட்டு உற்பத்தி 8.8% வளர்ச்சியடைந்தது.

* வேளாண்மை மற்றும் அதனுடன் தொடர்புடைய நடவடிக்கைகள் முந்தைய ஆண்டின் முதல் காலாண்டில் 1.5% உடன் ஒப்பிடும்போது 3.7% உண்மையான மொத்த உள்நாட்டு உற்பத்தி வளர்ச்சியைப் பதிவு செய்தன.

* இரண்டாம் நிலைத் துறை வலுவான வளர்ச்சியைக் காட்டியது. உற்பத்தி 7.7% ஆகவும் கட்டுமானம் 7.6% ஆகவும் இருந்தது. இரண்டும் நிலையான விலையில் 7.5%-க்கு மேல் வளர்ச்சியைப் பதிவு செய்தன.

* சுரங்கம் மற்றும் குவாரி 3.1% குறைந்துள்ளது. அதே நேரத்தில் மின்சாரம், எரிவாயு, நீர் வழங்கல் மற்றும் பிற பயன்பாடுகள் முதல் காலாண்டில் 0.5% சற்று வளர்ந்தன.

* மூன்றாம் நிலைத் துறை 2025-2026 நிதியாண்டின் முதல் காலாண்டில் நிலையான விலையில் 9.3% வளர்ச்சியடைந்தது. 2024-2025 நிதியாண்டின் முதல் காலாண்டில் 6.8% ஆக இருந்தது.

* அரசாங்க இறுதி நுகர்வுச் செலவு (GFCE) 2025-2026 நிதியாண்டின் முதல் காலாண்டில் பெயரளவு அடிப்படையில் 9.7% அதிகரித்துள்ளது, இது 2024-2025 நிதியாண்டின் முதல் காலாண்டில் 4% வளர்ச்சியிலிருந்து கூர்மையான உயர்வு ஆகும்.

* உண்மையான தனியார் இறுதி நுகர்வுச் செலவு (Private Final Consumption Expenditure (PFCE)) 202025-26 நிதியாண்டின் முதல் காலாண்டில் 7.0% அதிகரித்துள்ளது. இது முந்தைய ஆண்டின் இதே காலாண்டில் 8.3% வளர்ச்சியைவிடக் குறைவு ஆகும்.

* மொத்த நிலையான மூலதன உருவாக்கம் (Gross Fixed Capital Formation (GFCF)) 2024-25 நிதியாண்டின் முதல் காலாண்டில் 6.7 சதவீத வளர்ச்சி விகிதத்தைவிட, நிலையான விலையில் 7.8 சதவீத வளர்ச்சி விகிதத்தைப் பதிவு செய்துள்ளது.

வலுவான வளர்ச்சி

ICRA-வின் தலைமைப் பொருளாதார நிபுணர் அதிதி நாயர் கூறுகையில், இந்தியாவின் மொத்த உள்நாட்டு உற்பத்தி வளர்ச்சி 2025 நிதியாண்டின் நான்காம் காலாண்டில் 7.4%-ஆக இருந்த நிலையில், 2026 நிதியாண்டின் முதல் காலாண்டில் 7.8%-ஆக உயர்ந்துள்ளது. 

இது எதிர்பார்த்ததைவிட அதிகமாகும். ஏனெனில் முந்தைய குறிகாட்டிகள் மந்தநிலையைக் குறிப்பிட்டன. உற்பத்தி மற்றும் சேவைகளில் எதிர்பார்த்ததைவிட வலுவான செயல்திறன் GVA-வில் 7.6% வளர்ச்சியை ஆதரித்ததாக அவர் விளக்கினார். இருப்பினும், வேளாண்மை மற்றும் சுரங்கம் கணிக்கப்பட்ட அளவுக்கு சிறப்பாக செயல்படவில்லை.

வருமான வரி நிவாரணம், 100-அடிப்படை-புள்ளி விகிதக் குறைப்பு, காரீப் விதைப்பில் நல்ல முன்னேற்றம் மற்றும் வரவிருக்கும் GST மாற்றங்கள் காரணமாக தனியார் நுகர்வு மேம்படும் என்று எதிர்பார்க்கப்படுகிறது.

 இருப்பினும், பண்டிகைக் காலத்தில் வரி குறைப்புக்கள் நடைமுறைக்கு வரும்வரை அத்தியாவசியமற்ற பொருட்களுக்கான வீட்டுச் செலவு தாமதமாகலாம். மேலும், அமெரிக்க வரிகளால் பாதிக்கப்பட்ட தொழில்களில் ஏற்படக்கூடிய வேலை இழப்புகள் வீட்டு நம்பிக்கையைப் பாதிக்கலாம்.

2026 நிதியாண்டின் முதல் காலாண்டு எதிர்பார்த்ததைவிட வலுவாக இருந்தாலும், அரசாங்க மூலதனச் செலவு குறைவாகவும், அமெரிக்க வரிகள் மற்றும் அபராதங்கள் காரணமாக ஏற்றுமதிகள் பலவீனமாகவும் இருப்பது வரவிருக்கும் காலாண்டுகளில் வளர்ச்சியைக் குறைக்கலாம். GST மாற்றங்கள் சில நிவாரணங்களை வழங்கக்கூடும். 

ஆனால், அதிலும் நிச்சயமற்றத் தன்மை நீடிக்கிறது. ICRA, நிதியாண்டு 2026-க்கான அதன் மொத்த உள்நாட்டு உற்பத்தி வளர்ச்சி கணிப்பை 6%-ஆக வைத்திருக்கிறது. மேலும், வலுவான காலாண்டு வளர்ச்சி 2025 அக்டோபரில் எந்தவொரு பணவியல் கொள்கை தளர்வுக்கான எதிர்பார்ப்புகளையும் குறைத்துள்ளது என்று நாயர் குறிப்பிட்டார்.

Original article:

India’s GDP grew 7.8% in Q1FY26, highest in five quarters -Shishir Sinha

Read More →

சுற்றுச்சூழல் தாக்க மதிப்பீடு (EIA) என்றால் என்ன? -குஷ்பூ குமாரி

 முக்கிய  அம்சங்கள்:

— 1980ஆம் ஆண்டு வனப் பாதுகாப்புச் சட்டத்தில் ((Sanrakshan Evam Samvardhan) Adhiniyam) சிறப்பு விலக்கு அளித்து, ஒன்றிய அரசு மட்டும் ஒப்புதல் வழங்கப்படாமல், மாநில அரசால் எல்லைச் சாலை அமைப்புக்கு (Border Roads Organisation (BRO)) ஒப்புதல் வழங்கப்பட்டது.

— இந்த விதி ‘தேசிய முக்கியத்துவம் வாய்ந்த, முக்கியமான நேரியல் திட்டங்களை’ (strategic linear projects of national importance) ஒன்றிய அரசின் ஆய்வில் இருந்து விலக்கு அளிக்கிறது. அதற்குப் பதிலாக, இத்தகைய திட்டங்கள் மாநில அளவிலான ஆய்வு குழுவால் அனுமதிக்கப்படுகின்றன. இறுதி அனுமதி ஈடுசெய்ய வனவளர்ப்பு மற்றும் வன உரிமைகள் தீர்வு ஆகியவற்றுக்கு உட்பட்டது.

— உத்தரகாசி மாவட்டத்தில் NH-34-ல் Hina மற்றும் Tekhla இடையே முன்மொழியப்பட்ட இந்த சுற்றுப்பாதை, பலவீனமான பாகீரதி சுற்றுச்சூழல் உணர்திறன் மண்டலம் (Bhagirathi Eco-Sensitive Zone (BESZ)) என்னும் 4,157 சதுர கிலோமீட்டர் பரப்பளவில் அமைந்துள்ளது. இது கங்கோத்திரி மற்றும் உத்தரகாசி நகரத்திற்கு இடையே உள்ளது.

— பாகீரதி சுற்றுச்சூழல் உணர்திறன் மண்டலம் ஆனது 2012-ல் அறிவிக்கப்பட்டது. இந்தத் திட்டம் தாராசு-கங்கோத்ரி பாதையில் 17.5 ஹெக்டேர் வன நிலத்தைத் திருப்பிவிடுவதை உள்ளடக்கியது. இதனால் மாற்றம் எதுவும் செய்யப்படாமல் இருக்கும் காடுகளில் (untouched forests) ஏறக்குறைய 2,750 மரங்களை வெட்ட வேண்டும்.

— 2020 ஆம் ஆண்டில், சூழலியல் நிபுணர் ரவி சோப்ரா தலைமையிலான உச்சநீதிமன்றத்தின் உயர் அதிகாரக் குழு, சுற்றுச்சூழல் மற்றும் சமூக அடிப்படையில் அதே புறவழிச்சாலையைக் கைவிட்டு, அதற்குப் பதிலாக தற்போதுள்ள NH-34-ஐ அகலப்படுத்த பரிந்துரைத்தது.

— குழு அரசின் 900 கிலோமீட்டர் சார்தாம் திட்டத்தை (Chardham project) மறு ஆய்வு செய்தது. இது யமுனோத்திரி, கங்கோத்திரி, கேதார்நாத் மற்றும் பத்ரிநாத் ஆகியவற்றை இணைக்கும் நெடுஞ்சாலைகளை விரிவாக்கி மேம்படுத்தும் நோக்கம் கொண்டது. குழு அனைத்துப் பகுதிகளுக்கும் விரிவான பரிந்துரைகளை சமர்ப்பித்தது.

— தாராலி பேரழிவுக்குப் பிறகு, உச்ச நீதிமன்றத்தின் உயர் அதிகாரக் குழுவின் உறுப்பினர்களான புவியியலாளர் நவீன் ஜுயல் மற்றும் சுற்றுச்சூழல் பிரச்சாரகர் ஹேமந்த் தியானி ஆகியோர், சார்தாம் நெடுஞ்சாலையை அதன் தற்போதைய வடிவத்தில் தொடர வேண்டாம் என்று சாலைப் போக்குவரத்து அமைச்சகத்தை வலியுறுத்தினர். நெட்டாலா புறவழிச்சாலை திட்டத்தை (Netala bypass) கைவிட வேண்டும் என்றும் அவர்கள் அழைப்பு விடுத்தனர்.

— கங்கோத்திரி பகுதியில் புதிய வன அழிப்பிற்கு எதிராக ஏற்கனவே போராட்டம் நடத்திவரும் உத்தரகாசி மாவட்ட மக்கள், நெட்டாலா சுற்றுப்பாதை அனுமதியை ரத்து செய்யவும் சார்தாம் திட்டத்தின் பணிகளை நிறுத்தவும் கோரிக்கை விடுத்தனர்.

உங்களுக்குத் தெரியுமா?

— 900 கிலோமீட்டர் சார்தாம் திட்டம் நான்கு புனித யாத்திரை மையங்களான யமுனோத்திரி, கங்கோத்திரி, கேதார்நாத் மற்றும் பத்ரிநாத் ஆகியவற்றை இணைக்கும் நெடுஞ்சாலைகளை விரிவாக்கி மேம்படுத்தும் பணியில் உள்ளது. உச்சநீதிமன்றம் 2021-ல் இதற்கு நிபந்தனைகளுடன் அனுமதி வழங்கியது.

— சுற்றுச்சூழல் தாக்க மதிப்பீடு (Environmental Impact Assessment (EIA)) என்பது நாடுகள் பொருளாதார வளர்ச்சி மற்றும் சுற்றுச்சூழல் பாதுகாப்பு இடையே சமநிலை காக்க உதவும் ஒரு வழிமுறையாக உருவாகியுள்ளது. இது வளர்ச்சி சூழலியல் நிலைத்தன்மையை கெடுக்காமல் இருப்பதை உறுதி செய்கிறது.

—சுற்றுச்சூழல் தாக்க மதிப்பீடு என்பது முன்மொழியப்பட்ட திட்டம் அல்லது மேம்பாட்டின் சாத்தியமான சுற்றுச்சூழல் விளைவுகளை - நேர்மறை மற்றும் எதிர்மறை இரண்டையும் - அது அங்கீகரிக்கப்படுவதற்கு முன்பு மதிப்பிடும் ஒரு முறையான செயல்முறையாகும்.

— EIA-ன் முதன்மை நோக்கங்கள் மேம்பாட்டு திட்டங்களின் சுற்றுச்சூழல், பொருளாதார மற்றும் சமூக தாக்கங்களை முன்கணிப்பு மற்றும் மதிப்பீடு செய்வதை உள்ளடக்கியது.

— முன்மொழியப்பட்ட திட்டத்தின் ஆழமான பகுப்பாய்வை வழங்குவதன் மூலம் தகவலறிந்த முடிவெடுப்பதை இது எளிதாக்குகிறது மற்றும் திட்டமிடல் ஆரம்பகட்டத்தில் சாத்தியமான எதிர்மறை விளைவுகளை அடையாளம் காண்பதன் மூலம் நிலையான வளர்ச்சியை ஊக்குவிக்கிறது. அதே, நேரத்தில் பொருத்தமான மாற்று வழிகள் மற்றும் தணிப்பு வழிமுறைகளையும் பரிந்துரைக்கிறது.

— ஒரு திட்டம் குறித்த பொதுக் கூட்டங்களில் மக்கள் தங்கள் கருத்துகளையும் கவலைகளையும் பகிர்ந்து கொள்ள அனுமதிப்பதன் மூலம், வளர்ச்சி முடிவுகளில் பங்கேற்க சுற்றுச்சூழல் தாக்க மதிப்பீடு (Environmental Impact Assessment (EIA)) உதவுகிறது.

Original article:

What is the Environmental Impact Assessment (EIA)? -Khushboo Kumari

Read More →

மின்னணு உயில் (e-will) குறித்து… -எல் எஸ் நாராயணசுவாமி

 காலாவதியான சட்டங்கள் மற்றும் காகித ஆவணங்கள் காரணமாக பல இந்தியர்கள் தங்கள் நியாயமான மரபுரிமையை இழக்கின்றனர். மின்னணு உயில்கள் (Electronic wills) இந்த சூழ்நிலையை மாற்றக்கூடும்.

பிரதமர் நரேந்திர மோடி அடுத்த தலைமுறை சீர்திருத்தங்களின் தேவையை வலியுறுத்தும்போது, அதில் முக்கியமானது டிஜிட்டல் தளங்களின் தொகுப்பாகும் — ஜன் தன், ஆதார் மற்றும் அலைபேசி மும்மை (trinity) — இவை மற்ற எந்த நாடும் செய்யாத வகையில் சமூக நலனுக்கான அணுகலை ஜனநாயகப்படுத்தியுள்ளன. 

இந்தியாவின் மக்கள்தொகை மற்றும் வளர்ந்துவரும் நடுத்தர வர்க்கத்தை கருத்தில் கொண்டு, பரம்பரை மற்றும் உயில் தொடர்பான சீர்திருத்தம் பெரும்பாலும் தீண்டப்படாமல் உள்ள ஒரு பகுதியாகும், இது சமத்துவம், நியாயம் மற்றும் பொருளாதார நீதிக்கு பெரும் தாக்கங்களை ஏற்படுத்துகிறது.

இந்தியர்களில் மிகக் குறைந்த பகுதியினர் மட்டுமே உயில் எழுதுகின்றனர்; அவர்களில்கூட பெரும்பாலானோர் பெரிய பெருநகரங்களில் மிகவும் குவிந்துள்ளனர். இதனால் ஊரகப் பகுதி மற்றும் தொலைதூரப் பகுதிகளுக்கு இடையே அதிக இடைவெளி உள்ளது. மக்கள் உயில் எழுதும்போதுகூட, போலி உயில்கள், உயிலின் அதிகப்படியான பதிப்புகள் மற்றும் நீதிமன்றங்களில் தொடர்புடைய சவால்கள் பரவலாக  உள்ளன.

சிறிய நகரங்கள் மற்றும் ஊரகப் பகுதிகளில் சட்ட நிபுணத்துவத்திற்கான அணுகல் மற்றும் விருப்பம் குறைந்துள்ளது. மேலும், கையால் கையெழுத்திடப்பட்ட காகித உயில்கள் (paper wills) மற்றும் நேரடி சாட்சிகளின் பயன்பாடு ஏற்றுக்கொள்ளுதல் மற்றும் விரிவாக்கத்தை கட்டுப்படுத்துகிறது.

இது மின்னணு உயில்களை ஏற்றுக்கொள்ள வேண்டிய தேவையை எழுப்புகிறது. இவை அதிகாரத்துவ தடைகளை அகற்றி அணுகலை விரைவுபடுத்தும் பல தெளிவான நன்மைகளைக் கொண்டுள்ளன. மின்னணு/டிஜிட்டல் உயில்கள் பாரம்பரிய காகித அடிப்படையிலான உயில்களுக்கு ஒரு நெறிப்படுத்தப்பட்ட மற்றும் திறமையான மாற்றாக செயல்படுகின்றன. 

இது பொருள் காப்பகம் (Physical storage), அணுகல் மற்றும் சாத்தியமான தவறான மாற்றத்தின் சவால்களை நிவர்த்தி செய்கிறது. உயில் எழுதுபவர்கள் மற்றும் சாட்சிகள் இந்த செயல்முறையை மெய்நிகர் முறையில் முடிக்க முடியும். இது புவியியல் தடைகளை நீக்கி நேரடி தொடர்புகளுடன் தொடர்புடைய நேரம் மற்றும் செலவைக் குறைக்கிறது. 

ஒரு டிஜிட்டல் செயல்முறை நீதிமன்றங்களின் மீதான சுமையை பெரும் அளவில் குறைக்கும். குறைந்தபட்சம் செயல்படுத்தல் மற்றும் நம்பகத்தன்மைக்கான சவால்களின் அடிப்படையில், இது கணினி உள்கட்டமைப்பில் தணிக்கை செய்யக்கூடிய பாதைகளைப் பயன்படுத்தி மறுக்க முடியாத அங்கீகாரத்தின் கவலையை நிவர்த்தி செய்யும். தொலைதூர மற்றும் ஊரகப் பகுதிகளில் சரியான சட்ட உள்கட்டமைப்பை அணுக முடியாத பிரச்சினையும் இதன் மூலம் கணிசமாகக் குறைக்கப்படும்.

வெவ்வேறு வடிவங்களில், பல்வேறு நாடுகளில் பயன்பாட்டு நிகழ்வுகள் உள்ளன. மேலும், இந்தியாவிலும் வடிவம் எடுக்க ஆரம்பித்துள்ளன. இவற்றில் சில: உத்தராகண்டின் ஒரே மாதிரியான குடியுரிமை சட்ட விதிகள் 2025-இன் (Uniform Civil Code (UCC)) அத்தியாயம் 4, வலைத்தளம் அல்லது அலைபேசி மூலம் உயில்களின் பதிவு மற்றும் புதுப்பித்தல் போன்ற செயல்பாடுகளை நிறைவேற்றுவதற்கான நடைமுறைகளை அமல்படுத்தியுள்ளது. 

இந்த விதிகள் சோதனையாளர்கள் தங்கள் உயில்கள் அல்லது குறியீடுகளை (wills/codicils) இணைய வழி செயல்முறை மூலம் பதிவு செய்ய அனுமதிக்கின்றன. இது நடைமுறையை நெறிப்படுத்துகிறது மற்றும் உடல் ஆவணங்களைச் சார்ந்திருப்பதைக் குறைக்கிறது.

ஒரு மனுதாரர் தமது முன்னர் பதிவு செய்யப்பட்ட உயிலை/சொத்துப் பிரித்திடலை நீக்கவோ அல்லது புதிதாக ஒரு பதிப்பை இறுதியாகும் உயில் என அறிவிக்கவோ இணைய பதிவு மூலம் செய்ய முடியும். இதனால் அணுகல் மற்றும் தெளிவுத்தன்மை அதிகரிக்கப்படுகிறது. 

இந்த விதிமுறைகள் பதிவு செய்யும் பல்வேறு வழிகளை வழங்குவதன் மூலம் தொழில்நுட்பத்தை இணைத்துள்ளன. அதில் வலைதளம்/அலைபேசி செயலி, ஆவணப் பதிவேற்றம் மற்றும் காணொளி உயில் அறிவிப்பு அடங்கும். இது ஒரு பெரிய முன்னேற்றமாக இருப்பினும், இந்த விதிமுறைகள் இன்னும் முழுமையான டிஜிட்டல் உயில்களை, மின்னணு கையொப்பங்கள், பிளாக்செயின் அடிப்படையிலான சான்றிதழ் ஆகியவற்றை வழங்கவில்லை..

அமெரிக்காவில், சீரான மின்னணு உயில்கள் சட்டம் (Electronic Wills Act) ஒரு மாதிரி சட்டமாகும். இது மின்னணு முறையில் சேமிக்கப்பட்ட உயில்களை சரிபார்க்கிறது. தொலைதூர சாட்சியத்தை அனுமதிக்கிறது. 

மேலும், உரையாக படிக்கக்கூடியதாகவும், உயிலாகச் செயல்பட நோக்கம் கொண்டதாகவும் இருக்கும் வரை, செயல்படுத்தல் தேவைகளை சரியாகப் பூர்த்தி செய்யாத உயில்களை சரிபார்க்க அனுமதிக்கும் ‘பாதிப்பில்லாத பிழை’ (harmless error) விதியையும் உள்ளடக்கியது.

சீரான மின்னணு உயில்கள் சட்டத்தை  (Uniform Electronic Wills Act (UEWA)) ஏற்றுக்கொள்வது சட்டத்தை நவீனமயமாகும் என்று எதிர்பார்க்கப்படுகிறது. மேலும் தெளிவான அமைப்பை உருவாக்குவதன் மூலம், அதிகமான மக்கள் உயில்களை உருவாக்கவும், கையால் எழுதப்பட்ட உயில்களை அங்கீகரிப்பதில் உள்ள சிக்கல்களை சரிசெய்யவும் இது உதவும். இது முதன்முதலில் 2019-ல் அங்கீகரிக்கப்பட்டது. அதன் பின்னர் கொலராடோ, வடக்கு டகோட்டா, உட்டா, அமெரிக்க விர்ஜின் தீவுகள் மற்றும் வாஷிங்டன் உள்ளிட்ட ஒன்பது மாநிலங்களில் ஏற்றுக்கொள்ளப்பட்டு இயற்றப்பட்டது.

கனடாவில், பிரிட்டிஷ் கொலம்பியா மற்றும் சஸ்காட்செவன் ஆகிய இரண்டு மாகாணங்கள் மின்னணு உயில்களை செல்லுபடியாகும் உயில் கருவிகளாக அங்கீகரிக்கும் சட்டத்தை இயற்றியுள்ளன. இவை முறையே டிசம்பர் 1, 2021 மற்றும் மே 17, 2023-ல் செய்யப்பட்டன.

பிரிட்டிஷ் கொலம்பியாவின் மசோதா 21, 2009-ல் நிறைவேற்றப்பட்ட ஏற்கனவே உள்ள உயில்கள், சொத்துக்கள் மற்றும் வாரிசுரிமைச் சட்டத்தை பல தொழில்நுட்ப முன்னேற்றங்களுடன் புதுப்பித்தது. டிஜிட்டல் உயில்கள், தொலைதூர மெய்நிகர் சாட்சியம், உயில்களின் டிஜிட்டல் சேமிப்பு மற்றும் ஒரு உயிலை டிஜிட்டல் முறையில் ரத்து செய்யும் அல்லது புதுப்பிக்கும் திறன் போன்றவற்றை உருவாக்கியுள்ளது.

இந்தியாவில், எந்தத் தீர்வும் டிஜிட்டல் வழிகளைப் பயன்படுத்தி உயில் உருவாக்க அனுமதிக்க வேண்டும் - குறிப்பாக மொபைல், மொழிவாரி மொழிகள் உட்பட; மறுக்க முடியாத அங்கீகாரத்தை உறுதி செய்ய தொழில்நுட்பத்தைப் பயன்படுத்த வேண்டும். 

மேலும் கடுமையான தகவல் பாதுகாப்பு நடவடிக்கைகளுடன் ஆதார் ஒருமுறை கடவுச்சொல்/மின்னணு கையொப்பம் (Aadhaar OTP/eSign) ‘கையொப்பமிடுதல்’ (Signing) உயில் மற்றும் சாட்சிகளால் அல்லது ஒரு டிஜிட்டல் அங்கீகாரம், வீடியோ சாட்சியத்துடன் சேர்ந்து இருக்க வேண்டும்.

இந்தியாவில் மின்னணு உயில்கள் அறிமுகப்படுத்தப்பட வேண்டும் அல்லது மேற்கண்ட ஒரு தீர்வான செயல்பாடுகள் வேண்டுமானால், பாரதீய சாக்ஷ்ய அதினியம் (Bharatiya Sakshya Adhiniyam, 2023); இந்திய வாரிசுரிமை சட்டம் (Indian Succession Act,1925); தகவல் தொழில்நுட்ப சட்டம் (Information Technology Act, 2000); இந்து வாரிசுரிமை சட்டம் (Hindu Succession Act, 1956), மற்றும் பதிவு சட்டம் (Registration Act, 1908) ஆகிய சட்டங்களில் பொருத்தமான திருத்தங்கள் தேவைப்படும்.

இந்தியா பல்வேறு துறைகளில் டிஜிட்டல்மயமாக்கலை நோக்கி நகர்ந்து செல்லும்போது, மின்னணு உயில்களின் அங்கீகாரம் சொத்துக்களை பராமரிக்கும் திட்டமிடல் (Estate Planning)  செயல்முறையை நவீனமயமாக்கும் மற்றும் அதிகமான தனிநபர்களை தங்கள் வாரிசுரிமை திட்டங்களை முறைப்படுத்த ஊக்குவிக்கும். 

டிஜிட்டல் கருவிகளின் தற்போதைய அணுகல் மற்றும் சட்ட அங்கீகார இடைவெளிகளை நிவர்த்தி செய்யும். விதவைகள், குழந்தைகள் போன்றோர் - எந்த உயில் இல்லாததால் அல்லது வாரிசுரிமை அனுமதிக்கப்படாததால் இறந்தவருடன் தொடர்புடைய சந்தர்ப்பவாத குடும்ப உறுப்பினர்கள் அல்லது பிறரால் தங்கள் நியாயமான மரபுரிமையில் இருந்து வஞ்சிக்கப்பட்டுள்ளனர்.

இந்த சீர்திருத்தங்கள், நமது எதிர்காலத்தை வடிவமைக்கும் பொருட்டு, பாரம்பரியத்தைப் பெறும் குடிமக்களுக்கு முழுமையான நீதியை வழங்கும்.

எழுத்தாளர், முன்னாள் வங்கியாளர், ஒரு தொழில்முனைவோர், முதலீட்டாளர் மற்றும் ராஜதந்திர பயிற்சியாளர்.

Original article:

Where there’s an e-will -L S Narayanswamy

Read More →

இணையவழி விளையாட்டுச் சட்டம் 2025 -குஷ்பூ குமாரி

 2025ஆம் ஆண்டு இணையவழி விளையாட்டுச் சட்டம், அனைத்து வகையான இணையவழி  பணம் சம்பந்தமான விளையாட்டுகளுக்கும் முழுமையான தடை விதிக்கிறது. இந்த சட்டத்தின் முக்கிய அம்சங்கள் என்ன? இந்தப் பிரச்சினையில் நீதிமன்றத்தின் கடந்தகால தீர்ப்புகள் என்ன?

2025ஆம் ஆண்டு, இணைய வழி விளையாட்டு மேம்பாடு மற்றும் ஒழுங்குபடுத்துதல் மசோதா (Promotion and Regulation of Online Gaming Bill) ஆகஸ்ட் 22 அன்று குடியரசுத்தலைவரின் ஒப்புதலைப் பெற்றது. இது இந்தியாவின் வேகமாக வளர்ந்துவரும் இணையவழி விளையாட்டுத் துறைக்கு விரிவான சட்ட கட்டமைப்பை உருவாக்க முயல்கிறது. இது மின்னணு விளையாட்டுகள் (e-sports) மற்றும் இணையவழி சமூக விளையாட்டுகள் போன்ற பிரிவுகளை ஊக்குவித்து ஒழுங்குபடுத்துவதை நோக்கமாகக் கொண்டுள்ளது. அதே நேரத்தில் பணம் சம்பந்தப்பட்ட அனைத்து இணையவழி விளையாட்டுகளுக்கும் முழுமையான தடையை விதிக்கிறது.

முக்கிய அம்சங்கள்:

1. இணையவழி விளையாட்டு மீதான தடை: சமூக, நிதி, உளவியல் மற்றும் பொது சுகாதாரப் பிரச்சனைகளை ஏற்படுத்துகின்றன. குறிப்பாக, இளைஞர்கள் மற்றும் பொருளாதார ரீதியாக பின்தங்கிய குழுக்களுக்கு ஏற்படும் தீங்கு விளைவிக்கும் விளைவுகளால் இணையவழி விளையாட்டிற்குத் தடை விதிக்கப்பட்டுள்ளது.

இந்த விளையாட்டுகள், ‘கையாளும் வடிவமைப்பு அம்சங்கள், அடிமையாக்கும் வழிமுறைகள் (addictive algorithms), தானியங்கி கருவிகள் (bots) மற்றும் வெளிப்படுத்தப்படாத முகவர்களைப் பயன்படுத்தி, நியாயத்தன்மை, வெளிப்படைத்தன்மை மற்றும் பயனர் பாதுகாப்பை பாதுகாப்பற்றதாகவும் ஆக்குகின்றன. அதேநேரத்தில் நிதி இழப்பிற்கு வழிவகுக்கும் நடத்தையை ஊக்குவிக்கின்றன’ என்று சட்டம் கூறுகிறது.

2. நிதி மோசடி மற்றும் பணமோசடியைத் தடுப்பது (Curb on financial fraud and money laundering): 

இந்த விளையாட்டுகளின் ‘கட்டுப்பாடில்லாத விரிவாக்கம்’ (unchecked expansion) நிதி மோசடி, பணமோசடி, வரி ஏய்ப்பு, மற்றும் சில சமயங்களில் பயங்கரவாத நிதியுதவி உட்பட சட்டவிரோத நடவடிக்கைகளுடன் தொடர்புடையது. இதன் மூலம் தேசிய பாதுகாப்பு, பொது ஒழுங்கு மற்றும் அரசின் நேர்மைக்கு அச்சுறுத்தல்களை ஏற்படுத்துகிறது

3. இணையவழி விளையாட்டு (online money game) வரையறை: 

‘இணையவழி பணம் சம்பந்தமான விளையாட்டு’ என்பது ஒரு பயனர் கட்டணம் செலுத்தி, பணம் அல்லது பிற பங்குகளை வைப்புத் தொகையாக கட்டி வெற்றி பெறும் எதிர்பார்ப்பில் விளையாடும் சேவை என வரையறுக்கப்பட்டுள்ளது. இது பணம் அல்லது பிற பங்குகளுக்கு பதிலாக பணம் மற்றும் பிற செழுமையை உள்ளடக்கியது. ஆனால் இதில் மின்னணு விளையாட்டுகள் (e-sports) சேர்க்கப்படாது. இது ஒரு விரிவான வரையறையாகும். மேலும், இது Dream11, Winzo, MPL போன்ற அனைத்து முக்கிய இணையவழி விளையாட்டு தளங்களையும் உள்ளடக்கியது.

4. மின்னணு விளையாட்டுகளை (esports) விளையாட்டாக அங்கீகரிப்பது: இந்தச் சட்டத்தில், மின்னணு விளையாட்டு என்பது முன் வரையறுக்கப்பட்ட விதிகளால் நிர்வகிக்கப்படும் பல வீரர்களைக் கொண்ட விளையாட்டுப் போட்டியாக வரையறுக்கப்படுகிறது. 

மேலும், அதன் விளைவு உடல் திறமை, மன சுறுசுறுப்பு, ராஜதந்திர சிந்தனை போன்ற காரணிகளை மட்டுமே சார்ந்துள்ளது. இந்த விதி வெற்றியாளர்களுக்கு நுழைவுக் கட்டணம் மற்றும் பரிசுத் தொகையை அனுமதிக்கிறது. ஆனால் பந்தயம் கட்டுதல் அல்லது வேறு ஏதேனும் ஆபத்துகளைத் தடை செய்கிறது.

ஒன்றிய அரசு மேலும் மின்னணு விளையாட்டுகளை (e-sports) ஒரு முறையான போட்டி விளையாட்டாக ஊக்குவிக்க பயிற்சி மையங்களை உருவாக்குதல் மற்றும் ஆராய்ச்சி மையங்களை அமைப்பதன் மூலமும், ஊக்குவிப்பு திட்டங்கள், விழிப்புணர்வு பிரச்சாரங்களை பரப்புதல், மாநில அரசுகள் மற்றும் விளையாட்டு அமைப்புகளுடன் இணைந்து பணியாற்றுவதன் மூலம் மின் விளையாட்டுகளை உண்மையான விளையாட்டாக ஆதரிக்க அரசாங்கம் விரும்புகிறது.

5. ஒன்றிய அதிகார நிறுவனம் உருவாக்கம்: போட்டித்தன்மை வாய்ந்த மின்னணு விளையாட்டை (e-sports) ஊக்குவிக்கவும், சட்டத்துடன் ஒட்டுமொத்த இணக்கத்தை உறுதிப்படுத்தவும் ஒரு ஒன்றிய அதிகார நிறுவனத்தை உருவாக்க சட்டம் வழிவகுக்கிறது. 

ஒன்றிய அரசு ‘இணையசமூக விளையாட்டுகளை’ (online social games) அதிகாரசபையிடம் அங்கீகரித்து, வகைப்படுத்தி, பதிவுசெய்து, பொழுதுபோக்கு மற்றும் கல்வி நோக்கங்களுக்காக அத்தகைய விளையாட்டுகளின் மேம்பாடு மற்றும் கிடைக்கும் தன்மையை எளிதாக்கும்.

ஒரு இணையவழி விளையாட்டு, இணையவழி பண விளையாட்டாக தகுதி பெறுகிறதா என்பதை அதிகாரி முடிவு செய்வார். மேலும், அது தடை செய்யப்பட வேண்டுமா இல்லையா என்பதை அதிகாரி தீர்மானிப்பார்.

6. அங்கீகரிக்கப்பட்ட அதிகாரிக்கு வழங்கப்பட்ட அதிகாரம்: 

இந்தச் சட்டம் அங்கீகரிக்கப்பட்ட அதிகாரிகள், அதிகாரபூர்வமான ஆவணம் (Warrant) இல்லாமலேயே கூட, நேரடி மற்றும் மெய்நிகர் இடங்களில் தேடல் நடவடிக்கைகளை மேற்கொள்ள அனுமதிக்கிறது. 

‘எந்த இடமும்’ என்பது எந்தவொரு வளாகம், கட்டிடம், வாகனம், கணினி வளம், மெய்நிகர் டிஜிட்டல் இடம், மின்னணு பதிவுகள் அல்லது மின்னணு சேமிப்பு சாதனங்களை உள்ளடக்கியது மற்றும் அங்கீகரிக்கப்பட்ட அதிகாரி எந்தவொரு அணுகல் கட்டுப்பாடு அல்லது பாதுகாப்பு குறியீட்டையும் மீறி அத்தகைய கணினி வளங்களை அணுகலாம்.

7. சட்டத்தை மீறுவதற்கான தண்டனைகள் (Penalties for violating the law): இணையவழி பணம் சம்பந்தமான விளையாட்டு சேவையை வழங்குவது மூன்று ஆண்டுகள் வரை சிறைத்தண்டனை மற்றும் ரூ.1 கோடி வரை அபராதத்திற்கு வழிவகுக்கும். மீண்டும் குற்றம் செய்தால், சிறைத்தண்டனை ஐந்து ஆண்டுகள் வரை நீட்டிக்கப்படலாம் மற்றும் அபராதம் ரூ.2 கோடி வரை இருக்கலாம்.

 சமூக ஊடக செல்வாக்குடையவர்கள் மற்றும் பிரபலங்கள் உட்பட இத்தகைய விளையாட்டுகளை விளம்பரப்படுத்துவது அல்லது ஊக்குவிப்பது இரண்டு ஆண்டு சிறைத்தண்டனை மற்றும் ரூ. 50 லட்சம் அபராதத்திற்கு வழிவகுக்கும்.

 மீண்டும் குற்றம் செய்பவர்கள் மூன்று ஆண்டுகள் வரை சிறை மற்றும் ரூ.1 கோடி வரை அபராதத்தை எதிர்கொள்ளலாம்.

வங்கிகள் மற்றும் பிற நிதி நிறுவனங்கள் இணையவழி பணம் சம்பந்தமான விளையாட்டு சேவைகளுக்கு எந்த பரிவர்த்தனைகளையும் எளிதாக்க தடை விதிக்கப்பட்டுள்ளது. இதை மீறுவது மூன்று ஆண்டு சிறைத்தண்டனை மற்றும் ரூ 1 கோடி வரை அபராதத்திற்கு வழிவகுக்கும்.

திறமை மற்றும் வாய்ப்பு விளையாட்டுகளுக்கு இடையிலான வேறுபாட்டைப் பற்றிய நீதிமன்றத்தின் கருத்து

1. பல சூழல்களில், நீதிமன்றங்கள் இரண்டு வகையான விளையாட்டுகளுக்கும் இடையேயான வேறுபாட்டை எடுத்துக்காட்டியுள்ளன.

2. திறமையின் அடிப்படையில் விளையாடப்படும் விளையாட்டுகள் என்பது சட்டப்பூர்வமான வர்த்தகம் மற்றும் வணிக வடிவம் என்றும், அவை அரசியலமைப்பின் பிரிவு 19(1)(g)-ஆல் பாதுகாக்கப்படுகின்றன என்றும் அவர்கள் வாதிட்டனர். இந்த பிரிவு எந்தவொரு தொழிலையும் மேற்கொள்ளும் உரிமையை அல்லது எந்தவொரு தொழில், வர்த்தகம் அல்லது தொழிலை மேற்கொள்வதற்கான உரிமையை உறுதி செய்கிறது.

3. 2021ஆம் ஆண்டு, உச்சநீதிமன்றம், கற்பனை கிரிக்கெட் ஆப் ட்ரீம்11-ஐ தடை செய்யக் கோரிய பொதுநல வழக்கை ராஜஸ்தான் உயர்நீதிமன்றம் தள்ளுபடி செய்ததை உறுதி செய்தது. உச்சநீதிமன்றம், கற்பனை விளையாட்டுகள் திறன் சார்ந்த விளையாட்டுகளாகும் என்று மும்பை மற்றும் பஞ்சாப் மற்றும் ஹரியானா உயர் நீதிமன்றங்களின் தீர்ப்புகளை குறிப்பிட்டது.

4. இந்த இரு உயர் நீதிமன்றங்களின் கூற்றுப்படி, கற்பனை விளையாட்டுகளில் வெற்றி என்பது ஒரு குறிப்பிட்ட அணி ஒரு போட்டியில் வெற்றி பெறுவது அல்லது தோல்வியடைவது என்பதைப் பொறுத்தது அல்ல - மாறாக, இது விளையாட்டில் பங்கேற்கும் அனைத்து வீரர்களின் செயல்திறன் குறித்து பங்கேற்பாளர்களின் அறிவு, கவனம் மற்றும் தீர்ப்பை அடிப்படையாகக் கொண்டது.

Original article:

Online Gaming Act, 2025 -Khushboo Kumari

Read More →