மத சுற்றுலாவை சூழலியலுடன் ஒருங்கிணைத்தல் -சஞ்சனா நாயர், எம். சௌபத்ரா தேவி

 விரிவாக்கம் இல்லாத ஒரு தெளிவான கொள்கை பரிந்துரைக்கப்படுகிறது. மைய வனப்பகுதிகளுக்குள் (core forest areas) புதிய கட்டுமானங்கள் அல்லது இந்தப் பகுதிகளில் இருக்கும் கட்டமைப்புகளை விரிவுபடுத்தக்கூடாது.

இந்தியாவில், மத புவியியல் சுற்றுச்சூழல் புவியியலுடன் நெருக்கமாக இணைக்கப்பட்டுள்ளது. நாடு முழுவதும், பல புனித தோப்புகள், ஆலயங்கள், குகைகள் மற்றும் புனித யாத்திரை வழிகள் பாதுகாக்கப்பட்ட பகுதிகளுக்குள் அல்லது அவற்றை ஒட்டி அமைந்துள்ளன. பெரும்பாலும் இந்த இடங்களில் பல சுற்றுச்சூழல்ரீதியாக கவனமாக செயல்படவேண்டிய வாழ்விடங்களில் (ecologically sensitive habitats) உள்ளன. பல நூற்றாண்டுகளாக, இந்த இடங்களில் அணுகல் மற்றும் நடத்தையை கட்டுப்படுத்த நம்பிக்கையான அமைப்புகள் உதவின. இது இயற்கையுடன் இணைந்து வாழ உதவியது. இருப்பினும், இன்று, அதிகரித்து வரும் பார்வையாளர் எண்ணிக்கையும், புனித யாத்திரை பாதைகளின் வளர்ந்து வரும் வணிகமயமாக்கலும் வன சுற்றுச்சூழல் அமைப்புகளில் முன்னெப்போதும் இல்லாத அழுத்தத்தை ஏற்படுத்துகின்றன. ஒரு காலத்தில் பருவகாலமாக இருந்த, சமூகத்தால் இணைக்கப்பட்ட சடங்குகள் தீவிர சுற்றுலாவின் வடிவங்களாக மாறிவிட்டன. பலவீனமான சுற்றுச்சூழல் அமைப்புகள் இந்த அளவிலான உள்கட்டமைப்பை உள்வாங்க முடியவில்லை. நம்பிக்கைக்கும் பாதுகாப்பிற்கும் இடையிலான இந்த சந்திப்பை சுற்றுச்சூழல் ஒருமைப்பாடு அல்லது வனவாசி சமூகங்களின் உரிமைகளை குறைமதிப்பிற்கு உட்படுத்தாமல் எவ்வாறு நிர்வகிக்க முடியும் என்பதுதான் இப்போது கொள்கை வகுப்பாளர்களுக்கு ஒரு கடினமான சவாலாக இருக்கும்.

முக்கிய சர்ச்சைக்குரிய நிலை

வனவிலங்கு சரணாலயங்களுக்குள் உள்ள மத கட்டமைப்புகள் குறித்து தேசிய வனவிலங்கு வாரியத்தின் (Standing Committee of the National Board for Wildlife (SCNBWL)) நிலைக்குழுவின் விவாதங்கள் குறித்து தி இந்துவில் சமீபத்தில் வெளியான செய்தியானது, இந்த நீண்டகால பதற்றத்தை தெளிவான கவனத்திற்குக் கொண்டு வந்துள்ளது. குஜராத்தில் உள்ள ஒரு சரணாலயத்தில் ஒரு மத நிறுவனத்தை விரிவுபடுத்துவதற்கான ஒரு திட்டமானது உடனடி வழக்குகளில் அடங்கும். "இப்பகுதியில் வன உரிமைகள் தீர்வு காணப்படுவதற்கு முன்பு, கோயில்கள் நிறுவப்பட்டது" என்ற உண்மையை மேற்கோள் காட்டி, ஆரம்பத்தில் அங்கீகரிக்கப்பட்டாலும், பாதுகாக்கப்பட்ட பகுதிகள் ஒரு மத நிறுவனத்திற்காக திருப்பி விடப்படும் முதல் நிகழ்வாக இருக்கும் என்ற கவலைகள் காரணமாக அது பின்னர் திரும்பப் பெறப்பட்டது. இது நாடு முழுவதும் பாதுகாக்கப்பட்ட பகுதிகளில் இதே போன்ற கோரிக்கைகளுக்கு வழிவகுக்கும். வனவிலங்கு சரணாலயங்களுக்குள் உள்ள மத கட்டமைப்புகள் குறித்து தேசிய வனவிலங்கு வாரியத்தின் (SCNBWL) தலைவரான சுற்றுச்சூழல் அமைச்சர், காடுகளுக்குள் உள்ள பல புனித குகைகள் மற்றும் மத தளங்கள் மத நூல்களில் குறிப்பிடப்பட்டுள்ளன என்றும், மத நிறுவனங்கள் சம்பந்தப்பட்ட திட்டங்களுக்கு ஒரு நிலையான செயல்பாட்டு நடைமுறையை உருவாக்க பரிந்துரைத்தார்.

இந்த கட்டுப்பாடு நியாயமானது. இந்தியாவின் சட்ட கட்டமைப்பின் கீழ், 1980-க்குப் பிறகு வன நிலத்தில் எந்தவொரு கட்டுமானமும் அல்லது விரிவாக்கமும் பொதுவாக வன (பாதுகாப்பு) சட்டத்தின் (Forest (Conservation) Act) கீழ் ஆக்கிரமிப்பாகக் கருதப்படுகிறது. வனவிலங்கு (பாதுகாப்பு) சட்டம்-1972 (Wildlife (Protection) Act) மற்றும் தேசிய புலிகள் பாதுகாப்பு ஆணைய விதிமுறைகள் (National Tiger Conservation Authority) வரையறுக்கப்பட்ட, கவனமாக நியாயப்படுத்தப்பட்ட தலையீடுகளை மட்டுமே அனுமதிக்கின்றன. இந்த தலையீடுகள் முக்கியமாக இருக்கும் அழுத்தங்களை நிர்வகிக்க அல்லது சுற்றுச்சூழல் மோதலைக் குறைக்க நோக்கமாகக் கொண்டுள்ளன. ஒழுங்குபடுத்தப்படாத கட்டுமானமானது வாழ்விடங்களை உடைக்கிறது. இது மனிதர்களுக்கும் வனவிலங்குகளுக்கும் இடையிலான மோதலை அதிகரிக்கிறது. இது பாதுகாக்கப்பட்ட பகுதிகளையும் பலவீனப்படுத்துகிறது.

உரிமைகள் பற்றிய கேள்வி

இருப்பினும், கலாச்சார அல்லது சமூகத்திலிருந்து தனிமையில் பாதுகாப்பு நடைபெற முடியாது. இந்தியாவில் ஆயிரக்கணக்கான புனித இயற்கை தளங்கள் உள்ளன. அவற்றில், பல உள்ளூர் சமூகங்களால் நிர்வகிக்கப்படும் வாழும் நிலப்பரப்புகளாகும். நம்பிக்கையான அமைப்புகள் (belief systems), பிரித்தெடுத்தல் மற்றும் தொந்தரவுகளை கட்டுப்படுத்தியுள்ளதால், புனித தோப்புகள் பல்லுயிர் புகலிடங்களாக செயல்படுகின்றன. வன உரிமைகள் சட்டம்-2006 (Forest Rights Act) ஒரு முக்கியமான சட்ட பரிமாணத்தை சேர்க்கிறது. இது பட்டியல் பழங்குடியினர் மற்றும் பிற பாரம்பரிய வனவாசிகளின் உரிமைகளை அங்கீகரிப்பதை கட்டாயமாக்குகிறது. பாரம்பரிய அணுகல் அல்லது நடைமுறைகளைப் பாதிக்கும் எந்தவொரு அணுகலும், கட்டுப்பாடு அல்லது ஒழுங்குமுறையும் உரிமைகள் அங்கீகாரத்திற்கு முன்னதாக இருக்க வேண்டும். இந்த நடவடிக்கை புறக்கணிக்கப்பட்டால், தலைமுறைகளாக இந்த காடுகளைப் பாதுகாத்த சமூகங்கள் ஒதுக்கித் தள்ளப்படலாம்.

எனவே காடுகளுக்குள் மத நடவடிக்கைகளுக்கு முழுமையான தடை அரசியலமைப்புரீதியாக பாதுகாக்கக்கூடியதாகவோ அல்லது கலாச்சார ரீதியாக உணர்திறன் கொண்டதாகவோ இருக்காது. அதேநேரத்தில், நம்பிக்கையின் பெயரில் புதிய கட்டிடங்களை அனுமதிப்பது அல்லது ஏற்கனவே உள்ளவற்றை விரிவுபடுத்துவது ஆபத்தான முன்னுதாரணத்தை உருவாக்கும். உண்மையான சவால் ஒரு சமநிலையான அணுகுமுறையைக் கண்டறிவதுதான். இந்த அணுகுமுறை தெளிவாக இருக்க வேண்டும். அதை கவனமாகக் கையாள வேண்டும்.

2023-ம் ஆண்டில், அசோகா சூழலியல் மற்றும் சுற்றுச்சூழல் அறக்கட்டளை (Ashoka Trust for Ecology and the Environment (ATREE)), உலக வனவிலங்கு நிதியத்துடன் (World Wildlife Fund (WWF)) இணைந்து புலிகள் காப்பகங்களுக்குள் மத சுற்றுலா குறித்த வழிகாட்டுதல்களின் தொகுப்பை வெளியிட்டது. இது ஒரு சான்று அடிப்படையிலான பாதை மற்றும் ஒரு பசுமையான யாத்திரை மாதிரியையும் பரிந்துரைக்கின்றன. களக்காடு-முண்டந்துரை புலிகள் காப்பகம் (Kalakad-Mundanthurai Tiger Reserve), ரந்தம்போர் புலிகள் காப்பகம் (Ranthambhore Tiger Reserve) மற்றும் ஜிம் கார்பெட் தேசிய பூங்கா (Jim Corbett National Park) ஆகிய இடங்களில் 15 ஆண்டுகளுக்கும் மேலான களப்பணியை அடிப்படையாகக் கொண்டு, பாதுகாக்கப்பட்ட பகுதிகளில் மத நடவடிக்கைகள் பாதுகாப்புடன் பொருந்தாது என்பதை இந்த வழிகாட்டுதல்கள் நிரூபிக்கின்றன. இருப்பினும், அவை நிலையான முறையில் நிர்வகிக்கப்பட வேண்டும்.

ஒரு பசுமையான யாத்திரை மாதிரி

ஒரு விரிவாக்கம் இல்லாத தெளிவான கொள்கை பரிந்துரைக்கப்படுகிறது. மைய வனப்பகுதிகளுக்குள் புதிய கட்டுமானங்கள் அல்லது இந்தப் பகுதிகளில் இருக்கும் கட்டமைப்புகளின் விரிவாக்கம் இருக்கக்கூடாது. அதேநேரத்தில், கடுமையான, தாக்க அடிப்படையிலான ஒழுங்குமுறைக்கு உட்பட்டு, பாதுகாக்கப்பட்ட பகுதிகளின் அறிவிப்பை முன்கூட்டியே தேதியிட்ட நீண்டகால தளங்களை அங்கீகரிக்க வழிகாட்டுதல்கள் அனுமதிக்கின்றன. இந்த வழிகாட்டுதல்கள் யாத்ரீகர் எண்ணிக்கைகளின் வரம்புகள், இரவு போக்குவரத்துக்கு தடைகள் போன்ற போக்குவரத்தில் கட்டுப்பாடுகள் மற்றும் கழிவுகள், நீர் பயன்பாடு மற்றும் சுகாதாரம் ஆகியவற்றில் வலுவான கட்டுப்பாடுகள் ஆகியவை அடங்கும். நிர்வாகம் சமமாக முக்கியமானது. இவற்றில் வனத்துறைகள், கோயில் அதிகாரிகள், உள்ளூர் அரசாங்கங்கள் மற்றும் சமூகங்கள் மற்றும் பாதுகாப்பு அமைப்புகளை உள்ளடக்கிய பல பங்குதாரர் வழிமுறைகள் ஊக்குவிக்கப்பட வேண்டும்.

இந்த வழிகாட்டுதல்கள் செயல்படுத்தப்பட்ட முன்னோடிப் பகுதிகளில், தனியார் வாகனங்களைக் கட்டுப்படுத்துதல், கோயில் அறக்கட்டளைகள் மூலம் கழிவுகளை நிர்வகித்தல் மற்றும் மதத் தலைவர்களை ஈடுபடுத்துதல் போன்ற நடவடிக்கைகள், வழிபாட்டாளர்களுக்கான அணுகலை மறுக்காமல் அல்லது காடுகளைச் சார்ந்த சமூகங்களை இடம்பெயராமல், சாலைப் படுகொலை, நெகிழி மாசுபாடு மற்றும் நீர் மாசுபாட்டை அளவிடக்கூடிய அளவில் குறைக்க வழிவகுத்தன. தேசிய வனவிலங்கு வாரியத்தால் (National Board for Wildlife) அத்தகைய வழிகாட்டுதல்களை ஏற்றுக்கொண்டால், அவை நன்மை பயக்கும்.

இந்தியாவின் பலம், சுற்றுச்சூழல் பாதுகாப்பை கலாச்சார தொடர்ச்சியுடன் ஒருங்கிணைக்கும் திறனில் உள்ளது. ஒரு கொள்கைரீதியான அணுகுமுறையில் எந்தவொரு புதிய ஆக்கிரமிப்புகளுக்கும் பூஜ்ஜிய சகிப்புத்தன்மை இருக்க வேண்டும். இந்தப் பகுதிகளில் இருக்கும் தளங்களின் கடுமையான ஒவ்வொரு வழக்கையும் தனித்தனியாகவும் முழுமையாகவும் மதிப்பீடு செய்ய வேண்டும். எந்தவொரு அடுத்த நடவடிக்கைக்கும் முன் வன உரிமைகள் தீர்க்கப்பட வேண்டும். இது நியாயம் மற்றும் சட்டப்பூர்வத்திற்கு அவசியம். இந்த மாதிரிகள், தொடர்ச்சியான கண்காணிப்பின் மூலம் ஆதரிக்கப்படும் நிரூபிக்கப்பட்ட பசுமை யாத்திரை மேலாண்மை மாதிரிகளை ஏற்றுக்கொள்வது ஆகியவை அடங்கும்.

சஞ்சனா நாயர், அசோகா சுற்றுச்சூழல் ஆராய்ச்சி அறக்கட்டளையின் (ATREE) கொள்கை வடிவமைப்பு மையத்தில் கொள்கை ஆய்வாளராக உள்ளார். எம். சௌபத்ரா தேவி, ATREE இல் உள்ள சூரி சேகல் பல்லுயிர் பாதுகாப்பு மையத்தில் மூத்த உறுப்பினராக உள்ளார்.

Original article : Aligning religious tourism with ecology -Sanjana Nair, M. Soubadra Devy

Read More →

தமிழ்நாட்டின் சர்ச்சைக்குரிய ஆளுநர்களின் வரலாறு 1950-களைச் சேர்ந்த ஸ்ரீ பிரகாசா-வில் இருந்து தொடங்குகிறது -டி. ராமகிருஷ்ணன்

 சி. ராஜகோபாலாச்சாரி மீண்டும் முதல்வராகப் பதவியேற்பது பற்றிய பேச்சு பரவத் தொடங்கியபோது, ​​அவரது நெருங்கிய நண்பரையும் பிரபல தமிழ் பத்திரிகையாளருமான 'கல்கி' ஆர். கிருஷ்ணமூர்த்தி தனது தமிழ் வார இதழில் அதை, ரமண மகரிஷி திருவண்ணாமலை நகராட்சியின் தலைவராகப் பொறுப்பு ஏற்பது போல ஒப்பிட்டார்.

ஆளுநர்களின் பங்கு மற்றும் நடவடிக்கைகள், குறிப்பாக பாஜக அல்லாத எதிர்க்கட்சிகள் ஆட்சி செய்கின்ற மாநிலங்களில் அவர்களின் செயல்பாடு நாட்டில் மீண்டும் அரசியல் விவாதப் பொருளாக மாறியுள்ளது. சமீபத்தில், தமிழ்நாடு அரசால் அமைக்கப்பட்ட மற்றும் ஓய்வு பெற்ற நீதிபதி குரியன் ஜோசப் தலைமையிலான  ஒன்றிய-மாநில உறவுகள் குறித்த உயர்மட்டக் குழு, ஆளுநர்கள் நிர்வாகத் துறைகளில் ஒன்றிய அரசின் அத்துமீறலுக்கான கருவிகளாக இருந்துவிடாமல் பார்த்துக் கொள்வதற்கான வழிகளைப் பரிந்துரைத்தது.

ஆளும் திராவிட முன்னேற்றக் கழகத்திற்கும் ஆளுநர் ஆர்.என்.ரவிக்கும் இடையே பிரச்சனைகள் தொடர்ந்துவரும் நிலையில் இந்தக் குழுவின் பரிந்துரைகள் வந்துள்ளன. இருப்பினும், 1952 முதல் ஆளுநர்களின் சர்ச்சைக்குரிய செயல்பாடுகள் தமிழ்நாட்டிற்கு புதிதல்ல. அப்போதைய ஆளுநர் ஸ்ரீ பிரகாசா, ஒரு தீவிர காங்கிரஸ் கொள்கை கொண்டவர், அப்போது அவர் செய்த செயல், தேர்தல் முடிவுகள் எதிர்பார்த்ததைவிட அதிர்ச்சியூட்டும் வகையில் வந்தது. தேர்தல் முடிவுகள் தொங்கு சட்டமன்றத்திற்கு வழிவகுத்தது.

இலக்கியம், அறிவியல், கலை, கூட்டுறவு இயக்கம் மற்றும் சமூக சேவை போன்ற துறைகளில் சிறப்பு அறிவு அல்லது நடைமுறை அனுபவம் உள்ள நபர்களை நியமிக்க அனுமதிக்கும் அரசியலமைப்பு விதியின்கீழ், தீவிர அரசியலில் இருந்து ஓய்வுபெற்ற சி. ராஜகோபாலாச்சாரியை சட்டமன்றத்திற்கு அவர் பரிந்துரை செய்தார். முகமது உஸ்மான், வி. பாஷ்யம் ஐயங்கார் மற்றும் ஓமந்தூர் பி. ராமசாமி ரெட்டியார் ஆகிய மூவரும் பரிந்துரைக்கப்பட்டனர்.

உண்மையில், இந்தியாவின் ஒரே தலைமை ஆளுநராக இருந்த ராஜாஜியை முதலமைச்சராக கொண்டுவர காங்கிரஸ் கட்சி பல வாரங்கள் முயற்சி செய்தது. ஆனால், சி.ராஜகோபாலாச்சாரி மீண்டும் முதலமைச்சராக வருவார் என்ற பேச்சு வந்தபோது, ‘கல்கி’ ஆர். கிருஷ்ணமூர்த்தி தனது வார இதழில் அதை, ரமண மகரிஷி திருவண்ணாமலை நகராட்சித்தலைவராகப் பொறுப்பு ஏற்பது போல ஒப்பிட்டார் என்று ராஜ்மோகன் காந்தியின் வாழ்க்கை வரலாறு ‘Rajaji: A Life’  குறிப்பிடுகிறது.

எதிர்பார்த்தபடி, சி. ராஜகோபாலாச்சாரியின் நியமனம் மட்டும் ஒரு அரசியல் விவாதத்தை கிளப்பியது. ஏனெனில், அவர் பின்னர் ஆந்திரா, கர்நாடகா மற்றும் கேரளாவின் சில பகுதிகளை உள்ளடக்கிய மாநிலத்தின் முதலமைச்சராக நியமிக்கப்பட்டார். அப்போதும் சரி, இப்போதும் சரி, சி.ராஜகோபாலாச்சாரியின் இலக்கிய நிபுணத்துவம் அல்லது அவரது இலக்கியப் புலமை மற்றும் அவரது நியமனத்தை யாரும் கேள்வி எழுப்பவில்லை. ஆனால், மக்களின் எதிர்மறை தீர்ப்புக்குப் பிறகு இடைக்காலமாக பதவியில் இருக்கும் அமைச்சரவை, சட்டமன்றத்தில் காலியாக உள்ள இடங்களை நிரப்ப ஆளுநரிடம் பரிந்துரை செய்யலாமா,  அதுபோன்ற பரிந்துரையை ஆளுநர் ஏற்கலாமா என்பதே தொடர்ந்து விவாதிக்கப்படும்   கேள்வியாக உள்ளது.

இந்திய கம்யூனிஸ்ட் கட்சியின் (Communist Party of India (CPI)) மூத்த மார்க்சிஸ்ட் தலைவர் பி. ராமமூர்த்தி, சென்னை உயர்நீதிமன்றத்தில் ஆளுநரின் முடிவை எதிர்த்து வழக்கு தொடர்ந்தார். மேலும், இந்த நடவடிக்கையை எதிர்த்து நீதிமன்றத்தில் தனது வாதத்தை முன் வைத்தார். இது ஒரு "தவறான நடவடிக்கை" (malafide exercise) என்றும், அலுவலகத்தின் அதிகாரங்களை "தவறானவை" என்றும் கூறினார். இருப்பினும், நீதிமன்றம் அவரது மனுவை தள்ளுபடி செய்தது.

உண்மையில், பிரதமர் ஜவஹர்லால் நேரு, இமாச்சலப் பிரதேசத்தின் மஷோப்ராவில் ஓய்வு பெற்றபோது, ​​ஏப்ரல் 3, 1952 அன்று ஒரு கடிதம் மூலம் தனது நண்பரும் ஆளுநருமான ஸ்ரீ பிரகாசாவின் நடவடிக்கைக்கு தனது மறுப்பைத் தெரிவித்ததாக nehruarchive.in என்ற தளத்தில் தெரிவிக்கப்பட்டுள்ளது. “இந்த முன்னேற்றங்கள், குறிப்பாக நீங்கள் ராஜாஜியை சட்டமேலவைக்கு பரிந்துரைத்தது எனக்கு திருப்தியளிக்கவில்லை” என்று நேரு மார்ச் 31 அன்று ஆளுநருக்கு எழுதிய கடிதத்திற்கும், மாநில அரசியல் முன்னேற்றங்கள் குறித்த தந்திக்கும் பதிலளிக்கும் விதமாக எழுதினார். இருப்பினும், நான்கு நாட்களுக்குப் பிறகு, பிரதமர் சி.ராஜகோபாலாச்சாரிக்கு உதவத் தயாராக இருப்பதாக தெரிவித்தார். மேலும், தமிழ்நாட்டில் தலைமைத்துவப் பிரச்சினையில் அவரது அணுகுமுறையையும் விளக்கினார். "மெட்ராஸில் நிகழ்வுகள் வேகமாக நடக்கத் தொடங்கின. இங்கு நான் மிகவும் உதவியற்றவனாக உணர்ந்தேன். இங்கிருந்து எங்கள் தரப்பில் இருந்து எந்த தலையீடும் உதவாது என்பதை நான் உணர்ந்தேன். மேலும், இந்த விவகாரத்தை நீங்களும் மற்றவர்களும் மெட்ராஸிலேயே முடிவு செய்ய வேண்டும். இயற்கையாகவே, இந்த நிலையில் இந்த பொறுப்பை ஏற்கும்படி உங்களை வற்புறுத்த நான் தயங்கினேன். மறுபுறம், ஏதாவது ஒரு வழியை கண்டுபிடிக்க நாங்கள் எடுத்த அனைத்து முயற்சிகளும் வெற்றிபெறவில்லை" என்று ராஜாஜிக்கு எழுதிய கடிதத்தில் நேரு குறிப்பிட்டார்.

சுதந்திரத்திற்குப் பிறகு, 1946-ல் அதிகப் பெரும்பான்மையைப் பெற்ற காங்கிரஸ், தனி பெரும்பான்மை பெற முடியவில்லை. 375 உறுப்பினர்களைக் கொண்ட சபையில், அந்தக் கட்சி 152 இடங்களை மட்டுமே பெற்று, தனிப்பெரும் கட்சியாக உருவெடுத்தது. காங்கிரஸின் ஒட்டுமொத்த எண்ணிக்கையில் தமிழ் பேசும் பகுதிகள் 96 இடங்களைப் பெற்றன. அந்தத் தேர்தல் முடிவின் முக்கிய அம்சம், முதலமைச்சர் பி. எஸ். குமாரசுவாமி ராஜாவும், அவரது அமைச்சரவையில் இடம் பெற்றிருந்த பல உறுப்பினர்கள் தோல்வியடைந்தனர். 1952 தேர்தல், 15 ஆண்டுகளுக்குப் பிறகு மாநிலத்தில் காங்கிரஸ் கட்சி சந்தித்த தோல்விக்கு முன்னோடியாக இருந்தது. அரிசி பற்றாக்குறை பிரச்சினை அப்போது ஆட்சியில் இருந்த அரசுக்கு எதிராக வாக்காளர்களின் மனதை மாற்ற முக்கியக் காரணமாக இருந்தது.

ராஜகோபாலாச்சாரி தலைமையிலான அமைச்சரவையில் நிதி மற்றும் உணவு அமைச்சராக ஆன சி. சுப்பிரமணியம், தனது நினைவுக் குறிப்புகளான “Hand of Destiny தொகுதி 1-ல்”, அரிசி விநியோகத்தில் பொது விநியோக கொள்கையைப் பின்பற்றியதற்காக காங்கிரஸ் கட்சித் தேர்தலில் "அதிக விலை" கொடுக்க வேண்டியிருந்தது என்று கூறினார். 1952-ஆம் ஆண்டு  ஜனவரி–மார்ச் மாதங்களில் தி இந்து இதழில் வெளியான செய்திகள் ஆய்வு செய்தால், சில இடங்களில் மக்களின் தீர்ப்பை காங்கிரஸை மறுத்ததாக சுட்டிக்காட்டியது.

1952-ஆம் ஆண்டு ஜனவரி–பிப்ரவரி மாதங்களில் நடைபெற்ற முதல் பொதுத் தேர்தலில், இரண்டாம் இடத்தில் கம்யூனிஸ்ட் கட்சி (CPI) 62 தொகுதிகளை வென்றது. கிஸான் மஜ்டோர் பிரஜா கட்சி (Kisan Mazdoor Praja Party (KMPP)) 35 தொகுதிகளை வென்றது. தமிழ்நாடு தொழிலாளிகள் கட்சி (Tamil Nadu Toilers’ Party (TNTP)) 19 தொகுதிகளை வென்றது. கிரிஷிகர் லோக் கட்சி (Krishikar Lok Party (KLP)) 15 தொகுதிகளை வென்றது. சோஷலிஸ்ட் கட்சி 13 தொகுதிகளை வென்றது. காமன்வீல் கட்சி 6 தொகுதிகளை வென்றது. மதராஸ் மாநில முஸ்லிம் லீக் 5, ஃபார்வர்ட் பிளாக் (மார்க்சிஸ்ட்) 3 தொகுதிகளை வென்றது. நிர்ணயப்பட்ட சாதிகள் சங்கம் (SCF) 2 தொகுதிகளை வென்றது. நீதிக் கட்சி 1 தொகுதி வென்றது. 62 சுயேச்சைகள் வெற்றி பெற்றனர்.

பிளவுபட்ட தேர்தல் முடிவுகளின் காரணமாக, ஆளுநர், காங்கிரஸ் தொகுதியில் பெரும்பான்மை இல்லாத போதிலும், மார்ச் 31, 1952 அன்று காங்கிரஸ் சட்டமன்றக் கட்சியின் தலைவரான சி. ராஜகோபாலாச்சாரியை ஆட்சி அமைக்குமாறு அழைப்பு விடுத்தார். முன்னாள் காங்கிரஸ் தலைவர் மற்றும் கிஸான் மஜ்டோர் பிரஜா கட்சித் தலைமையிலான டி. பிரகாசம், 166 சட்டமன்ற உறுப்பினர்களின் ஆதரவை பெற்று அரசை அமைப்பதற்கு தேவையான பெரும்பான்மை பெற்றார். TNTP, KLP, ஃபார்வர்ட் பிளாக் மற்றும் காமன்வீல் கட்சி உறுப்பினர்கள் பெரும்பாலானோரும், 37 சுயேச்சை உறுப்பினர்களின் ஆதரவையும் சேர்த்து, பிரகாசம் ஐக்கிய ஜனநாயக முன்னணி (United Democratic Front) என்ற கூட்டணியை உருவாக்கினார். ஆனால், ஆளுநர் காங்கிரஸ்  தலைவர் பிரகாசத்தின் வாதத்தை ஏற்காமல், ராஜகோபாலாச்சாரியை முதலமைச்சராக நியமித்தார். ராஜாஜி அமைச்சரவையில் காமன்வெல் கட்சியின் தலைவர் எம்.ஏ. மாணிக்கவேலு நாயக்கர் எதிர்பாராத விதமாக சேர்க்கப்பட்டார். மே மாத தொடக்கத்தில் சட்டமன்றம் அமைக்கப்பட்ட நேரத்தில், காங்கிரஸின் பலம் 165-ஆக உயர்ந்தது.

பின்னர், சட்டமன்றத் தேர்தலுக்கான மாதிரி நடத்தை விதிகள்  அறிமுகபடுத்தபட்ட பிறகு, பதவியிலுள்ள அரசு எந்தவொரு கொள்கை முடிவையும் எடுக்கக் கூடாது என்ற நடைமுறை அமல்படுத்தப்பட்டது. அவசர நிலை காரணமாக ஏதேனும் முடிவு எடுக்கவேண்டிய சூழல் ஏற்பட்டால், அப்போது தேர்தல் ஆணையத்தின் அனுமதியைப் பெறவேண்டும். அந்த வகையில், இந்த நடைமுறையை உருவாக்கிய பெருமை  தமிழ்நாட்டையே சாரும்.

Original article : Tamil Nadu’s saga of controversial Governors begins with Sri Prakasa of the 1950s. -T. Ramakrishnan

Read More →

செயற்கை நுண்ணறிவு (AI) பற்றிய கவலைகள், தன்னிறைவு இந்தியாவிற்கு (Atmanirbhar India) ஒரு நன்மையாக மாறக்கூடும் -அசோக் குலாட்டி

 ஒவ்வொரு புதிய தொழில்நுட்பமும் பழையதை அழித்து, பெரிய இடையூறுகளை உருவாக்குகிறது. அதேநேரத்தில், இது செயல்திறன் மற்றும் வளர்ச்சியை மேம்படுத்துகிறது.

செயற்கை நுண்ணறிவு தாக்க உச்சி மாநாட்டில் (AI Impact Summit) கல்கோடியாஸ் பல்கலைக்கழகத்தின் "ரோபோடாக்" (robodog) பிழை அல்லது சில தவறாக வழிநடத்தப்பட்ட இளைஞர்களின் "சட்டை அணியாத" (shirtless) ஆர்ப்பாட்டம் இருந்தபோதிலும், இளம் இந்தியர்களிடையே செயற்கை நுண்ணறிவு (AI) பற்றிய விழிப்புணர்வை ஏற்படுத்துவதில் இந்த மாநாடு வெற்றிகரமாக இருந்தது. 91 நாடுகளும் சர்வதேச அமைப்புகளும் உலகளாவிய நன்மைக்காக செயற்கை நுண்ணறிவைப் (AI) பயன்படுத்துவதற்கான டெல்லி பிரகடனமான சர்வஜன ஹிதாயா மற்றும் சர்வஜன சுகாயா (அனைவருக்கும் நலன் மற்றும் அனைவருக்கும் மகிழ்ச்சி) ஆகியவற்றை அங்கீகரித்திருப்பது அதன் வெற்றியைப் பறைசாற்றுகிறது.

மூன்று அடிப்படை கேள்விகள் மிகுந்த ஆர்வத்துடனும் அக்கறையுடனும் விவாதிக்கப்பட்டன. முதல் கேள்வி, செயற்கை நுண்ணறிவு (AI) விரைவான வளர்ச்சிக்கு வழிவகுக்குமா? இரண்டாவது, செயற்கை நுண்ணறிவு (AI) அதிக வேலைகளை உருவாக்குமா அல்லது வேலைகளை பறிக்குமா? மூன்றாவது கேள்வி செயற்கை நுண்ணறிவின் (AI) நன்மைகள் மக்களிடையே சமமாகப் பகிரப்படுமா? என்பதுதான்.

முதல் கேள்விக்கான பெரும்பாலான பதில்கள் நேர்மறையானவை. இது ஒட்டுமொத்த வளர்ச்சியை தீவிரப்படுத்தும் என்பதில் சந்தேகமில்லை. அறிவு, செயல்திறன் மற்றும் வளர்ச்சியில் மனிதகுலம் முன்னேறக்கூடும் என்று பலர் நம்புகிறார்கள். இதை வரலாற்றில் ஒரு திருப்புமுனையாக அவர்கள் பார்க்கிறார்கள். இது ஒரு ஹாக்கி-ஸ்டிக் தருணம் போன்றது. அங்கு வளர்ச்சி திடீரென்று கடுமையாக உயர்கிறது. அடுத்த பத்தாண்டுகளில், செயற்கை நுண்ணறிவில் (AI) திடீர் வளர்ச்சி ஏற்பட வாய்ப்புள்ளது. இது கிட்டத்தட்ட அனைத்து துறைகளின் செயல்பாட்டையும் சீர்குலைக்கும். ஜோசப் ஷூம்பீட்டரின் (1942) படைப்புகளின் அடிப்படையில் இதை "படைப்பு அழிவு செயல்முறை" (process of creative destruction) என்று விவரிக்கலாம். வழக்கம்போல் வணிக முறையில் தொடர்பவர்கள் மிகவும் பின்தங்கிய நிலையில் விடப்படுவதற்கான அபாயம் உள்ளது. மிக விரைவில், இன்று இணையம் பயன்படுத்தப்படுவதைப் போலவே உலகம் முழுவதும் செயற்கை நுண்ணறிவு (AI) பயன்படுத்தப்படும். இது உற்பத்தித்திறனை அதிகரிக்கும் மற்றும் நேரத்தை மிச்சப்படுத்தும்.

ஆனால், செயற்கை நுண்ணறிவு (AI) பற்றிய மிகப்பெரிய விவாதம், "படைப்பு அழிவு செயல்முறை" (process of creative destruction) மிகப்பெரிய வேலை இழப்புகளுக்கு வழிவகுக்கும் என்பதுதான். பலர் இந்த விஷயத்தில் உடன்படவில்லை. சர்வதேச நாணய நிதிய (IMF) நிர்வாக இயக்குனர் கிறிஸ்டலினா ஜார்ஜீவா வேலை இழப்புகளின் அபாயத்தை எடுத்துரைத்து, வேலை சந்தையில் செயற்கை நுண்ணறிவு (AI) வருகையை சுனாமியுடன் ஒப்பிட்டுள்ளார். வளர்ந்து வரும் பொருளாதாரங்களில் 40 சதவீத வேலைகள் பாதிக்கப்பட வாய்ப்புள்ளது. அதேநேரத்தில், முன்னேறிய பொருளாதாரங்களில் இந்த எண்ணிக்கை 60 சதவீதத்தை தொடக்கூடும் என்று அவர் மதிப்பிடுகிறார். இது கவலையளிக்கிறது. ஆனால், ரிலையன்ஸ் இண்டஸ்ட்ரீஸின் தலைவரும் நிர்வாக இயக்குநருமான முகேஷ் அம்பானி, செயற்கை நுண்ணறிவை (AI) அறிமுகப்படுத்துவதால் இந்தியத் துறையில் வேலை இழப்புகள் ஏற்படாது என்று கூறியுள்ளார். 1980-களின் பிற்பகுதியில், அப்போதைய இந்தியப் பிரதமர் ராஜீவ் காந்தி கணினிகளை அறிமுகப்படுத்தியபோது இந்தியாவில் இதேபோன்ற அச்சங்கள் வெளிப்படுத்தப்பட்டன என்பது எனது கருத்து. வங்கிகள், இரயில்வே மற்றும் பல துறைகளில் உள்ள ஊழியர்கள் வேலை இழக்க நேரிடும் என்று அஞ்சி வேலைநிறுத்தத்தில் ஈடுபட்டனர். மேலும், அவர்கள் கணினிகளை அறிமுகப்படுத்துவதை எதிர்த்தனர். இன்று கணினிகளைப் பயன்படுத்தாமல் வங்கிகள் இயங்குவதை நினைத்துப் பார்ப்பதுகூட கடினம். இங்குதான் ஜோசப் ஷூம்பீட்டரின் "படைப்பு அழிவு செயல்முறை" (process of creative destruction) பற்றிய யோசனை ஏன் முக்கியமானது என்பதை இந்த உதாரணம் காட்டுகிறது. ஒவ்வொரு புதிய தொழில்நுட்பமும் பழையதை அழித்து, மிகப்பெரிய இடையூறுகளை உருவாக்குகிறது. ஆனால், அதிக செயல்திறன் மற்றும் வளர்ச்சியை அதிகரிக்கிறது. இதன் விளைவாக, பொருளாதாரம் வளரும்போது, ​​புதிய வேலைகள் உருவாக்கப்படுகின்றன. இந்த வேலைகளுக்கு அதிக திறன்கள் தேவை. அவை பொதுவாக சிறந்த ஊதியத்தை வழங்குகின்றன. பெரும்பாலான மக்கள் நீண்ட காலத்திற்கு பயனடைகிறார்கள். இருப்பினும், சிலர், குறிப்பாக குறுகியகாலத்தில், இழக்கிறார்கள். அவர்களின் திறன்களை மேம்படுத்த வழிகளைக் கண்டறிய வேண்டும் அல்லது இழக்க நேரிடும் மக்களின் வலியைக் குறைக்க அரசு நடவடிக்கை எடுக்க வேண்டும்.

அடுத்த கேள்வி சமத்துவம். யார் ஆதாயம் அடைவார்கள்?, யார் இழப்பார்கள்? என்று நாம் கேட்க வேண்டும். ஆரம்பத்தில் தொடங்குபவர்கள் முதலில் ஆதாயம் அடைவார்கள். மேலும், இது குறுகியகாலத்தில் சமத்துவமின்மையை அதிகரிக்கக்கூடும். செயற்கை நுண்ணறிவை (AI) உருவாக்குவதற்கும் அதன் எரிசக்தி தேவைகளைப் பூர்த்தி செய்வதற்கும் தேவையான பெரிய முதலீடுகளை மிகச் சில நாடுகளால் மட்டுமே வாங்க முடியும் என்பதாலும் இது ஏற்படலாம். ஆனால் பல தொழில்நுட்பங்களைப் போலவே, மலிவான விருப்பங்கள் விரைவில் கிடைக்க வாய்ப்புள்ளது. மேலும், அவற்றின் பயன்பாடு அதிவேகமாக விரிவடைந்து, பெரும்பாலான மக்களுக்கு பயனளிக்கும். உலகளாவிய தெற்கில் உள்ள நாடுகள் வாங்கக்கூடிய மற்றும் பெரிய அளவில் பயன்படுத்தக்கூடிய குறைந்த விலை தீர்வுகளை உருவாக்குவதில் இந்தியாவுக்கு வலுவான நன்மை உண்டு. கோவிட் தொற்றுநோய் காலத்தில் தடுப்பூசிகள், ஒருங்கிணைந்த கட்டண இடைமுகத்தின் (UPI) புதுமையான தொழில்நுட்பம் அல்லது சந்திரனின் தென் துருவத்தில் இந்திய விண்வெளி ஆய்வு நிறுவனத்தின் (ISRO) சந்திரயான்-3 தரையிறங்குவது என எதுவாக இருந்தாலும், தொழில்நுட்பத்திலிருந்து அதிகபட்சமாகப் பெறும் திறனை இந்தியா நிரூபித்துள்ளது. அமெரிக்கா மற்றும் சீனாவிற்குப் பிறகு, செயற்கை நுண்ணறிவில் (AI) மூன்றாவது உலகளாவிய சக்தியாக இது உருவாகலாம் மற்றும் உலகளாவிய நன்மைக்காக தொழில்நுட்பத்தைப் பயன்படுத்தலாம்.

பெரிய அளவில் செயற்கை நுண்ணறிவை (AI) உருவாக்குவதற்கு பெரிய முதலீடுகள் தேவை என்பதில் சந்தேகமில்லை. மேலும், இந்தியாவின் முன்னணி தொழிலதிபர்கள் இதில் ஈடுபடுவதாக உறுதியளித்துள்ளனர். பொதுவான பார்வையில், அமெரிக்கா மற்றும் சீனாவைவிட இந்தியா குறைந்தது ஐந்து ஆண்டுகள் பின்தங்கியுள்ளது. இந்த இரண்டு நாடுகளும் ஏற்கனவே மனித உருவ ரோபோக்களில் செயற்கை நுண்ணறிவை (AI) உருவாக்க போட்டியிடுகின்றன. இந்தியா அவர்களைப் பிடித்து இந்தப் பந்தயத்தில் இணைந்து வழிநடத்துமா? இன்று அதை ஒருவர் உறுதிப்படுத்த முடியாது. ஆனால் செயற்கை நுண்ணறிவு தாக்க உச்சி மாநாடு (AI Impact Summit) நிச்சயமாக நிறைய ஆர்வத்தையும் தீவிர விவாதத்தையும் உருவாக்கியது. மேலும், இது முதலீட்டுத் திட்டங்களைத் திருத்துவதற்கும் வழிவகுத்தது. இப்போது ஒரு சாதகமான கொள்கை சூழலை உருவாக்க இதுவே சரியான நேரம். ஒழுங்குமுறை சிக்கல்கள், தரவு உரிமை மற்றும் சமபங்குகளையும் கருத்தில் கொள்ள வேண்டும். ஆனால், இந்தியா சீன அல்லது அமெரிக்க செயற்கை நுண்ணறிவின் (AI) வெறும் பயனராகவே இருக்க விடப்படாமல் பார்த்துக் கொள்ள வேண்டும். அது அதன் சொந்த மாதிரிகள், அதன் சொந்த பயன்பாடுகளை இலக்காகக் கொள்ள வேண்டும். அப்போதுதான் அது இந்த துணிச்சலான புதிய செயற்கை நுண்ணறிவு (AI) உலகில் "ஆத்மநிர்பர்" (தன்னிறைவு) என்று கூறமுடியும்.

பாஸ்டன் ஆலோசனைக் குழு (BCG) தயாரித்து ஆர்.சந்திரசேகரின் மேற்பார்வையில் புரோசஸ்-ஆல் (Prosus) ஆதரிக்கப்படும் "அனைவருக்கும் செயற்கை நுண்ணறிவு" (AI for All) என்ற அறிக்கையை வெளியிட்டதற்காக செயற்கை நுண்ணறிவு (AI) உச்சிமாநாட்டின் தலைமை நிர்வாக அதிகாரி அபிஷேக் சிங்கிற்கு நன்றி சொல்ல வேண்டும். வேளாண் துறையின் இணைத் தலைவராக இருக்கும் நிலை எனக்குக் கிடைத்தது. இதனால், ஒரு முக்கியமான கேள்வியை எழுப்ப முயன்றது. இந்திய விவசாயிகளும் நாட்டின் விவசாயமும் செயற்கை நுண்ணறிவிலிருந்து (AI) என்ன பெறுவார்கள்? இந்தியாவின் 46 சதவீத பணியாளர்களை விவசாயம் பயன்படுத்துவதால், செயற்கை நுண்ணறிவு (AI) பயன்பாடுகள் அதிக உழைப்பை இடமாற்றம் செய்யும் என்ற கவலை எப்போதும் உள்ளது. இந்தியாவின் வேளாண் உணவுமுறையில் செயற்கை நுண்ணறிவு (AI) எவ்வாறு பயன்படுத்தப்படும் என்பதை மிகச் சுருக்கமாகக் குறிப்பிட்டுள்ளது. உற்பத்திக் கட்டத்தில் துல்லியமான விவசாயத்தில் மட்டுமல்ல, தளவாடங்கள்/சந்தைப்படுத்தல்/செயலாக்க நிலையிலும்கூட பயன்படுத்தப்படும். ஏற்கனவே, பல தனியார் நிறுவனங்கள் செயற்கை நுண்ணறிவைப் (AI) பயன்படுத்துகின்றன. மேலும், அரசாங்கம் வேளாண் அடுக்ககத்தையும் (AgriStack) உருவாக்கி வருகிறது, அங்கு அது பயன்படுத்தப்படும். வேளாண்மையில் ஒரு புதிய சகாப்தத்தின் விடியல் நெருங்கிவிட்டது.

AgriStack : வேளாண் அடுக்ககம் (AgriStack) என்பது நிலம், பயிர் மற்றும் உழவர்கள் விவரங்களை இணைத்து மின்னணுமயமாக்கும் இந்திய அரசின் திட்டமாகும். ஏப்ரல் 1, 2023 முதல் செயல்படுத்தப்படும் இத்திட்டம், விவசாயிகளுக்கு தனி அடையாள எண் (Farmer ID) வழங்கி, கடன், மானியம் மற்றும் காப்பீடு போன்ற அரசு சேவைகளை எளிதாகப் பெறவும், புவிசார் குறியீடு மூலம் பயிர் சாகுபடி விவரங்களை கண்காணிக்கவும் உதவுகிறது.

எழுத்தாளர் சர்வதேச பொருளாதார உறவுகள் ஆராய்ச்சிக்கான இந்திய கவுன்சிலில் (ICRIER) ஒரு புகழ்பெற்ற பேராசிரியர்.

Original article : AI anxiety can turn into an advantage for Atmanirbhar India. -Ashok Gulati

Read More →

திருமணம் ஒரு கூட்டாண்மையாக : ஒரு உயர் நீதிமன்றத் தீர்ப்பு ”இல்லத்தரசி” (homemaker) என்ற பாத்திரத்தை சட்டப்பூர்வமாக முக்கியமானதாக எவ்வாறு அங்கீகரிக்கிறது? -அமால் ஷேக்

இந்தத் தீர்ப்பு, இல்லறத்தை சார்புநிலையாக அல்லாமல், மாறாக திருமணத்திலிருந்து எழும் சட்டப்பூர்வ உரிமைகளை வடிவமைக்கும் உழைப்பாகக் கருதுகிறது. இந்த உரிமைகளில் பிரிந்த பிறகு பராமரிப்பு (maintenance) மற்றும் நிதி ஆதரவு (financial support) ஆகியவை அடங்கும்.

"ஒரு இல்லத்தரசி 'சும்மா உட்காருவதில்லை'; சம்பாதிக்கும் வாழ்க்கைத் துணை திறம்பட செயல்பட உதவும் வகையில் அவர் உழைப்பை வழங்குகிறார்" என்று டெல்லி உயர் நீதிமன்றம் குறிப்பிட்டுள்ளது. வருமானம் ஈட்டாத வாழ்க்கைத் துணை பராமரிப்பு கோரும் ஒருவர் பொருளாதாரரீதியாக செயலற்றவர் என்ற பொதுவான நம்பிக்கையை நீதிமன்றம் நிராகரித்தது.

கடந்த மாதம் வழங்கப்பட்ட ஒரு தீர்ப்பில், நீதிபதி ஸ்வர்ண காந்தா சர்மா, நீதிமன்றங்கள் இல்லத்தரசிகளை எவ்வாறு மதிப்பிடுகின்றன என்ற விதத்தை மாற்றினார். அது வருமானத்தை ஈட்டவில்லை அல்லது நிதிப் பதிவுகளில் அவர் இடம்பெறவில்லை என்பதற்காக மட்டுமே அதை நிராகரிக்க முடியாது என்று கூறினார். இந்தத் தீர்ப்பு, இல்லறத்தை சார்புநிலையாக அல்ல, மாறாக திருமணத்திலிருந்து எழும் சட்டப்பூர்வ உரிமைகளை வடிவமைக்கும் உழைப்பாகக் கருதுகிறது. இந்த உரிமைகளில் பிரிந்த பிறகு பராமரிப்பு மற்றும் நிதி ஆதரவு ஆகியவை அடங்கும்.

கணவர் வெளிநாட்டில் வேலை செய்து கொண்டிருந்தபோது, ​​வேலையை விட்டுவிட்டு, தம்பதியரின் குழந்தையைப் பராமரித்து வந்த ஒரு மனைவியின் பராமரிப்பு தொடர்பான வழக்கில் இந்த கருத்துகணிப்புகள் எழுந்தன. இதில், கல்வித் தகுதிகள் அல்லது சம்பாதிக்கும் அவருடைய திறனைப் பயன்படுத்தி அவருக்குப் பராமரிப்பு மறுக்க முடியுமா என்ற கேள்வியை இந்த தீர்ப்பு எழுப்பியது.

பல இந்திய வீடுகளில், திருமணத்திற்குப் பிறகு ஒரு பெண் வேலை செய்யவில்லை என்பது இன்னும் பொதுவாக எதிர்பார்க்கப்படுகிறது. மேலும் சில சந்தர்ப்பங்களில், அவர் தன் வேலையை விட்டுவிட வற்புறுத்தப்படுகிறார் அல்லது கட்டாயப்படுத்தப்படுகிறார் என்பது நிதர்சனமான நிலைமையை எடுத்துக்காட்டுகிறது. மேலும் எதிர்பார்க்கப்படுவது, வீட்டை நிர்வகிப்பதற்கு தன் நேரத்தை ஒதுக்குவார் என்று நீதிமன்றம் குறிப்பிட்டது.

பெண்கள் படித்தவர்களாகவும், தொழில்ரீதியாக திறமையானவர்களாகவும் இருந்தாலும்கூட இந்த எதிர்பார்ப்பு நீடிக்கிறது என்று நீதிமன்றம் மேலும் கூறியது. இருப்பினும், திருமணங்கள் முறிந்து போகும்போது, ​​வழக்குகளின்போது நிலைமை பெரும்பாலும் மாறுகிறது. "அதே கணவர் முற்றிலும் மாறுபட்ட நிலைப்பாட்டை எடுத்து, மனைவி நன்கு தகுதி பெற்றவர் என்று வாதிடுகிறார். மேலும், பராமரிப்பு தேவைப்படும்போது வேண்டுமென்றே வேலையில்லாமல் இருக்கத் தேர்வு செய்கிறார் என்பது அடிக்கடி காணப்படுகிறது." அத்தகைய நிலைப்பாட்டை ஊக்குவிக்க முடியாது என்று நீதிமன்றம் கூறியது.

தீர்ப்பானது, வீட்டு மேலாண்மையை வெறும் சமூக அடையாளமாகக் கருதாமல், சட்டபூர்வமாக பொருத்தமுள்ள பணியாக மாற்றி அமைக்கிறது.

நீதிமன்றத்தின் முன் வழக்கு என்ன?

குவைத்தில் பணிபுரியும் துளையிடும் பொறியாளரான (drilling engineer) கணவர் வெளிநாட்டில் வசித்து வந்த நிலையில், மனைவி தத்தெடுக்கப்பட்ட மைனர் மகனைப் பராமரித்துக்கொண்டு இந்தியாவில் தங்கியிருந்தார். அவர்கள் பிரிந்த பிறகு, மனைவி, குடும்ப வன்முறையிலிருந்து பெண்களைப் பாதுகாக்கும் சட்டம்-2005-ன் (Protection of Women from Domestic Violence Act) கீழ் இடைக்கால பராமரிப்பு கோரினர். மேலும், குற்றவியல் நடைமுறைச் சட்டம்-1973-ன் (Code of Criminal Procedure) பிரிவு 125-ன் கீழ், மனைவிகள், குழந்தைகள் மற்றும் பெற்றோர்கள் தங்களைத் தாங்களே பராமரிக்க முடியாவிட்டால் பராமரிப்பு கோர அனுமதிக்கிறது

ஒரு நீதிபதியும் மற்றும் மேல்முறையீட்டு நீதிமன்றமும், அவரை "திறமையான" மற்றும் வேலை செய்யத் தகுதியுள்ள பெண் என்று குறிப்பிட்டு, மேலும் வங்கி பரிவர்த்தனைகளைக் குறிப்பிட்டு, சுதந்திரமாக வழிகளை பரிந்துரைக்க நிவாரணம் வழங்க மறுத்தது. இருப்பினும், குடும்ப நீதிமன்றம் அவருக்கு வேறுபட்ட பார்வையை முன்வைத்து மாதத்திற்கு ரூ.50,000 பராமரிப்பு நிதியை வழங்கியது. ஒரு பெண்ணின் கல்வித் தகுதி மற்றும் சம்பாதிக்கும் திறனைப் பயன்படுத்தி, பராமரிப்புக்கான அவரது கோரிக்கையை நிராகரிக்க முடியுமா என்பதை முடிவுசெய்ய உயர் நீதிமன்றம் அழைக்கப்பட்டது.

'பயனற்ற' வாழ்க்கைத் துணை (The ‘idle’ spouse)

பராமரிப்பு மோதல்களில் பெரும்பாலும் தோன்றும் முத்திரையை நிவர்த்தி செய்யும் நீதிபதி சர்மா, சட்டக் கணக்கீடுகளில் பொதுவாக புறக்கணிக்கப்படும் செயல்பாடுகளை அவர் பட்டியலிடுகிறார். அவை வீடுகளை நிர்வகித்தல், குழந்தைகளை வளர்ப்பது, குடும்ப உறுப்பினர்களைப் பராமரித்தல் மற்றும் சம்பாதிக்கும் வாழ்க்கைத் துணையின் தொழில் மற்றும் இடமாற்றங்களைச் சுற்றி ஒருவரின் வாழ்க்கையை மறுசீரமைத்தல் ஆகியவை இதில் அடங்கும். "இந்தப் பொறுப்புகள் வங்கி அறிக்கைகளில் காட்டப்படுவதில்லை அல்லது வரி விதிக்கக்கூடிய வருமானத்தை உருவாக்குவதில்லை. இருப்பினும், பல குடும்பங்கள் சார்ந்து செயல்படும் கண்ணுக்குத் தெரியாத அடித்தளத்தை அவை உருவாக்குகின்றன."

தீர்ப்பின் மிகவும் குறிப்பிடத்தக்க பகுதிகளில், நீதிமன்றம் திருமண பொருளாதாரத்தை நாம் எவ்வாறு புரிந்துகொள்கிறோம் என்பதை மறுவரையறை செய்கிறது. "ஒரு வாழ்க்கைத் துணை சந்தையில் வருமானம் ஈட்டும் இடத்திலும், மற்றவர் வீட்டின் நிதி நிலைத்தன்மையை நிர்வகிப்பது இருவரிடமிருந்தும் வருகிறது என்பதை இது விளக்குகிறது. அவர்களின் பங்களிப்புகள் வடிவத்தில் வேறுபட்டவையாக இருப்பினும், அவை முக்கியத்துவம் வாய்ந்தவை.

இந்த வழியில் வீட்டு வேலைகளை வெளிப்படுத்துவதன் மூலம், நீதிமன்றம் வீட்டு வேலைகளை தார்மீக பாராட்டுக்கு மட்டுமே தகுதியான ஒன்றாகக் காணப்படுவதை மாற்றுகிறது.

'சம்பாதிக்கும் திறன்' vs 'உண்மையான வருவாய்'

திருமண வழக்குகளில், நீதிமன்றங்கள் பெரும்பாலும் படித்த வாழ்க்கைத் துணை தன்னைத்தானே ஆதரிக்கக் கூடியவராக இருக்க வேண்டும் என்று கூறியுள்ளன. "சம்பாதிக்கும் திறன் மற்றும் உண்மையான வருவாய் ஆகியவை தனித்தனி கருத்துக்கள். இதில், வெறும் சம்பாதிக்கும் திறன் மட்டுமே பராமரிப்பு மறுக்க ஒரு காரணமாக இருக்க முடியாது" என்று நீதிமன்றம் கடுமையான வேறுபாட்டைக் காட்டியது.

தொழில்களில் நீண்டகால இடைவெளிகளுக்குப் பிறகு பணியிடத்தில் மீண்டும் நுழைவதில் உள்ள சிரமங்களை நீதிமன்றம் கவனத்தில் எடுத்துக் கொண்டது. திருமணம் அல்லது பராமரிப்புப் பொறுப்புகள் காரணமாக வேலையைவிட்டு வெளியேறும் ஒரு துணை பல ஆண்டுகளுக்குப் பிறகு அதே நிலையில் மீண்டும் பணிக்குத் திரும்புவார் என்று எதிர்பார்க்க முடியாது என்று குறிப்பிட்டது.

விரைவான தொழில்நுட்ப மாற்றம், வளர்ந்து வரும் திறன் தேவைகள் மற்றும் போட்டித்தன்மை வாய்ந்த வேலைச் சந்தைகள், திரும்பி வரும் இல்லத்தரசிகளை ஒரு "தனித்துவமான பாதக" நிலையில் வைக்கின்றன என்று நீதிமன்றம் கவனித்தது. அவர்களின் திறன்கள் காலாவதியாகலாம். அவர்களின் தொழில்முறை வலைப்பின்னல்கள் பலவீனமடையக்கூடும். வயதும் ஒரு தடையாக மாறக்கூடும்.

நிதி சார்புநிலையை நீதிமன்றம் மகிமைப்படுத்தவில்லை. வேலையைவிட்டு வெளியேறுவதற்கான தன்னார்வ முடிவுகள் நடைமுறை விளைவுகளை ஏற்படுத்தக்கூடும் என்று அது குறிப்பிடுகிறது. ஆனால், நீதிமன்றங்கள் அனுமானங்களைவிட யதார்த்தத்தை மதிப்பிட வேண்டும் என்று அது வலியுறுத்துகிறது.

திருமணம் "பொருளாதார யதார்த்தங்களை இடைநிறுத்துவதில்லை" என்று நீதிமன்றம் மேலும் கூறியது. அதே நேரத்தில், திருமணத்திற்குள் எடுக்கப்படும் பாத்திரங்களிலிருந்து எழும் பொருளாதார விளைவுகளையும் நீதிமன்றங்கள் கருத்தில்கொள்ள வேண்டும்.

அங்கீகாரமாக பராமரிப்பு

இதுபோன்ற வழக்குகளில் பராமரிப்பு கோரிக்கைகள் முதன்மையாக குற்றவியல் நடைமுறைச் சட்டத்தின் (CrPC) பிரிவு 125 (தற்போது பாரதிய நியாய சுரக்ஷா சன்ஹிதாவின் பிரிவு 144-ஆல் மாற்றப்பட்டுள்ளது) மற்றும் குடும்ப வன்முறையிலிருந்து பெண்களைப் பாதுகாக்கும் (Protection of Women from Domestic Violence (PWDV) Act) சட்டத்தின் விதிகளின்கீழ் எழுகின்றன.

குற்றவியல் நடைமுறைச் சட்டத்தின் (CrPC) பிரிவு 125, வாழ்க்கைத் துணைவர்கள் மற்றும் தங்களைத் தாங்களே பராமரிக்க முடியாத வாழ்க்கைத் துணைவர்கள் மற்றும் சார்ந்திருப்பவர்களுக்கு நிதி நெருக்கடியைத் தடுக்க ஒரு சுருக்கமான தீர்வை வழங்குகிறது. மேலும், குடும்ப வன்முறையிலிருந்து பெண்களைப் பாதுகாக்கும் (PWDV) சட்டத்தின்கீழ், நீதிமன்றங்கள் நடவடிக்கைகளின் போது பண நிவாரணம் மற்றும் இடைக்கால பராமரிப்பு வழங்க முடியும்.

பராமரிப்பு என்பது வறுமைக்கு எதிரான பாதுகாப்பாக மட்டும் பார்க்க முடியாது. ஆனால், வாழ்க்கைத் துணைவர்களுக்கிடையேயான நியாயத்திற்கான ஒரு வழிமுறையாகவும் பார்க்க முடியாது என்று நீதிபதி சர்மா தெளிவுபடுத்தினார். சுதந்திரமான வருமானம் இல்லாத ஒரு வாழ்க்கைத் துணைவர் பொருளாதார பாதிப்புக்குள் வராமல் இருப்பதை, மற்றவர் தொடர்ந்து நிதி நிலைத்தன்மையை அனுபவிக்கிறார் என்பதை இது உறுதி செய்கிறது. "பராமரிப்பு என்பது இரு தரப்பினரும் நியாயமான அளவில் ஒப்பிடக்கூடிய நிலைகளில் வைப்பதாகும். இதனால் ஒவ்வொருவரும் ஒரு கண்ணியமான வாழ்க்கையைத் தக்கவைக்க முடியும்" என்று அது கூறியது.

நீதிமன்றம் இந்த யோசனையை திருமணத்தின் கூட்டுறவு மாதிரியில் நிலைநிறுத்தியது. "ஒரு திருமணம் என்பது ஒரு தனிப்பட்ட உறவு மட்டுமல்ல, ஒவ்வொரு மனைவியும் வெவ்வேறு வழிகளில் பங்களிக்கும் ஒரு கூட்டுறவையும் கூட பிரதிபலிக்கிறது". எனவே, பராமரிப்பு என்பது ஒவ்வொரு மனைவியின் பங்களிப்பையும் அங்கீகரிக்கும் ஒரு வழியாகிறது. இந்தப் பங்களிப்பு செலுத்தப்படாவிட்டாலும்கூட இது உண்மை.

மற்ற வழக்குகளிலும் இதேபோன்ற அணுகுமுறை

நீதிபதி சர்மாவின் கருத்துகணிப்புகள் ஒரு பரந்த நீதித்துறையின் போக்கை பிரதிபலிக்கின்றன. கன்னையன் நாயுடு vs கம்சாலா அம்மாள் (Kannaian Naidu vs Kamsala Ammal) வழக்கில், சென்னை உயர்நீதிமன்றம் சொத்து உரிமைகளை தீர்மானிக்கும் போது வீட்டு பராமரிப்பு ஒரு மறைமுக நிதிப் பங்களிப்பாக அங்கீகரித்தது. கணவர் வெளிநாட்டில் பணிபுரியும் போது வீட்டை நிர்வகிக்கும் ஒரு மனைவி, சேமிப்பு மூலம் குடும்ப சொத்துக்களை வாங்க முடியும் என்று நீதிமன்றம் கூறியது.

விடுமுறை இல்லாமல் செய்யப்படும் 24 மணிநேர பொறுப்பாக வீட்டு பராமரிப்பு என்று விவரித்த நீதிமன்றம், ஒரு துணைவரிடமிருந்து மட்டுமே பண வருவாய் வந்தாலும்கூட, சொத்து வாங்குவதை ஒரு "கூட்டு முயற்சி" (joint effort) என்று பார்க்க முடியும் என்று நீதிமன்றம் முடிவு செய்தது.

இதேபோல், சுரஞ்சன் சாஹா vs ரம்பா சாஹா (Suranjan Saha vs Rumpa Saha) வழக்கில், டெல்லி உயர் நீதிமன்றம், ஒரு இல்லத்தரசி தான் வேலையில்லாமல் இருப்பதை நிரூபிக்க வருமான வரி அறிக்கையை சமர்ப்பிக்க வேண்டும் என்ற கோரிக்கையை டெல்லி உயர்நீதிமன்றம் நிராகரித்தது. வரி விதிக்கக்கூடிய வருமானம் இல்லாத ஒருவரிடமிருந்து அத்தகைய ஆதாரத்தைக் கேட்பது "சாத்தியமற்றதைக் கோருவது" போன்றது என்று நீதிமன்றம் குறிப்பிட்டது.

இந்த தீர்ப்புகள் முழுவதும், ஒரு இல்லத்தரசியின் அடையாளம் தெளிவான சட்ட விளைவுகளை உருவாக்குகிறது. ஒரு வாழ்க்கைத் துணையானவர், படித்தவர் என்பதற்காக மட்டுமே பராமரிப்பு மறுக்கப்பட முடியாது, ஊதியம் பெறாத வீட்டு வேலை குடும்பத்திற்கு நிதிப் பங்களிப்பாக அங்கீகரிக்கப்பட்டுள்ளது. வருமானப் பதிவுகள் இல்லாதது மறைப்பாகக் கருதப்படுவதில்லை. மேலும், திருமணப் பணிகளால் ஏற்படும் பொருளாதார பாதகத்தை நீதிமன்றங்கள் மதிப்பிடுகின்றன.

இந்திய உச்சநீதிமன்றம் இதேபோல் பராமரிப்பு ஏற்பாடுகளை சமூகநீதிக்கான நடவடிக்கைகள் என்று விவரித்துள்ளது. திருமணம் முழுவதும் ஒரு மனைவி ஊதியம் பெறாத வீட்டு வேலை செய்யும்போது நிதி பாதிப்பு ஏற்படலாம் என்பதை அது அங்கீகரித்துள்ளது.

 

Original article : Marriage as partnership: How a High Court verdict reframes ‘homemaker’ as a legally relevant role? -Amaal Sheikh

Read More →

இந்தியா-கனடா இருதரப்பு உறவுகளின் நிலை என்ன? -ரோஷ்னி யாதவ்

 முக்கிய அம்சங்கள் :

ஞாயிற்றுக்கிழமை புது தில்லியில் தரையிறங்கிய கார்னி, 2 பில்லியன் அமெரிக்க டாலர் மதிப்புள்ள 10 ஆண்டுக்கான எண்ணெய் மற்றும் எரிவாயு, சுற்றுச்சூழல், செயற்கை நுண்ணறிவு (AI), குவாண்டம் கம்ப்யூட்டிங், கல்வி மற்றும் கலாச்சாரம் தொடர்பான சிறிய மற்றும் யுரேனியம் விநியோக ஒப்பந்தத்தில் (uranium supply deal) கையெழுத்திடுவார் என்று அதிகாரிகள் தெரிவிக்கின்றனர்.

மும்பையில் இரண்டு நாட்கள் தங்கியிருந்த கார்னி, பல தொழில் தலைவர்களைச் சந்தித்த பிறகு தலைநகருக்கு வந்தார். புது தில்லியில், மத்திய வர்த்தகத் துறை இணை அமைச்சர் ஜிதின் பிரசாதா விமான நிலையத்தில் அவரை வரவேற்றார்.

ஜூன் 2025-ல் கனடாவின் கனனாஸ்கிஸிலும், நவம்பர் 2025-ல் தென்னாப்பிரிக்காவின் ஜோகன்னஸ்பர்க்கிலும் நடைபெற்ற அவர்களின் முந்தைய சந்திப்புகளை அடிப்படையாகக் கொண்டு, இந்தியா-கனடா இராஜதந்திர கூட்டமைப்பின் பல்வேறு பகுதிகளில் இதுவரை அடைந்துள்ள முன்னேற்றத்தை இருநாட்டு தலைவர்களும் மதிப்பாய்வு செய்வார்கள்.

இதில் வர்த்தகம் மற்றும் முதலீடு, எரிசக்தி, முக்கியமான கனிமங்கள், விவசாயம், கல்வி, ஆராய்ச்சி, புதுமை மற்றும் மக்களிடையேயான உறவுகள் உள்ளிட்ட முக்கிய துறைகளில் நடந்துவரும் ஒத்துழைப்பையும் அவர்கள் மதிப்பாய்வு செய்வார்கள். பிராந்திய மற்றும் உலகளாவிய முன்னேற்றங்கள் குறித்து இருநாட்டு தலைவர்களும் கருத்துக்களைப் பரிமாறிக் கொள்வார்கள். மேலும், இருநாட்டு பிரதமர்களும் அன்றைய தினம் பிற்பகல் திட்டமிடப்பட்டுள்ள இந்தியா-கனடா தலைமை நிர்வாக அதிகாரிகள் மன்றத்தில் (CEOs Forum) கலந்து கொள்வார்கள்.

கார்னியின் இந்தியா வருகையானது ஒரு முக்கியமான தருணமாக, இந்தியாவும் கனடாவும் இருதரப்பு உறவுகளை இயல்பாக்குவதை நோக்கமாகக் கொண்டுள்ளது. இது, காலிஸ்தான் ஆதரவு பிரிவினைவாதத் தலைவரைக் கொன்றதில் இந்திய அரசாங்கத்தின் பங்கைக் குற்றம் சாட்டி கனடாவின் முன்னாள் பிரதமர் ஜஸ்டின் ட்ரூடோ கிட்டத்தட்ட இரண்டரை ஆண்டுகளுக்குப் பிறகு இந்த முயற்சி நடைபெறுகிறது. இந்தக் குற்றச்சாட்டுகளை "அபத்தமானது" மற்றும் "அரசியல்ரீதியாக நோக்கம் கொண்டது" என்று இந்தியா நிராகரித்தது.

உங்களுக்குத் தெரியுமா? 

கனடாவின் பரந்த இயற்கை வளங்கள் மற்றும் இந்தியாவின் அதிகரித்துவரும் எரிசக்தி தேவையுடன், எரிசக்தி ஒத்துழைப்பு இருநாட்டு தரப்புகளின் முக்கிய துறையாக உள்ளது. இந்தக் கூட்டாண்மை வழக்கமான மற்றும் புதுப்பிக்கத்தக்க ஆதாரங்களை உள்ளடக்கியது. எண்ணெய், எரிவாயு, திரவ இயற்கை எரிவாயு (Liquefied natural gas (LNG)), திரவமாக்கப்பட்ட பெட்ரோலிய எரிவாயு (Liquefied Petroleum Gas(LPG)), கச்சா எண்ணெய் மற்றும் முக்கியமான கனிமங்களின் நம்பகமான விநியோகராக கனடா தன்னை முன்வைக்கிறது.

கல்வித் துறை இரு நாடுகளுக்கும் இடையிலான மக்களிடையேயான உறவுகளை பெரிதும் வலுப்படுத்தியுள்ளது. இந்திய மாணவர்கள் கனடாவில் உள்ள சர்வதேச மாணவர்களின் மிகப்பெரிய குழுவை பிரதிநிதித்துவப்படுத்துகின்றனர். டிசம்பர் 31, 2024 நிலவரப்படி 3.92 லட்சத்திற்கும் மேற்பட்ட இந்திய மாணவர்கள் கனடாவில் படித்து வருகின்றனர்.

கனடாவில் 1.8 மில்லியனுக்கும் அதிகமான இந்திய-கனடியர்கள் உள்ளனர். இங்கு சுமார் ஒரு மில்லியன் வெளிநாட்டு இந்தியர்களையும் கொண்டுள்ளது. இது கனடாவை உலகின் மிகப்பெரிய மற்றும் மிகவும் துடிப்பான இந்திய புலம்பெயர்ந்தோரில் ஒன்றாக ஆக்குகிறது. இந்தோ-கனடியர்கள் பரந்த அளவிலான துறைகளில் வலுவான தாக்கத்தை ஏற்படுத்தியுள்ளனர். மேலும், அவர்களின் செல்வாக்கு தொடர்ந்து வளர்ந்து வருகிறது.

கனடா முக்கிய மேற்கத்திய நாடுகளுக்கு ஒரு முக்கியமான இராஜதந்திர ரீதியில் நட்பு நாடாகும். இது G7 குழுவின் உறுப்பினராக உள்ளது. இந்தக் குழுவில் அமெரிக்கா, இங்கிலாந்து, ஜெர்மனி, பிரான்ஸ், இத்தாலி மற்றும் ஜப்பான் ஆகிய நாடுகளுடன் இது அமர்ந்துள்ளது. இது அமெரிக்கா, இங்கிலாந்து, ஆஸ்திரேலியா மற்றும் நியூசிலாந்து ஆகியவற்றை உள்ளடக்கிய ஐந்து கண்கள் உளவுத்துறை பகிர்வு குழுவின் ஒரு பகுதியாகும். இந்த நாடுகள் அனைத்தும் இந்தியாவிற்கும் நெருக்கமான இராஜதந்திரரீதியில் நட்பு நாடாக உள்ளது.

Original article :What is the status of the India-Canada bilateral relations? -Roshni Yadav

Read More →

ஈரான் மீதான அமெரிக்க-இஸ்ரேல் போர் -ரோஷ்னி யாதவ்

 தற்போதைய செய்தி

ஈரானின் உச்ச தலைவர் அயதுல்லா அலி கமேனி மற்றும் பிற உயர் அதிகாரிகள் வான்வழித் தாக்குதல்களில் கொல்லப்பட்டதைத் தொடர்ந்து, அமெரிக்கா, இஸ்ரேல் மற்றும் ஈரான் போன்ற நாடுகள் மூன்றாவது நாளாக கடும் சண்டையில் ஈடுபட்டுள்ளன. இதற்குப் பதிலடியாக, ஈரான் இஸ்ரேல் மீதும் வளைகுடா முழுவதும் உள்ள அமெரிக்க இராணுவத் தளங்கள் மீதும் ஏவுகணைகளை வீசியுள்ளது. அதே, நேரத்தில் உலகம் முழுவதும் கப்பல் போக்குவரத்து மற்றும் விமானப் பயணம் பெரும் இடையூறுகளை எதிர் கொண்டுள்ளது.

முக்கிய அம்சங்கள்:

1. ஆபரேஷன் 'லயன்ஸ் ரோர்': பிப்ரவரி 28 சனிக்கிழமை இஸ்ரேல், தெஹ்ரான் மீது பகல்நேர வான்வழித் தாக்குதல் நடத்தியது. முக்கியமான இராணுவ இடங்களைத் தாக்கியது. ஈரானின் முக்கிய நகரங்களான இஸ்ஃபஹான், கோம், கராஜ், கெர்மன்ஷா, லோரெஸ்தான் மற்றும் தப்ரிஸ் போன்றவை கடுமையான பாதிப்புகளை சந்தித்தன. அவற்றுடன் கெனாரக்கில் உள்ள தெற்கு கடற்படைத் தளங்களும் அடங்கும். ஈரானின் பாலிஸ்டிக் ஏவுகணைத் திட்டத்தின் முக்கிய மையமான இஸ்ஃபஹான் கடுமையான சேதத்தை சந்தித்தது. இஸ்ரேலும் அமெரிக்காவும் இணைந்து இந்தத் தாக்குதலை நடத்தியதாகவும், அதை "சிங்கத்தின் கர்ஜனை" (Lion’s Roar) என்று அழைத்ததாகவும் இஸ்ரேலிய பிரதமர் பெஞ்சமின் நெதன்யாகு கூறினார்.

2. "காவிய சீற்ற நடவடிக்கை": அமெரிக்க  அதிபர் டொனால்ட் டிரம்ப், Truth Social தளத்தின் மூலம் ஈரான் மீதான தாக்குதல்களில் வாஷிங்டனின் தாக்குதலை உறுதிப்படுத்தினார். இந்த நடவடிக்கைகளை "ஈரானில் பெரிய போர் நடவடிக்கைகள்" என்று விவரித்தார் மற்றும் அமெரிக்கா ஈரானை அணு ஆயுதங்களை உருவாக்க அனுமதிக்காது என்பதை மீண்டும் உறுதிப்படுத்தினார். அமெரிக்காவால் "காவிய சீற்றம் நடவடிக்கை" (Operation Epic Fury) என்று குறியீட்டுப் பெயரிடப்பட்ட இந்தத் தாக்குதல்கள், பல ஆண்டுகளாக தெஹ்ரானுடனான நேரடி மோதலைக் குறிக்கின்றன.

3. 'உண்மையான வாக்குறுதி 4' நடவடிக்கை: சனிக்கிழமையன்று ஈரான் மற்றும் அதன் தலைமைக்கு எதிராக அமெரிக்காவும் இஸ்ரேலும் ஒருங்கிணைந்த வான்வழித் தாக்குதல்களைத் தொடங்கிய பிறகு, இஸ்லாமிய ஆட்சி டெல் அவிவ் மற்றும் மத்திய கிழக்கில் உள்ள அமெரிக்க சொத்துக்களுக்கு எதிராக ‘உண்மையான வாக்குறுதி 4-ஐத் தொடங்கியது. வாஷிங்டனின் பிராந்திய நட்பு நாடுகளான ஐக்கிய அரபு அமீரகம், பஹ்ரைன், குவைத் மற்றும் கத்தார் மீது இஸ்லாமியக் குடியரசு எதிர்த்தாக்குதல்களைத் தொடங்கியது. இந்த நாடுகள் அனைத்தும் அமெரிக்க இராணுவத் தளங்களைக் கொண்டுள்ளன.

4. ஹார்முஸ் ஜலசந்தி: ஈரான், அமெரிக்கா மற்றும் இஸ்ரேல் இடையே அதிகரித்துவரும் மோதல், உலகளாவிய எரிசக்தி விநியோகத்திற்கான முக்கியமான பாதையான ஹார்முஸ் ஜலசந்தி வழியாக எண்ணெய் மற்றும் எரிவாயு ஓட்டத்தை கடுமையாக பாதித்துள்ளது. சனிக்கிழமை, ஈரானின் இஸ்லாமிய புரட்சிகர காவல்படை (Iran’s Islamic Revolutionary Guards Corps (IRGC)) ஜலசந்தி மூடப்பட்டதாக கப்பல்களுக்கு செய்திகளை அனுப்பியது.

இந்த ஜலசந்தி ஓமன் மற்றும் ஈரான் இடையே அமைந்துள்ளது, வடக்கில் பாரசீக வளைகுடாவையும் தெற்கில் ஓமன் வளைகுடாவையும் அதனை தாண்டி அரபிக் கடலையும் இணைக்கிறது. மிகக் குறுகிய இடத்தில், இந்த ஜலசந்தி 21 மைல்கள் (33 கிமீ) அகலம் கொண்டது. கப்பல் பாதை ஒவ்வொரு வழியிலும்  இரண்டு மைல்கள் (3 கிமீ) அகலம் மட்டுமே கொண்டது. இது உலகின் 20-25% எண்ணெயுக்கான முக்கியமான பாதையாகவும், கத்தார் மற்றும் ஐக்கிய அரபு அமீரகத்தில் இருந்து திரவமாக்கப்பட்ட இயற்கை எரிவாயு (Liquefied Natural Gas (LNG)) ஏற்றுமதிக்கான முக்கிய பாதையாகவும் உள்ளது.

5. தொடக்கக் கோட்பாடு: இஸ்ரேலின் தொடக்கக் கோட்பாடு இஸ்ரேலுக்கும் ஈரானுக்கும் இடையே குறிப்பிடத்தக்க மோதலுக்கு - இராஜதந்திரரீதியாகவும் ஒரு  முக்கியக் காரணியாக இருந்து வருகிறது. எதிரியிடம் அணு ஆயுதங்கள் போன்ற பேரழிவு ஆயுதங்கள் இருப்பதற்கான சாத்தியக்கூறுகள் மட்டுமே இருந்தாலும், இஸ்ரேல் தடுப்புத் தாக்குதல்களை நடத்த முடியும் என்று தொடக்கக் கோட்பாடு கூறுகிறது.

6. வடக்கு தெற்கு போக்குவரத்து வழித்தடம்: ஈரான் மீதான அமெரிக்க-இஸ்ரேல் போர் தீவிரமடைந்து வருவதால், சர்வதேச வடக்கு-தெற்கு போக்குவரத்து வழித்தடம் (International North South Transport Corridor (INSTC)) மற்றும் சபாஹர் துறைமுகம் போன்ற இந்தியாவின் பிராந்திய இணைப்பு உத்தி ஆபத்தில் உள்ளது.

சர்வதேச வடக்கு-தெற்கு போக்குவரத்து வழித்தடம் (International North South Transport Corridor (INSTC)): ரஷ்யா, இந்தியா மற்றும் ஈரான் ஆகிய நாடுகளால் தொடங்கப்பட்ட சர்வதேச வடக்கு-தெற்கு போக்குவரத்து வழித்தடம், இந்தியப் பெருங்கடல் மற்றும் பாரசீக வளைகுடாவை ஈரான் வழியாக காஸ்பியன் கடலுடனும், பின்னர் ரஷ்யாவின் செயிண்ட் பீட்டர்ஸ்பர்க் வழியாக வடக்கு ஐரோப்பாவை இணைக்கும் பலவழித்தடங்களை கொண்ட  ஒரு போக்குவரத்துத் திட்டமாகும். இந்த வழித்தடம் பயண நேரத்தை 25 நாட்களாகக் குறைக்க வடிவமைக்கப்பட்டுள்ளது. இது சூயஸ் கால்வாய் வழியாகச் செல்வதை செல்வதற்கு பதிலாக 20 நாட்களை மிச்சப்படுத்தும். மேலும், கப்பல் செலவுகளை 30% குறைக்கும்.

மும்பையிலிருந்து ஈரானின் பந்தர் அப்பாஸுக்கு கடல் வழியாகவும், பின்னர் சாலை வழியாக காஸ்பியன் கடலில் உள்ள பந்தர்-இ-அன்சாலிக்கு பொருட்களை கொண்டு செல்லவும் சர்வதேச வடக்கு-தெற்கு போக்குவரத்து வழித்தடம்  அமைக்கப்பட்டது. கப்பல்கள் அவற்றை ரஷ்யாவின் அஸ்ட்ராகானுக்கு கொண்டு செல்லும், இறுதியாக, அவை ரஷ்யா மற்றும் ஐரோப்பாவின் பிற பகுதிகளுக்கு ரயில் மூலம் கொண்டு செல்லப்படும்.

7. சபாஹர் துறைமுகம்: சபாஹர் என்பது ஈரானின் சிஸ்தான்-பலுசிஸ்தான் மாகாணத்தில் உள்ள ஒரு ஆழ்கடல் நீர் துறைமுகமாகும். இது இந்தியாவிற்கு அருகில் உள்ள ஈரானிய துறைமுகமாகும். மேலும், முழுமையான கடல் பகுதியில் இது அமைந்துள்ளது. பெரிய சரக்குக் கப்பல்களுக்கு எளிதான மற்றும் பாதுகாப்பான அணுகலை வழங்குகிறது. சபாஹர் இந்தியாவிற்கு ராஜதந்திரரீதியாக  முக்கியத்துவம் வாய்ந்தது. ஆப்கானிஸ்தான் மற்றும் மத்திய ஆசியாவுடனான வர்த்தகத்திற்கு இந்தியா தரைவழி அணுகலை அனுமதிக்காத பாகிஸ்தானைத் தவிர்த்து, இந்தியாவிற்கு மாற்றுப் பாதையை சபாஹர் துறைமுகம் வழங்குகிறது. 

8. எதிர்ப்பு அச்சு: இது ஈரானிய ஆதரவு குழுக்களின் கூட்டமைப்பாகும். ஹெஸ்பொல்லா, ஹமாஸ், பாலஸ்தீனிய இஸ்லாமிய ஜிஹாத் (Palestinian Islamic Jihad (PIJ)) மற்றும் ஹவுத்திகள் ஆகியவை கூட்டணியில் உள்ள சில முக்கிய குழுக்களாகும். 'எதிர்ப்பு அச்சின் வேர்கள் 1979-ஆம் ஆண்டு ஈரானிய புரட்சிக்கு பிறகு தொடங்கின. இது தீவிர ஷியா முஸ்லிம் மதகுருமார்கள் ஆட்சிக்கு வர வழி வகுத்தது. அமெரிக்க நட்பு நாடான சவுதி அரேபியா போன்ற பெரும்பாலான சக்திகள் சன்னி முஸ்லிம் பெரும்பான்மை நாடுகளாக இருக்கும் ஒரு பிராந்தியத்தில் அதன் அரசியல் மற்றும் இராணுவ செல்வாக்கை விரிவுபடுத்த, ஈரானின் புதிய ஆட்சி அரசு சாராத நபர்களை ஆதரிக்கத் தொடங்கியது.

9. ஹெஸ்பொல்லா: ஈரானின் மாற்றுப்படைக் குழு ஹெஸ்பொல்லா அமெரிக்கா மற்றும் இஸ்ரேல் ஈரானில் தாக்குதல் நடத்தி கமெனியை கொன்றதை கண்டித்து வடக்கு இஸ்ரேல் மீது பல்வேறு ஏவுகணைகளை ஏவியது. ஈரானின் உச்ச தலைவரான அயத்துல்லா அலி கமெனெய் கொல்லப்பட்டதற்குப் பதிலாக இந்த தாக்குதல்கள் நடத்தப்பட்டதாக அந்த பயங்கரவாதக் குழு தெரிவித்தது. இருப்பினும், லெபனான் ஹெஸ்பொல்லாவின் நடவடிக்கையை கண்டித்து வருகிறது. முக்கியமாக, ஹெஸ்பொல்லா என்பதன் பொருள் “கடவுளின் கட்சி” (Party of God) ஆகும். இது 1982-ஆம் ஆண்டு ஈரானின் புரட்சிப்பாதாளர்கள் அமைத்த ஷியாக்கள் ராணுவ அமைப்பு ஆகும். அந்த வருடம் லெபனானை கைப்பற்றிய இஸ்ரேல் படைகளுடன் போராட அமைக்கப்பட்டது.

குழு	Description
ஹமாஸ்	ஹமாஸ், ஒரு சன்னி இஸ்லாமிய பயங்கரவாதக் குழுவாகும். 2007-ஆம் ஆண்டிலிருந்து காசா பகுதியை நிர்வகித்து வருகிறது. இது சயோனிசத்தை எதிர்க்கிறது.
பாலஸ்தீன இஸ்லாமிய ஜிஹாத் (PIJ)	பாலஸ்தீன இஸ்லாமிய ஜிஹாத் (Palestine Islamic Jihad (PIJ)) மற்றொரு சன்னி இஸ்லாமிய பயங்கரவாதக் குழுவாகும். இந்த குழுவின் முக்கிய நோக்கம் பாலஸ்தீனத்தில் ஒரு இஸ்லாமிய அரசை நிறுவவதாகும்.

10. ஹவுத்திகள்: இது ஒரு சய்தி ஷியா போராளிக் குழுவாகும். இது பத்தாண்டுகளுக்கு மேலாக ஏமனில் உள்நாட்டுப் போரில் ஈடுபட்டுள்ளது. நாட்டின் பெரும்பாலான பகுதிகளிலும் தங்களது இருப்பைக் கொண்டுள்ளனர்.

ஆபரேஷன் ‘கசாப் லில் ஹக்’ என்றால் (Ghazab Lil Haq) என்றால்  என்ன?

ஈரானுடனான அமெரிக்கா-இஸ்ரேல் மோதல் தலைப்புச் செய்திகளில் இடம்பிடித்துள்ள நிலையில், நமது அண்டை நாடுகளில் மற்றொரு நடவடிக்கை மேற்கொள்ளப்பட்டு வருகிறது. எனவே, அதைப் புரிந்துகொள்வது முக்கியமானது.

1. வியாழக்கிழமை இரவு (பிப்ரவரி 26) பாகிஸ்தான் தனது பல எல்லைப் பகுதிகளில் ஆப்கானிஸ்தான் தாலிபான்கள் நடத்தியதாகக் கூறப்படும் தாக்குதல்களைத் தொடர்ந்து பதிலடி நடவடிக்கையைத் தொடங்கியது. இதுவரை 133 தாலிபான் போராளிகளைக் பாகிஸ்தான் கொன்றதாகக் டான் பத்திரிகை செய்தி வெளியிட்டுள்ளது.

2. வியாழக்கிழமை மாலை கைபர் பக்துன்க்வாவின் சித்ரல், கைபர், மொஹ்மண்ட், குர்ரம் மற்றும் பஜௌர் செக்டார்களில் உள்ள எல்லையில் உள்ள பல இடங்களில் பாகிஸ்தான் "தூண்டப்படாத துப்பாக்கிச்சூடு" (unprovoked firing) என்று அழைப்பதற்கு பதிலளிக்கும் விதமாக, பாகிஸ்தான் ஆபரேஷன் கசாப் லில் ஹக் (Operation Ghazab Lil Haq) என்ற ஒரு இராணுவத் தாக்குதலைத் தொடங்கியது. இது வான்வழித் தாக்குதல்கள் மற்றும் தரைவழி நடவடிக்கைகளை உள்ளடக்கிய ஒரு இராணுவத் தாக்குதல் ஆகும்.

3. டான் பத்திரிகையின் படி, 'கசாப் லில் ஹக்' என்ற அரபு சொல் ஆங்கிலத்தில் "சரியான கோபம்" (Righteous Fury) என்று மொழிபெயர்க்கப்பட்டுள்ளது. இது பாகிஸ்தான் தாக்குதலுக்கு பதில் நடவடிக்கையாக உள்ளது. ஆப்கானிஸ்தான் தாலிபான் ஆட்சிக்கு எதிராக அல்ல.

4.குறிப்பிடத்தக்க வகையில், பாகிஸ்தானுக்கும் ஆப்கானிஸ்தானுக்கும் இடையிலான பதற்றங்கள், எல்லை தாண்டிய விமானத் தாக்குதல்களையும் அதற்குப் பதிலடியாக நடத்தப்பட்ட இராணுவ நடவடிக்கைகளையும் தொடர்ந்து, சர்ச்சைக்குரிய துரந்த் எல்லை வழியாக தீவிரமடைந்தன.

Original article : US-Israel war on Iran -Roshni Yadav

Read More →