கடந்த மாதம், மக்களவையில் எதிர்க்கட்சித் தலைவரான ராகுல் காந்தி, காங்கிரஸ் இதர பிற்படுத்தப்பட்ட வகுப்பினர்களுக்கு (OBC) போதுமானதைச் செய்யவில்லை என்பதை ஒப்புக்கொண்டார். இந்தத் தோல்வி, பாஜகவுக்கு இந்த சமூகங்களின் அரசியல் ஆதரவைப் பெற ஒரு வாய்ப்பை வழங்கியது என்றும் அவர் கூறினார்.
ஜூலை 24 அன்று காங்கிரஸ் நாடாளுமன்ற உறுப்பினர்கள் மற்றும் தெலுங்கானா தலைவர்களுடனான சந்திப்பில், இதர பிற்படுத்தப்பட்ட வகுப்பினர்கள் (OBC) பிரச்சினைகள் குறித்து கட்சிக்கு சரியான புரிதல் இல்லை என்று ராகுல் கூறினார். ஓபிசிக்கள் எதிர்கொள்ளும் பிரச்சினைகளை காங்கிரஸ் முழுமையாகப் புரிந்து கொள்ளவில்லை என்றும் அவற்றை நிவர்த்திசெய்ய சரியான நடவடிக்கைகளை எடுக்கவில்லை என்றும் அவர் விளக்கினார். இதன் காரணமாக, காங்கிரஸ் இதர பிற்படுத்தப்பட்ட வகுப்பினர்களின் நம்பிக்கைகளையும் தேவைகளையும் பூர்த்தி செய்யத் தவறிவிட்டது என்றும் ராகுல் கூறினார். இதன் விளைவாக, பாஜக தலையிட்டு அவர்களின் ஆதரவைப் பெற முடிந்தது.
ராகுல் தவறாகச் சொல்லவில்லை. இந்த வகுப்பினர்களுடன் இணைவதற்கான பல வாய்ப்புகளையும், மேலும், ஓபிசிகள் தொடர்பான கொள்கை மாற்றங்களுக்கான பெருமையையும் அது பெறத் தவறிவிட்டது என்று குறிப்பிட்டார். இந்த மாற்றங்கள் உண்மையில் காங்கிரஸ் அரசாங்கங்களால் தொடங்கப்பட்டன. அதன் ஒரு சுருக்கமான வரலாறு இங்கே.
கலேல்கர் அறிக்கையின் (Kalelkar report) மீது நடவடிக்கை எடுக்காதது
சுதந்திரத்திற்குப் பிறகு, பிற்படுத்தப்பட்ட வகுப்பினருக்கு அதிக அரசியல் பிரதிநிதித்துவம் வழங்க வேண்டும் என்ற கோரிக்கையும், அரசு வேலைகளில் பட்டியலிடப்பட்ட சாதிகள் (SCs) மற்றும் பட்டியலிடப்பட்ட பழங்குடியினர் (STs) ஆகியோருக்கு ஒதுக்கீட்டைப் போலவே இந்த சமூகங்களுக்கும் இடஒதுக்கீடு வழங்க வேண்டும் என்ற கோரிக்கைகளும் எழுந்தன.
1953-ஆம் ஆண்டு, பிரதமர் ஜவஹர்லால் நேருவின் அரசாங்கம், மாநிலங்களை உறுப்பினர் தத்தாத்ரேய பாலகிருஷ்ணா காலேல்கர் (Dattatreya Balkrishna Kalelkar) தலைமையில் முதல் பிற்படுத்தப்பட்ட வகுப்புகள் ஆணையத்தை (first Backward Classes Commission) அமைத்தது. அவர் 'காகா' காலேல்கர் என்று பிரபலமாக அறியப்பட்டார்.
மார்ச் 30, 1955 அன்று அரசாங்கத்திடம் சமர்ப்பிக்கப்பட்ட கலேல்கர் ஆணைய அறிக்கை, சமூக ரீதியாகவும், கல்வி ரீதியாகவும் பின்தங்கிய வகுப்பினர்களை அடையாளம் காண்பதற்கான அளவுகோல்களை வகுத்து. அவர்களின் மேம்பாட்டிற்கான பல பரிந்துரைகளை வழங்கியது. இதில் 1961-ம் ஆண்டு சாதி கணக்கெடுப்பு, 1957-ம் ஆண்டுக்கு முன்னதாகவே நடத்தப்பட இருந்தது. இதில், அனைத்து பெண்களையும் 'பிற்படுத்தப்பட்ட' வகுப்பினராகக் கருதி, தொழில்நுட்ப மற்றும் தொழில்முறை நிறுவனங்களில் 70% இடங்களை தகுதிவாய்ந்த பின்தங்கிய வகுப்பு மாணவர்களுக்கு ஒதுக்கியது.
இருப்பினும், இந்த பரிந்துரைகளை ஒருமனதாக ஏற்கவில்லை. இதில், மூன்று உறுப்பினர்கள் சமூகத்தின் பின்தங்கிய நிலையில் உள்ளவர்களை அரசு வேலைகளில் இடஒதுக்கீட்டிற்கும் சாதியை ஒரு அளவுகோலாக ஏற்றுக்கொள்வதை எதிர்த்தனர். கலேல்கர் தனிப்பட்ட முறையில் குடியரசுத் தலைவர் ராஜேந்திர பிரசாத்துக்கு பல விஷயங்களில் தனது கருத்தின் வேறுபாட்டை வெளிப்படுத்தி ஒரு நீண்ட கடிதம் எழுதினார்.
இந்த அறிக்கை நாடாளுமன்றத்தின் இரு அவைகளிலும் தாக்கல் செய்யப்பட்டது. ஆனால் ஒருபோதும் விவாதிக்கப்படவில்லை. நேருவின் அரசாங்கம் அதை செயல்படுத்தவில்லை.
இதர பிற்படுத்தப்பட்ட வகுப்பினர்களுக்கான (OBC) முதல் ஒதுக்கீடு
இதற்கிடையில், இந்தி பேசும் மையப்பகுதியில் உள்ள பிற்படுத்தப்பட்ட வகுப்பினர் ஏற்கனவே சோசலிசத் தலைவர் ராம் மனோகர் லோஹியாவை ஆதரிக்கத் தொடங்கினர். 1967ஆம் ஆண்டில் லோஹியாவின் மரணம் வரை, அவரது காங்கிரஸ் எதிர்ப்பு அரசியல் இந்த சமூகங்களால் இயக்கப்பட்டது.
1970ஆம் ஆண்டுகளில், ஓபிசி இடஒதுக்கீடு தொடர்பாக மாநில அரசுகள் முடிவுகளை எடுக்க அழுத்தம் கொடுக்கும் அளவுக்கு ஓபிசி சமூக அரசியல் குறிப்பிடத்தக்க வேகத்தைப் பெற்றது.
உதாரணமாக, அக்டோபர் 1975ஆம் ஆண்டில், உத்தரப் பிரதேச முதல்வர் ஹேம்வதி நந்தன் பகுகுணா மிகவும் பிற்படுத்தப்பட்ட வகுப்பினர் ஆணையத்தை நியமித்தார். இந்த ஆணையம் சேதி லால் சதி தலைமையில் செயல்பட்டது. இது உத்திர பிரதேசத்தில் ஓபிசி-க்கான ஒதுக்கீட்டை நோக்கிய முதல் பெரிய நடவடிக்கையானது காங்கிரஸ் அரசாங்கத்தின் கீழ் நடைபெற்றது. மேலும், முதலமைச்சர் என்.டி. திவாரியின் மற்றொரு காங்கிரஸ் அரசாங்கத்தின் கீழ், 1977 ஏப்ரல் மாதம், உத்திர பிரதேசத்தில் ஓ.பி.சி.க்களுக்கு அரசு வேலைகளில் 15% ஒதுக்கீட்டை மாநில அமைச்சரவை அறிவித்தது.
இருப்பினும், இந்த அறிவிப்பு வெளியான ஒரு வாரத்திற்குள், திவாரியின் அரசாங்கம் கலைக்கப்பட்டது. பிரதமர் மொரார்ஜி தேசாய் தலைமையிலான ஜனதா கட்சி, 1977 மார்ச் மாதம் அவசரநிலைக்குப் பிந்தைய தேர்தல்களின்போது இந்திபேசும் மையப்பகுதியில் காங்கிரஸை தோற்கடித்தது. இதன் விளைவாக, உத்தரப் பிரதேசத்தில் முதலமைச்சர் ராம் நரேஷ் யாதவ் தலைமையிலான ஜனதா அரசு, ஓ.பி.சி. ஒதுக்கீட்டை அமல்படுத்தியது. இந்த அரசும் அதை அறிமுகப்படுத்திய பெருமையைப் பெற்றது.
மண்டல் ஆணையத்தின் சவால்
1978-ம் ஆண்டு, பிரதமர் மொரார்ஜி தேசாய் இதர பிற்படுத்தப்பட்ட வகுப்பினருக்கான (OBC) புதிய ஆணையத்தை அமைத்தார். இது, பீகார் முன்னாள் முதல்வர் பி.பி. மண்டல் தலைமையிலான இரண்டாவது ஓ.பி.சி. ஆணையம், டிசம்பர் 31, 1980 அன்று தனது அறிக்கையை அரசாங்கத்திடம் சமர்ப்பித்தது.
இந்த நேரத்தில், இந்திரா காந்தியின் கீழ் காங்கிரஸ் மீண்டும் ஆட்சிக்கு வந்தது. இருப்பினும், அடுத்த ஒன்பது ஆண்டுகளில், இந்திராவோ அல்லது அவரது மகனும் வாரிசுமான ராஜீவ் காந்தியோ மத்திய அரசு வேலைகள் மற்றும் பொது பல்கலைக்கழகங்களில் ஓ.பி.சி.க்களுக்கு 27% இடஒதுக்கீட்டை பரிந்துரைத்த மண்டல் ஆணைய அறிக்கையை செயல்படுத்தவில்லை.
1990-ம் ஆண்டுதான், பிரதமர் வி.பி. சிங்கின் அரசாங்கம் இந்த அறிக்கையை செயல்படுத்துவதற்கான தனது முடிவை அறிவித்தது. இந்த முடிவு ஓ.பி.சி. வலியுறுத்தலின் அலையை தூண்டியது. இது வட இந்தியாவின் அரசியலிலும் ஒரு பெரிய மாற்றத்தைக் கொண்டு வந்தது. இந்த மாற்றம் காங்கிரஸ் கட்சியை பலவீனப்படுத்தியது.
2006இல் வி.பி. சிங்கின் வாழ்க்கை வரலாற்று நூலான மன்ஸில் சே ஜியாதா சஃபர் (Manzil Se Zyada Safar)-ல், ராம் பகதூர் ராய், முன்னாள் பிரதமரின் கூற்றாக “காங்கிரஸ் தலைவர்கள் அதிகார சமன்பாடுகளில் மூழ்கியிருந்தனர். சமூக சமன்பாடுகளையும், நடைபெற்று வந்த மாற்றங்களையும் பற்றி அவர்கள் கவலைப்படவில்லை... எனவே மண்டல் நிகழ்வைப் புரிந்துகொள்ள முடியவில்லை.” என மேற்கோள் காட்டினார்.
அந்த நேரத்தில் பாஜக பெரும்பாலும் பிராமண-பனியா கட்சியாகக் கருதப்பட்டது. இருப்பினும், அதன் அரசியல் அணுகுமுறையில் அது மிகவும் நெகிழ்வானதாக இருந்தது.
உதாரணமாக, உத்தரபிரதேசத்தைச் சேர்ந்த லோத் ராஜ்புத் இனத்தைச் சேர்ந்த கல்யாண் சிங் போன்ற ஓபிசி தலைவர்களை பாஜக ஊக்குவித்தது. இந்த நடவடிக்கை முலாயம் சிங் யாதவை எதிர்ப்பதை நோக்கமாகக் கொண்டது. சமாஜ்வாடி கட்சியின் யாதவ்-முஸ்லிம் மையத்திற்கு வெளியே முலாயமின் ஆதரவு பலவீனமடையத் தொடங்கியதால், கல்யாண் குறைந்தளவான ஓபிசி சமூகங்களை பாஜகவின் பின்னால் அணிதிரட்டி, இறுதியில் யாதவ் அல்லாத ஓபிசி வாக்கு வங்கியை உருவாக்கினார். பிற்படுத்தப்பட்ட வகுப்பினரை அரசியல் ரீதியாக இடமளிக்க பாஜக இறுதியில் ஒவ்வொரு நிலையிலும் அதன் தலைமையை மறுசீரமைக்கும்.
1990ஆம் ஆண்டுகளின் பிற்பகுதியிலிருந்து இது முக்கியமானதாக மாறியது. பஞ்சாயத்து ராஜ் சட்டம் (Panchayat Raj Act) மற்றும் மூன்று அடுக்கு கிராமப்புற மற்றும் நகர்ப்புற பஞ்சாயத்துகளின் ஒவ்வொரு மட்டத்திலும் இட ஒதுக்கீடு ஆகியவை வாய்ப்புகளை உருவாக்கியது. இந்த வாய்ப்புகள் பல OBC தலைவர்கள் அடிமட்டத்திலிருந்து உயர அனுமதித்தன.
அதே நேரத்தில், காங்கிரஸ் அமைப்பு தொடர்ந்து பலவீனமடைந்தது. OBC அரசியலை அதன் கட்டமைப்பிற்குள் சரியாகச் சேர்க்க போராடியது. 2006ஆம் ஆண்டு, மத்திய மனிதவள மேம்பாட்டு அமைச்சர் அர்ஜுன் சிங், மத்திய கல்வி நிறுவனங்களில் இதர பிற்படுத்தப்பட்ட வகுப்பினருக்கு 27% இடஒதுக்கீட்டை அமல்படுத்தினார். மண்டல் அறிக்கை செயல்படுத்தப்பட்டதிலிருந்து இந்த திட்டம் நிலுவையில் இருந்தது.
இது இதர பிற்படுத்தப்பட்ட வகுப்பினருக்கு ஆதரவாக எடுக்கப்பட்ட மிகப்பெரிய முடிவுகளில் ஒன்றாகும். இது இதர பிற்படுத்தப்பட்ட வகுப்பினரின் அரசியலில் ஒரு தீர்க்கமான தருணமாகவும் மாறியது. இருப்பினும், இந்த முடிவால் காங்கிரஸ் கட்சி மிகக் குறைந்த அரசியல் பலனைப் பெற்றது.
2010ஆம் ஆண்டில், UPA-2 அரசாங்கம் சாதிவாரி மக்கள்தொகைக் கணக்கெடுப்புக்கு நடவடிக்கை எடுக்க முயன்றது. 2011ஆம் ஆண்டு மக்கள்தொகைக் கணக்கெடுப்பில் சாதி மற்றும் சமூகத் தரவுகளை சேகரிப்பது குறித்து அப்போதைய சட்ட அமைச்சர் வீரப்ப மொய்லி பிரதமர் மன்மோகன் சிங்கிற்கு கடிதம் எழுதினார். ஆனால், உள்துறை அமைச்சர் ப.சிதம்பரம் மக்களவையில் இந்த முடிவை எதிர்த்தார். பிரதமர் மன்மோகன் சிங்கின் அரசாங்கம் இறுதியில் முழுமையான சமூக பொருளாதார சாதிவாரி கணக்கெடுப்பை (Socio Economic Caste Census (SECC)) நடத்த முடிவு செய்தது.
சமூக பொருளாதார சாதிவாரி கணக்கெடுப்பு (SECC) தரவு 2016இல் வெளியிடப்பட்டது. ஆனால் இன்னும் பொதுமக்களுக்கு கிடைக்கவில்லை. இந்தத் தரவு "நம்பகமானது அல்ல" (not reliable) என்று மோடி அரசாங்கம் கூறுகிறது. இதன் பொருள் கலேல்கர் ஆணையம் சாதிவாரி கணக்கெடுப்பை பரிந்துரைத்து எழுபதாண்டுகளுக்குப் பிறகும், இந்தியாவின் OBC மக்கள்தொகை குறித்த துல்லியமான மதிப்பீடு இன்னும் இல்லை.
சமீபத்திய ஆண்டுகளில் ராகுல் காந்தி சாதிவாரி கணக்கெடுப்பை வலியுறுத்துவது, கடந்த காலங்களில் பல ஆண்டுகளாக காங்கிரஸ் ஆட்சியின் போது தவறவிட்ட பல வாய்ப்புகளை ஏற்றுக்கொள்வதாகவும், பாஜகவை எதிர்கொள்ளும் நோக்கில் கட்சியின் அரசியலை மறுசீரமைப்பதாகவும் உள்ளது.
Original article:
